219
49
34
4-min walk from Exit B3, Mong Kok MTR Station continue reading
Telephone
23938012
Opening Hours
Today
11:30-22:15
Mon-Sun
11:30-22:15
Payment Method
Visa Master AE Cash UnionPay
Number of Seats
70
Other Info
May Bring Your Own Wine
Cake-cutting Details
Parking
Phone Reservation
Delivery
10% Service Charge
Vegetarian
Review (327)
Level4 2017-11-20
41 views
6299來港是大project,當然不是陪食一餐半餐能了事,星仔已經預早plan定這幾天的食程,盡量安排每一餐都食不同的菜式。有拜神的6299雖然沒有規定初一十五食齋,但我們也安排了其中一餐茹素,因為之前食過素食一家,味道不錯,菜式又較一般老式齋菜店特別,所以就帶6299來試試。*****************素食一家距離旺角港鐵站僅五分鐘路程,兩老不用走太遠,都非常方便。店內裝潢跟新式茶餐廳差不多,座位以方形二人桌為主,沒有太多擺設,但都簡單四正。涼拌海蜇手撕雞($48)這是一道帶點微辣的涼拌前菜,內有青瓜、紅蘿蔔和素手撕雞。素手撕雞雖然口感不太像雞肉,反而帶點爽口,但辣辣地都幾惹味。香脆拼盤($78)香脆拼盤雖然看似沒有甚麼特別,但其實入面不單是常見的南瓜、芋頭般簡單,因為入面還有較少見的秋葵和西蘭花,都幾驚喜。炸秋葵炸漿既薄且脆,油量適中不會吃到成口油,秋葵雖然有一點黏液,但比想中易接受。炸鮮尤是用素菜常宮麵根製成,食落帶點彈口,口感像魚蛋多一點。炸西蘭花都是第一次見,想不到又同炸漿夾到。日式炸龍蝦球($78)所謂日式其實就是Wasabi,每粒龍蝦球外都有厚厚的Wasabi醬,入口帶點搶鼻,非常過癮。龍蝦球同樣用麵根製成,口感跟真龍蝦球完全一樣。籠仔雲耳靈芝菇蒸猴頭菇($88)這是由多種不同菇類製成的素菜,蒸籠內以切片猴頭菇墊底,上面放上靈芝菇、雲耳和紅棗,一睇就聯想到養生二字。菇上打了一層芡汁,增加食味之餘,亦令食材閃令令,像掃上光油的畫作一樣,增加食客食慾。桂花圓肉紅棗雪耳羹($29)雪耳羹有冷熱可選,入面佈滿不同食材,非常足料。甜度亦適中,十分滋潤,最適合近日較為乾燥的天氣。Happy Cow雪糕($38)Happy Cow雪糕是一款不用奶和蛋製作的雪糕,通常只見於有機食品店。上次食素食一家都有食過,見味道不錯,今次又試另一款口味。今次我選了薄荷朱古力,顏色不像想像中的薄荷綠或深啡色,估計因為沒有加入色素。但入口朱古力味亦不濃,有點令人失望。總結,除了進口貨Happy Cow雪糕有點令人失望外,其他菜式都令人滿意,當中日式炸龍蝦球和香脆拼盤是驚喜之作,雖然沒有新派中菜館般亮麗的裝潢,但價錢卻非常合理,茗茶亦只需$5,比點心點還要便宜。 continue reading
(The above review is the personal opinion of an user which does not represent OpenRice's point of view.)
🥗悠閒素食Lunch🌼 Featured Review
Level4 2017-11-07
464 views
我媽都算係一個食肉獸黎,成日叫佢食齋都唔理我,話食齋有乜好食。今日放假終於說服到佢一齊食素食,一入去被安排坐卡位,環境整潔企理,而且座位寬敞坐得舒服。🍴香煎竹笙腐皮卷 $88腐皮卷表皮咬落香脆,表層醬汁唔會太濃。內餡有竹笙、木耳絲、菇絲,食落清爽,口感豐富。🍴秘製一家蓮藕餅 $85表層灑上椒鹽調味,食落香脆爽口,唔覺有油膩感。兩片蓮藕中間夾有芋泥,外脆內軟,相比夾肉更加好食。🍴籠仔雲耳靈芝菇蒸猴頭菇 $88本身係叫菠蘿咕嚕猴頭菇,職員聽錯左變左蒸猴頭菇,不過錯有錯著,呢道餸味道都唔錯。猴頭菇切成一片片,食落好滑,似食緊豆腐甘軟腍。整體清淡中夠入味,健康又好食。🥄原盅老火素湯 跟餐湯材料有雪耳、黃豆、蓮藕,清清地,就算無放肉都好飲。🌼薑茶菊花 $38打開蓋,一朵菊花呈現眼前,薑茶底,微辣。菊花係豆腐切成,豆腐幼滑輕甜,整體感覺古典雅緻。🍦Happy Cow雪糕$38純素雪糕都係第一次食,用椰漿、椰糖混製,再加入果醬而成,無添加人造味精、食用色素同防腐劑。簡左咖啡味,食落似拖肥,但微甜,感覺食多幾杯都唔會漏。經過呢餐後,媽媽食得好滿意,話估唔到食齋都會好味,搵機會再帶佢黎先得la。 continue reading
(The above review is the personal opinion of an user which does not represent OpenRice's point of view.)
令人花多眼亂的齋菜 Featured Review
Level4 2017-10-01
2241 views
之前食過兩次素菜店後,發現現時的素菜店素菜款式甚多,不單只有傳統的素菜,還有多款新式有創意的素食,以假亂真,令人歎為觀止。今日去了旺角新世紀橋底附近的素食一家,尋找一些未曾試過的菜式。茶位$5及另收加一。菠蘿咕嚕肉:咕嚕肉份量十足,有三色椒及菠蘿做配料,味道酸甜,味道及外型跟平時食到的分別不大。咬開咕嚕肉後,裏面的一絲絲肉簡直跟真的一樣,只是少了點豬肉味道,無論外型質感似到十足十。松子黑松露炒飯:一上枱就飄來一陣黑松露香味,黑松露均勻地分散在飯內,每啖都可以吃到黑松露的味道。松子很香脆,不過比較少,如果多一點會更好咬口。炒飯飯粒分明,咸度適中,炒到很爽口。靈芝菇肉鬆豆腐:肉鬆份量比較少,在豆腐面撒上一小撮,不太能吃出味道,反而豆腐份量十足,有7-8件,外面豆腐皮煙韌,裏面軟滑。靈芝菇很有咬口,但菇味不太香。白麥汁:除了是無酒精外,味道跟平常的啤酒分別不大,只是麥味比較淡及甜度較低,是一款幾特別的飲品,只不過我個人覺得啤酒是比較好飲。芝麻糊:芝麻香味十足,而且非常濃稠,甜度適中,質感幼滑,非常好味,但價錢較糖水店貴。總結:食物款式很多,做法有心思,令人真假難辨,價錢公道,值得再去。 continue reading
(The above review is the personal opinion of an user which does not represent OpenRice's point of view.)
得閒無事食下齋 Featured Review
Level4 2017-09-30
1351 views
香港人這幾年愈來愈注重健康,跑步、行山等運動盛行,而且放入口的都越來越有要求,有機食品越來越多。今日為了健康,去了位於洗衣街潮州公學對面的素食一家,食下齋菜順便積下福。因為想食點特色的素食,所以決定單點。涼拌海蜇手撕雞有青瓜絲、紅蘿蔔絲、素海蜇及素雞絲,配以辣汁,所以整個小食都有點辣味,令素菜增添了一點味覺上的刺激感。手撕雞質感跟真的雞肉無異,不過比普通雞肉多了點煙韌。海蜇很爽口,但跟真的有點出口,素的比較腍。香煎自家野生竹笙腐皮卷腐皮卷共有六條,配上菜心伴碟,令整體更清新。腐皮卷外層煎得香脆,即使淋上茨汁都不會很腍,應是即叫即炸才能在上枱後依然保持脆口。餡料有木耳竹笙等,非常爽口,而且不油膩。豉椒鮮菌百葉豆腐脆麵配料頗多,百葉豆腐切片後較腍,有幾款雜菌,非常爽口,還有大量的青黃椒配搭在內,加上豉汁的味道,不會太咸。脆麵炸得香脆,不過份量比較少及較碎,加上豉汁調味,確實不錯。北海道芥末龍蝦球一共有八粒,醬汁是芥末沙律醬,有點酸甜味道。龍蝦丸質感跟真的一樣,又爽口又彈牙,是最有驚喜的一道菜式。泰國山竹汁比較酸,但山竹味尚算濃郁。總括而言,素菜真假難分,有創意,味道可口,價錢合理,得閒無事去食餐齋,當清下腸胃,確實不錯。 continue reading
(The above review is the personal opinion of an user which does not represent OpenRice's point of view.)
Green Monday 推介 Featured Review
Level4 2017-09-06
2043 views
近年興起Green monday, 除咗係提倡環保減碳生活之外, 亦帶起健康同崇尚自然嘅素食潮流。呢間位於旺角洗衣嘅【素食一家】, 煮打自家創作嘅創意菜式, 奉行少鹽、少油、少糖嘅烹調方法, 務求令食客品嚐到食材最天然原始嘅味道。呢間餐廳嘅菜式種類相當豐富,由開胃小食、川式系列、特色小菜、以至甜品都包羅萬有。一坐低就梗係叫番個《齋鹵味拼盤》$58啦, 齋鹵味拼盤包含素叉燒、酸齋、齋鴨腎、同蠔油齋。 個人最欣賞嘅就莫過於蠔油齋啦, 蠔油齋鹹淡適中, 而且滲出香濃嘅麻油香。 意齋鴨腎口感亦非常煙韌, 酸酸甜甜, 味道出色。另一道小食《北海道芥末龍蝦球》$78 亦令人相當驚喜, 從賣相來說根本分不清是真是假, 龍蝦球咬落相當彈牙,口感維肖維妙, 同枱的小朋友食得相當開心。至於主菜,就叫咗《香煎自家野生竹笙腐皮卷》$88, 呢個負皮卷屬餐廳招牌菜, 果然名不虛傳, 腐皮卷煎得非常甘香可口, 金黃色嘅腐皮咬落卜卜脆, 裏面嘅餡料亦同樣豐富, 有非常爽口嘅竹生同木耳,仲有味道香濃嘅菇菌, 可謂一道又健康又美味嘅素菜。另外一叫咗小朋友至愛《菠蘿咕嚕肉》$88, 呢度菜式可謂以假亂真,咕嚕球用咗素肉丁嚟代替, 食落較為健康, 但亦能保持肉質嫩滑嘅口感。 另外亦加入咗色彩繽紛嘅青椒、紅椒、以及菠蘿,除咗增加食慾外,亦令纖維量增加, 食落更加健康。呢間素食餐廳亦提供咗好多特色飲料, 其中嘅《全天然山竹汁》$22 絕無添加糖分, 果香十足,有如食新鮮嘅山竹果。另一款係來自德國嘅《白麥汁》$23, 本人本身係啤酒愛好者, 想不到呢支白麥汁味道竟然可以媲美德國嘅麥啤, 啤酒帶有微量氣泡, 亦帶有啤酒花嘅甘味,最重要嘅係零酒精, 飲落超級健康, 絕對唔傷身, 可謂過足癮。最後呢度有一款特色甜品《薑茶菊花》$38, 呢杯薑茶菊花製作需時, 皆因廚師要將豆腐花切成幼絲, 形狀就有如盛開嘅菊花,一打開杯蓋, 薑嘅香氣溢出,呷一口,果然係薑越老越辣, 飲完令人全身熱血沸騰。呢家【素食一家】 對素菜如此用心, 所以經常都座無虛席, 下次想green monday嘅時候, 不妨考慮下呢間餐廳啦。 continue reading
(The above review is the personal opinion of an user which does not represent OpenRice's point of view.)