VA BENE Italiano

Open Now

Now Closed

在又一城閑逛， 直到晚飯時間， 路過此店睇左佢門口菜單，就決定點了一份黑松露意粉外賣試下， 可能人客唔多， 佢十分鐘就起到菜。 佢個袋好大個， 我又無為意佢份量有幾多。 當返到屋企開嚟睇，份量太少，味偏鹹，味道一般。

發掘到一間幾高質嘅意大利餐廳，其實之前嚟食過下午茶都覺得唔錯，今次試埋晚飯仲高質喎🍕意大利辣肉腸薄餅大大個pizza，芝士好香又拉絲，但係軟熟嘅，唔係香口膠質感，好正，辣肉腸好厚又有肉味，薄餅底薄又脆，食淨咗一半攞返屋企第二日焗返熱嚟食都好好食🐟烤龍脷魚好少出街食飯叫一條魚😆咁樣煎焗嚟食又幾好食喎，魚身好厚肉，好入味，仲有特別樣嘅配菜，幾得意仲有麵包籃都好好食，有幾款唔同嘅麵包，每樣都好食，仲要熱嘅，呢樣真係要讚

今次去咗VA BENE Italiano體驗下，真係一個非常nice既食肆。食物方面，無得輸喎。開頭嗰碟黑松露多重芝士薄餅，咬落去即刻覺得芝士醇厚得黎微微帶黑松露香氣，惹味到不得了。而家講到主菜，Canadian Pork Rack真係有咬頭，肉質鮮嫩、多汁，而配上果味的蘋果醬，啖啖肉香中帶一點點甜酸，鬼香添！至於飲品，我個Strawberry Basil清新得黎又解膩，而個Mojito就夠晒哂提神。食甜品Tiramisu嘅時候，個滋味真係令我為之一振，完美咁結束呢個浪漫飯局。環境同服務都係掂晒，令人食得心情都好，好啱同三五知己一齊嚟搞搞氣氛。夠曬意式風情，班友都滿意過。下次又要再嚟試下其他款！🍝🍷🍰

1月9號帶同4位朋友，一行5人慶祝生日選此餐廳進食，誰知食物質數差得很，海鮮不新鮮，已放很久，可能昨日留下，牛排有筋冇味道，沙律菜好一般，跟去年食物差距太大，以後不會再來。

一月中同朋友聚餐. 朋友推介呢間. 叫左幾樣野, 兩支酒. 食物水準幾好. 叫斧頭扒 medium rare, just right, 好食. 我之前睇過食評話服務態度好差. 今次覺得服務態度好好, 好細心. 可能服務已經改善左. 

第二朝要早起返工，咁啱又有旅發局之前派嘅$100 coupon,生日飯就近近地去咗又一城食🍽️呢間意大利餐廳，環境不錯，座位唔會逼，幾舒服😌即日下午喺Open Rice 訂枱仲有位，仲有指定飲品🍹買一送一優惠✌🏻落咗order之後侍應俾咗一籃麵包🥖我哋，可以配vinegar食，ok的👌🏻我哋4個人叫咗以下幾樣野：✅Classic Caesar Salad🥗$168啲菜幾fresh, 4人share份量啱啱好😌✅意式蕃茄醬海鮮薄餅🍕$198餅底同餅邊好薄，我幾鐘意，因為唔會太heavy。鬼佬就麻麻地，佢話太薄唔似pizza😂上面啲材料都ok,有蕃茄、吞拿魚、蝦🦐、onions、mussels & squid。我覺得幾清冇太多醬，鬼佬就話太dry😂✅Mushroom Risotto $198多菇，啲汁都好重菇味，幾熱。不過份量偏少，4個人每人食到1-2匙左右😅賣相都麻麻地😑✅700g US Black Angus Ribeye $748有少少chewy, 有少少肥，同之前食過嘅其他ribeye 比較，咁嘅價錢嚟講佢真係麻麻地😅不過份量ok,4-5個人share 都ok👌🏻亦都煮到medium

年頭同朋友試過一次，果次已經覺得好驚喜，佢地嘅送上嘅牛角包真係不得了，又暖粒粒又脆卜卜，淨係為個包都可以返黎！其他食物頭盤，意粉，牛扒都做得好出色！所以就訂位年尾再去食多次！介紹俾老公😆今次嘅包包唔夠熱係有嘅失望，不過送嘅包就無所謂啦🙊頭盤叫左我最愛嘅八爪魚同紅蝦他他！水準都仍然有水平，老公都話好食😋到小朋友嘅肉醬意粉，我仍然想講，佢嘅手打意粉真係好好食！好有咬口！仲有味道真係好吸引，無論大人小朋友都會啱口味！牛扒仍然好有水準，本來想叫多個甜品，但真係太飽，食唔落！唯有下次再試🫶

咁耐以來，第一次寫食評！本身諗住生日去食，叫咗個甜品點知食到一半就有隻好似螞蟻嘅物體，仲喺度郁緊！叫服務員，同我講因為有植物裝飾所以先會有隻野😥😥真係冇下次

今晚同朋友book左1830食晚飯，早到左五分鐘入座，同朋友先點左兩款菜式，食左大約三十分鐘，突然有位女侍應埋枱問我地會唔會叫甜品，我地當刻被突如其來一問感覺奇怪，而且剛先食緊一陣，就答唔會，女侍應一面不悅對住另一方向同事講”唔會”，之後分別三到四次有另一位女侍應就會行埋黎狀似觀察我地食到咩情況，終於等到我地食剩幾粒薯仔傾緊計，佢問係咪Finish ?我地話係，佢即刻收走(唔係問題)，問題係我地未叫埋單之下已經即刻有另一同事遞張單埋黎，朋友忍唔住問係咪有限時，對方話係，但我地入座時從未有人同我地講過，再者我地望望錶，只不過係食左一個鐘頭零五分鐘。如果真係有人會處理或睇食評內容，平心而論請問合唔會理？而香港食店不論係咪集團形式，請先好好檢討自己經營手法同培育職員服務態度，而唔好抱怨別人北上消費，真係唔該哂。

🍰 時尚意式風情二人下午茶鹹點同甜點都有6款🤓大家可以留意番而家個menu ~ 但小編除左覺得個鬆餅味道比較正常，其他都一般🤣🤣🤣🤣甜點既話焦糖燉蛋、Tiramisu同木糠布甸都唔錯🤓其他就都係甜甜甜甜甜甜🤣而家openrice 見到有優惠券買～訂座預付優惠：$368享用【2位用1時尚意式風情二人下午茶[已連服務費］（價値：$404.8）🥸🥸唔介意啲野食比較普通，想chill下嘆杯啡食下野傾下計，其實都唔錯既🤣

餐廳座位寬敞，有情調，用餐感覺輕鬆寫意。💕🍕巴馬火腿火箭菜薄餅薄餅配以24 個月風乾巴馬火腿、火箭菜和香醋。巴馬火腿肉質柔軟、味道細緻，鹹香味適中。火箭菜新鮮健，唔會苦。薄餅邊位好鬆脆！🥗Va Bene Salad 沙律配以生菜、梨子、杏桃乾、羊乳乾酪、杏仁、松子。羊乳乾酪味道濃郁，沙律菜新鮮。🍨Tiramisu 意大利提拉米蘇係二人份量，非常大份！奶香濃郁，口感順滑，惟略嫌欠缺酒香，而且蛋糕偏乾。

依間餐廳曾經係蘭桂坊開業超過二十年，當時算係香港人氣數一數二嘅意大利菜始祖，之後輾轉遷移到上海，被評為上海五大最佳餐廳！餐廳近年將重心回歸香港，係又一城重開😳午市嘅semi buffet非常受歡迎，最初只係百幾蚊，雖然加左幾次價，但仍然吸引到我回頭🙈依家平日$278一位，有超過二十款沙律同熱盤前菜🥗有燒牛肉、燒雞、青口同虎蝦等海鮮🦐仲有多款甜品🍰我覺得燒牛肉同沙律通粉好好食，特別係自家製意粉煙韌彈牙🤤唔夠飽可以每人叫一款主菜，有意粉、pizza、魚同牛扒等，大部分款式只係加$20，可以幾個人一齊share！餐廳refill速度快，保證食到飽，以半自助餐來講性價比高👍🏻

We went there for tea set for 2. 1 of us ordered free flow Prosecco and then the other of us ordered 1 orange juice. After 5 glasses of wine, the staff asks us if we know that the free flow wine could not be shared. And when we ask him to explain, he said someone saw us share the wine. This is an non-factual accusation and we demand an apology from him. After a short while, the other staff said he was off already. With the wrong accusation us us, this attitude is unacceptable, and they refuse to

一心星期日諗住同小朋友開開心心食一餐，掂知－肚氣，十一點幾去到，無咩人，食物係新鮮嘅，之後個侍應成日走嚟問叫主菜未，其實佢個半自助餐我哋仲啱啱食緊第－𨍭，之後人開始多，我哋叫咗主菜，要等，明白嘅，但佢限時90分鐘，我哋個主菜等咗半個鐘都未到，之後等杯熱檸茶，又等咗20分鐘….最過分嘅係，埋單時佢收我個女大人錢（好似話十歲以上要收足）我個女得嗰120cm都唔夠….😤個侍應好串咁話要show證明，咁掂吖，食自助餐要帶小朋友身份證？我食咁耐自助餐第一次聽，人哋大酒店幾舊水－個都唔會咁計啦，好似我哋𠱓佢咁，😤之後我唔忿氣，係電話搵到個女身份證俾佢睇，佢對唔住都唔講聲，真心咁嘅態度，你再好食我都唔會再嚟！！！

最近有次星期六過嚟九龍塘上堂，順便在又一城食個lunch，這間餐廳可以網上訂座，所以訂枱諗住試吓新嘢 我嗰日訂咗2:00，遲咗放工 2:15 去到，侍應態度非常惡劣，說明要標示我們為缺席星期六有 semi buffet lunch，其實我知道咁遲去到有啲唔抵，不過因為趕時間，又非常肚餓，所以諗住去到就照食$298 buffet only，但 $318 就可以叫埋主菜，我哋當然揀咗 $318 唔知係咪因為我嗰日太晏去到，自助沙律吧唔算好多選擇，凍海鮮包括蝦、青口和煙三文魚等，嗰日芝士得返好少，唔夠喉沙律菜的選擇亦唔算好多，都算新鮮，不過全部都係好 raw 的基本嘢，之前試過其他餐廳的 buffet bar 通常都會有一啲特別 mix and match 沙律，這餐廳相對起來好似冇乜心思香辣蟹肉蕃茄扁意粉：蕃茄辣醬汁味道不錯，蟹肉都夠多，扁意粉掛汁一流，如果醬汁可以濃稠少少會更加好 四季蜜糖芝士薄餅：這個薄餅其實非常大份，餅底覺得好脆，蜜糖和芝士的配搭幾新鮮，我特別喜歡廚師加咗好多 blue cheese，香味好濃，好可惜我哋兩個人食唔晒成個Pizza，唔想浪費，問侍應拎個食物盒打包被拒絕