Video
Opening Hours
Today
08:00 - 22:00
Mon - Sun
08:00 - 22:00
Above information is for reference only. Please check details with the restaurant.
晚餐點了一條豉椒蒸䱽魚，䱽魚來到後味道非常之咸，跟住服務員反映，答案是係咁㗎啦！你第一次食啊！我哋呢啲係鹹鮮嚟㗎！跟住就走咗去。然後我再叫另外一位服務員來反映返問題，我話太鹹根本食唔到 ，佢就話呢啲係你哋嗌㗎嘛！仲問我想點。真係嬲到爆，跟住立刻起身埋單走，以後不會再幫襯。現在還有這樣的服務態度，香港真係死了。
continue reading
門口招牌寫港味，好少見呢個名，無為意係邊個集團旗下品牌。入到去見枱面就開估喇，原來係海港。價錢比海港平，款式都好多，除左酒樓點心燒味之外，亦有普通小菜，同賣兩餸飯賣。點心有d新派，例如蝦餃咁，搵極都搵唔到，原來係扮緊桔仔，不過似唔似呢? 同牆上幅相就有d唔同喇...其他點心味道都唔差，亦夠熱。 侍應態度就一般般啦....而舖頭最勁既位，應該係有海景睇喇！
continue reading
今晚到港味吃飯，可以咁講，價錢佢哋係好相宜，但係無論食物同服務都可以做好啲，否則，更平都冇用。蠔仔泡飯，蠔仔唔新鮮；其餘嘢正正常常； 女樓面亦正正常常，本應覺得以咁嘅價錢，算是還可以；最勞氣係最後埋單時，問收銀員攞單睇，佢黑晒口面咁掟張單俾我。呢個收銀員，上次已經係咁態度惡劣，本人行埋去埋單，佢一路做自己嘅嘢，我見唔係趕時間就等等佢，等到後尾越嚟越多人排隊埋單，佢先開始理我。呢啲咁嘅服務性行業員工，簡直係倒米，為香港飲食業悲哀。
continue reading
以前飲茶去過幾次都已經覺得麻麻地，主要係屋企人成日都想試吓食佢夜晚，點知出晒事，呢世都唔會再去。😤⁉️冇態度我到先，我去攞位，唔知做咩咁爆，油塘真係冇嘢好食？😶🌫️俾咗張舖頭中間嘅位，但係屋企人到之前有三張窗邊卡位嘅人走，我就問「可唔可以調位呀？佢哋啱啱走，我屋企人都未到」，個阿姐即刻話：「啲枱都係一樣嘅啫，我啱啱俾咗張枱你，你又調？」，我話佢哋比較鍾意窗邊位，佢哋未到，你唔使急慢慢，佢哋到咗都係一樣會請求調位。跟住佢就口up up執枱，話我搞到佢又要執枱，我頂唔順就講咗句：「其實你係咪都要執枱，我都冇催你⋯」😠仲話：「茶壺同碗碟，你自己拎嚟啦」真係成肚氣😡⁉️講嘢1999落單係scan QR code，但做緊一個優惠係可以$1叫燒鵝或者雞，我就見到上面呢兩樣都話售罄，我就去問吓。今次係另一個阿姐，佢話：「你要落咗原價先，我哋係要手寫幫你改單」咁我就以為要落咗原價嘅燒鵝先，我就話但係個網上面話佢售罄我落唔到，總之講完一大餐，佢意思係叫我落我其他原價嘅菜式，等我開咗張單，佢先可以手寫幫我落$1優惠嘅嘢😇⁉️冇食物質素叫咗佢$1燒鵝，二至四人份量，佢聲稱係¼隻燒鵝，嚟到有一半都係肥膏（圖4）😀我哋反映希望換，個阿姐都望一輪猶豫再三先至拎返去換，換完返嚟冇特別好咗感覺仲少咗，張圖少左兩舊係我哋夾咗嚟食😹（圖6）叫咗$45半打小籠包（圖9），嚟到全部本身都係穿咗，我哋仲要等咗半個鐘😀叫咗個金磚豆腐（圖10），45分鐘先至嚟到，當中我催過兩次，而啲阿姐第一時間並唔係催促廚房，而係走去check我係咪真係等咗45分鐘。上菜嗰一刻阿姐竟然仲話：「一講就到」😀啲嘢唔係特別好食，服務差到我真係唔會再去第二次，食物嘅選擇都唔係多。
continue reading
入黎食前問左門口位姐姐，佢話所有點心計小點價，咁ok la入黎食坐左喺度，叫我地手機落單，話選左就得，之後會轉做小點價。咁我地簡左6樣，其中，原來珍珠雞係唔計落小點（佢地話蒸點喎）係計30蚊（其他18蚊）咁就話取消，佢地先後黎2個呀姐，一個話點左唔取消得，而且蒸緊啦（好快😵💫😵💫）。另一個話要經理返黎先取消得（冇負責人在場喎）轉頭就黎左珍珠雞，我地問唔係話等經理返黎取消咩？個姐姐就話冇啦，出左野就冇得取消😑😑焗食囉食到咁上下再睇睇點既野有冇未上齊，發現原來取消左，再加返單🙄🙄即係點呀？上左點心焗你食，再做個樣話可以取消，見你食左就話做左野呀？又話唔取消得既？3點半下午茶時段可以輕鬆入座（樓上十勝牛，連pizza jat都要等位）都做到咁，真係多乜謝，唔怪得差評多過正評👋👋
continue reading