Video
Above information is for reference only. Please check details with the restaurant.
$268加一入去前問係咪好大 碗，服務生表示兩個人夠食🤔係好味但。。。。會唔會細左少少呢，因為睇d 人影相影到好大碗，但入去之前都問多一次。。真係覺得兩個人夠食嗎
continue reading
九龍城冇咩日本和食店，要揀就真係好難，搜尋op有呢間，就去試下。新裝修的門面係比較local的日式店設計。室內設計反而不錯，紙燈很有趣，有個小bar枱，甚有日式居酒屋feel。雅緻的setting，可見餐墊有精心揀過的。免費送上中華沙律作前菜，都幾好味道。很多新鮮食品寫係牆上。簡單的menu。食下魚生飯，醬燒油甘魚丼($148)，以為係充滿魚油肥美的油甘魚，可惜係熟透的，可能係我解讀錯，如果係炙燒會更好。飯質量都ok，丼來說，不算少。友人要雜錦刺身丼 ($128)，稍為火炙了一下，呢個反而好食些，食到魚生的感覺。小食唐揚雞軟骨($38)，有D葱花一齊炸，幾有特色，好味道！燒油甘魚餃($88)魚肉嫩滑，可惜不夠魚油，有些乾。
continue reading
話說.. 工作繁忙... 好耐無休息過今日放工.. 喊住叫朋友帶我去食魚生飯由於.. 其中一位朋友唔係咁鍾意我食開o個間所以佢上網搵左第二間帶我去試一心食魚生飯既我..好想食魚子.. 幾個魚生飯餐入面只有呢個係有魚子的所以我選擇左呢個個飯一上枱, 待應同我講三文魚子唔夠, 所以比多左三文魚我其實, 我係有點失望既比想, 點解事前唔同我講聲先而魚子味道不錯.. 新鮮, 唔腥而三文魚都OK, 不過不失反而一讚, 佢地既飯幾好食醋落得岩岩好再加左小小有味粉唔錯雞軟骨大大粒而無日都有優價串燒我地叫左燒雞肝而燒魚胶燒得耐左小小肉質有小小硬總括味道其實唔差但無事前通知, 呢一下.. 大大減左分
continue reading
朋友介紹，食刺身一定要食呢間，日本空運到港，加上重成本既冷藏櫃，每款都供應數量有限，因為係用長時間解凍程序，另到刺身保持新鮮，唔係個啲係大凍羅出黎放細凍，就叫解左凍個種！非節日既話，有set，係抵食既！叫刺身定食，真係好鮮甜，可以細嚼品嘗個種，大啖啲我都覺得浪費左！我多數唔會專登揀要邊款刺身，由切個個話事！本身唔係太好日本料理既我，多數唔知自己食緊邊樣，除左赤貝，三文魚，等，常見個個啲知之外，不過佢比得你既都好鮮，唔同種類既刺身，都味道分明！街外好多食左都唔知咩味！定食個飯，好鬆軟，少少酸meimei，好開胃，好想食多幾碗！其他配菜，蔬果都好新鮮！有次去無set，埋單覺得有啲甘同埋如果食得飽，都會好甘
continue reading
辦完事經過九龍城，感到疲累的我倆已沒有什麼興致再細挑食店了，剛好行經這裏，便入內一試吧！只有門口位和近廁所位供選擇；這麼熱的天氣，厠所位便廁所位啦，好在沒有什麼怪味。第一次嚟，還是叫些穩陣之選吧。刺身/壽司之類是當然不會點的項目。在幾個套餐中揀了雜錦天婦羅定食及西京燒銀鱈魚定食、一支細的久保田千壽。雜錦天婦羅定食（$128）～ 套餐主要有是日精選沙律，雜錦魚肉刺身加沙律菜，內有油甘魚、三文魚及吞拿，放入口只有齋𡁻的份兒，食不到咩魚打咩魚的味，不點剌身確是明智之舉！自家制前菜 ～ 原來是木耳，味道微酸微辣的。雜錦天婦羅，食材主要有二隻中蝦、茄子、番薯及南瓜，炸得幾脆口，但食材沒有什麼味道，而且蝦肉不夠新鮮。白飯，不用貴的日本米是可以理解，但飯煮到太淋身，一舊舊，那就未免差左啲了。味噌湯，反而覺得是比較好味道的一味😂西京燒銀鱈魚定食（$148）～ 套餐的配套大致上一樣，只是主菜不同。銀鱈魚油份豐富，香煎過後，都幾難唔好食。久保田清酒（$150）， 酒精味偏高，唔夠純厚，但作為晚飯配酒，也是合格的。
continue reading