18
4
6
1-min walk from Exit A2, Sheung Wan MTR Station continue reading
Telephone
24092409
Opening Hours
Today
12:00-22:00
Mon-Sun
12:00-22:00
Payment Method
Visa Master Cash UnionPay Octopus
Other Info
Wi-Fi
Spot payment
Review (33)
如果要數近年人氣最旺的食物,相信不得不提海膽。由街頭巷尾的巨型海膽手卷,到不同料理店的海膽菜式,都得到大家的歡迎,相片更是非常 instagramable。 平有平食,貴有貴食,我最近很喜愛光顧這間「海膽屋」。 小店的格局,不收加一。若單憑海膽來說,可以說是豐儉由人;由最平的韓國馬糞海膽,到中價大塊加拿大海膽,到日本貴價海膽都齊全。 各式豉油及汁醬任君選擇: 又有即開的生蚝及赤貝: 之前來吃手卷,三個地方的海膽都吃過,性價比最高的是加拿大。今天我改吃了丼飯,也不算貴。 「原版馬糞海膽陪阿根廷牡丹蝦丼」$138 韓國的味是較淡清香,用足一版,雖然未及加拿大的柔滑質感,和鹽水海膽回甘味重,以這個價錢吃到一版都相當抵,起碼新鮮沒有出水。 三隻阿根廷牡丹蝦是大得誇張,有我一隻手板這麼長!非常肉厚,我就略嫌它有一丁點腥,若以足料來衡量的話其實是無話可說。 另外點了一個「三文魚子蟹子丼」$98 本來我想要全部都是三文魚子,我的 comfort food ! 可惜不能轉,要另外再買一份,我覺得分量又太多了,就這樣吧! 一大堆鹹香的三文魚子,好滿足;蟹子一向不是我杯茶,份量卻下得很多,食落口每啖爆開 pop pop 聲,過癮,鮮味亦不算差,雖然我叫了少飯還是很大份,$98 抵吃。(好像還送一碗麵豉湯,不過我沒有攞,這點未能確定) 這裏一系列海鮮,售價貼地,最緊要係食得開心。 continue reading
(The above review is the personal opinion of an user which does not represent OpenRice's point of view.)
Level4 2017-05-01
2002 views
上環地鐵站旁邊有間魚生店成日人頭擁擁。放工落到黎搵嘢食呢,就試試佢囉。店舖細細,樓面嗰位女士呢,相信都係老闆娘嚟架啦。一入去都幾好笑容招呼你架。不過感覺都有啲cool cool地。所以費事係人哋個鋪入邊周圍影啦。係咪好壯觀呢?叫咗咁多野先至三百幾蚊咋。因為有名你叫海膽屋,咁梗係要叫下海膽試下啦。咁我老公話:一係唔試、一試試最貴最好嗰個啦。加拿大海膽手卷係$59一個。佢話有半版海膽。的確係足料嘅!而且啲海膽係好新鮮,唔會有一陣噏味。係咁甘甜甜而且係好多汁。真係超正!推介俾你哋!跟手就食佢個前菜螺肉仔啦。新鮮彈牙,個汁都好好味。定比起你去迴轉壽司食嘅新鮮,唔會雪到啲汁杰撻撻。鍾意食蔬菜嘅我梗係要整返個芒果沙律啦。佢呢個沙律嘅份量非常之大,兩公婆食都夠啊。芒果呢又好新鮮,而且佢比好多蟹子係面。所以$48係合理。呢個八爪魚sushimi呢不得之了!好驚喜係呢個八爪魚肉係好彈牙煙韌!一啲都唔係食緊擦子膠、香口膠嘅感覺!喺出邊從來唔鍾意食八爪魚sushi, 係因為未食過好食嘅。呢次食完真係令我改觀,原來新鮮嘅八爪魚係咁好食呢個大蝦,都係非常之咁新鮮。食完呢個唔會再想食超市嗰啲。因為佢蝦肉好靚,而且佢起晒蝦腸非常之乾淨。食得放心又開心!所以我非常之鍾意食蝦,所以試埋呢個虎蝦。都非常之唔錯,雖然我覺得有少少貴因為$38得五隻。如果可以俾埋泰式辣醬,就覺得一流啦。不過話晒人哋日本店,當然都係俾返Wasabi豉油你啦。三百幾蚊有咁多樣嘢試,而且食魚生食到飽!真係好合理價錢。絕對會再返嚟叫外賣呀。佢哋雪櫃仲有大量唔同嘅日本酒。有機會會買來同朋友飲。因為我之前介紹另一間日本餐廳時飲過嗰個菠蘿酒,呢度只係買$148。真係好抵因為餐廳飲要三百幾蚊。不過當然明白餐廳有鋪租、有人工、有地方坐,一定係要賣貴啲先至賺到錢嘅。所以如果屋企可以攞出嚟同朋友傾計嘅話,買一支返屋企慢慢㗳,就真係更加抵啦。 continue reading
(The above review is the personal opinion of an user which does not represent OpenRice's point of view.)
一個加州手卷竟然索價32,位坐得超吾舒服,桌面感覺污糟,零服務,包得麻麻地,最最扣分嘅係嗰啲膠粒蟹籽!淨係呢個好膠嘅蟹籽已經令我覺得佢吾值32蚊!塊菜係好似好靚但係突出來嗰面好明顯爛角!細心少少都應該順手meat左佢。食到底個紫菜已經林到咬吾開!holy moly .....好似响七仔叮杯麵食但貴過千両我吾敢講佢係好差,可能外賣或者海膽會好一點卦........又吾知係咪獨市生意,如果附近有壽司食佢應該未必生存到。 continue reading
(The above review is the personal opinion of an user which does not represent OpenRice's point of view.)
Level1 2017-11-10
351 views
本來滿心歡喜諗住食海膽,入到店舖,冇指示點樣落單,見到玻璃櫃檯放咗餐牌同反轉晒嘅單。就反咗兩張單過來睇下有咩選擇,點知有位女收銀員走過來黑住塊面咁話:「D紙返轉係有原因㗎,唔係俾你咁樣返㗎,係要你寫你要嘅嘢上去㗎。」本來已經好想離開,但係仲未食到個海膽仲未心息。揀完諗住去俾錢,餐牌價錢同佢落單嘅價錢唔同,佢就話我冇睇店外標貼嘅價錢。相差少少我唔介意但係說話同態度非常冇禮貎,好似你欠佢錢咁!感覺好想快D食完就離開。食物質素一般再加上非常差嘅待遇真係一定唔會推薦比朋友。以後亦都唔會再光顧! continue reading
(The above review is the personal opinion of an user which does not represent OpenRice's point of view.)
Level2 2017-10-30
365 views
海膽屋應該會變成我嘅飯堂。雖然舖仔細細,只有幾張枱及高腳櫈給客人快食一餐;但由於食物質素高,價錢親民;真的每隔一段時間就會心思思想再去食個海鮮丼呢!叫得做海膽屋,佢海膽嘅質素當然唔差啦。最開心喺你揀咗一個丼飯之後,喺可以再加錢加海膽或蝦等等食材嘅;我次次都忍唔住加到爆滿。丼的飯加咗啲粒粒菇,好有心思嘅配搭。跟丼送個味噌湯都唔講得笑,好。好。飲!之前有試過佢嘅生蠔及原隻海膽,都好出色。絕對喺抵食、好食嘅必試推介。 continue reading
(The above review is the personal opinion of an user which does not represent OpenRice's point of view.)