紫粵軒

昨晚跟家人一起到紫粤軒晚飯，訂6:30檯。 非常好的沒有限時，因為臨近中秋的週末，外頭很多酒樓都要限時分兩輪晚市。先說環境，位於皇冠假日酒店內的酒樓，環境服務及清潔度都有一定水準，讚！ 當晚都很多檯客，服務都仍有一定水準，骨碟keep住都有換，並不會因為多客人而忽略！雖然我地5個人但都叫左半席的片皮鴨餐1988，因為真係好抵非常抵食！ 份量亦都好足，亦包飲品6罐，話雖係半席，但片皮鴨有一隻，如果散叫隻鴨都要498一隻。 所以呢個餐真係抵到爛！昨晚因為星期六，食套餐沒有信用卡或其他優惠。 如果平日一至四好似仲有信用卡85定88折同免加一。 呢個環境服務食物質素同價錢，比起附近大商場內的酒樓更加超值！

紫粵軒午市。星期日想悠閒地飲茶，但又不想等位，紫粵軒一直是我們的首選。我在Openrice上一篇評價為4星。這次點心菜單如下，*者佳：鮑汁鳳爪叉燒餐包蝦餃燒賣黑松露水晶餃鮑魚糯米雞煎釀雙寶小紅豆煎堆*帶子炒飯*作為紫粵軒的常客，我們光顧茶市不下30次。我的感覺，是在看著它每況愈下。最明顯的是蝦餃跟水晶餃，餃皮越來越差，粉質太重。鳳爪以前是充滿膠質的，但這次變回跟其他酒樓相似的品質。叉燒餐包是硬的，感覺像是再度翻熱。鮑魚糯米雞糯米做得很好，但鮑魚以外的餡料不行。能保持高水準的有帶子炒飯跟小煎堆，以及附送的XO醬。但以每位約300HKD的價錢來說，環境服務如何優秀也彌補不了大不如前的食物品質。2.5星。同價位下5星：即使排隊亦要一試再試4星：甚佳，可以一試3星：同價位有不少更佳選擇

想找一處稍高級的地方為兩位朋友慶祝生日， 看到有關紫粵軒的食評挺好的，便決定來這裏 吃生日飯。原本想散叫主餐牌內的食物，三個人可以試的菜不多，最後選了「 輝哥歡聚宴」套餐。 此套餐 連甜品有七道菜，每人可以試到的食物就多些☺。燒汁和牛蝴蝶餅蝴蝶餅不夠熱，和牛很滑，拌有些少沙律菜清新一點。蟹黃燕窩羹口感豐富的湯羹! 有蟹肉，應該都有蝦，燕窩也不少😄，好味道! 吃了這湯羹已覺得飽了一半😂。香煎加拿大帶子帶子很滑，很鮮味! 不用點太多醬都好味。瑤柱貴妃雞肉很少不過很滑，也夠味，不用點蔥油或豉油 來吃。高湯菜遠釀竹笙應該最熱是這道菜了😅! 芥蘭釀竹笙，挺特別。湯夠味，整體來說清淡好味。牛油果海鮮炒香苗起初以為香苗是菜，原來是炒飯😂。吃了五道菜再吃這碗飯，都吃得下，還覺得好味。米飯一粒粒，口感很好，又有牛油果粒、蔥花、蝦肉、蛋等材料很豐富。最後是甜品，椰絲香芒糯米卷。大家都覺得芒果味不夠，糯米卷皮薄不錯。整體來說就一般。侍應服侍周到，收碟很快，不時都會幫你斟茶， 加水。 兩位壽星女都很滿意! 整體來說，這餐飯算是清淡，吃完不會太飽滯 ，但我自己覺得有點口渴。 星期六晚上人不太多，也算靜，可以暢快

將軍澳區近來多左好多食肆，之不過我都係喜歡去尼間位於九龍東皇冠假日酒店入面嘅中菜館，貪佢容易訂位之餘座位亦都較舒服，同媽咪飲茶就緊係要搵間環境好啲架啦估唔到平日中午都幾多人，即使咁多食客，侍應們都一樣細心款待，值得加分點心方面係正常款式，味道不過不失啦！本身喜歡食春卷，尼度個蝦春卷好脆又唔油膩，重可以見到有蝦仁，好味道另外都推介下個鮑汁鳳爪，鳳爪非常入味，假如有機會的話，一定要試下其實尼度晚餐都唔錯，下次再同大家分享

今晚同屋企人食飯諗住食好啲😌五個人叫左呢個套餐及單叫燒鵝～呢碟頭盤賣相已經好好😍乳豬香脆無肥膏，配合芒果奇異果一齊食，好清新😌😌完全中和左乳豬既油膩感😆😆好正好好味！！我真係好欣賞🥰阿媽鍾意食燒鵝，不過就好一般，😌😌燒鵝外皮唔脆已經咩都唔洗講，而且啲汁好咸，唔推薦🙂🙃超足料既燉湯😍😍全部都好稔😌好鮮甜，平時我都好少食湯渣😂但呢個燉湯我食左好多雞肉，唔鞋口之餘且非常入味！好大個，其實食到一半已經飽飽地😳😳😳蟲草花蒸雞，雞件好滑，多肉汁😏木耳蟲草花蒸雞係實無死既配搭😂嘩～好大舊花膠呀🤣🤣🤣🤣我呀媽最先採取左棄權，打後既野佢都打包，佢就食我果啲幾啖😂😂花膠見到咁大舊都驚un胃，不過炆到好稔好稔，所以食落無唔舒服😘唔錯！紅豆薏米露筍，真係要讚讚個湯！！非常非常鮮甜可口😍😍😍日本十勝紅豆好甜好甜！我覺得好食過啲露筍🤣啲湯我飲晒露筍就正常都係爽既，無苦味😌鮑魚粒炒飯，呢個好味道喎😍最鍾意啲米飯唔硬，但又唔會稔到一patpat喎，依然係粒粒分明😆😆成兜飯鮑魚味好香！！唔知係咪同鮑魚汁一齊炒😌終於上甜品🤣🤣🤣🤣意味住係最後一味😂😂紅棗雪耳無驚喜，粒紅棗超大粒！！但我就咁撩裡面棗肉食係唔甜既，反而蓮子好

年廿九和家人到紫粵軒吃團年飯，據說被米芝蓮列為推介餐廳。總體來說食物質素中上，價位偏貴，主要是環境安靜，不會有普通酒樓的嘈雜喧囂聲。-1️⃣#XO醬翡翠鮮蝦球🍤蝦球彈牙爽口，芥蘭炒得剛好，真的很怕過老的芥蘭，XO醬惹味！2️⃣#棗皇蒸龍躉斑頭腩🐟龍躉肉質鮮嫩，火喉掌握得不錯，剛起骨，鹹味平衡，有海魚本身的味道，根本不用過多調味3️⃣#十年陳皮西芹炒龍躉斑球🐟一魚兩味，專為老人家而點的。嫌挑刺麻煩的一定要叫！加入了陳皮吊味，褪去了魚的腥味4️⃣#蝦籽日本金蠔扒時蔬🕳而我找不到蝦籽在哪裡🙂不得不說這家的材料很高質素，金蠔肥美多汁，醬汁有點太鹹，送飯則一流5️⃣#鮮鮑魚滑雞煲🍗雞肉略嚡，勝在鮑魚的確鮮味，醬汁熬得出色入味6️⃣#櫻花蝦三文魚蟹肉炒飯🦀這碟炒飯是唯一吃得過癮的一道菜，其他份量只有正常的七成。不過不失，但不太值這個價錢

媽媽係比較傳統嘅女人🙍‍♀️所以慶祝母親節要搵間唔會係太新派嘅中菜廳食飯🥳今次就揀左香港九龍東皇冠假日酒店嘅紫粵軒話晒係好幾年嘅米芝蓮推介應該都唔錯🥢~~~~~~~~~~~~叉燒拼燒腩仔🐷.無錯去食親中菜都要叫碟叉燒🤫今次雙拼係因為媽媽鍾意食燒腩仔叉燒睇落好瘦但食落勁淋🤤燒腩仔個皮都好夠脆不過真係好細碟 一人分得一舊同兩粒咁😕~~~~~~~~~~~~醬烤骨🍖.呢個口感完全估佢唔到😳因為佢係入口即溶連骨都係軟骨😱本身仲以為係平時d spareribs咁🦴個人覺得跟白飯食好正🍚但爸爸媽媽無叫到白飯就話食到第二舊就有d膩咁~~~~~~~~~~~~上湯杞子浸時蔬🥬.食飯都一定要叫番個菜因為好似健康d咁浸時蔬d菜好清甜又唔油😋全家都話鍾意💚~~~~~~~~~~~~特色鹽香雞(半隻).本身想食片皮鴨但一定要一隻好似太多🦆所以叫左另一款推介菜鹽香雞🐥D皮都好夠脆隻雞都幾香但又唔太覺鹽香味🧂不過都好食嘅😛~~~~~~~~~~~~紫粵軒炒飯🍛.最後叫左個炒飯佢mainly係海鮮同蛋白所以我呢排皮膚問題所以無食🍤🥚但爸爸媽媽就話太乾食到喉嚨有d辛苦🙈

皇冠假日酒店 Diamond room 今日屋企人生日，就去咗皇宮假日酒店開party慶祝食飯！環境非常靚服務又好！ ..➡️蒜子瑤柱甫 蒜子清甜好食，但瑤柱就太鹹！ ..➡️乳豬可口好脆 ！..➡️帶子珊瑚蚌用左XO醬黎炒，好惹味，令到帶子都好好食！不過唯獨是珊瑚蚌就冇味啦！ ..➡️燉雞湯好養身好健康！唔會落太多味精去煮，真係用邊隻雞去燉出嚟，成碗都係肉汁精華！ ..➡️碧錄原隻鮮鮑鮑魚食落五會好硬而係好軟腍！煮得好軟滑，攞起把刀一切已經好容易分開！真係唔怕食到牙較軟！鮑魚味又濃郁！ .➡️至於甜品方面值得一讚嘅係椰香紫米露！溫度可以保持到熱辣辣！紫米有口感、煙煙韌韌！👍🏻 有效促進腸胃蠕動，預防便秘

今日來到將軍澳紫粵軒飲午茶，見到餐廳裝修都很雅緻。茶壺用爐熱著，都去過很多餐廳飲茶，這還是比較少有的，這一點令人感覺很貼心。我們要了蒸鳳爪，蒸牛肚及窩面等。蒸鳳爪鼓味很重，蒸得也比較腍。蒸牛肚也是蒸得很腍，味道偏甜少少，反而我喜歡有少少口感及帶咸的。窩面面條腍度適中湯底雖然帶點清淡，但味道都不錯。

酒店中菜廳溢價自然在所難免，但週日午市也可預先訂座不用等位，對我這種睡到自然醒的人來說確實有它的賣點。鮑汁鳳爪不同平常酒樓的鳳爪，較為飽滿結實，膠質豐富，這兒的特色之一。XO醬牛肚XO味不足，但牛肚水準高，有咬感又不過韌。黑糖馬拉糕甜度適中不會過甜，馬拉糕即叫即蒸鮮熱軟熟。蝦餃蝦肉爽口彈牙，餃皮煙韌不易破，亦不會過厚而加重粉質，不錯。黑松露水晶餃餃皮同上，十分不錯。黑松露味濃，配上翠肉瓜令菇味不致太膩。菠蘿叉燒包菠蘿皮香脆，包身軟熟，叉燒餡有叉燒粒。就是大小有點小。牛肉球有手打質感，不會過實亦沒用鬆肉粉。鮮竹質素不俗，亦不用過油。清新之選。鮑魚珍珠雞有點失色。鮑魚還好，大小尚可味道亦佳。可惜糯米不行。帶子鳳眼餃賣相不錯。但帶子太實，蝦膠不如蝦餃。相比之下蝦餃更佳，而且還多一件。午市4人大約720。酒店價錢來說差不多。大體來說，環境舒適不擠迫。食物不錯中上品質，但價錢即使算上食物質素還是有點偏貴。有小孩又不想等位的，願意多花幾百，那這兒其實還不錯。

今晚同家人嚟紫粵軒食晚飯周圍環境十分舒適，餐具純白色十分精緻，茶香、茶壺用熱蠟保温，使茶溫時刻保持熱嘅溫度，十分體貼、窩心奶香蝦多士，十分香脆，好似食蝦片咁龍蝦帶子燕窩羹，啖啖都係龍蝦帶子，非常好味香煎紅蝦，配香葱豉油，oK嘅上湯龍蝦，啖啖肉，好清甜金蠔菜苗，D豆苗好嫩，食落冇渣，D蠔就好有口感，煙煙韌韌，好甘香龍蝦菘炆飯，有好多龍蝦粒，不過咸左D甜品係雪燕燉桃膠，好夠熱，清甜好味每位598元，豐或恒生有85折侍應服務態度殷勤有禮，送每一度菜都很有禮貌，抵讚食完飯再慢慢嘆茶

食物水準參差。茶葉可以，部分食物水準還不錯，例如鍋仔帶子炒飯、髮菜元貝，其他所點的食物味道非常普通，如放在街外試食，應該沒有人會猜到是酒店中菜廳的食物。服務方面，為本人下單之男經理寫完單後完全沒向我們覆過單，基本禮貌亦欠奉。我們等了近35分鐘就只有1個前菜到了，期間不少員工走來走去都沒有注意到我們台面空空如也，真令人感到驚訝! 然後更令我們震驚的是，等了這麽久，其中一道菜來了，但竟然是錯單的......下單的人竟然還想把責任推到我們身上!!食物這麽珍貴，浪費了就很糟糕，做飲食業怎麼可能不覆單?? 唯一能讚的就只有2個年輕女員工充滿笑容，感覺親切，為是次不快的經歷緩過來一點點。我和家人短期內肯定是不會再來光顧，亦不會推薦朋友來---除非食物水準和服務質素有所改善和提升。

晚餐餸菜質素不錯，每一樣都算新鮮熱辣，但甜品令人失望。椰汁紅豆糕，冇椰汁味、冇甜味，味帶點酸，仲九唔搭八放沙律菜係中間，一個甜品足已令人認真諗下會唔會再黎食飯。

一入到間餐廳，星期五晚飯時段都無咩人已經心感不紗。嗌左個2千尾既六人餐：第一碟上既乳豬得六件😂一人一件🙄，可能係食精緻小食，恕我唔識欣賞。每人一碗燉湯，不過不失。隔左好一陣，先黎左個盤菜，再陸續上嗜嗜菜煲，炒飯，加埋杏仁茶，埋單34XX千(連開瓶費300)。每道菜都偏咸，盤菜既食材及味道無驚喜。講梗人均消費係5百幾既時候，哩個價錢並未達標，服務亦只係正常，但份量實食得飽。總括而言，我係唔會再黎哩間食晚飯，亦都唔會介紹比人。

幾家人一齊補做冬至，呢啲時節你收貴都預左，但黎既食物份量，碟碟得幾粒，套餐食唔飽人，仲要叫多兩碟飯同麵，自帶蛋糕先夠飽。呢樣都算，最差既係經理服務態度，同行有一個幼兒，開心係度細細聲唱歌，佢就行過黎話我地無家教同埋問係咪有躁狂症(睇怕係你未見識過咩叫躁狂)，叫我地帶BB入房冷靜半個鐘，話有客投訴我地嘈(今晚根本冇幾台客)根住黎左一台客三個細路，個個嘈到拆天，佢就冇去投訴人叫人入房，係咪揀客黎恰???even真係有一台客細路嘈，茶餐廳既職員都唔會咁無禮貌啦，俾你收咁貴係咪有其他方式可以安排俾客人或者幫手送小點心小禮物安撫下佢情緒，未見過咁worst，呢間野已black list。