十二味功夫 (Closed)

呢間十二味系列好像愈開愈多，之前食過銅鑼灣果間覺得幾好食，今晚咁岩行開黃埔，又見到十二味😂諗都冇諗就入左去呢間個位置好就腳，黃埔站一出就見到間餐廳🍴好方便！好在果日係閒日，唔係好多人。環境方面都幾闊落，坐得幾舒服😌糖醋排骨 $88呢個真心推薦✨好好食，外脆內軟，酸甜味道分明，脂肪亦唔係好多，肉質好淋🍴乾煸四季豆 $68炒得幾香口，好惹味😋撈飯一流！d肉碎少少脆，又可以獨立撈飯😍酸菜魚 $198 （辣）酸辣味好夠，魚肉質幾滑，入曬酸辣味，對於唔太食得辣既人都可以接受👍🏾川式口水雞 $68個汁好味！偏辣，比較上好像仲辣過酸菜魚。個雞肉幾滑，會不自覺地食上癮。蒜泥青瓜 $28小清新既味道，辣辣地得黎又爽口，份量都幾大酸辣木耳 $28酸味略微多左少少，係入味既，但辣味就唔係好夠經典香辣鍋 $168 （少辣）配料有：牛百葉、美國肥牛、萵筍、土豆、寬粉。土豆同萵筍幾入味，辣得幾好味。牛百葉唔會好硬，軟硬岩岩好👍🏾米飯 $12正常口感同味道呢個價錢食到呢個質素，真係好滿足下次會再食

門口好易認，就對正地鐵站出口餐牌全在這兩頁內，菜式不算很多，但每樣都好吸引是熱門菜酸辣木耳咁大碟先$28，好抵食，木耳爽口帶酸辣，好開胃口水雞$68份量都唔少，重點是雞夠滑，雞皮帶油香，加上醬汁十分入味，辣辣地又好香口，一件接一件停唔到口，呢個價錢真心高質蒜泥青瓜$28份量多，青瓜好爽，味道清新而帶蒜香乾扁四季豆$68炒得好香有獲氣，十分下飯，仲可轉素版香鍋（香辣味）眼見每台都有點土豆係必加，吸晒精華，有點辣但好好食牛拍業、萵筍爽口寬粉好有獲氣肥牛亦唔錯酸菜魚小辣湯底好惹味，酸酸辣辣，魚好滑冇骨而且都好多，酸菜份量都剛好，食到最尾仲有熱情果梳打$28必點，好大杯兩人分都得（特意用個水杯去對比有多大）仲好好飲，難怪台台都有人點5人除開一人唔洗$200，好抵食！

又來黄埔吃貨，來吃吃十二味功夫是什麼，看到紅色的玻璃加雕花，就感受到中國氣息。紅色竹子燈很有中國味道，店內環境蠻舒服的。有香鍋、酸菜魚等川菜，價格親民，很多學生街坊幫襯。霸王辣子雞($128)雞肉小小的，帶花椒麻香，辣椒很多，少辣也是挺辣的，但不吃辣的我，還是忍不住一口一口的吃，辣得很過癮，腰果很酥脆，超好吃的！油渣熗包菜($78)好好吃，菜很爽脆，鹹中帶甜味，吃著吃著，一下就吃完了。鮮菌爆牛肉 ($98)份量不少，味道濃郁，牛肉很嫩滑，很多蔬菜，很健康的菜式。蔥油拌麵 ($38)味道不錯，有葱香，就是麵稔了點。

我有位家人， 平時好挑食， 但忽然有一日，佢突然愛上了食四川菜，自此之後佢就不停周圍搵就腳又抵食嘅四川菜。呢個品牌就係我第一次帶佢去食嘅四川菜館， 佢價錢都算相宜， 而且中午有一人午市套餐，豐儉由人， 呢個都係屋企人喜愛佢嘅原人， 事關佢兩公婆都可以去食嘛。今晚佢就拉左我嚟黃埔呢間分店， 話食完順便去隻船度逛街掃貨😅。其實呢間餐廳我一個月只能同佢去一次， 因為佢次次都係點同一樣嘅菜式。。。指定動作是酸菜鱼同辣炒乾鍋。不過其實每間分店煮出來的味道都會有少許分別， 就以酸菜鱼為例， 這間的味道就相比其他冇咁辣， 但魚仍然保持到水準， 夠滑身。辣炒鍋其中一樣配料我每次都必點嘅， 就係雞翼喇， 真係好惹味架, 而且一啲都唔會油。不過炒鍋底就唔算辣，可能下次要大辣嚟試下先！

喜愛食川菜，自然會留意附近的食肆，見到黃埔地鐵站附近新開了一間食川菜的十二味功夫，今日就安排了時間過來食。餐廳裝修古典優雅，充滿了中國風味，尤其是一個個的大紅燈籠，更顯雅緻及特色。飄香毛血旺$148飄香毛血旺，喜愛食川菜，自然會先想起最有特色的川菜，揀了個飄香毛血旺，上枱見到辣椒油特別的油紅，經已垂涎了，裡面的材料非常豐富，有鴨血、牛柏葉、魷魚、肥腸、午餐肉、大豆芽菜...等。鴨血非常軟滑。牛柏葉、魷魚、大豆芽菜帶爽口。肥腸夠腍又入味、每款都很入味，入口麻辣鮮香。水煮魚$198水煮魚，其實食川菜，我是由食水煮魚開始愛上了食川菜，水煮魚是川菜的最大特色招牌菜，麻香辣正是川菜的特色。今日的水煮魚也正正蘊含了川菜的特色，面上的干辣椒及紅油，上枱已飄來一陣的麻香辣，真正是色香味俱全。魚入口先感覺到帶少少辣、麻及香，湯㡳稍咸了少少，不過無損魚的嫩滑，魚肉嫩中帶滑的口感，真是令人食到欲罷不能。其實川菜不會很辣，反而是麻香味道多一些，這也是我喜愛之一。

最近好興食酸菜魚,朋友介紹十二味功夫好好食,收工就同阿媽咪去試下門面裝修以紅色為主,大紅燈籠同墻上既擺設好有中國特色,地方好寛落,好有空間感,坐得好舒服.蒜泥青瓜,份量好足,青瓜既清甜爽口,加上蒜粒,配上酸辣汁,非常醒胃.人見人愛酸菜魚(小辣),成個盆咁大,上面鋪上紅色乾辣椒同炸蒜粒,魚係用鱸魚,非常滑,辣中依然Keep到魚既鮮味.湯底酸酸辣辣咁,有好多種唔同辣椒,但一D都唔嗆喉,配菜仲有酸菜,筍片, 酸菜爽口,又唔會過酸,岩岩好,筍片又爽脆,吸收晒湯底既精華,送飯一流,真係好正.紅糖糍粑,上面鋪上黃豆粉,入面煙煙韌韌,又唔會痴喉,點上紅糖漿,甜度岩岩好.好好味幺妹兒冰粉個名咁特別就叫來試下,原來係桂花冰粉,桂花既清甜,加上滑溜既冰粉,好快就滑左落喉嚨.

不嬲鍾意食四川野嘅我見到呢間餐廳又點可以唔入去試一試啊，一入去已經聞到好香四川菜食嘅味道，已經流晒口水啦，我哋叫咗個酸菜魚，仲有個麻辣味嘅香鍋，個鍋可以俾你選擇5樣餸以上，我就揀咗萵筍，雞軟骨，鮮牛肉，鮮腐竹，仲有就係滷水肥腸，個鍋一嚟到嘅時候超級香超級香，滷水肥腸好入味，亦都唔會好瘦，雞軟骨略嫌鹹咗少少，但份量都好多，而鮮牛肉同個香辣鍋嘅味道好夾，牛肉都好軟身，萵筍好爽脆，而我哋揀咗中辣既辣度，如果唔食得辣嘅朋友建議選擇小立程度，個香鍋嘅餸份量都好足夠唔會少。另外酸菜魚你都好香酸菜味，魚嘅肉質好鮮嫩，好滑，最重要嘅就係啲魚肉唔會有骨，份量亦都好多，味道酸酸的，比較開胃，佢哋除咗有呢兩樣食物選擇之外，仲有好多四川小菜俾你選擇，款式繁多，整體來講值得推薦。👍🏻👍🏻👍🏻👍🏻

今晚約左外國朋友到裝修得好有中國特色嘅十二味功夫食四川菜。上面有好多燈籠🏮，座位都好闊落。菜牌好好有英文，外國朋友都可以明白。店員推介下點了酸菜魚（$198），鮮菌爆牛肉（$98） 同黯然銷魂炒飯（$88）。 一上碟個份量大到嚇親🤣外國朋友第一次食酸菜魚，覺得有得啖啖肉似fish & chips 健康牌同埋好野味。個汁佢仲用黎撈埋個炒飯呢。鮮菌爆牛肉上碟好香，有好多䓤同菇菌。不過如果可以小點油炒就好啦。不過overall 餐飯成價比很高。

最近行過見到 有間食川菜叫十二味功夫 印像中好似食大盤魚嘅就同屋企人一齊去試下。 佢同十二味點心係隔離舖應該係同一個老闆。呢度食大盤魚 唔食辣嘅朋友都唔使擔心。佢都有唔辣嘅選擇, 另外都有啲小菜, 魚香茄子咕嚕肉,乾扁四季豆, 仲有粉麵甜品。為咗就唔食得辣嘅朋友,我哋就揀咗人見人愛酸菜魚$198賣相都幾好,然後都有唔少嘅魚塊,大概係二人份量啦。 魚就都係冇骨鱸魚,啱曬我呢啲唔識食魚嘅人。魚就真係就好滑 ,值得讚呢係個湯底味覺得好好味,湯底好濃帶少少酸,好醒胃。另外再叫左小菜 糖醋排骨$88份量比一般酒樓多 ,同埋 好夠鑊氣,出乎意料地好食👍 排骨似係用黑豚肉肥瘦適中 ,有咬口彈牙。魚香茄子$78一樣係好夠鑊氣 茄子有走過油, 唔會太淋,味道就帶微辣。乾扁四季豆 $68想叫個菜食, 見到有四季豆又唔係度度有得食,所以就點呢樣。同樣地冇令人失望,炒得夠乾身最後變咗個 炒飯黯然銷魂炒飯$88炒飯要煮得好食就係要夠乾身,粒粒分分明。 呢樣嘢佢係做得到嘅。配料方面就都豐富嘅,有蝦 ,有蛋 ,有肉 ,份量都夠四個人。整體而言如果鍾意食川菜嘅,當然好多選擇啦。就算當一般食中菜,佢個廚都做得唔錯,

每次經過黃埔，都係以睇戲和吃小食多，想不到今日朋友居然提議食酸菜魚～原來A出口嗰邊一出，就有間川菜館，方便就腳。當日下着大雨，都有唔少人企喺門外等候，相信味道一定有保證！——————————🔹酸菜魚 $198這個酸菜魚很大份，我們叫了小辣，辣度剛剛好，不會蓋過魚的鮮味；每塊魚都大大塊，份量不細；酸菜也不會很酸，超合我口味，送飯一流！整體味道剛剛好，不油不辣，可說是健康版的酸菜魚😋🔸黯然銷魂炒飯 (小辣) $88一食就知廚師很有功底，炒到粒粒分明真是不易！份量很多，內有不少蝦和魷魚🦑材料新鮮，味道越食越辣，超惹味～🔹紅糖糍粑 $48每次返大陸都會叫這個甜點，唔知在香港食，味道會唔會不一樣呢～這個紅糖糍粑，香甜軟糯，配上花生粉和黃豆粉，味道更加豐富！朋友愛蘸紅糖食，但個人就不喜太甜🥴整體算不錯👍🏼

黃埔地鐵A出口一出，就見到這間「十二味功夫」，之前試過旺角那間，酸菜魚實在另人回味。酸菜魚$198，雖然偏貴，但勝在份量足夠，鱸魚嫩滑冇骨，啖啖肉，酸菜開胃，湯有些微辣。蔥油拌麵$38，味道較濃，有點像上海粗炒。糖醋排骨$88這個做得比酒樓好吃，酸和甜的比例剛剛好，排骨雖然全部是瘦肉，但仍很鬆軟，不禁令人食完又食。甜品：紅糖糍粑$48 (8件) 糍粑裡面是糯米做的，軟軟腍腍，煙煙靭靭，像年糕，但比年糕好吃。

我約幾個舊朋友去黃埔戲睇戲,睇戲之前諗住大家係戲院附近食飽飽先入場。所以之前已經係openrice 睇定黃埔地鐵站附近有咩食,有朋友見到果度有川菜食,又話想試川菜,於是就去了呢間位於黃埔地鐵站附近的十二味功夫度食餐晚飯。 餐廳裏面 都八九成滿都要等一兩枱客食完先可以入去,店裏面嘅裝飾有傳統佈局又型格特別,有兩度玻璃可以望住兩個廚師喺度炒嘢食,餐廳生意好,見2位大廚煮個不停。Menu人見人愛酸菜魚 $198一大盤嘅酸菜魚,酸酸地好開胃 ,而且佢用嘅係 鱸魚,大大舊又有咬口,煮到又恰到好處, 配合埋啲酸菜同個湯,係一流嘅配搭。乾扁四季豆 $68乾扁四季豆,炒出嚟充滿鑊氣。魚香茄子 $78唔知係咪川菜嘅煮法,呢度啲茄子零舍長,而且味道有少少酸味,不過食起上嚟都幾惹味。糖醋排骨 $88件件都大大舊, 又有鑊氣又酸酸甜甜送飯一流。黯然銷魂炒飯 $88呢個黯然銷魂飯類似生炒牛肉飯咁,不過啲餸同飯又多啲,即炒夠曬鑊氣,上碟熱辣辣。蔥油拌麵 $38經走油嘅蔥絲,去除咗大部分臭青味,得返自己本身嘅香味, 配合特制特製醬油同埋煙韌嘅麵條撈埋一齊食, 零舍滋味。紅糖糍粑 $48類似炸過嘅糯米卷,加埋啲紅

早前同屋企人去紅磡食飯經過地鐵站時見到一家以紅色做主色調嘅菜館加埋熊貓感覺應該幾正宗今晚決定同阿媽撇低阿爸兩母女自私食🙊餐廳係黃埔站A出口一出就係點左人見人愛酸菜魚乾煸四季豆紅糖糍粑同幺妹兒冰粉由於唔記得叫甜品後上幺妹兒冰粉好快上檯好特別。從來未係其他地方見過個冰粉好香桂花味..口感有少少似白涼粉淡淡桂花清香嘅冰粉加埋紅糖糖水。相得益彰食完個甜品無耐..酸菜魚就出場我地要左小辣..有酸菜魚總不能無白飯連個白飯都好香絲苗米味魚片係用左鮮魚片而唔係雪藏魚柳入面有萵荀, 菇, 酸菜, 鹹菜夠哂鹹酸再加少少辣~真係好好食下次可以試中辣乾煸四季豆.. 夠哂鑊氣! 好香蒜味又唔係太油. 下次會試下要辣嘅.應該會更惹味紅糖糍粑即係炸年糕.. 本身以為點埋黑糖會好甜點知原來點完仲香~口感好軟糯真係好好食

👁‍🗨人見人愛酸菜魚 (7.5/10)💲 198呢日同朋友晏晝食到好飽，又早食飯，所以叫左兩樣野就已經夠哂飽😂食吾倒辣既我，揀左吾辣，有啲地方吾辣都會有啲麻，但佢呢度既就吾辣吾麻，岩哂我😇食落酸菜味夠哂，魚肉嫩滑，冇草青味同魚腥味😬份量算係適中，用離配飯食岩哂👁‍🗨紅糖糍粑 (7.5/10)💲 48叫左呢個想試好耐既紅糖糍粑，面頭鋪滿左黃豆粉，旁邊有黑糖比你沾離食，糍粑食落似麻糬，脆脆地，味道幾豐富🤭🔛 整體評分（7.5/10)

黃埔好食川菜🌶🌶🌶今日同2個朋友第二次黎食黃埔十二味功夫，上次下晝黎食叫咗個水煮牛、土豆絲、炒四季豆，令我哋一試難忘，不過今晚就食咗吾同嘅菜，啲嘢食同上次黎一樣夠哂鑊氣，因為朋友比較大食關係，所以今次叫咗個酸菜魚（$198）😋，夠哂大碟、鮮甜多汁，而且仲係餐廳主打菜式，梗係要試下，除此之外，我哋仲叫咗個廚師推介菜式，鮮菌爆牛肉（$98）🐂，仲有碟紅糖糍粑（$48）同黯然銷魂炒飯（$88）🍚，保證夠哂份量。個紅糖糍粑食落去黏黏韌韌，點埋啲醬汁都幾特別，魚同飯方面都可以揀辣或者吾辣，吾食得辣嘅朋友都吾駛擔心 😙