Video
Introduction
已開業兩年多的東江棧主要售賣客家菜及粵菜, 價錢大眾化﹑交通便利, 屬平民化的家庭式酒家。
continue reading
Opening Hours
Mon - Fri
11:00 - 23:00
Sat - Sun
09:00 - 23:00
Public Holiday
09:00 - 23:00
Above information is for reference only. Please check details with the restaurant.
Signature Dishes
係太古黎講, 唔洗等位得好少, 依間係其中一間****叫左個2人餐, 再加左一碟野.個湯係餐包埋既, 可以4選一, 原本我CHOOSE左有靈芝果個, 因為未試過靈芝, 想睇下咩味. 不過, 點左之後, 廚房先話賣哂, 好可惜~!之後唯有改, 要左個茶樹菇既雞湯.加果碟就係: 醬爆鴛鴦蚌***個湯算幾好飲.. 不過, 我最鐘意醬爆鴛鴦蚌. D蚌真係幾彃牙. 好正!五析班塊, 酸酸地.. 我無咁鐘意.個菜幾好, 配料多, 口感正.其餘野, 一般OK.***後尾, 間野仲送甜品.係綠豆沙....
continue reading
星期四下午約咗老公去康怡 MCL 看電影，由於兩人都不想走太遠，決定在這商場內覓食。老公向來都是一盅兩件的粉絲，當然首選是上茶樓吃點心。這廣場只得兩間酒樓，一間是質素雖然未算突出，不過在開飯網站內也沒有一個負面食評的「東江好棧」，而另一間卻是孭著 13 個喊瞼的「東湖海鮮酒家」。在飲食方面，老公向來也沒有冒險精神，只要那間食肆的出品不太差，他就可以番兜完又再番兜，而在我還未加入成為開飯會員之前，有一段時間，每當兩人放假，「東江好棧」幾乎都是老公的指定食肆。講真其實這兒的點心水準，大致上來說，也算不過不失，只是覺得這酒家實在不懂包裝，就好像這天二人已是相隔了超過一年才再來，但這裡無論是內部的裝潢、椅桌的擺設、酒樓的女侍、以至點心的款式，都與上次來時大同小異，對愛嘗新求變的港人來說，這兒實也太過沉悶乏味，但想深一層，對街坊來說，或者就是那份熟識的親切感，才令他們一再回頭啊。扯得太遠了，還是說說是次所點的食物，這兒的鳳爪排骨飯 ($12.50)，分量雖然略為的骰，但味道其實頗不俗。鳳爪夠大隻，質感結實，沒有像坊間那些鳳爪皮般煮得溶溶爛爛，吃來亦沒有過腍，反而還有點咬口，而且醃得又夠入味，唔錯。排骨也令人吃得滿意，雖然入口唔算十分嫩滑，但口感亦唔算油膩，加上肉多骨少，也不錯。唯一要挑剔的反而是那些飯粒，吃來過份乾爽，質地亦太過硬身，不過以十來塊錢來說，這盅飯絕對是吃得過的。筆者向來都是香口食物愛好者，所以幾乎每次飲茶都會點番一、兩款煎炸點心。這裡的擂沙煎堆仔 ($9.50)，外形夠企身，表層入口尚算香脆，可惜內裡芝麻餡芯毫不流動，而且亦唔夠香滑甜美，幸好這個小巧的芝麻球，吃來沒有絲毫膩滯感，加上入口煙韌得來還有點像吃麻糬的口感，何況這個只是小點價錢，都算抵食。這碟金粟花姿餅 ($12.50)，單從賣相來說，其實真係唔算特別討好，感覺上是火侯未到家，煎出來的顏色唔夠金黃，咬落表面亦唔夠香脆，好彩碟底滴油不沾，所以吃來沒有半點肥膩感。至於內裡的花姿，入口煙煙韌韌，而且加入了甜美的粟米粒後，令花姿餅更加有咬口，也可不妨一試。 這裡的咖喱蒸土魷 ($8.50)，如果以這個價錢來衡量，已算是十分抵食的了，起碼用料唔差，經發泡過後的土魷，切得夠曬大塊，入口時還差點卡著我的咽喉，吃得我真的有點狼狽，幸好其質感脆脆的又帶點柔韌，吃來頗有嚼勁。可惜那個咖喱汁，真係唔多夠味，沒有發揮出咖喱汁應有的濃郁和辣味，確是有點美中不足。這碟北菰雞燒賣 ($8.50) 是幾味點心中最差的一款，雖然全部材料配搭起來，看似很豐富，但北菰太淋、瘦肉太霉、雞肉太嚡，整體肉質又過份鬆散，唔單止無層次感，根本就是毫無口感可言，而且味道亦調校得太過淡，真令人失望。不過街坊酒樓，價錢經濟，始終是這兒一大賣點，就像這餐連每位 $6 茶錢，埋單亦只需 $70， 比起那天和同事二人分吃一碟海南雞飯和春卷還要便宜。
continue reading
3月19日，13：50看過黑天鵝，便到這撐檯腳。週末人多，等了20分鐘才入座。共用了6個點心。- 及第粥：粥底不能苛求，豬潤口感好不化學、肉丸有鮮味、豬肚有咬口、腸帶風味。- 咖哩土魷：不算化學，咖哩惹味。- 鮮竹牛肉卷：多了點粉，但陳皮味濃。- 叉燒飽：皮鬆帶點澱粉的清甜，醬汁惹味，叉燒腍香。- 魚肉粉卷：魚滑鮮香，太座覺得是鯪魚。- 燒賣：皮滑、餡靚，流汁。招呼可以，環境安靜，食味可以，值得再來。題外話：黑天鵝，是我第一套，看了一半叫走的電影！ 為何！？ 可能劇情太簡單，我工作壓力已夠大。 在休息時，我要鬆馳，不想再觸及他！
continue reading
鳳爪排骨飯 (中點$13.5): 有2件鳳爪6件排骨, 熱騰騰, 加點豉油, 好味道.雞絲粉卷 (中點$13.5): 3件, 細細地, 好味過食腸粉魚茸鮮竹卷 (優點$8.5): 腐足內包了魚茸, 食落冇咁肥膩.軟滑西米角 (優點$8.5): 有三種味 ~ 奶黃, 蓮蓉和豆沙, 豆沙味最好茶介: $6位
continue reading
因在和民等不到位，所以誤打誤撞入嚟呢到。五個人叫了五個餸同一個沙薑雞腳。雞腳先入口，感覺味道甚淡，可能因健康飲食嘅考慮而冇咁咸，但失去東江菜味濃易餸飯嘅特點。另外五個餸有鹽焗雞、金銀旦莧菜、梅菜蒸鯇魚、白果腐竹炆豬肚同白飯魚煎旦，但都有類似情況，包括鹽焗雞都較淡。除味較淡外平心而論水準唔錯，尤其是豬肚有d出乎意料咁好：腐竹夠入味而豬肚好食，但唔夠地道係冇客家式嘅辣椒醬，只有一般酒樓嘅辣"豆瓣醬"。所以總括講食品水準ok，而招呼而幾週到，一般家庭食飯而唔係太貴嘅好選擇。
continue reading