31
8
2
4-min walk from Exit B, Quarry Bay MTR Station continue reading
All Branches (4)
Telephone
25612968
Opening Hours
Today
11:30-14:45
18:00-23:00
Mon-Sun
11:30-14:45
18:00-23:00
Payment Method
Visa Master AE Cash
Number of Seats
60
Other Info
Alcoholic Drinks
May Bring Your Own Wine Details
Phone Reservation
10% Service Charge
Signature Dishes
Chicken Tikka Lamb leg Lunch Set Masala Lamb Curry Tusli Herb Tea
Review (41)
重拾印度菜的美味 Featured Review
Level4 2017-07-03
701 views
突然收到友人傳來的相片, 原來她今日去了太古城中心的 “LEGO Cities of Wonders”, 單單睇相都知場面墟冚, 吸引了大批LEGO迷, 友人正正是其中一位。她收穫豐富, 話要向我show下她戰利品, 順便齊齊吃餐飯。我當然不想走入迫到迫唔入的太古城中心, 還是要她來我家附近吧!要她拿着大包細包走來好似有點衰, 所以我就負責動腦筋諗吃什麼, 話晒我是這裏“地頭蟲”。知她喜歡吃火辣和香口之物, 又喜歡芒果, 相信這間餐廳必定能滿足她的要求。餐廳比較隱蔽, 要走到小商場最入處, 雖然不起眼, 但它實際來頭不少, 是2102-2017年的米芝蓮指南推介餐廳, 勁!小商場門外已看到餐廳的餐牌和燈箱, 走到餐廳門前, 除了貼滿各款餐牌外, 還掛滿印度的吊飾, 滿有印式風味。走進內裏, 燈光柔和, 不斷播放着印度歌曲, 好輕快。餐廳正方形的格局, 靠牆均設有一排長沙發座配四至六人枱, 而中間則有四人枱和八人枱, 地方不算大。細看餐牌, 部份菜式附有相片, 亦分門別類, 很清晰。分別有小食、配菜類、湯類、印度炭燒鐵板餐、特式雞類、特式羊類、特式海鮮類、廚師介紹、咖喱素食、印式烤餅、飯類、印度街頭小食、印式甜品和印式飮品, 還有四款套餐。套餐雖然又抵食又豐富, 但可惜沒有一個套餐有魚, 所以唯有散點。*****************************點好所有菜式後, 店員便隨即送上一客兩片的鬆化胡椒餅Papadam ($0), 配備奶綠色的印式薄荷醬 和棗紅色的酸梅醬。極薄的胡椒餅 弄得極之脆身, 咬下去時卜卜聲, 帶點香辣的胡椒味, 入口並沒有半點油膩感, 單單嚐它的原味已很美味! 又試試配些印式薄荷醬 和酸梅醬, 各有風味, 而我倆都較喜歡酸酸甜甜, 又帶微辣的酸梅醬。*****************************友人愛芒果, 所以第一時間點了一杯冰凍的芒果乳酪 Mango Lassi ($38), 亦諗住一口火辣咖喱, 一啖冰涼拉昔, 真係有備而戰, 哈!其呈淡黃色, 內存不少冰粒, 亦加人紅糖醬, 賣相更吸引。試啜幾口, 冰涼透心, 甜度亦調製得剛好, 果酸味突出, 清新怡人, 令人喝得開胃醒神,很合我倆口味。*****************************咖喱角Samosa ($40/ 3件)是經典的印度小吃之一, 基本上每次吃印度菜都會點一客。三角形的咖喱角, 個個都肥嘟嘟脹卜卜, 樣子挺可愛。厚厚的外皮是一層層的酥皮, 炸得金黃香脆, 並不油膩, 可惜略嫌外皮過厚, 不夠鬆化。內裏放滿以香料和咖喱烹調過的薯仔粒、青豆、椰菜碎、洋蔥粒、果仁 等, 口感豐富, 而辣度適中, 很適合怕辣人士, 但對個人來說, 咖喱味可再濃一點, 那便更有風味。*****************我當然要魚啦! 又想要瑪沙拉鯧魚, 又對古印燒鯧魚有興趣, 好難揀……店員就推介了我要一客瑪沙拉鯧魚 Pomfret Masala ($132), 好吧! 就它啦! 上枱時還以為是咖喱什菜, 因為全條鯧魚 也被鮮橙色的瑪沙拉醬 覆蓋, 面頭還舖了洋蔥絲、甘荀絲、蕃茄 和芫茜, 直到當把醬料撥開才知道這是瑪沙拉鯧魚。鯧魚 體積小小, 但魚質都算幾嫩, 而魚鰭和魚頭就有少少香脆, 全條都沾滿瑪沙拉, 香辣惹味, 亦滿有香料的味道, 味道美味, 而醬料加入大量的洋蔥粒 炮製, 啖啖都好有咬口。 *****************************另外要了一道什菜咖喱 Vegetable Curry ($72), 咖喱醬汁 呈鮮黃色, 質地稍濃稠, 辣度溫純, 帶有香料味道, 味道不錯, 但個人還是愛越吃越刺激的傳統風味印度咖喱。內裏大部份是三色豆, 還有一些豆角 和蕃茄、兩三件薯仔 和兩件椰菜花, 款式不算多變, 老實說, 不夠滿足!*****************************有咖喱當然不少得烤餅, 五款烤餅中, 友人竟揀了一客乾果椰子烤餅 Kashmiri Naan ($28), 因為少見, 覺得好有特色喎! 其實我個人覺得用它配咖喱有點怪怪的, 不過友人想吃就點, 互相遷就一下。其已切成四塊三角形, 比一般的的烤餅厚身, 外層烘烤至帶點金黃, 中間夾着鮮橙色的饀料是煙煙韌韌的乾果 和椰子蓉, 挺有咬口, 味道甜甜地, 淡淡的椰子味, 幾好味。分別試蘸上咖喱 和瑪沙拉醬 來吃, 香辣味道中帶些甜, 味道挺特別, 但若然由我揀, 我就必定要一客原味烤餅, 總覺得用它來伴咖喱最適合。 ------------------------------諗諗下, 原來都好耐沒有吃過印度菜, 其實我都幾喜歡它, 特別喜歡這間餐廳, 每次也可讓我重拾印度菜的美味, 而今晚友人一嚐它的美味, 也吃得好滿意, 看來日後多了一個吃印度菜的好伴, 難得! 難得! continue reading
(The above review is the personal opinion of an user which does not represent OpenRice's point of view.)
Level4 2017-09-10
136 views
真係朋友呢。已光顧四,五年了。公司function 都揾佢。外賣都會送芒果乳酪,邊等邊飲。鰂魚涌食咖哩,非呢間莫屬(雖然附近的確得一間印度咖喱,但好味。可尋回大英帝國口味。)星期六OT到九點,突然想食咖喱,雖然不能啤一啤(因為明繼續OT),但真係好想咖喱一番。今次一人前,但叫左二人前份量。外賣冇所謂,剩左咪第二日食,反正OT日子有排未完結。芝士菠菜,瑪莎拉雞雞,samosa, papadon, naan, 印度飯。果然係二人份量,剩一半,但冇理由叫一款加個飯,好似個人大碟咁。工作已經好辛苦啦。好食好味道好朋友一回事,不可不提,有時間下厨的話,M&S個印度系列都一樣充滿印度風情,係我食過最正宗英帝國印度ready make食品。此終,好多咖哩款式,都係因為英植民時期,為合英人口味調煮出嚟的。(推介Korma 同Tika Masala.唔知係咪用錯地方推介) continue reading
(The above review is the personal opinion of an user which does not represent OpenRice's point of view.)
Level2 2017-08-12
195 views
有親戚住鰂魚涌,雖然離我地好遠,不過一個月點都會黎一次,因為真係幾熟既親戚放假既鰂魚涌都幾靜,好似死城咁,不過依然有D餐廳係照樣營業,值得敬佩上星期日就去左羅勒印度餐廳,同親戚食飯,因為可以唔駛係屋企煮黎食食左個胡椒餅,好脆口,咸咸地幾好咬另外叫左支紅酒配襯,幾好食印度炒飯,飯底好香,不過咬落去比我地中式粉飯脆好多,口感好得意天多羅烤雞,雞肉好滑,味道好出,有小小印度香料,所以味道好香另外食左個鐵板烤魚,魚肉好滑,好爽不過個味反面唔太濃,而且好大份下,食完已經好飽不過要早D去,如果唔係夜晚走會好靜 continue reading
(The above review is the personal opinion of an user which does not represent OpenRice's point of view.)
Level3 2017-08-01
170 views
星期1公司唔想太夜收工,但工作多真係無辦法,8點可以離開公司已經算係一大樂事,放工後人都精神好多今次同同事去左公司附近食晚餐,LUNCH附近好多人,夜晚真係唔同曬.舒服好多黎到羅勒印度餐廳,依個商場夜晚好多店都關曬,都幾靜下可能星期一晚,唔算太多人,可以輕鬆搵位首先食左個印度咖哩同薄餅,印度咖哩好夠味,味道好香濃雞肉好滑,而且入曬味,幾好食配埋印度薄餅一齊食會好味D另外食左2隻咖哩,不過都唔夠依隻味咁好食,但2個人食已經好飽甜品係印度雪條,雪條好硬身,入面有D粒粒,好有口感不過要等佢暖返D先好食,如果唔係太凍啦印度奶茶估唔到幾香,而且唔會太甜,味道幾得意聽日又要努力返工啦 continue reading
(The above review is the personal opinion of an user which does not represent OpenRice's point of view.)
Level1 2017-07-24
176 views
剛剛家人去了羅勒印度餐廳吃晚餐,  一進去已經覺得一陣熱風吹過來坐下來之後感覺好焗空氣完全不流通. 問他們冷氣開了沒,  他們說已經開了我已經即時想走.  無奈家人想試一下印度菜我只好留下我們點了兩個一人套餐, 點完餐之後我頂唔順走出街抖抖氣.  發覺街上竟然比店裡清涼................晚餐來了 我爸點的咖哩雞吃起來跟大家樂沒分別, 我點的羊肉又乾又硬像柴皮一樣....................這樣的價錢 這樣的環境 我強烈推薦各位去大家樂會食得開心D 起碼唔會成身汗又驚俾佢焗暈 continue reading
(The above review is the personal opinion of an user which does not represent OpenRice's point of view.)