7
1
0
Opening Hours
Mon - Sun
15:00 - 00:00
Above information is for reference only. Please check details with the restaurant.
作為蛋糕控，會不停搵身邊好食既蛋糕呢間在家附近既蛋糕店竟然做到3月就唔做反正情人節都要訂蛋糕就試下佢啦大概2月頭我就去訂蛋糕咁岩當日身上唔夠錢我問老闆可唔可以比住$100先拎蛋糕比尾數老闆話唔洗呀，你當日黎比就得架啦😆下 而家仲有咁講個信用既舖頭既咩小店就係有呢份人情味🙂個蛋糕就真係好好食雖然比連鎖蛋糕店係貴啲但個蛋糕完全無比行貨確實係落重料🤭希望佢地遲啲搵到同區既舖頭再開張啦🥲
continue reading
聖誕節快樂🎁✨ 🐻住左土瓜灣差唔多3個月啦✨樓下真係有唔少食店，以前想食個甜品都唔知邊度搵，而家樓下就有間甜品小黃店想推介俾大家💛✨ 佢地鋪頭有中、西、港式既甜品小食，老闆亦都好Nice，個次見到凍櫃有唔少細細件cheesecake好吸引🐻 所以試左「Oreo味招牌美式芝士蛋糕」🧀🍰 琴日平安夜男友都去買左個「聖誕節限定版Bailey’s 芝士蛋糕」✨🎄 同埋「正宗法式焦糖燉蛋」😌 男友㩒完錢番黎已經發現賣曬咁滯 😝 真係手快有手慢無 🥰推介/意見‼️（5隻🐻最高分✨）✨ 「Oreo味招牌美式芝士蛋糕」 🐻🐻🐻🐻🐻美式芝士蛋糕配埋Oreo餅係🐻最愛既配搭 🥰 細細件同男女友分享剛剛好，而且鋪上面既Oreo碎大大粒仲有閃閃金粉，有咬口配埋軟硬適中既cheesecake，又係無得輸系列😋✨ 「聖誕節限定版Bailey’s 芝士蛋糕」 🐻🐻🐻🐻蛋糕表面有靚靚聖誕裝飾朱古力牌，芝士蛋糕一如既往咁高汁，裏面仲加咗濃濃Bailey’s酒味既滑滑cream，真係幾驚喜 😝 不過🐻唔慣Bailey’s味，所以下次再試埋其他款✨✨ 「正宗法式焦糖燉蛋」🐻🐻🐻🐻用上法國忌廉加埋雲呢拿籽，令燉蛋口感軟滑，上面既焦糖亦都無燒到有苦味剛剛好 🥰 正常發揮之作✨不過🐻唔記得影佢close up 🤣價錢‼️$45 「Oreo味招牌美式芝士蛋糕」 $45 「聖誕節限定版Bailey’s 芝士蛋糕」$45 「正宗法式焦糖燉蛋」
continue reading
突然先醒起過兩日就要切蛋糕，諗起呢間良心小店，就試下問問佢訂蛋糕。 Whatsapp問，都覆得幾快，已list晒所有蛋糕款式同價錢 (佢仲有專for糖尿病人既低升糖蛋糕，好周到👍🏻)，但見佢話要早3日預訂，照問下佢2日後要趕唔趕得切，好在佢話ok, confirm左款，日期時間，生日牌點寫就搞掂，成個預訂過程好簡單。當日去拎蛋糕，見佢都有幾多款式既細cake, 同埋有好多味既雪糕，仲有其他人放喺舖頭寄賣既餅。 個蛋糕好rich朱古力味，但好surprise佢唔太甜，外層係脆脆地既皮，仲有d朱古力粒粒增加口感，入面有層層海綿蛋糕同軟心朱古力餡。 下次會再訂，不過佢大部份係cheesecake, 得呢1款朱古力係非cheesecake. 因為屋企人唔鍾意cheesecake, 如果有多d其他款式就好啦。😊
continue reading
甜甜味雞蛋仔味道有咖哩炒蟹、菠蘿脆皮味夠哂特別，當然都有傳統蛋香同朱古力味等等，店舖雖細，但裝修精緻，有種文青feel，最重要係黃嘅。芝士三重奏雞蛋仔$29濃濃芝士味，每粒味道均勻，外脆內軟，十分足料，如果鐘意食芝士味嘅朋友一定唔可以錯過。咖哩炒蟹雞蛋仔$26咖哩炒蟹味雞蛋仔見到覺得好特別，聞有好香咖哩味，食落有咖哩炒蟹味好野味，帶少少甜，雖然味道特別，但係覺得好食嘅。雞蛋仔包裝都幾有心思，放棄傳統牛皮紙，改用中間透明通窿紙袋，令到雞蛋仔食落左都唔會焗住變腍，老闆有賣特式飲品，會同我地講解飲品嘅功效，又會同我地閒聊一下，感覺好有人情味。
continue reading
同朋友係土瓜灣食完飯，忽然好想食crème brûlée ，竟然比我發現呢間甜品舖有得食👏🏻👏🏻。小店除咗甜品之外，都有啲健康飲品售賣。外層脆脆的焦糖再加上幼滑的燉蛋真係好好食！！ 不過如果雲呢拿味再重啲應該會更加好。總括而言，值得再幫襯
continue reading