翠苑餐廳

Open Now

Now Closed

放假想周圍去下，想起石硤尾美荷樓保育翻新之後未去過，香港特色，要去捧下場。 參觀完之後又到晚飯時間，找了間地度餐廳，見個餐牌，中，西，潮州菜都有，今次就試潮菜。方魚肉碎蠔仔粥 （小 52元）雖然是小，份量有4-5碗，蠔仔大隻，但油太多， 芫茜味雖濃，但都扣了分！鹵水拼盤（小 96元）鹵水，潮州菜至尊，一食便知間舖有無料，鹵水味淡， 鹹味十足，似用普通枝裝 xx 記鹵水制成品，完全無潮州獨有風味最離譜係這個韭芽蜆仔肉，蜆肉又霉又咸 實在是食唔落， 叫了碗白粥想溝淡，但最後都放棄，好難食以後見到什麼都有得食的地方，都要考慮下，精一樣好過樣樣都唔掂

其實我都係比佢個街坊價吸引左去買佢個燒味飯，廿幾蚊有湯，有餸同菜同飯都算係咁。個湯其實幾好飲，係冬瓜瘦肉老火湯，但係冇咩湯渣。但係個燒味真係認真麻麻，非常之乾既叉燒，蜜汁都冇一滴；隻雞都好瘦，全部都係骨，食完其實淨番好多飯。 硬係覺得好似d食材唔係好新鮮，不過冇肚痾就算.....

黎到石硤尾想食下午茶，咁之前試過五十嵐，今次黎翠苑試下啦！轉左手咁耐都未試過見門口出面d餐牌都見有好多野食揀，有打冷，有雲吞麵，西餐，扒餐，有燒味等等喎，都幾多野揀一入到去有卡位坐，都好闊落，地方好過以前總統，個時個地下成日都痴立立，好濕咁嘅，而家好好多，地方乾淨左好多，坐位都算舒服咁2個人叫左2個下午茶，1個好普通嘅吉列豬扒連薯條，豬扒就略嫌唔係好夠味 另外仲叫左個乾炒叉燒河粉，黎到都幾大碟，又唔算好油，但味道就淡左d,如果鹹番少少會好d見到仲出左醉雞煲，羊腩煲，等天氣凍d再試下先加上仲開到凌晨1點，真係夜d都唔怕

「肚餓一定要食早餐！」現呢排量地又咁早起身，就走左去附近食早餐。講真。。住咗呢度2、30年，其實真係冇咩好食，入呢間野嘅原因係因為佢比較大間同坐得好啲。一入到去，嘩！到九點半架啦，間嘢人山人海。。幾經辛苦先搵到張集體搭枱嘅圓枱，咁就叫咗沙嗲牛肉熟蛋出前一定同埋熱檸水，咁嘢食就好快出現。。個麵一到，正常嘅，因為我已經叫咗出前一丁，佢平時個公仔麵係好難食。。d牛就，食得出佢用咗好多梳打粉去乸d牛肉，軟到唔使用牙都咬得開。再飲個湯，正！佢係用出前一丁個粉再加佢d湯整，咸到一個點！到個熱檸水，我都唔明佢係買d咩檸檬，浸得耐係苦，一嚟到係要即刻篤幾嘢就要即刻拎走佢，苦仲多過酸嘅檸水。。

冇野好講。住留上 留下間餐廳 質素下降 唔會支持 再食。未試過食早餐可以剩成碗 講多冇意思 睇評價不如你去試下 員工 都算 早上我會明白目口目面。 出品只可以講是但一間都好過你。sorry 我太直 . 你自己感受 你會明

貴夾唔飽, 食物質素及份量同餐價唔成正比, 無下次, 食完個晚餐完全無飽肚感, 正式晚餐得一款, 無得揀, 服務員服務態度還好, 只勝在地方夠大, 羅宋湯好味, 其他嘢食都好油, 主菜牛仔骨好un, no good

好耐冇食過咁有誠意嘅茶餐廳下午茶了，所以不得不讚賞一下。翠苑位於石硤尾南昌街一間地舖，其實下午茶時段沒太多的客人，是否這原因？所以應該更有時間及心機去做好每一道出品吧！翠苑下午茶有較便宜的燒味系列，＄20的價錢已經可以享用一份燒味粉麵了，所以其實是十分抵食。但由於今天特別肚餓，所以下午茶時段決定選擇一個小炒菜式，和朋友一起叫了一個＄38的生炒牛肉飯及一個$38銀芽肉絲炒麵。由於坐枱距離廚房比較近，所以會聽到廚房的炒鑊聲音，感受到火候十分勁！下午茶的等候時間好像比其他餐廳長了一點，可能是即叫即炒的關係，所以等多一會兒也是值得的，因為不想吃快餐。主菜未到，先喝喝已點的凍奶茶茶及熱菜蜜吧！凍奶茶茶味比較濃，而且喝得出是香滑的，有誠意的沖調。熱菜蜜的甜度也恰到好處！等沒多久，新鮮熱辣的生炒牛肉飯已經擺在面前，看得出廚房大佬的功夫非常到家，因為飯粒炒得比較乾身，而且粒粒分明，每粒飯都被適中的油份包圍，而且不會感覺過分油膩。牛肉的尺寸切得剛剛好，而且份量也不少，與炒飯的份量比例恰到好處，雞蛋落鑊的時間也調校得非常之好，不會炒得過乾，而且也是片片分明。大頭菜切片，增加口感，觀感上多點綠色也隨之加分。

今晚同屋企人食晚餐，叫左個魚旦河，晚餐。我屋企人幾個晚餐都食哂。個魚旦河都未出，吹左3次。又話就出。第4次先同我講原來留左單。有冇搞錯啊！好啦…出左黎。個碗野暖既，又5熱。叫人點食。

第一次食翠苑，整體感覺十分良好！首先，講一講佢杯熱朱古力。一杯熱朱古力係好簡單嘅飲品，但係平時大家去開一啲茶餐廳飲朱古力、阿華田呢類嘅熱飲，係咪都會覺得淡而無味呢？今次嚟到翠苑，除咗員工好有禮貌之外，佢杯熱朱古力真係好掂，因為好足料，唔會太淡！真係要讚一讚！第二，黎到茶餐廳一定要是佢哋嘅炒河，因為一間好食嘅茶餐廳，炒河一定要夠得！翠苑宵夜時段既炒河，用肥牛做配搭好有新鮮感，味道都唔錯、好有火候，合格唯一美中不足嘅就係肥牛有啲韌，整體來講係一碟水準以上既河粉，推！

趁假日可以去SSP (深水步)行街後, 差不多都到下午茶時間,由玩具街一路行, 最後見到有間茶餐廳, 又有下午茶加上行到好攰,入去坐下又去食個TEA.餐廳比想像中大, 好多卡位 ! 我叫左奶醬厚多士配紅荳冰紅荳冰好細杯, 支飲管又好大支, 比例都唔啱既 ^^紅荳味道甜, 但唔夠多, 加埋唔多的花奶, 所以整杯係好淡...(失望)西多士就好正常, 上黎時仲熱辣辣呀 !!

是日陪太太來石硤尾的賽馬會創意藝術中心參觀那一個手作市集，所以，lunch time 就在石硤尾隨便找一家可以坐得舒服一點的茶餐廳簡單地解決。尋尋找找，最後決定來這一間叫《翠苑》的茶餐廳，貪佢夠大間，餐室感覺也名乾淨。合太太口胃的，是一個蘑菇奄列，賣相的確可以叫做不錯，不錯，我們略嫌奄列蛋煎得太熟，整個奄列加薯條感覺有點乾身。不過，加點茄汁，味道又算是可以。在外茹素就是這樣，選擇少，沒套餐，又未必好食。我則要了一個可愛的肉醬意粉，那濃濃的肉味道，不得不叫好，再好一點，就是芝士夠多，而且即叫即焗的，又熱又香口，的確可以叫不錯的。我要奶茶，太太要檸茶，茶底濃香為茶餐廳增了不少分數，然而，茶是勝過我們食既東西的。埋單$98，咦! 好似計錯數播.....原來他們沒有計散點加飲品優惠，令飲品以正價收費，第一次理論說，電腦計個播，之後迫佢地攞 menu 對，才減返我十幾蚊......

今年母親節家人唔係在外國就是忙住自己家庭,所以做兒子的我應該是最多時間幫媽媽慶祝,由於媽媽不愛食自助餐或西餐,所以都是選中式潮州打冷,呢間餐廳係呢區新開,出名潮州菜,就點了個拼盤同蠔餅,鹵水拼盤味道唔錯,好入味,其中紅腸,豬耳都出色,蠔餅夠味,蠔肉都可口,但不夠脆,整體味道都很好,雖然簡簡單單一餐,但我地都食得好高興,有時慶幸我們一家雖說每人都忙碌工作,也很少說話,但感情仍是良好 ,例湯是送,足夠好味

前一次在這餐廳吃過 set dinner , 羊扒拼猪扒的 , 價格比較一般茶餐廳的貴 , 羊扒完全沒有羊味的 !   這次2人再來一次 , 點了紐西蘭肉眼扒 , 對這108元來說的肉眼扒只是兩片薄薄的牛扒 !!   似是和早餐或下午茶餐薄牛扒差不多的呢 ! 比較那些傳統港式牛扒餐廳 , 例如x凰、x登堡、x娜、x鷹、x翠 , 他們的牛扒餐我也吃了不小 , 價格便宜一點亦都不會用那些薄牛扒在鐵板餐上的 ! 這餐最好吃的是迷你牛油豬仔包 , 烘得香脆好味道 ! 至於越式炒河粉 , 沒有什麼餸的 ! 好立克好像水一般的淡 , 而且一個中女侍應隨隨便便把玻璃杯放在台角邊轉身就走了 , 沒有絲毫危險意識的 , 要小心點 !