徐記廚房點心 (Closed)

下午3點進店，為咗避開中午食飯時段人流，果然唔使等位✌🏻點咗3個點心，棉花雞，山竹牛肉，及醬汁鳳爪，3個點心上枱時都係熱辣辣，正😎最鍾意食鳳爪，多汁好味😋而棉花雞嘅魚肚亦都好大件，值得一試👍🏻山竹牛肉不過不失。員工有禮熱情，會主動過嚟詢問落咗單未😆非常近太子地鐵站，地理位置好方便。環境比舊址寬躺好多🆒坐得更舒服。點心收費價錢合理，雖然有人頭茶芥收費，但暫時無加一服務費，抵讚，好過去大酒樓💰

徐記係一間點心店，落單時都係剔點心紙，點心款式都算多，不過就無得揀飲咩茶，亦都無茶壺，一埋枱就直接畀兩杯唔知咩茶我哋🤨 佢哋早排搬咗新舖，舖頭都算大，坐位幾密，keep住滿座，門口亦都好多人排隊，不過因為上菜速度快，所以翻桌速度都幾快。•🥢 雪山叉燒包 $24 叉燒包表面酥脆，甜甜地，牛油味好香🤤而且厚薄適中，口感軟熟！餡嘅味道同平時差不多，但食到幾多細細粒嘅叉燒，有加分😋 •🥢 蟹子燒賣皇 $29燒賣皮薄，豬肉肥瘦適中，餡料仲有蝦同冬菇，食落有咬口，都幾好食😋•🥢 黃金流沙包 $20真係超級流心，流沙餡偏滑溜，無乜起沙感，蛋黃味都幾濃🤩不過個包就略嫌太厚，而且有少少乾😖•🥢 金牌咖喱土魷 $38土魷彈牙唔韌，不過咖喱味比較淡，亦都唔夠香，整體似「咖喱醬」土魷，因為連個碗底都乾嘅無汁😧不過最底有幾舊走過油嘅薯仔，幾香😋•🥢 鮮蝦腐皮卷 $26腐皮好薄好脆，唔會韌到好難咬。 主要餡料都係蝦同芫荽，蝦仁好彈牙～•🥢 鮮蝦菜苗餃 $27外皮好薄，晶瑩剔透，咬開見到入面有1至2隻蝦，麻油味幾香，但包得唔算好飽滿，而且外皮唔夠煙韌，好易爛～•🥢 翡翠鮮蝦腸 $30腸粉皮少少厚但算通透，未咬開都見

食咗兩次，一次外賣返公司，一次堂食。兩次D點心都新鮮好食係個粥普通D三個人分開坐食咗十個點心左右外賣去到西營盤D點心仲熱全部人都好滿意仲有利是封可以買地方都幾大啊

食咗蟹子燒賣王, 普普通通黑椒金錢肚, 柱候醬味太濃郁, 蘿蔔無味, 唔夠汁懷舊糯米雞, 變咗珍珠雞, 入邊冇料蘿蔔糕, 冇羅白成個係粉, 一夾就爛, 失敗鮮蝦腐皮卷, 普通, 炸得唔夠脆身又薄身黃金流沙包, 第一次見食點心得兩隻包, 包皮好厚, 唔夠餡, 要去割割包皮先10分入邊呢, 呢餐應該有, 兩三分到啦唔會再黎食環境方面呀, 好Q迫, 慘過返印度今日仲係under緊限聚令, 但係仍然坐得咁逼衛生問題有隱憂如果係係想食黃店嘅話可以黎食既, 但一定唔會食得開心

因為要做物理治療嘅關係，所以經常出入太子，然後發現原來太子有好多黃店！呢間點心店follow咗好耐，終於可以試吓。星期六嘅下午去都要等好耐，建議大家都係book位。因為兩個人食唔到啲咩，只係點左鮮蝦腐皮卷，糯米雞，小籠包，鮮蝦腸粉，蝦餃。最最最最好食嘅係蝦餃，啲蝦夠彈牙，鮮甜，而且個皮都好有口感。真係好食！真係值得一試！🤩🤩仲可以讚嘅就係糯米雞，糯米煮得夠淋，調味都好好，荷葉味都好正🥰🥰，可惜糯米雞啲餡係少咗啲😢其他老實講，就有啲普通啦。其實都係離不開啲料少得滯。但係太子租貴都冇辦法。良心可貴❤️❤️❤️❤️

今日聖誕節來到新舖, 地方闊落好多, 食物質素保持, 員工繼續有禮貌。仍然係好食, 好彩等左一陣就有位, 吾洗阿媽等太耐, 支持小店, 食得安心。金錢肚真係好食, 夠香辣, 雪山叉燒包有口感, 我既最愛😘😘

2人限聚令下真的沒心情出外吃，但朋友說在家呆得發霉，提意陪她去太子站試下徐記新店快速飲茶，以為她是老客戶，原來她也是 道聽途説吧😒傳我新店地址，結果在openrice 的資料有誤浪費了些時間才找到新店😪應該是在太子站A出口後面向花園街方向，附近都是一些汽車維修店，到達後趕快的點了五個點心，新店外貌有點格調簡潔，服務員很有禮貌(😅我是打電話問位置)，上點心的速度很快，味道比某些茶樓還要好，價格合理，聽說這 晚市有沒餐牌菜餚，現在政府限定六點後衹能外賣，有機會下次才試疫情下要多支持小店……對吧！