將軍堡 (Closed)

曾記得有網友介紹過這兒的海南雞飯又抵又好吃， 剛巧在這個區域辦理公事，事後經過才想起網友的推介， 遂走入店內試一試...選好座位後，坐下並讀了數分鐘餐牌， 是...是數分鐘， 因為讀了幾次也找不到海南雞飯， 超失望呢! 唯有叫這份燒味湯麵來止住雞癮...送上來後，眼球早早被亮亮的豉油雞皮吸引著，看樣子雞肉應該也是很嫩滑的呢！河粉厚身，食落滑嘟嘟，亦重米味！菜芯粗身，又腍又甜，一點渣也沒有！唉！我的燒鵝呢？ 經侍應生的幫忙，他幫我補回了一隻燒鵝肶 (呵呵… 不過我點的是鵝胸肉喔！) 鵝有鵝味，不過唔濃味，鵝皮下的脂肪少，醃料味道不過鹹，鵝肉嫩滑亦帶肉汁！下午茶包熱飲一杯, 凍飲加$3熱奶茶偏重茶味, 愛奶味的客人可能會不習慣!在沒有預期下的燒味湯粉， 感受真是美好，希望日後能有機會來吃網友推介的海南雞飯！

港式舊餅店有時可以找到曾經興起過的雪梅娘, 價錢很相宜, 只售十塊錢.同樣是蛋糕底, 上覆忌廉及生果 外裹糯米糍皮, 許多年前曾瘋行日本及香港, 現在買到的是街坊牌, 原粒新鮮士多啤梨變成切碎的果粒, 值得一讚的是它的外皮很煙靭, 忌廉也香滑, 只是不見了原粒士多啤梨有點令人失望, 性價比高, 間中過一過口癮仍可。另外藍梅、朱古力、芒果等口味可選。

昨日跟朋友要去荔枝角拎野,搞搞埋埋成7點鍾,好肚餓,所以就近見到間茶餐听就入左去試睇個MEMU...除左小菜,D野都唔算貴所以我就平平地order左碗粉麵$27,朋友要左set小菜$45四寶米線講真...唔多好食.....小女對粉麵要求唔高,但呢碗我真係覺得唔多好吃..... 米線好少...我一個女仔唔大食,食完都唔覺得飽,只係覺得岩岩好四寶包括:魚蛋x2 墨魚丸x2 魚腐x1 細細條魚肉春卷x1 魚蛋: 成碗野最好味.....墨魚丸: 唔好味...食過咁多間呢間唔得 魚腐: OK的... 魚肉春卷: 細條到呢...而且又係唔好食最主要係,食完真係唔飽= =如果男士們去呢間食......真係要Order飯先夠飽....朋友order的小菜set:中湯 冇咩味...一般...西蘭花炒仙魷 西蘭花ok,夠林&夠味 仙魷: 麻麻地,唔算好食,又唔算難食下次都係行遠少少,餓多一兩個字,搵間好食d又食得飽既好過

是日晚餐走咗去食將軍堡,今晚叫咗個麻婆豆腐飯套餐,有例湯,凍檸茶例湯>>是次例湯味道麻麻,麻婆豆腐飯>>餸份量多,豆腐滑,味道有點辣,味道算不錯,凍檸茶>>茶味都算重,味道ok

上左咁耐openrice, 都係睇人食評今次真係忍唔住今日見客尼左呢頭食晏, 見到呢間d食評都ok, 就尼左呢度食點知餐紙寫明 "正價炒粉麪飯, 凍飲$7" , 埋單時收我地$14同個阿姐講, 又勁無禮貌叫我地唔好嘈佢之後同佢講收多左, 阿姐竟然話:撈公仔麪唔係炒, 要收正價!邊有咁樣做生意, 叫果陣又唔通知聲, 仲問我地飲乜野咁樣分明捉字蝨, 一定無下次!!!!!!!!!!!!!!!!!!!!!d野又唔係平, 又少, 茶餐廳$31食個撈公仲要比佢收多我$14野飲, 真係離晒譜!d食評仲寫得佢咁好, 我真係懷疑係佢地d人自己寫

鐘意叫佢地D套餐一個飯一個凍飲大概$35荔枝角D野越黎越貴後面街間榮X光一樣咁叫都要$4X食料質素OK的最簡單叉油雞飯既叉燒唔似得美X心個D咁以為食緊擦紙膠....趙唔爛的唯一係個鴨, 都幾穌下 <---唔會再叫鴨公司食LUNCH時間好彈性所以無留意佢送幾耐我估大約都15-35分鐘啦 (大約1點先叫)至於外賣接電話個阿姐確係串咀, 但都唔叫無禮貌既問多2句都無話發脾氣又唔係大酒店, 係咁上下架啦送外賣黎D人都好好禮貌的總括黎講價錢OK食物OK一個都送里樣GOOD

下午茶時間幫襯 , 但一樣幾多人地方超大 , 以飯堂為名的茶餐廳下午茶餐選擇少 , 亦吾吸引我 , 次次都諗吾到食咩好昨日點了叉燒飯 , 無餐 , 要散叫 $35左右 加 $7 可以要凍飲燒味通常要等 , 份量好大 , 叉燒半肥瘦 , 味道不錯如果食量大的人去泰興食吾飽 , 可以試下呢間將軍堡 , 一定夠飽 !!

尋找「荔枝角美食」的征途第二站選擇了「將軍堡」。入去第一個感覺，環境尚算光猛，感覺不錯。時間再次緊湊，二話不說就選擇了「即叫即炒粉麵飯」的「瑤柱生炒牛肉炒飯」。無可否認，上菜速度是荔枝角區數一數二的快。轉個頭，餐湯、餐飲就已送到檯上。可惜，員工態度須要改進。餐湯一於預期，完全是一碗味精湯。經過餐湯、餐飲後，對主菜已沒甚期待。但是，豈能在征途第二站就放棄。只好硬著頭皮嘗試。古怪事情終於發生，「瑤柱生炒牛肉炒飯」、「鮑魚叉燒粒炒飯」外貌竟然完全一樣！？但是或許「敗絮其外，金肉其中」，味道至係最重要一環。可惜「瑤柱生炒牛肉炒飯」甚麼味道都沒有。甚至令人懷疑有沒有放鹽。差！！＄３４不多，但吃這間餐廳的東西就有點貴了。最後總結如下：「食物衛生有問題，　再吃一次唔會制。　＄３４蚊都係貴，　見到掉頭冇問題。」

因要參加一個聚會，所以與朋友第一次到荔枝角吃晚飯。其實真是一頭霧水，都不知應在那個地方落腳。看見這餐廳的門口夠大，所以要儘管一試了。內裏的人也真是十分之有效率，明明在我們進去時看見是座無虛席的，但竟然在牆邊他們可以搬多兩張枱來讓我們坐下。更新奇的是在我們之後進來的人大概也有十多個，他們也可以安排有位的（例如叫其他客人搬位以黱出更多空間）。真係扺佢哋咁好生意。在我差不多一小時的晚飯時間裡，這餐廳的員工真是忙個不停。說回食物，我今次要了一個廈門炒米。單看顏色就真係差了少許，因為食慣的是橙色的。料是足的，米粉也炒得不過不失，就是味道略嫌不夠甜而已。

口淡淡, 成日食埋 d 咩炒飯物炒飯 , 今日一於試下個燒肉飯嘩 .. 好正 .. 好香 .. 好脆 .. 好食過大 X 樂同美 X 個 D 多多聲 .. 不過唯一就係個熱奶茶麻麻地囉 .. $30 都 ok 既 .. 正.

平時都有光顧此餐廳，但7月14日那天，火都黎~那天中午與2名同事光顧此餐廳，平時這間餐廳的員工都好快安排座位俾我地，平時都食開既.....點知個日，等極都無3個人既位，我有位同事就發現左有張大枱剛剛有人走，而且咁岩個時又冇人等位WO~咁我同事就想走去個張大枱度，點知有個員工同我地講"你地等多陣啦!"咁我地都等左一陣，但我同事趕時間要去第二度，所以係咁想走去個張大枱度快快趣食完走人，點知有個員工走埋黎大大聲好串咁講"你地咁鍾意坐未俾你地坐LAW~不過我諗住你地坐呢張枱要同人搭枱咋!"我心諗:坐細枱未又係要同人搭枱!~咁我地就走左去坐大枱，其實張枱可以分2張4人枱，咁佢地唔分，我地都唔敢移位啦~咁我地坐最出個度，因為方便有人搭枱個時，我地食完可以走唔使煩到人MA~點知有個白頭阿叔走埋黎話，我俾你地坐，你地都唔該幫幫手坐埋同一邊啦.....咁我位同事向呢位阿叔解釋返點解咁坐啦....但我地都好合作聽阿叔講坐同一邊.....搞左咁耐，諗住可以安安靜靜食野喇!~咁我同另一位同事叫野食先，咁另一位同事未諗到，咁個位白頭阿叔好唔耐煩問"咁個位呢?"我同事因為唔抵得佢的不禮貌，所以唔睬佢....咁等左

今朝去了荔枝角的將軍堡食早餐，茶餐廳來說，這裡都算光猛整清，而且地方十分寬敞。點了一個早餐C($21)，本來有沙嗲牛肉麵、腸仔煎蛋包及熱奶茶，不過最後我也只吃了沙嗲牛肉麵及熱奶茶........沙嗲牛肉麵出乎意料的好味，沙嗲汁夠濃，帶點微辣，牛肉很嫩，而麵應該是公仔麵，老實說，麵質一點也不會比現時的出前一丁差，師傅煮得剛好，麵不會太腍，有點彈牙，味道不錯!而熱奶茶味道OK，一般茶餐廳水準。至於那個腸仔煎蛋包，因為太趕的關係，埋了單離開後才醒起未食.........唔怪之得肚子裡少了點滿足感啦........激死!

This is my favourite place for egg tarts, especially when the pastry is just right and golden brown.Very good value at $10 for 5.The custard filling is rather nice, it tastes of custard and vanilla, and not so much of egg.Apart from the egg tarts, its other bakery items are good too.

平時都有叫開呢間野既外買, 都要一段時間先送到, 但係有野做邊做邊等, 都唔係大問題.後來, 落過去食過兩次堂食, 食後感係: 哇!!!! 乜咁架???!!! 不論男女待應都粗粗魯魯咁, 完全唔知乜野係禮貌, 喂!!! 你地唔係唔知你地做緊既係服務性行業吓話????!!!!!!!!!! <------------公司有好大既責任, 唔係老闆縱容D員工, D員工又點敢呀!!! 都唔知佢地點做生意既, 打得開門口做生意,就更係顧客致上架啦!!!!呢D都算啦, 今日落去先離譜,我見下午茶餐個欄上寫住: 時菜撈面. 你地知啦, 撈面都有好多野可以撈啦, 有薑蔥, 有腩汁既, 有炸醬啦等等等等, 好多配搭, 唔同餐廳都會唔同, 雲吞係唔同地方包都唔同味啦,但都叫雲吞, 加上佢個餐牌又唔清唔楚喎......唔知佢用乜野黎撈, 咁更係要問下啦......消費者喎, 仲要食落肚喎, 梗要問個明白, 加上我唔食牛, 點知你會唔會落腩汁呀, 唔預先問你, 等陣羅黎個陣真係有腩汁係到, 唔通叫你幫我飲左佢, 我先食呀?問個四眼侍仔, 佢即時掛左一個好驚訝既表情係塊面到......反問我:用乜野黎撈

一份早餐...有沙爹菠蘿牛肉麵半塊餐肉煎蛋餐飽餐飲咁強勁的早餐...只賣 $20又平又好味地方整潔....伙計又醒目.....點解呢間野唔係我公司附近???????