三ステーキ

Open Now

Now Closed

同朋友原本喺旺角逛街，思考左好耐食咩🧐上網見到有website推介呢間就決定近近地，搭兩個站嚟深水埗試吓九點左右嚟到，門口都已經有一條人龍，大約10個左右，但好彩人流都轉流得好快，大約20分鐘內已經排到排緊嘅時候，出面都有呢一張指示。呢間餐廳係參考日本嘅模式係用自助購買機點餐我哋就叫咗一個三拍子牛扒（$75）再加左罐汽水 （$15）入到去首先可以自己拎湯，仲有沙律吧同飯過咗冇幾耐牛扒就到啦原來預設的牛扒是一成熟，其餘就利用熱力石板將佢整熟到你想食嘅程度。180g嘅牛扒對於我一個女仔來講已經好夠食,比想像中大塊添，切出黎都好多塊總結，個人認為餐廳好抵食不過下次我就唔會再加汽水了，因為覺得$15有啲貴，而且入邊有水，亦都有湯

第一次玩呢D熱石牛扒。作為一個孤獨的劣食家，一個人滿心歡喜黎到，又期待又奮。買完飛 300g 牛柳 百幾蚊沙律菜 湯 飯任食一個毒毒被安排坐面壁位是ok 的，大佬呀，但真係好迫呀。一路剧扒，一路同隔離人地個老爹推手呀。塊熱石又熱張枱又細，好危險呀。講番塊牛柳，説好的一成呢?自問食野都叫快，但一路剧一路食，我都食緊medium well以上呀，太熟了。牛柳脂肪比例很低，所以油香味道欠奉。下次都係食佢個西冷定招牌好了....剧完扒，生理心理都係不滿足，最後再去食左個隱世拉麵...

今天約了朋友到深水埗逛街不知不覺已經晚上九點想起西九龍中心對面有家熱石牛排想著現在人應該沒那麽多了吧外面還是有十個左右的人在排隊但幸好的是裏面有兩個位讓我們先進不然的話應該會掉頭走明天請早~ 哈哈哈我選了牛柳朋友選了三拍子先說說牛柳$88 不算貴味道質感還可以但是可以説這個價錢可以有更美味的牛排而三拍子牛味十分重 各位要小心 不是人人能夠接受得了質感就是太難咬斷了！！！不太建議人選這個！餐廳環境 本來覺得不錯但不知道是否碰巧 竟然在我要走前發現小強幸好有人把它解決了而且不在我身邊但也太嚇人了 總結而言我覺得這家餐廳去一次還是不錯的因爲它可以玩自己煎牛排可以打卡而且對於要吃很多飯的人絕對是不二之選但對於我而言應該有更好選擇lol*希望餐廳注意衛生 防止小動物

早排聽同事講深水埗開左間好多人排隊既牛扒店，食既方法都好新穎下，咁身為食開齋既我(齋食肉)，緊係唔可以放過呢個機會。去到鋪頭當日，由於下午三點左右，唔洗點排隊，買完飛就可以入座，座位就比較細，唔算好舒服，亦可能係因為我比較肥啦。咁我就叫左300g既三拍子牛扒，一上黎就係得大約一成熟既，切開靠石板熱力去燒到自己喜歡既熟度，我大約燒到7成(個人認為)，牛扒係好食既，唔難咬開，食落口夠嫩夠淋，配埋多款燒汁，按個人口味黎食，正。飯，菜同牛肉湯就自助式出去拎既，正常無咩特別就唔特別再講。整體黎講係好食，價錢亦唔貴，絕對係一個新鮮既嘗試。

口淡淡想食下燒肉，但縱觀市面上幾間連鎖燒肉放題都三百起跳， 所以就選擇試下其他野。雖然肉吾係放題式任燒任食，但有無限野菜、飯同湯任食，尚算彌補一下放題心理。由前菜講起，野菜屬於正常，有三款調味將汁如果吾落調味就有少少dry。至於湯同飯方面，湯好理所當然係牛肉湯，比較油同味道吾係好出，但可以自己加黑椒或salt，飯就吾係日本靚米，但都屬一般的。主菜方面，今次點了三拍子牛扒同牛柳作為入門初體驗，個人比較偏好牛柳，肉質比較嫩口。三拍子牛扒就相對牛味重啲，同比較juicy，兩種肉走既路線都各有千秋，整體兩款都吾錯的。P.s. 個人覺得幾啱正真發育既年青人食，今次下畫五點倒去食，人數吾算多，但去到六點倒開始見人龍，所以可以早啲去

想食牛扒而又唔想煮，為左止下口痕的話呢間的確唔錯既選擇。平民既價錢好吸引，又可以迎合到小鳥胃/大胃王既你。有不同既g數選擇，最少180g最多400g。你要係門口排隊買完票先等店員安排入座。如果係一人叫一個餐的話就可以任食沙律吧，白飯同湯。野飲另叫如果share 牛扒餐的話要沙律吧就加$30位總括黎講，不要期望佢係靚牛都唔係cheap牛 中等普通牛扒，呢個價錢好化算。佢自助式，所有野都必需要自己拎，醬汁係自己前面都幾方便。牛扒汁加蒜蓉係絕配

今日難得平日唔使返工， 同老公去排三拍子牛扒，其實一早已經想食好耐，不過兩次次去排隊都食唔到因為真係太多人等啦。 今日好好彩，淨係排咗半個鐘就已經入到去坐，雖然大熱天時去等位但係我都覺得係值得嘅，因為真係好好食。佢係參考日本嘅牛扒屋形式喺出面買飛。然後就再入去食嘅。佢大部分都係200 gram或者300 gram嘅牛扒可以畀你揀，咁有三種唔同嘅選擇。我就揀咗76蚊嘅180 gram三拍子牛扒。入面嘅沙律同埋湯同飯都係任食嘅76蚊嘅價錢已經包咗唔使另外加錢同加一牛肉湯有牛肉碎好好飲食沙律同埋飲湯都已經爆咗一半。好期待佢個牛扒。因為我哋太得閒所以就喺度望下佢個食法係點。原來佢係全部煮到一成熟，然後再放落個熱力石板去等客人自己調配熟既level. 未食過咁好食嘅牛扒係76蚊嘅價錢仲要係沙律湯同埋飯都係任食，好抵食一定會再黎過。

之前喺Facebook見到有人介紹，又有喺OpenRice見到啲人話好抵，一直都好想試，趁星期日休息就特登過嚟試吓，6:30就已經嚟因為驚好多人要排隊，不過估唔到咁早都要排半個鐘。。呢度有啲似日本嘅餐廳用機俾錢再岀飛，之後侍應就會比嗰bibi機，等緊嘅時候我哋就去拎飯，湯，水<~免費！沙律都有得免費拎，不過我望落去冇乜吸引所以就唔拎啦！個湯吾知系乜湯，一飲就知系味精湯，飲一啖已經要飲半杯水👎👎我地叫左牛柳及3拍子牛扒，⚠️⚠️⚠️3拍子牛扒 ，我真系吾知系咩部位，超級”銀”,牙力少啲都咬唔開，最後我係切到勁細件，咬幾啖就吞落肚就算。。牛柳就林小小，不過冇乜味！最辛苦就係個冷氣，我見鋪頭其實有好多部冷氣，但可能廚房係出面所以啲熱氣走晒出嚟，我一路食一路流汗，行出街都涼過入面！✳️試過一次就算，吾會食第2次！走既時候見到條人龍仲長咗，我心諗應該要排一個鐘，咁嘅質素要排一個鐘，我諗佢哋應該食完會後悔！原黎宣傳真係好重要🙄

平時見成日都好多人排隊，所以決定一試究竟😛三拍子牛扒 (300g) $109較少肥膏，所以亦少了點油香。肉質鮮嫩但有少許筋，上菜時是一成熟，切片後略煎肉質就剛好。西冷牛扒 (200g) $120比三拍子牛扒油香味較重，肉質不及三拍子牛扒般滑嫰。但因油脂豐富，吃起來很香及有牛味。餐廳是自助式的，購買牛扒可跟餐免費任添白飯、沙律和牛肉湯。白飯香軟，較有驚喜的是牛肉湯，牛味濃厚和牛扒亦頗搭。沾汁亦有多款選擇，可按個人喜好配搭。

牛魔王🥩本人🙋三Triple Steak 超級人氣石燒牛排，有一排時間好出名，依家睇開埋幾家分店喔～睇d網友發文好似要排好長時間隊，我工作日中午飯過後去唔洗排隊😄👍～間鋪不大，一人一座提供三種肉🥩1.三拍子 2.牛柳3.西冷自助點餐，只收現金💰。除了牛排，飯沙拉湯無限任食！進鋪前點好餐，之後服務員會拿bb機卑你，等緊bb響就去拿🥩。牛排在熱石上只有一分熟，客人可以自己在熱石上煎至自己中意的生熟度。我點佐200g牛柳，肉質一般，但係食d新鮮野都幾有意思😁超便！

話說九點係深水埗收工，食黎食去都係嗰啲冇咩特別，男朋友去左帶我食呢間Triple Steak😋十點閂門，我地九點幾去到都仲要排隊，本身好肚餓唔想等，但見都唔算排好耐，又好似值得一試！餐廳用左日本好常見既「售賣機」形式買你想食既Set，菜單基本上得三種：1）三拍子牛 2）牛柳 3）西冷，每款都有三種份量比你揀。我地排左20分鐘左右就入座啦，我嗌左Triple Steak，男朋友叫左牛柳，兩種牛都叫左中間既份量。 結論係雖然Triple Steak價錢平啲，但我同男朋友都覺得好食過牛柳😂 因為飯湯同沙律係任添，所以真係唔會唔飽！兩個人最後都食唔哂啲牛，Overall 黎講我覺得係抵食，會再黎！

星期六同老公拍拖仔食牛扒。唔知點解 3拍子中間重量冇左，為有食最重那個份量。我地排第3,已沒有之前咁人多。沙津係生椰菜有點苦，加芝麻醬勉強食得下。牛肉湯淡d, 老公喜歡飲。有冰自助加於水上，這點很好，夏天救星。 之前喜歡食牛柳，後來喜歡3拍子。調味料有青芥辣，牛肉汁，黑椒，鹽，蒜蓉。我覺得點牛肉汁最夾。蒜蓉反而蓋過牛味。一上枱就急不及待切成片，切片後兩邊熱5-10秒就要食拉，唔係會over左。我一次過切片，因為之前試過一塊塊切，到最後不夠熱力。我覺得新開張時石板比較熱的。一去到台面都炸炸聲，而家唔太覺。希望店舖多加留意及改善。

成日見到排長龍，今日六點左右，見無人龍，抱著試一試既心態去試一下，但失望而回。座位唔好坐，又窄又迫，冷氣又唔夠凍,牛排🥩真係好難食，唔值得去排長龍，真係唔會再幫襯。

經常經過這間餐廳都大排長龍，終於有一次5:30左右便來到不用排隊就可以入去。餐廳內是自助形式，首先在門口用自動售賣機買了相應的牛扒後，入內之後自行去取前菜、飯和湯，這些小食都是任食的，當然不要抱有很大的期望，因為主菜是牛扒。至於牛扒，我們叫了兩款，一款是普通的steak，都叫了五成熟，中間有肉汁才好味，如果覺得太生，可以叫他在弄熱鐵板。總括而言，我覺得這樣的價錢能有這樣的質素已經是很好了，下次有機會會再來光顧。

本身等左好耐先入去都幾興奮既, 但去點知入到去都等左超過20分鐘先拎到塊扒, 係等既時間覺得餐廳環境好多蚊仔同飛蟻, 感覺已經麻麻地, 到終於拎到個扒, 點知個石板唔夠熱, 令塊扒好生, 要慢慢熱熟佢, 佢把餐刀又異常地鈍, 好難先切到d肉, 食左一陣已經冇咩心機再食落去, d飯硬都都不在話下, 總之唔會有下次