三ステーキ

Open Now

Now Closed

The steak was almost well-done, even another steak isn’t still like eating a robber. Also the attitude of the staff is not welcoming. And I have lunch with a little cockroach. The price is same with other similar shop but the quality is really bad.

由盲要睇電腦關係經開深水埗就黎同外子試下尼個平民牛扒.So far 係似日本既營銷方式係出面買完飛仔入門口已有人ready 幫你交單然後搵個位坐住等bibi 舊野叫就可以去拎牛.而佢價錢係包沙律吧有薯蓉有豆類有芽菜etc...我同外子嗌左1. 400g 肉眼2. 180g triple 3. 烏龍茶share.佢地全部以1成熟度上台然後自行燒到想要既感覺因本人唔係太鐘情半熟所以全熟左佢而外子就7成.覺得可以體貼d 比隻碟客人因為無其他地方放就會迫住d 牛變老.btw 有牛味當然你不能以蔗渣嘅價錢想要燒鵝嘅質素🤔所以以平民版既鐵板牛純想追求鋸扒既感覺都還可

呢間舖已經食過好多次，每次去都一定會叫既就係呢到既招牌菜石燒三拍子牛扒，石板就係面前燒舊牛扒，幾成熟都由自己決定，食落去口感一流，而且一刀就可以切得斷，肉汁爆棚。另外一個特色就係門口既販賣機，非常有日本既特色，完全自助，如果唔識用都會有職員過黎幫忙

I ordered the largest tenderloin steak available with oolong tea and was not disappointed with the serving size. large portions of meat on a scalding hot stone plate so that you can cook it to the level you prefer and several options to pick from at the salad. Overall impression is good. I would say great value for money. Improvement suggestions would be more condiments and better flavour options at the salad bar, the mashed potatoes and macaroni lacked in flavour.

《香港深水埗·三拍子熱石牛扒》熱石牛扒俾我第一感覺係貴同埋食唔飽😂（個人比較大食）。但三拍子真係抵食又好食，扭轉左我對熱石牛扒嘅睇法！三拍子以自助方式落單，店舖只有三款牛肉選擇：三拍子牛、牛柳和西冷。選好牛肉款式後就只需選擇重量，方便有選擇困難症的人（我）。牛肉的價錢已包括自助沙律吧，飯、湯、沙律都是免費的，所以唔使驚食唔飽。點餐後，店員會安排入座，客人可以先吃沙律吧的食物。沙律有薯蓉、雜菜、沙律通粉等，沙律雖然唔算超好味，但不過不失。牛扒上枱時，店員會好細心，會將廚房紙巾先鋪喺牛扒上，以免肉汁但落客人身上。所有牛扒都會以一成熟為基本熟度，再由客人自己用熱石煎熟牛肉。今次三款牛肉都試過：❣️三拍子牛： 個人認為最平但最好食，最香牛肉味❣️牛柳：感覺同三拍子牛差唔多，嫩小小❣️西冷：個人認為最唔值，有少少韌，價錢亦最貴總括而言，三拍子的食物質素性價比高，服務態度亦10分好，感覺像置身日本小店，唯一缺點是店舖地方狹窄，坐得唔係好舒服，但優點完勝缺點，絕對會再幫襯！

Triple steak 開左都一段時間, 一直都好想試, 但每次去到定經過都好長條隊，所以一直都未有機會食。今日可能仲係過年, 竟然冇人排隊更係即刻入去啦。 我差唔多2點到, 佢地今日收3點, 真係好彩jar.我同朋友叫左: 三度牛扒 180g, 牛柳 200g沙律+飯+湯 任食, 都好ok ar. 而且食落唔差, 唔會求其比客人, 真係好有日本風格。好快, 取餐牌就着燈, 可以攞。因為廚師只需預1成熟比客人, 再由客人因自己喜好再係熱石板上燒, 所以可以好快上菜。件扒黎到唔差wor, 好足份量。 切開黎肉質好靚。 我喜歡食生d, 所以切好就可以即刻食。 如果想熟d既話, 切開後反下佢, 用石板熱多陣都可以食, 唔洗等好耐。肉味好濃, 而且熟d都唔會韌, 真係好抵食。

👍🏻👍🏻👍🏻👍🏻/5分三ステーキTriple Steak-三拍子牛🐂性價比勁高🤣唔使一百蚊就食到呢個牛😄一開始得1成熟想整到幾成熟就又食家話事啦😁一切個下真係有爆汁出黎🥰可能呢個款肥肉唔算多所以食起上黎啖啖肉feel🤣啱曬d食肉獸😊仲有飯🍚沙拉🥗同埋湯🥣任食😀個湯都係牛肉湯黎真係有牛係入面😍所以整體性價比都ok-🚽(5🌟滿分)又真係唔覺有廁所🚾真.小～店

最近市面上盛行石板牛扒店，今次特登去位於深水埗嘅triple steak(三ステーキ)試一試。食店於門外以自助形式投票揀餐，真係好有日本感覺。店內提供沙律、水、湯自助bar，鍾意食幾多都得。 🥩200g牛柳 $85triple steak 個牛柳好厚切，大大塊加埋塊石板，真係滿足晒聲色畫🎶📺🌈感官享受，我有時覺得人好易氹，整體感官良好成件事加好多分。牛柳個質地幾靚，但老實講冇乜牛味，不過以$85有得食石板牛扒來講依然覺得性價比好高，幾抵食。職員服務非常友善，唯一唔好就係座位有啲迫，張凳坐得唔係好舒服。

之前成日見佢排隊排到轉晒彎⋯一直都唔敢去試⋯點知有人朋友再三極力推薦下⋯早早地六點左右去左⋯未有人排隊⋯門外有部自助點餐機👍🏽勁似日本⋯有多款牛肉選擇 仲根據份量有唔同價錢⋯買好飛仔後店員安排入座⋯店員都好Nice 好快牛扒已經準備好⋯全部以一成熟上桌⋯自己只試過牛柳同西冷牛⋯因為我好鍾意食牛柳⋯肉好嫩⋯肉質還紅紅的我就切好擺入碗以防佢過熟🤤西冷牛肉質有啲”孩”⋯食過一次就無再食喇另外仲有好正既係白飯任裝超岩我呢啲飯筒另外無限任添既仲有啲沙律、牛肉湯、水、茶等等⋯牛肉湯都好香牛味⋯好幾款調味料鍾意點食都得真係超級Free style

店員服務態度係全間店最好既地方，解釋細心入到去帶左我哋去最入座，座落就覺出事，食間嘢可以話冇抽氣可言，仲要座落冇耐熄左冷氣，OMG 香港家陣3x度架，店員話因為有啲位滴水所以唔開得🙄，除左熱仲係焗，呼吸不能。牛-買飛時店員已經講三拍子係韌啲既，咁我揀牛柳啦，但黎到都係堅韌，我已經真係三成熟都唔知有冇，都好似食柴咁，塊石板唔夠熱既，但因為己經咁韌冇必要去換再煮熟啲，加埋冇冷氣，一路切一路標汗。沙津-冇乜特別湯-....好淡色，入口只係味精薯蓉-最凍係佢，明顯雪櫃拎出黎，但因為個位太熱，我竟然接受到😓講真，去其他類似連鎖燒肉/花x餐廳都好過佢，價錢又差唔多，唔明點解咁多人排隊食。

熱石料理係以前富貴D既人先食得起，而家終於有平民價既熱石牛扖! 地點仲要係深水埗，港鐵出口行五分鐘就到，十分方便!以前未有疫情前，排尾係後巷巷尾，仲要等成個半鐘先入到店，而家都唔弱，排到電單車鋪轉彎位置，今次只係等左20分鐘。餐廳係採用自助購票機落單，要先購票後入坐。牛扖有三款︰三拍子牛扖、牛柳和西扖；份量再份200g, 300g及400g；我選了牛柳200g，朋友點了300g 三拍子牛扖，每份餐己經包任食沙律及白飯；入坐後店員會按每個餐給一個BiBI機，當聲響時，就去前台取餐! 牛扖上枱時只有一成熟，生熟係自己用熱石調配!牛柳香口，入口即化；三拍子肉質軟諗，牛味十足，咬落多肉汁。價錢收費平，有得玩有得食，經過深水埗既朋友，可以試試。                                                                                            

😜😜自己牛扒自己煎😝😝平既去餐廳食牛扒，叫medium(即係五成熟）多數都變medium well (七成熟甘解），但有時叫medium rare (即係三成熟），佢又真係整到好生上碟，所以好中意呢間，俾你自己煎住食，中意生d又得熟d又得🤪🤪又幾好玩加！首先要介紹一下佢個玩法，佢就真係好似日本好多餐廳一樣，係用自助售賣機（但我竟然忘記了影相😅😅）有三款牛，包括三拍子，牛柳同西冷，仲有唔同gram可以選擇自己足夠份量，包括200，300同400，叫牛包沙律唔好再買啊！飲品就要買啦或者有水提供。今次我就叫300牛柳而朋友就叫300三拍子，叫完就有人帶位！先來個沙律，係自助沙律吧，細細地都可以啦，幾中意食個通粉個湯我就覺得一般，唔好有期望朋友既三拍子我既牛柳上來個陣佢係一成到加咋，個面熟入面生，我就一路切一路燒一路食， 記得反下另一邊唔係就一面太熟😅😅😅而且唔夠熱可以搵員工換板！ 掛住食牛唔記得食飯🤣🤣🤣佢個到飯，沙律同湯都係任食加，所以一定飽😂😂😂😂

呢間人氣日式牛扒專門店Triple Steak，自助形式。門口有自動售賣機買餐，買完要再等位入座。已經8點但都排隊排到轉圜入後巷。歺分分種，三拍子、牛柳、西冷仲要白飯沙律湯任裝！我地叫左三拍子180g 同 牛柳300g。等待其間就可以食住沙律，湯。（通粉沙律，沙律菜，薯仔沙律，什菜）湯同飯放另一邊，個湯係牛味，味道淡淡但有牛味都唔錯。另外開水也是自已斟。鐵板上，要小心。建議一來加黑椒，鹽。食時一舊舊切，勿一次過切哂這樣會過熟。*推介食牛柳、三拍子肉質有啲鞋，牛柳質感好好多。另外有幾種醬汁，醬料自己溝點牛扒，本人較喜歡燒汁溝三拍子蒜蓉。夠晒飽肚的一餐。

《👽食神大媽食牛扒》🥩 牛柳 300g HKD115 @ 🌟 Triple Steak 三ステーキ.👽 大媽聽好多人提及呢間要排行行地排隊1-2個鐘嘅石燒牛扒餐廳，佢亦都可以稱得上係石燒牛扒熱潮開初嘅幾間餐廳之一，大媽因此慕名而至。.一貫石燒牛扒餐廳嘅餐牌，依不同部位、重量、不同價錢。呢間就係用日式自動售賣機落單，如果你一個人惠顧，記得先落單再入座喔。💁‍♀️.整體黎講，大媽對呢間餐廳滿意，因為性價比絕對算高，牛扒質量已唔差。唯一少少失望，原因係大媽點嘅300g牛柳，唔係完整一塊上鐵板，而係分幾塊拼湊夠重量上餐。.另外就係鐵板本身溫度相比其他同類店舖，唔夠熱，牛柳有一定厚度，變相真係好難熱到想要嘅溫度。.👽 大媽希望今次係偶一為之，但除此以外基本上無野可以挑剔。仍然推薦。.⠀❤️ 歡迎報料 ❤️⠀💯 最真實的美食吃播點評⠀長駐：香港🇭🇰 台灣 🇹🇼⠀常駐：澳門🇲🇴 泰國🇹🇭 日本🇯🇵 英國🇬🇧⠀.⠀👽 美食紀錄｜真實點評｜酒店實測｜旅遊休閒｜心理諮詢｜外星人忠實粉絲 🛸⠀

突然好想食石板牛扒，search search下見到唔少人推介呢一間喺深水埗既餐廳。疫情關係，餐廳要我哋喺門口嘅自助點餐機落咗單之後、度埋體溫先可以入餐廳坐。點咗餐無耐我哋嘅牛扒好快就出到😋我叫咗三拍子牛扒180g ($75)，朋友就叫咗三拍子牛扒300g ($109)，都幾明顯見到牛扒size嘅差別😂由於我坐嘅位係冷氣下面，石板好快凍，意外地食到七成熟嘅效果😂雖然價錢係最平嘅扒，但有牛味，好Juicy。另外仲可以任裝飯同埋湯，忍唔住食咗兩碗飯！餐廳亦都好貼心，準備咗有餐廳吉祥物嘅濕紙巾同埋信封俾我哋裝口罩，加分！