三一餃子 (通菜街)

Open Now

Now Closed

見佢開分店，又未試過就黎旺角排下隊。新開試業緊幫襯，門口又有人拎飛又有人排隊有少少亂，正式開可能會有改善。野食方面，叫左莞茜豬肉煎餃同經典豬肉煎餃每樣十隻，煎得幾有特色，係成朵花咁樣。不過味道唔算突出，正常水準咁啦。份量就略少，d餃好細隻，都係一啖一隻。依個價錢黎講唔算抵食。環境黎講，因為新開都乾淨嘅。坐落又唔算好迫，都食得舒服。不過最大問題係店員果到，有一個男店員初頭覺得佢幾nice, 不過見到有女仔落單果時佢有少少專登哄到勁埋d 女仔到落，幾反感。總括黎講唔洗排其實都可以再幫襯，但係見到店員個行為我諗都唔會再有下次。

在中環食過三一，最愛他的黑白松露豬肉餃，小食吉烈炸蠔味道同樣無得輸。可惜本身工作及居住地方較少去港島區，唯有自行買三一的急凍餃頂頂癮，但怎樣也做不到堂食的味道。知悉三一在旺角開分店，第一時間衝去幫襯。雖然隔了一段時間沒有去，但水準仍舊保持😋分店與中環店的味道亦沒有差異。是次點了4款餃子 + 必食吉列炸蠔，原本想一嘗關東煮，可惜售罄了，下次要早點到。除了食物質素外，我亦很喜歡三一用的貓貓碗，真的很可愛🥰旺角店比中環店闊落，而且營業時間較晚，以後想食餃子就方便得多～PS 有點掛念中環店的溫泉蛋飯，如果將來旺角店都有得食就好

太好喇，三一餃子喺旺角開左分店👏🏼 近左咁多，我就多左機會去食☺️ 而且兩間分店既Menu都有d分別，所以我覺得就算間唔中兩間都去下，都唔會覺厭～講下食左咩啦💁🏽‍♀️➿ 三一炸雞 ($34)炸雞暫時係旺角分店限定🌟 好腌尖既鐵飯腳都大讚呢度既炸雞做得唔錯，大舊到同隻雞翼差唔多，但做到外脆內嫩！🍗➿ 醉炸雞翼 ($33)呢個又係幾正😋 醉雞翼長期都係我既懶人食譜top 3🤣 冇諗過炸過既醉雞翼冇揮發到d酒精，而係仲係好有酒味，脆既醉雞翼不錯吃啊☺️➿ 關東煮 ($38)有冇人都好鍾意食關東煮？🍢 唔好以為呢度既關東煮細細碗冇咩料到，其實有好足料☺️ 有溫泉蛋、蘿蔔、冬菇、竹輪卷、魚片頭、魚丸s⋯⋯➿ 甘煮野菜 ($29)淨係睇menu見到會提食客食菜平衡下，都覺得老闆/員工warm☺️ 除左野菜，我就最鍾意入面既芋絲，索哂甜甜既湯汁～➿ 韭黃墨醉雞湯餃 ($48 *10隻)呢款餃子係店員(?)推介之一🌟 原來係同30 Store合作既餃子🥟 雞肉係用花雕玫瑰露醃製，慢慢細嚼的確會食到酒香，好有驚喜既味道🥰➿ 餃子大阪燒 ($56)圓碌碌既一碟有齊大阪燒有既元素，木魚碎、紫菜絲、沙律醬，好有創意既

中環三一不嬲係呀叔我返工食堂，見佢依家旺角開分店，就try try 佢。間野係正通菜街間拉麵店隔離，見到拉麵人龍就到都幾易搵。夜晚時間去到，見舖入面都幾full,幾熱鬧，門口有d 人等外賣。左入去，環境唔錯幾好坐。 望下menu,一如中環果間簡單, 唔洗諗就係食煎餃！叫左我最中意既蒜芯同埋薑蔥煎餃。餃係日式既，個底一敲脆卜卜，一夾分開一隻隻，熱辣辣，一咬d juice 爆開辣親條脷！筷子筒上面印個公仔似乎係用泥恥笑心急食餃辣親咀既客。。。蒜芯一如既往的甜，同d豬肉好夾。沾d 餃子醋，幾個人一下清晒。薑蔥餃係呀叔至愛，薑汁細蔥包餃，味道出奇地無與倫比！每次都會叫！Menu 其他野食同中環差唔多，係湯餃同中環唔同，湯底唔同左，見到有麵豉蝦湯底，不過我好想食丁麵就下次再試新湯底。湯餃皮好滑好簿，韮菜蝦味濃。之後仲叫左d 小食野飲，最好食係炸雞翼同炸蠔。幾個人share,食得好飽, 都係一百幾十，唔洗加一