三一餃子 (利源西街)

Open Now

Now Closed

今天和友人到了朋友介紹的餃子店，估唔到除咗餃子以外，炸雞都好好味呀~店內空間不大，位置也不多，坐下不久就全店full哂～店內張貼了手繪，非常有心思，侍應很有禮貌，令人感覺很親切～我們是在晚餐時間到達，但是很多款餃子（橙色highlight ）已經售罄，想嘗試各款餃子下次要早d到先得粟米豬肉餃子：粟米好清甜，肉質嫩滑，餃子皮也十分薄炸雞拼盤及餃子雞翼：非常有驚喜，雞肉很嫩，雞軟骨脆卜卜，配汽水好夾，配啤酒應該更好

黑松露蕃薯條$33～外脆內軟，入口香甜，加上黑松露醬，味道好特別。黑白松露豬肉餃，一碟有6只，這個味道的只有煎或是兩種，沒有湯餃所以我們選了煎。煎過的水餃底部香脆，而其它部份的水餃皮就相對比較煙韌、有口感。撥開水餃皮可以看到，水餃餡都好多黑白松露，絕對是貨真價實。冰花抄手(蒜芯)～ 有別於正常的抄手，冰花抄手是煎的，煎完後再加上蒜蓉和辣椒油。蒜容經過油爆香，加埋辣椒油，非常惹味，無論是味道或是賣相都好正。對於喜好辣和蒜的人來說，一定要試下。炸雞拼盤$48～ 拼盤包括炸雞肉塊、雅芝麻雞同埋雞軟骨。 雞軟骨唔會太硬反而好脆，好易咬； 雞塊和芝麻雞皮脆而肉滑，不會因為炸過而冇左水份，芝雞層皮的芝麻炸完之後更加香。同水餃比較，炸雞拼盤的味道相對較濃。～鰹魚昆布湯米線， 食咗好多煎炸嘅嘢, 再食番啲有湯水嘅米線綜合下。米線是套餐的其中一樣，可以配水餃，再加小食。套餐的加錢由$58-74不等， 還可以加$5或$7有飲品，$30 仲有啤酒添，在中環區來說這個價錢絕對抵食。

在利源西街這間餃子店裝修簡約工業風，店內幾乾淨企理！menu最主要係食餃子為主，煎，湯，炸再有好很多種唔同種類既味道，所以有好多唔同既變化！蒜芯餃皮好薄，唔會一夾就散，豬肉和蒜芯比例剛好，食出好有層次，肉汁都非常豐富。入口都好香口。烏冬個湯頭都幾香濃，但又唔係味精既味道！烏冬都幾 q彈，好彈牙呢！再叫左份炸芝麻雞翼，即叫即炸，非常香脆！但又唔會食到成口油。芝麻香滲入雞翼！香口呢！再跟餐要左枝啤酒，整體黎講都幾抵食又好食，性價比都好高既餃子店。

熟悉我嘅朋友都知道我係餃子狂從小到大，大大話話都食過吾少餃子吾好睇少一隻餃子由整餡，包法到煎煮炸可以有七七四十九種變化一隻餃子好吾好食在於餃子皮夠薄又韌，吾易爆開餃子餡菜肉要一比一，調味夠準.聽聞中環開左間「三一餃子」我同肥🐽緊係急不及待地就衝過去食下啦.小店裝修以簡約日式風為主面積不大，大約可以坐到十枱客店內乾淨企理，坐位寬敞.餃子為主亦供應小食，關東煮，米線，烏冬等落單方面簡單又直接有A，B，C套餐價錢都只係$58~$74，相當抵食.大阪燒餃子真係未見過冰花餃子最正嘅地方就係餃子邊超薄脆嘅冰花如冰花般嘅花紋，比薯片仲要薄，酥皮更要脆表面再放上大量嘅木耳絲，沙律醬同紫菜絲大阪燒嘅味道啖啖肉腍多汁嘅餃子薄，脆，酥嘅口感真係無得彈呀.傳統式嘅抄手係湯煮餃子再淋上大量嘅陳醋，蒜蓉同辣油而呢款結合傳統同創新煎至脆口嘅冰花餃子表面淋上大量嘅辣油蒜蓉同蔥花每一啖都好似食緊紅油抄手咁，好惹味.吾好睇少煮餃要煮得好味，都要好有技巧架餃子SIZE吾算大隻但餃皮好薄，而且包得結實，吾會爆開豬肉餡份量較多薑蔥味比蒜芯味更突出味道清新，而且入味又香口.以貓貓碗承載住，得意又有和式FEEL烏冬入口滑溜彈牙，鰹

Lunch time 去佐試呢個餃子店，個set可以有煎/水餃+ 米線/烏冬+ 小食。餃子有三款，蝦皮韮菜，蒜頭韮菜和栗米豬肉餃我個人比較喜歡蝦皮韮菜，麵有鰹魚湯/豆槳湯㡳，小食可加錢叫醉雞翼同花之丸出單快，味道ok ,個湯再濃味D會更好！

本來係想試下呢度嘅特色餃子，可惜來遲左，特別嘅款式例如玫瑰花餃等等已經賣曬，所以就唯有叫其他！蝦皮韭菜豬肉餃煎餃煎過後有一層脆片，煎餃煎得香脆可口，裡面餡料充足，豬肉都幾爽滑！大阪燒豬肉餃好似食章魚小丸子咁，加左海苔同燒醬係餃子上面，增加左個口感，同煎餃子都幾夾！蒜心豬肉餃、薑蔥豬肉餃蒜心係我最鐘意嘅一款，平時好少食到蒜心餃子，蒜心與豬肉比例均勻，融合得幾好，唔會好散，同埋佢水餃個湯真係幾好飲！薑蔥餡對比起蒜心有d普通，似係平時食到嘅餃子嘅味道。呢個貓咪碗都好可愛！餃子雞翼本來以為雞翼裡面包住餃子，原來係指個形狀係餃子，不過個雞翼都燒得幾香幾好食！鰹魚昆布湯烏冬主食好多都賣曬，得返呢款，我地叫左小辣，個湯底辣辣地唔錯，烏冬都彈牙！

今日同個friend去中環石板街睇halloween costume順便食個tea， 今次我哋去咗利源西街喺美之隔離嘅呢間三一餃子， 舖頭唔係好大 座位小我相信平時lunch time一定坐爆，tea time 冇乜人可以慢慢食， 但係我最想食嘅黑白松露豬肉餃已經賣曬😔 最後叫左以下幾樣湯)蝦皮韭菜豬肉餃湯底好好飲❤❤❤ 可以成碗湯飲曬 😛不過韭菜控嘅我，認為韭菜可以再落多啲😁(煎)薑蔥豬肉餃呢度所有嘅煎餃都有一塊好脆好脆嘅薄脆喺面，好似日本啲餃子咁， 好有口感，大愛!! 出面好少搵到(煎)冰花抄手(蒜心)呢個冰花抄手係我最鍾意嘅!! 因為佢有一大堆蒜蓉喺面， 口感味道都好豐富!豆漿蝦皮湯烏冬呢個湯都係可以飲得曬嘅湯，唔會好味精， 烏冬係稻庭烏冬質地 ，十分煙韌，另外佢有麻辣醬拌著 ， 下次我會叫大辣因為我真係好鍾意佢啲麻辣味!!

今日放工行街經過呢條小巷， 發現人山人海好奇睇一睇先， 出面睇只不過係簡簡單單普通一間食餃子小店，不過店內裝修都比較簡而精所以出於好奇人排我又排食下先 一路等一路諗定食咩先等左幾個字 ， 終於到我地有 3個餐可以自選同女友叫左 A+A and A+B+C推介 : 鰹魚昆布湯米線蝦皮韭菜豬肉餃蒜心豬肉餃黑白松露豬肉餃餃子雞翼中環地方好難得會開間特色小店仲要係價錢合理原諒小弟我睇下間小店食完真係會返轉頭 雖然排隊要點耐心但值得一讚， 好味

接朋友放工後嚟到位於利源西街嘅三一餃子。最吸引我嘅地方係呢到嘅特色裝修、貼心嘅英文menu同多款配搭。首先裝修，其實冇咩特別，但店面細細，用咗白色做主調，增加空間感。另外啲燈好得意，係有圖案嘅。牆上仲有啲圖畫，上面寫晒絕望quote😂至於menu，中環區上班一族有唔少都係外國人。雖然呢到係賣中國菜，但menu都有英文version，方便英文人士明白，非常貼心👍！另外呢到仲有啤酒/紅酒嗌🤣，幾得意 。最後就係配搭，呢到俾你自由配搭菜式，可以要餃子(A)餐，又可以要餃子(A)+主食(B)餐或者餃子(A)+主食(B)+小碟(C)餐，又可以追加食物，最緊要係價錢唔貴！呢到最出名嘅係玫瑰花餃子，奈可我哋去嗰日已經賣晒，老闆話係因為好難包，每個月最多只可以包到幾十隻，唯有下次再嚟試啦！我哋叫咗兩個A+B+C餐（$68），加配餐飲。- A 餃子 -蒜芯豬肉餃（煎）黑白松露豬肉餃（煎）（另加$4）雙拼（+$4）餃子每碟有6粒，加$4揀咗雙拼，所以每隻味有3隻😋餃子煎熟後，煎pan加入麵粉水同煎，令到餃子嘅底部有層薄薄嘅脆皮。蒜芯豬肉餃蒜味都幾出；黑白松露豬肉餃個松露味味道就超級香🤩大阪餃子燒（粟米）（

今日雖然是星期五，但小路裡面，有一間餐廳仍然是燈火通明，門口還有大量人排隊。我自己平時覺得，一個人覺得好食，是可以參考。但是當人人都排隊食，就是非食不可了。 餐牌有不同的餃子，傳統口味，特式口味都一樣有，炸玫瑰花餃子，真是十分新穎。而且有不同烹調方式，煎、炸、蒸都有，任君選擇。有不同組合配搭，分為是A餃子、B主食、C小碟。我就叫了A+B+C。如果你只想食餃子，可以叫A+A。 今日叫的2款，分別是栗米豬肉餃 及 韭菜豬肉餃。每一款餃皮都好薄，而裡面的陷料完全不會少，煎餃每一隻都好香口，而且唔會覺得太油，或者皮多過餡。每隻比例均勻，相當不錯。栗米豬肉餃，有濃濃的牛油味，好少見煎餃會出現牛油味，但相當好食，原來牛油加上煎餃，不會搶走本來的味，反而更加好食。 B 主食鰹魚湯昆布湯米線豆漿蝦皮湯烏冬清清地，配搭餃子一流，可選擇辣度。餐牌好有趣，辣度(垃圾，人，神) 。食得辣之人，不防叫到最盡。 C 小碟叫了餃子雞翼，吉列炸蠔及關東煮。1)關東煮湯好好飲，蘿蔔完全吸了湯的味道，丸類的亦十分彈牙，上面有一隻煎蛋，一咬開裡面的蛋黃汁，好好食。2) 吉列炸蠔是新鮮炸起，外脆內軟，完全唔會炸到乾，反而是蠔

今晚喺中環做完瑜伽約咗個朋友食飯聚舊之前聽人介紹三一餃子有好多特色餃就行過去試吓 以為好難搵原來係zara對面入去就係都好多人係度食 好彩朋友一早拎左位唔係唔知等幾耐 地方唔算好大 但裝修都好新淨 唔會話坐得好迫menu有好多選擇 又有得揀餐我地要左兩個A+B+CA係餃子見隔離枱係咁讚個黑松露餃好好食我地都唔執輸試下另外一個叫左韭菜蝦皮餃 餃子都係煎嘅最好食 黑松露果個真係好入味 一咬落去已經有浸味散出黎韭菜都好食 唔會食完之後個口一浸味好可惜玫瑰餃無哂 要早啲黎食先B係麵或者烏冬 我地都揀左昆布烏冬另外再加蘿蔔同埋冬菇 淨係食B都好飽個蘿蔔好腍 浸埋啲湯好好食C就係野飲 紅棗茶都有架 好健康可以加其他小食 我哋要咗炸蠔 熱辣辣好正仲有芝麻雞翼 同埋花枝丸都好有水準 下次做完運動都可以過黎食

中環食飯食嚟食去都係嗰幾間，所以一有機會就周圍去揾下新嘢食。咁啱揾到呢間三一餃子，我又勁鐘意食餃子，一於試下佢！一入舖就感覺到佢走新派路線。一睇menu,玫瑰花餃子？真係好創新喎！不過我作為餃子愛好者，梗係試下佢最基本嘅韭菜餃先啦！都擔心佢D創新嘢「伏」呀嘛。不過佢餃子真係做到皮薄餡靚！皮薄得嚟唔會一煮或者一夾就穿，餃子嚟講真係好重要。中環嚟講$60唔駛有咁好嘅餃子連碗米線，睇嚟嚟緊會變我飯堂。見佢雪櫃有啤酒，應該有做埋happy hour。炸餃子餸酒應該好夾，下次可以約埋同事去

A君的家底好、B君岀名獨到...腦內突然響起呢首歌，因為呢度嘅A B C配搭包羅萬有，絕對睇到你眼花撩亂😂 左拼右配，任君選擇🤤煎松露餃: 松露個道香氣齒頰留香，值得一讚係佢嘅煎法，係屬於比較日式，唔單止唔油膩，而且餃子同餃子之間嘅薄脆非常香口。煎餃子🥟唔油膩所以我哋決定encore，今次就食健康少少嘅四季豆豆腐素餃。豆腐呢啲容易出水嘅食物真係從來都好少應用喺餃子上面。估唔到好有驚喜😛豆腐嘅豆香再加上四季豆嘅口感，兩者嘅化學作用令個餃子更有層次！湯餃係我必點項目，蝦皮韭菜豬肉湯餃與別不同，最重要係佢多菜少肉更加合我何車。另外除咗餃子呢度都仲有好多日式嘅小食🤗餃子雞翼裏面包着滿滿嘅豬肉撈埋雞翼本身嘅肉，啖啖肉好有口感！羽衣甘藍同關東煮又係為我而設嘅健康野，屬於比較濃味嘅湯底，但依然食得出食材本身嘅鮮甜。酥炸生蠔除將唔會過厚，熱辣辣新鮮炸起，非常有heart~昆布烏冬雖然並無任何配料，但勝在烏冬質地煙銀有咬口，而且湯頭鮮甜，加分不少！喺中環可以搵到一間性價比咁高嘅食店真係可遇不可求，相信呢一間鋪頭係午餐時間嘅人流應該非常暢旺，我就最鍾意支持小店，希望店家會keep住呢團火啦🐥

在中環有很多不同的食市，反而見到有間餃子店十分特別，而且這裡的餃子都有分湯同煎同冰花仲有米線烏冬，小食方面差不多都有十款選擇，價錢一點都不貴十分抵食。我地最後決定叫了二個餐再加二個小食，比較少見蝦皮餃，今次叫了炸的蝦皮九菜豬肉餃六隻，炸得好香脆而且好香蝦味，豬肉都不少。蒜芯豬肉餃要了煎，不太油身，蒜味十足，而且皮十分薄身，有驚喜。我們喜歡鰹魚所以再加了鰹魚米線和烏冬，米線幼身又滑，烏冬有口感，鰹魚湯底好清甜有點菇味，每人加了五元和七元要飲品柚子茶和豆漿，太甜甜不錯。見到有不同小食就要了二款，黑松露蕃薯條，好新鮮而且黑松露味都幾濃十分抵食，自家制醉雞翼，都幾大隻而且價錢又抵食，有淡淡酒味。

個黑皮膚女店員一多人就態度超差，十問九唔應。同事同佢講俾number 我，佢只勁hea俾張menu我，number 呢？之後問佢我到時點知到我入座，佢先死死氣俾number 我。之後叫到我number又勁串同我講其實你入得㗎喇。我心諗，你塞係門口到我係咪要撞你入去？咪以為自己好醒啦。唔洗再幫襯！