3
1
0
Signature Dishes
PAPA's Dog Wendy's Dog 香腸拼盆 焗蕃茄
Review (9)
Level3 2014-03-16
501 views
洋蔥汁,腸我唔識分,不過好食,可惜個飽俾啲汁整到林晒。。呢個蜜糖芥茉真係好食!不過個飽都係林左。或者可以少啲汁或多啲菜墊底改善下。可能我唔識食啦,雖然已經很好一開2,但仍然好大個,唔知點食好,食到好狼狽。外賣著條係林埋茄汁上去的,5分鐘路程,食時已經林晒又唔係好熱 continue reading
(The above review is the personal opinion of a user which does not represent OpenRice's point of view.)
Level4 2014-01-06
148 views
After dining at Sooo Vegi (vegetarian) next door, I was still hungry!I went for the fried chicken drumettes because I have always wanted to try their chicken.★☆★☆★☆★☆★☆★☆★☆★☆★☆★☆★☆★chicken drumettes:At first I did not know they were all drumettes, when I opened the box I was delighted to see that they were drumettes because I don't like the wing part.The coating was golden and crispy and not too salty and the chicken was nice and springy.Usually if you get the hot dog set, they are only $3 as an add on but since I got them a la carte, they cost me $18.★☆★☆★☆★☆★☆★☆★☆★☆★☆★☆★☆★Sadly, they have stopped the seafood dog, so I could not order it. continue reading
(The above review is the personal opinion of a user which does not represent OpenRice's point of view.)
Level2 2013-12-11
80 views
本身已經係熱狗粉絲嘅我,見到團購平平哋所以走咗嚟試吓!當然今次係冇失望啦。我試嘅係 Boston Dog ,係用咗長長哋嘅紐倫堡腸配上黑椒汁。雞肉腸嘅味道都幾惹味,醬汁就比較濃味所以唔需要太多,而且 Trigger Dog Family 仲係即刻整所以熱辣辣(讚!)。麵包方面我覺得都夠鬆軟,至少唔會一攞上手就爛,單手可以攞住麵包連腸連汁完完整整咁一齊食。加上薯角同汽水一罐對我嚟講係夠飽,不個突然有種感覺....個餐如果可以加多幾塊薯片做裝飾,咁整體上就會更有美感 Trigger Dog Family 每個餐都有特別嘅形容,係幾有心思 ~  continue reading
(The above review is the personal opinion of a user which does not represent OpenRice's point of view.)
身為九龍人嘅小弟,北角區其實真喺好少嚟,所以對依區都唔太熟悉,但認識「熱狗家族」始於食友嘅一篇食評。位處炮台山電器道嘅熱狗家族,其實鋪面面晌內街福元街,正正天橋底下,由於鋪面細細,好易走漏眼,幸好光猛嘅燈箱招牌,一眼就認到!何解店名叫「熱狗家族」?英文名又會用咗Trigger Dog?哈哈,原來一家4口加埋隻小狗,就喺成個家族嘅成員,以5款嚟自唔同國家嘅熱狗腸,配以5種獨家特製嘅醬汁,造就出5款別具一格嘅熱狗,代表5個唔同個性嘅家族成員,有剛毅熱血嘅爸爸PaPa's Dog,有細心樂天嘅媽媽Wendy's Dog,有文靜好思考嘅仔仔Boston's Dog,有活潑好動嘅細女Essie's Dog,以及善解人意嘅小狗Trigger Dog。小小嘅店舖,廚房已佔去大部份地方,由於主打外賣生意,所以可以坐嘅地方唔多,裝修亦以簡單便捷,乾淨企理先行。廚房採取半開放式,所以師傅晌度整熱狗時,一目了然。雖然成員只有5位,但打好根基之後,自然歡迎新成員加入。啱啱晌10月中加入咗依個家庭有充滿香辣嘅Crazy Dog,而試食當日仍未推出嘅Oliver’s Dog,亦即將推出。今晚,多得食友之邀,有幸一同嚟到試試依兩款新產品,兼且人生唔打算做爸爸,但晌度亦可一嚐「爸爸」滋味。Crazy Dog(怪思熱狗,單價$28,套餐$37,包一罐汽水,一份脆薯角)以前啲人好怕瘋狗症,但喺依隻「瘋狗」,食落真喺幾正,如果搞個爛gag中文名俾佢,一家喺「瘋狗正」。以法蘭克福肉腸,淋上加入咗蒜蓉、香草、小茴香、墨西哥辣肉醬所做嘅香辣肉醬,雖則話落咗蒜蓉,但蒜味未夠明顯,反而香料味突出,中辣程度,極為惹味。再者,包身烘得香脆,所以咪話佢真喺幾正囉。最欣賞喺香腸之下墊在少量沙律菜,令個熱狗健康啲不在話下,墊起啲肉醬,一來唔會瀉到周圍喺,二來最重要唔會令醬汁浸濕個包嘛。尤其是唔喺即買即場食,可能拎返公司或拎返屋企先食,濕嘅包就一定無咁好食!Oliver's Dog(奧利華熱狗,單價$33,套餐$42,包一罐汽水,一份脆薯角)依個新成員,試食時未知佢晌家族中喺邊位,由海外返嚟嘅舅父仔?定喺晌外地多年工作嘅表哥?總之,佢就叫做「奧利華」。以新鮮蕃茄加上乳酪做成嘅蕃茄乳酪醬,微微酸香,感覺清新,甚有外國人爽朗性格,配以雜錦海鮮(蜆肉、魷魚、青口),口感富層次,又足料;而熱狗又點會無香腸,熱狗腸同樣選上德國法蘭克福肉腸,貪其皮脆、傳統又唔會太搶味,夾埋啲蕃茄乳酪醬雜錦海鮮,大啖大啖咬,絕對滿腔滋味!PaPa's Dog(爸爸熱狗,單價$33,套餐$42,包一罐汽水,一份脆薯角)試過兩款新產品,當然都想一試基本家族成員,因為有焦糖關係,所以就揀咗爸爸熱狗。話明佢性格剛毅熱血,肉質較厚又帶少少辣嘅匈牙利腸就襯晒佢,配以香軟嘅焦糖洋蔥,果然唔錯,焦糖洋蔥嘅甜味,更突出匈牙利腸嘅香辣。Chocolate Brownie(朱古力班尼士,$10件,$68底)除咗熱狗以外,仲有試到甜品「班尼士」,班尼士其實亦喺小弟至愛,第一次晌工聯會學整甜品就喺佢嘞。班尼士嘅朱古力好濃郁,亦較一般常見嘅濕潤同軟身,個人覺得口感較似蛋糕多啲,原來店主話想做隻新鮮出爐熱食嘅班尼士,口感喺要外脆內軟,每日2:30-6:30pm下午茶時段出爐,佢仲話遲啲搵到合適嘅供應商,就加入埋合桃添。撇除正唔正宗嘅問題,其實件「班尼士」真喺幾好食,一件都只喺10蚊雞!迷你蝴蝶酥朱古力班尼士已開始有供應,而迷你蝴蝶酥就喺正在研發,稍後推出嘅產品。雖然出嚟嘅外觀比較參疵,又出現烘焗得唔平均嘅情況,但味道不俗,入口都幾鬆脆,慢慢再改良調校,相信假以時日可以做出理想之作。買滿$60有免費送貨,當然小店經營,送貨範圍有限,最好打電話查詢一下。再俾多個溫馨提示大定,凡穿校服,或出示學生証購買任何套餐,都即減$3。此外,除上述產品,仲有小食、Mocktail,及打算推出更多甜品。早前新出嘅杯杯粉,喺怪思熱狗嘅意粉版,可惜啱啱賣晒,今晚只有望門輕嘆。不過,相信日後會繼續再有新產品,就拭目以待其他新家族成員啦!  continue reading
(The above review is the personal opinion of a user which does not represent OpenRice's point of view.)
Level4 2013-11-17
9 views
早兩個月和食友去炮台山「Trigger Dog Family」品嚐過店裡的 5 款家族成員熱狗,近日又再次收到店主的邀請,來試吃店裡全新推出的熱狗及小吃,實在非常開心,在此先行道謝。其實當知道店子有新出品後,已即時瀏覽了它的 facebook page,原來除了推出咗新口味 Crazy Dog 外,還有上次老闆阿 Cat 向我們提及過,以天使麵加上新鮮肉醬的杯杯粉,齋睇張相,已覺吸引。離上次到訪已經接近兩個月,門面依舊,不過進門前,迎面就看到這幅十分搶眼的宣傳海報。原來店主近日也接受了不少媒體訪問,絕對是件好事啊!製作咁認真又美味的熱狗,其實我也希望它會多些人認識嘛!食友甜姐兒十分眼利,竟然發現店主把我倆的食評擺放於海報內,哈哈,多謝店主欣賞我們食評啊!先重溫上次已吃過,食完會令你立即想再 encore 多一件的 Chocolate Brownie ($10/件,$68/底)。如果嫌一件唔夠喉的話,不如 order 一整個回家與家人一起分享吧!一底可以切出 8 小件,新鮮熱辣端上來,味道超正,可惜現時只在下午茶時段才有得供應,想食就要留意了。Brownie 味道和上次來吃時一樣咁討人喜愛,朱古力味夠濃郁之餘,濕度亦十分適中,而且吃起來絕不會過甜過膩,是少有吃到的高質素 brownie,值得推介。這些迷你蝴蝶酥也是店裡新出品,聽說售價約為 $15 一小袋。拿起一塊入口,講真牛油味唔算特別香,而且同「曲奇四重奏」的蝴蝶酥相比,鬆化度還是欠了一丁點,不過吃起來味道甜中帶微鹹,口感非常之特別,而且鹹甜味道融和配合,加上極之酥脆的蝴蝶邊,真令人忍不住一口接一口,買來作下午茶小點或宵夜零食,絕對超值。至於兩款新推出的熱狗,Oliver's Dog 奧利華熱狗 (單價 $33) 及 Crazy Dog,前者以脆彈的法蘭克福雞肉腸加上雜錦海鮮,再於面頭淋上特調番茄乳酪醬,配搭非常新頴。先試吓個醬汁味道,原來是用上乳酪、新鮮番茄配日式芝麻醬,難怪味道清新得來又帶著淡淡的番茄天然酸香喇。至於嗰層口感豐富的雜錦海鮮,哈哈,還是賣個關子,留待你自己慢慢去發掘好了。而另一款 Crazy Dog 怪思熱狗 (單價 $28),同樣以法蘭克福雞肉腸為主,不過面層鋪著的辣肉碎,用上加入了香草、小茴香及印度香料等製成的醬汁烹調,所以吃起來夠曬香辣惹味,配上那個烘得極級香脆可口的麵包,無論你是否嗜辣一族,相信也會吃得十分滿意。由於新出的杯杯粉早已售罄,這晚無緣品嚐,真可惜。不過唔緊要,原來店主也有為初次到訪的食友山區兄準備了家族成員最高領導人,爸爸熱狗。饞嘴的我當然也分吃了一點,辣香的匈牙利腸配香甜的焦糖洋蔥汁,個醬汁完全能吊出條腸的肉味,吃起來夠曬醒胃。下次到訪,一定要試試店主推介的  mocktail 和炸雞呢! continue reading
(The above review is the personal opinion of a user which does not represent OpenRice's point of view.)