12
4
2
Introduction
這是一間專門吃素食的食店,除了精美小菜外,還有素食的小食等.另外,亦有素食月餅買.
continue reading
Opening Hours
Mon - Sun
08:30 - 22:30
Above information is for reference only. Please check details with the restaurant.
Signature Dishes
這素菜館味道未到非常好! 但勝在有Sandy 姐(老闆娘).....太子店時仍未認識佢, 但到深水埗開分店後開始認識到她.在深水埗店通常喜歡外賣點心及齋鹵味, 因為做得不錯!如果堂食我一家選自選晚飯套餐(二人量), 2個湯, 2款自選小菜及1款自選飯麵. 呢晚, 眼闊肚窄, 但由於真係好鐘意呢度齋鹵味, 尤其咖哩, 夠晒濃味, 所以再加單!好喜歡這例湯(任何款式), 因為每次都好足料, 雖然無肉煲, 無味精, 但好夠味道但同時湯底亦好清!素叉燒口感像真度都係有八成似"真瘦叉", 反觀乳豬較遜色, 因為太乾令到整體較硬, 變得有點尷尬, 達不到乳豬的香脆同時又沒有應有的肉汁感覺.一款將素肉包著金菇炸的菜式, 類似金菇肥牛, 味道很香口, 但因為炸的關係, 令金菇盡吸油, 但勝在有酸汁混和, 變得中和了這油膩感覺!唔知什麼原因, 蒸後出了很多水, 再加上因為材料上沒有什麼較搶味, 再加上出水關係, 味道變得淡口, 所以就有點失望!這裡菜式款式多, 但略嫌比較油份重, 但整體質素都屬中上, 再加上老闆及老闆娘為客人殷勤款待, 感覺親切, 真的加了不少分!
continue reading
星期五放工後約了好友吃飯，我倆的中心點剛好是太子，一週的大吃大喝之後想來點清淡的，逐膽粗粗向好友提出不如來這家店食齋，不料她一口答應！這家店是在地庫，一進去的感覺像一家老茶樓，大部分都是上了年紀的食客。前菜是花生，入口爽脆，而且帶鹹香，十分開胃！招牌菜齋叉燒，味道像真度極高，口感煙韌，可是覺得太油膩，吃不了全碟。粟米粥，清甜可口，份量足夠三個人吃。紅燒豆腐扒時蔬，家常菜的味道。這晚跟好友談談近況，天南地北，無所不談，尤其談到大家工作已數年，但都開始對前程感到有點迷茫，不太清楚下一步應該怎樣走，能有一知己互吐心聲，甚是暢快。唯一美中不足的是一開始鄰座的食客扯破喉嚨的在爭埋單，擾攘了好一陣子，非常刺耳，多次打斷了我們的對話。吃飯過後，大家互勉一番，約定定期的見面也要食齋。希望大家下次再見面時大家已在目標清晰的路途上進發！
continue reading
小弟平時上openrice 都係睇既多寫既少最多都係update去自己個blog度今次點解要寫? 因為真係一肚火本身都幾鐘意食素閒時同家人去品嚐下素菜都係一種享受由油尖旺到大嶼山素食店自問都食得七七八八邊間好邊間差心裡一早有分數我住旺角, 新聚寶近我都食過5,6 次但經過今次我同自己講我一定唔會再去因為睇住佢越做越差香港做食店, 食物首要, 服務其次你服務差我無理由再去幫襯你再者食物有比較, 你無過人之處更加唔洗講~入正題~今次同女友一早訂位, 所以唔洗等坐低睇左陣決定叫個二人餐 $228 兩餸兩湯包甜品1.例湯 *22. 咕嚕腿球3. 荷葉飯4.鎮江骨餸超快上枱...本來係好事...但d 餸唔熱的除左碗湯做熱鎮江骨一個字~ 淡, 最慘真係無汁,墊底果d 西蘭花真係乾哽咕嚕腿球...又係無味, 口感還算合格荷葉飯都算有荷葉味....不過又係淡你可能會話我? 食齋緊係淡架啦如果你係咁話我你一定係食得齋少兼見識少 !! 齋唔一定係淡 ! 還可以比肉好食靈隱寺d 齋已經好佢十倍食物都算啦...都放晒落肚了飽到死食埋個糖水糖水(渣咋)係好食的 !! 由坐低同放低碗糖水都係半個鐘多少少食緊糖水阿姐已經叫我埋單...都算一放低碗連我杯茶都收埋.......想清下口都唔得七點半係食飯時間我都明岩岩食飽俾我休息下都得卦? 我又唔係賴死唔走, 多坐五分鐘鬆下褲頭都卦..你咁樣趕我走我非常反感 ! 找錢我都費時拿...留返俾你老人家最後幾年用或者你唔care 我呢個客我又唔care你呢間野做唔做到不過我同你講做食店唔係笑笑口就可以留到客係你做每樣事在客人眼中都會好在意用心做好服務, 做好每道菜 口碑自然來我份人好均真, 你做得好我一定讚, 做得衰一定大把意見緣份有始有終....新聚寶 byebyep.s 用餐途中廚房突然傳來4,5聲好大聲的"乞痴聲" 好恐怖.... o係食店遇見呢d 情況我第一次見...
continue reading
又係隔一段時間就搵阿舅母食飯嘅日子，見見面閒話家常，舅母對食無乜要求，唯一係要食齋，佢係信佛之人，殺生故然唔會，連五辛都唔掂，所以唔係間間素食館都得，穩陣嘅梗係搵番齋菜館。之前都試過常悅素食、六榕仙館、三德、功德林幾間，都甚有水準，但小弟貪心想試試其他，唔想翻兜，所以，依次就選中新聚寶，一來晌太子又近地鐵，交通方便，其次食評對店舖評價都唔錯，好幾篇更係值得參考。店子晌地庫，才7:00pm，一入內估唔到都幾旺，入面嘅位已經坐滿晒，係得番近門口一列枱，不過坐落無耐，餸菜都未點，都坐滿埋。環境屬於老派舊式齋鋪格局，平實樸素。枱上一個散叫用嘅大菜譜，另一個細嘅係套餐餐牌，翻開內容簡單易明，一整頁都係多款「自選晚飯套餐」，ABC餐係由2位到6位用嘅，價錢由$168去到$468，包招牌靚湯，精選小菜同粉麵飯；另外DEFG餐係一圍圍嘅素宴，8-12位用，特價由$888至$2,080，不過揀半席都得，價錢就一半多少少。跟住就一頁一頁咁，羅列晒套餐可揀嘅小菜同粉麵飯，天天新款招牌靚湯，再加多頁就係大廚嘅6款推介。 我哋4個人，咁就簡單啦，就B餐（4位用），招牌靚湯例窩，精選小菜自選4款，粉麵飯就自選1款，仲送埋糖水，份量都唔細添，真係點止4個人丫，5、6個人都夠食呀！個餐要$338，好似$5位茶錢，$10碟花生，加埋一，四舊水落樓，食到飽飽。未講食，先講人，一眾侍應唔係後生細仔，都係中年人士，但手腳之快真係唔可以睇少，因為上菜速度超快，落好單無耐，澎澎聲就上晒啲嘢，除咗糖水之外。金粟海底椰湯招牌靚湯雖然日日唔同款，但係指定嘅，無得揀，好似今日係星期六，就係金粟海底椰湯。話叫例窩，其實好多，滔完第一輪，仲有成半兜湯可以再添。始終係素菜，無肉無骨，味道難免稍為清啲，但感覺幾潤。桂花炒素翅素翅幾好口感，真翅一樣，色澤金光晶瑩，桂花就係炒蛋白粒，內裡仲夾雜咗素火腿、銀芽，食落幾爽口。就算唔點醋，都OK喎！三菇浸時蔬唔係浸時蔬喎，變咗蠔油炒。依期時蔬係白菜仔，而三菇分別有草菇、磨菇、雞脾菇，雖然係素蠔油，都幾香，而且啲菇菌幾鮮甜。五柳炸仙斑齋菜中嘅經典菜式，仙斑做得好有睇頭，大大條。「魚皮」炸得鬆脆甘香，又唔算厚粉，而裡面嘅芋頭蓉粉香軟糯，蘸點五柳酸汁，中和一吓油膩感之餘，食落更醒胃。竹笙鼎湖素好清淡嘅傳統素菜，材料落得幾足，有竹笙、冬菇、草菇、蘑菇、珍珠筍、木耳、銀耳、髮菜，炒埋一大碟，味道較為淡口。據知依個素菜源於肇慶鼎湖山，做法大概以多種素材，煮好依序排列成整成12層包山形上碟，所以取名叫鼎湖素。雖然今日依碟就未有包山咁嘅形，但份量夠晒多。海鮮荷葉飯扮海鮮嘅成員有「蝦」同「蟹柳」，再加埋雜菜、素火腿炒香個飯，再以荷葉包裹焗一焗，奈何，無乜荷葉香，而且飯粒炒得太乾身，認真麻麻哋，只係夠大份。渣喳糖水係送嘅，似西米紅豆沙多過係渣喳，味道本身已經普通，最弊係少少煲燶，雖然好輕微，都入到口嘅，只係感覺差咗少少啫。同舅母閒話家常又一晚，唔知幾時再約食下餐。老人家都呻咗好多屋企嘅難處，同仔女相處嘅問題，表面以為佢哋一家幾好，真係家家有本難唸的經，希望佢哋一家平平安安，心寧安好啦！
continue reading
原來吃齋都可以這麼美味, 而且選擇這那多, 味道與賣相跟模仿的原裝餸菜像真度逹八成或以上, 真不簡單!傳統齋舖必備, 味道很好, 很入味, 令人開胃的頭盤!炸得香脆, 味道不錯, 質感雖不像真鵝, 但美味以足夠補償!超脆的仿乳豬皮, 近真乳豬的肉及那層肥羔的質地, 入口感覺亦相似! 叉燒燒得乾身及脆, 差點忘了這不是真叉燒呢!不知如何弄出來的牛肉, 竟然可以這麼美味及與肥肉質地相似, 十分驚喜, 整個煲熱鰧鰧, 很香很美味喔!像真九成的口感, 賣相當然能以假亂真! 感覺真的像在咀嚼一塊肉塊, 想不到吃齋也不一定是清淡的呢!眼見差不多每枱都點的炒飯, 必定要試吧, 果然沒令人失望, 一是炒得夠鑊氣, 非常香, 二是味道真的很好, 不知那些火腿物體究竟是由什麼造山來的, 幾可亂真呀!!!是次真的是很滿意的一頓, 事關餸菜真的美味, 令人有不在吃素的感覺真不易, 讚! 服務更相當好, 大家都很亨受店員的熱情招待啊!
continue reading