富城火鍋海鮮酒家 (Closed)

最近我和家人第一次吃潮汕牛肉火煱位於旺角的富城火鍋海鮮酒家新推出了$498 潮汕鮮牛火鍋套餐(3-4人） 這個抵吃的火鍋套餐，非常便宜，現在單叫一個火鍋湯底都要一百多了，這個套餐可以一次過品嚐到圖片介紹的多個美味的牛部位包括手切潮汕牛肉、免費送牛骨鍋湯底、潮汕牛丸、多種牛肉部位(牛胸油、牛嫩肉、牛輾)等。 潮汕牛肉火鍋是風靡中國，原因是火鍋店選用的牛肉都是即日屠宰🔪，除了肉質嫩滑，用來煲湯，湯底亦份外鮮甜。 今次的牛切潮汕牛肉既有脂肪位，卻不油膩，口感滑順而甜美🤩，因此火鍋湯底不需要太過花巧，所以餐廳選用了清淡的牛骨湯，而灼牛肉過程不要超過十秒，大大保留了牛肉的嫩滑度。當我吃了這新鮮嫩滑的鮮潮牛肉，我又開始嫌棄吃我街市買的雪味外國牛肉了😝。 特別推介必食罕有部位如潮汕 #牛胸油 ，灼完像嫩白的魚肉片，而那種嫩滑爽口的程度，就像吃脆肉鯇和牛筋的口感，而且牛味香濃，絕不油膩，令人一試難忘！ 這個牛肉套餐竟然有我最愛吃的牛雜拼，牛雜份量多，充滿滷水香味，應該花了不少時間去烹調。由於太好吃了，不管我嚷著叫減肥要戒口，我也忍不住再散叫了多一碟牛雜拼(約$90)! 跟餐有的潮汕手打牛肉丸亦是好出名

👍🏻潮牛套餐 （$498）講到潮汕牛肉，相信大家都會諗起深圳，但係小編話你聽原來喺香港都可以搵到一間又平又高質素嘅酒家！✨潮汕鮮牛肉✨潮汕牛𦟌✨手切牛胸油✨手切牛嫩肉✨新鮮牛雜拼✨潮汕牛丸酒家用上手切鮮牛肉，食落去肉質好嫩，碌嘅時間都唔需要太長！仲有潮汕爽彈牛丸，咬落去真係非常Juicy；牛雜亦都冇帶任何異味；牛胸油爽脆，而且油脂感重；牛𦟌帶點軟筋位，咬落同樣軟淋。套餐更加會送埋一鍋牛骨湯底，真係明顯見到超大嚿牛骨！若然仲想追加，都仲有多種牛肉嘅罕有部位，或者常見嘅火鍋食材！小編就加咗一份脆鯇片同一碟瑤柱蛋白炒飯！魚肉都幾晶瑩，不過有少量嘅幼骨；炒飯就非常之有鑊氣啦，瑤柱絲同蛋白碎都清晰睇到，鹹香足夠！#優惠情報🔻 以下店舖均有提供呢個套餐：📍富城火鍋海鮮酒家黃大仙環鳳街33號鳳祥樓1樓📍正冬火鍋料理旺角太子道西103-107號地舖

食物ok性價比係唔錯可惜基本上係冇服務可言全程自己招呼自己最厲害嘅係你埋單嘅時候個經理會走嚟同你講係咁易畀啲貼士好喎令到你原本諗住畀聽完都唔想畀感覺極差其實而家啲餐廳無論做幾多優惠就算想擺啲心機落去搞好啲嘢食如果唔搞掂啲服務或者唔取替咗嗰啲貼士文化本地食飯嘅體驗真係好難再有競爭力老實講今晚埋單七個人每人都成五舊水但係服務真係麻麻地最慘仲要拗貼士邊有出聲問人攞貼士咁肉酸㗎

尋晚係Happy Friday緊係要同屋企人一齊聚餐啦，咁先夠熱鬧架嘛😬仲要比小編發現酒家出左一個性價比好高嘅火鍋3-4人套餐😊身為邊爐控嘅小編就當然要同屋企人去試下佢啦🤤潮汕鮮牛火鍋套餐 $498美味牛骨鍋潮汕鮮牛肉1份潮汕牛𦟌1份手切牛胸油1份手切牛嫩肉1份新鮮牛雜拼1份潮汕牛丸10粒首先呢個套餐係免費包埋個牛骨湯底架😋牛骨湯配上潮汕牛肉真係絕配呀🤤可以食到濃濃嘅牛味😊小編就最鍾意食手切牛胸油，不但爽口而且充滿牛脂香味😋真係正到冇法形容呀😬而太太就鍾意食牛雜拼，有不同嘅款式，包括：牛膀、牛肺、牛腸 同 牛柏葉，食落就知好新鮮👍而牛丸亦係屋企人相當鍾意的，爽口彈牙 牛味亦十足😋P.S. 除咗呢間有套餐供應之外，仲有兩間有供應架😊富城火鍋海鮮酒家 地址：黃大仙環鳳街33號鳳祥樓1樓正冬火鍋料理 地址：旺角太子道西103-107號地舖

與波友運動完，行經《富城酒家》門外見宣傳海報 （潮汕手切鮮牛火鍋套餐$498），有潮汕鮮牛肉、潮汕牛𦟌、手切牛胸油、手切牛嫩肉、新鮮牛雜拼、潮汕牛丸，送牛骨湯底，覺得抵食，酒家裝潢有懷舊感。我們點左潮汕手切鮮牛火鍋套餐牛骨湯底有粟米、杞子、牛大骨頭。潮汕鮮牛肉：新鮮味鮮甜很嫩滑，超美味😋。潮汕牛𦟌：色澤鮮紅，肉味鮮甜，筋膜爽口，好吃到停不了👍👍手切牛胸油：白色筋健很爽脆可口。手切牛嫩肉：略帶點肥，肥瘦均勻，牛肉味濃郁，很美味😍新鮮牛雜拼：有牛毛肚、牛百葉，因是新鮮有些鮮甜香味，又腍又滑好好食。潮汕牛丸：有十粒，正常發揮。總結：牛肉新鮮味美，這套餐抵食值得推介👍💯經理話以下店舖都有此套餐提供：富城火鍋海鮮酒家 地址：太子運動場道21-27號運泰大廈地舖富城火鍋海鮮酒家 地址：黃大仙環鳳街33號鳳祥樓1樓正冬火鍋料理 地址：旺角太子道西103-107號地舖

講到食得Openrice一個樣，點可以唔試下呢間嘅招牌菜？今日我揀咗鳳爪排骨飯啦，開盒瞬間已經鬼香👻後巷煨得滑嫩嘅鳳爪同上好排骨湯汁夠哂味，簡直係撈飯神器。仲有架！燒賣咬落去Q彈得滯又唔會過肥，真係可以話係平民價錢嘅高級享受。口感呢？排骨飯嘅肉質彈牙得嚟唔肥膩，啖啖肉嘅滿足感真係正啊！而燒賣嘅肉汁一咬就流出，配上少少豉油，簡直係咸香又滋味❤️。總括來講，今次食嘅鳳爪排骨飯同燒賣，真係價廉物美，難怪傳嘅咁開。下回再嚟，我一定要試吓佢哋嘅腸粉同咸水角，講到我嘴角都流晒口水噃！要係你仲考慮緊食咩，不妨嚟呢度，真係唔會令到你失望架！👍🏻

喺太子睇完花 去搵嘢食 諗起好耐冇去嘅富城火鍋 入到去自己搵位 只見3名姐姐 好忙 取火鍋單自己點餐 叫咗鴛鴦湯底 肥牛 鵝腸 鮮蝦雲吞併韮菜餃 墨魚丸拼蝦丸 皇帝菜 啤酒 食品ok 招呼就冇喇 推介肥牛鮮蝦雲吞 墨魚丸蝦丸 幾新鮮好爽 食品同以前一樣都可以服務就比以前差

以前成日都有黎打邊爐，係呢年疫情黎少左，今日終於都黎打一次邊爐，因為想食小食，所以叫左酸薑皮蛋同泡椒鳳爪，但個短髮女職員話無酸薑皮蛋,由於該名職員見到我地想食，就話廚房肯幫我地整，咁好啦，我地就照叫，出黎既酸薑皮蛋真係大失所望，同以前既水準差好遠，無紅油同醋，居然落鼓油……真係無野好講。其實如果唔識整既，唔好話可以幫我地整，亂咁黎····因為呢碟酸薑皮蛋餐牌無寫價錢，我地又唔記得左問幾錢，埋單發覺佢寫廚部手寫單＄58，當我問呢個係咩黎時，佢地答我係酸薑皮蛋，一碟連個廚師都唔識整既，要收＄58真心係有d 貴囉，同埋佢女職員都應該要同我地講下幾錢，咁樣其實唔係咁老實囉。錢我都會照俾，＄58蚊買到你地公司既誠信，雖然最後男職員自己拎20蚊出黎俾返我地，但我地無收到，因為唔係個男職員既問題，係個短髮女職員唔老實，咁樣做生意，只會趕客，俾你厄都係厄一次，以後都唔會再黎……其他食物都退步左

Restaurant Review📋Food🍽Steamed Sabah Giant Grouper🐟- Perfectly Steamed. Super Soft & Juicy, Fresh & Umami👍Ambience💗- Called to place the takeaway order 10 mins⏳before arriving the resto, still needa wait for 25 mins⏳after arrived the resto. May due to the resto prefer to well received the money💵before start cooking🤔

嗰日交貨俾阿Gary哥肚仔超級餓就見到呢間野中午係食點心，咁就試吓啦一入去同阿姐講飲汽水唔要茶位得唔得呀姐佢話你洗杯都要開茶所以為咗個幾蚊我就唔飲汽水不過頂住道氣大如大陸的麵點皇，飲汽水可以扣翻一個茶位。我仲趕時間熱辣辣，本來好想比負評。阿姐就教我擺兩隻筷子打開蓋吹快啲涷啲茶講真依間野唔係平，不過腸粉都OK好食。佢哋唔明白好多後生仔唔想飲茶想飲汽水...要遷就一下年青人市場點心，總唔算難食算數啦。中評

昨天同朋友到這酒樓晚飯，小菜都算美味，價錢算是合理(但不老實) 。 點解不老實……就是我致電訂枱時問到是否有象拔蚌$298(條)，接電話的職員回答（係有），我拍聽錯，所以重覆問問題真是$298原條……她都是答正確，跟著我訂枱時預留了一條。但最後結帳當我查單時發現不是$298，而是$498……她們話已加價，但是點解我落單時不告訴我們已加價呢，我已問過兩次價錢才落單$298條，埋單後便說不是這個價 ……我覺得不太老實是只這一點。

星期五放假,中午出街睇下有咩食,醒起之前的士司機講過呢間平絕全城盅頭飯試試佢先,20蚊有三款飯揀,17蚊點心,呢個價真係冇得輸,食落雖然冇大酒樓啲咁入味,但都吾差,又大盒

收信用咭 但唔收"銀聯"…差啲冇錢埋單宵夜9點後優惠 唔係以前咁部份食品6折轉咗新點菜紙 宵夜紙明碼實價 大部份都低食 貴價嘢質素一般湯底正價冇平嘅 芫荽湯底$58 鴛鴦鍋底$58 唔係沙嗲 係麻辣湯唔太重味 唔係大辣 ……藥材雞湯底 $128 成隻雞低食象拔蚌/條 優惠價 $298薄切細細片 "腥" 冇畀蚌胆嘅桶蠔$98☝️桶蠔 $98 有6大隻 灼咗蠔肚脹卜卜👇廣島蠔$38 5小隻 灼後勁宿水 嚡苦手切鮮牛肉 色淡微水 冇勿牛香醉鮮雞腰 冇酒味 $48 賣相唔靚鮮鵝腸 細條幼身 冇勿油香 $48黃金炸魚皮 $42 脆香脆鯇魚片 每份斤半 $98 大堆頭 有魚片 魚頭 魚腩 魚骨 低食嘅 略嫌魚片切得太厚身 鐘意食魚就夠晒食

聽朋友講佢好似冇以前咁好食可能最近天氣凍 大把人去食水準稍為下降尚可接受不過真係好抵食叫咗個138蚊嘅醉雞淨係隻雞都已經夠曬咁多人食醉雞鍋 真係幾香嘅不過下次都係唔會叫食完隻雞 都唔夠肚食其他嘢最緊要連雞件都好味又滑又有雞味我最鍾意佢啲滑啲蝦粒夠曬彈牙口感好好雞子攞出嚟雖然有啲變形但係我都係覺得好好食口感唔會粉但係佢個粉腸就麻麻喇魚腐真係 口感麻麻響鈴炸到脆卜卜真係一流今日多人到仲出現排隊嘅情況服務唔錯嘅

諗住同朋友喺旺角傾下計食下嘢已經六半點左右到點知係唔夠早到原來要喺旺角食放題式打邊爐除咗要早到係要更早到如果唔係就要等到十點半先有得食除咗ridiculous之外我都唔知可以用咩去形容佢同埋係人周圍都係人心裏異常 煩躁答咗兩站巴士到地膽中央行咗兩條街諗住求其搵間嘢食下終於都見到呢度 上網見到評論都唔錯諗住好又一餐唔好又一餐其實環境唔算乾淨忙嘅時候阿姐都有黑黑地面湯底老實講初初真係有啲失望但係點解我會再返嚟食呢就係四個字精彩食材老老實實我真係未食過咁鮮味嘅鵝腸同雞子淥兩淥食入口鵝味撲埋嚟雞子淥成晚都唔會硬點解呢佢明明係火雞子即係要雪點解成晚都咁juicy?雖然佢好多嘢都冇得食賣哂但係佢啲海鮮真係鮮到 喺個水缸攞出嚟劏嗰隻連攞嚟做湯底嗰隻蟹都好食好食好好食超級鮮甜最緊要滾完都大把膏連墨魚滑都彈牙到起哂膠口感無法形容我而家先至知起膠係乜嘢意思呢間嘢真係好好食I'll b back現場有唔少吹水客一定冇趕人嘅現象