TOSS 蘇媽.蘇媽

Open Now

Now Closed

當知道沙田新城市廣場開左蘇媽蘇媽，作為沙田友真係好興奮😆呢間蘇媽蘇媽晚晚都咁多人等位，少啲耐性都食唔到😅 作為主打嘅肉骨茶當然係必叫！花膠拼豬腳彎肉骨茶 $198 呢煲係2至3人份量，其實都覺得佢好大煲～而且花膠夠大夠多，豬腳彎又夠哂入味，豆卜同支竹更加入哂味無得頂👍👍👍真係好足料 ！ 椰香咖哩叻沙 $86大大碗又多料，充滿椰香味，而且勁多料，有魷魚圈，蝦仁，獅蚶，豆卜，豆角，芽菜及魚肉圈～ 虎咬獅 $42我覺得呢杯飲品個名好搞笑😂忍唔住要叫黎飲下😝其實呢杯係由美碌mix白咖啡而成，味道都唔錯～ 椰汁班蘭冰 $48 椰汁味香濃，而且加左西米，好有口感！

⭐️ 辣死你嗎配烤雞髀（$89）大大隻雞髀🍗炸得外脆內嫩，色澤誘人😍，香氣十足！翠綠的斑斕飯，配上脆卜卜的魚干仔、炸得酥脆的花生粒、脆酥酥的蝦片，整體入口極富層次感，非常貼心地辣醬另上！⭐️招牌肉骨茶（一字骨）（$129）香濃藥材味，但入口清甜，味道普通人完全可以接受！一字骨完全做到一咬就骨肉分離，軟腍鬆化！內有大量配菜：竹枝、豆卜、冬菇、杞子等，另配有油炸鬼、油菜和白飯，一鍋下肚，非常滿足😌⭐️椰香咖央多士（+$38）多士做到表面微焦香脆，內裡牛油和咖央醬呈現半溶狀態，入口香氣滿溢，滋味絕佳。⭐️馬來西亞拉茶（熱）一大特色拉茶，必點之選！泡沫非常豐盈，入口順滑可口！❤️📍TOSS 蘇媽.蘇媽 (沙田)沙田沙田正街18號新城市廣場一期1樓107號舖

喺呢個商場覓食，行咗去餐廳集中嘅地區，行過圈，見到呢間，馬來西亞菜🇲🇾，好似幾啱呢日嘅胃口，於是就決定入去開餐🤣呢度有多款午餐可以選擇，咁要咗 $139「招牌肉骨茶（一字骨）Bak Kut Teh - Spare Ribs 配白飯，油炸鬼，油菜」🤩「招牌肉骨茶」成煲上，熱辣辣，飲啖湯先，湯底味道好濃郁，仲有啲啲藥材味，好飲🤩；一字骨有三條，每一條都頗為巨型🤩，黐住有好多肉，豬肉煮得好軟熟，一咬就完全離骨，仲可以配蒜蓉同黑醬油一齊食😋油菜 係「唐生菜🥬」：大大碟，新鮮爽脆好食😋$48「椰汁班蘭冰 COCONUT PANDAN DRINK」：成杯綠色，有助眼睛健康🤣；飲落有椰香🤩

去完新城市廣場嘅恐龍公園再走到最底層搵下有咩好食當中呢間馬來西亞餐廳更是大熱每次經過都好多人✨皇帝骨肉骨茶香港唔多地方飲到好味嘅肉骨茶呢煲好有份量仲好足料皇帝骨啖啖肉，加埋豆卜冬菇等飲完暖笠笠．入秋必點✨椰香咖哩叻沙湯底又香又濃郁嘅叻沙充滿咖哩香味．辣辣地好惹味蝦肉爽滑．加入魷魚等海鮮✨甲必丹咖喱炸魚柳啖啖肉嘅魚柳．外層酥脆不油膩咖哩汁淋上米飯上．更滋味✨蒜香青龍菜好少食到呢種菜．非常爽口蒜香嘅味道令不吃蔬菜的朋友 都停不了口✨美祿暴龍 ✨三色拉茶飲品都幾多選擇．有特式下次要再試埋榴槤特飲同甜品

係沙田同小朋友玩完，近近地搵個地方填飽個肚，見到有蘇媽，有飯又有湯麵就入左去🍚辣死你嗎配炸雞球$86聽個名以為會好辣，原來成個飯都好溫和😂椰漿飯好吸睛，係鮮綠色🫣食落椰漿味唔係好出，好似有淡淡淡班蘭味～雞球大推👍🏻👍🏻好juice皮又好脆，成舊雞都好熱辣辣，不過似雞塊多啲每件都好大塊，配埋參巴醬，小小辣味道又再複雜啲😆仲有其他配料👉🏻青瓜、花生、乾魚仔(超脆淨食會咸左d)、蝦片(唔係好脆)、蛋🐓怡保雞絲湯河粉$83入面有蝦魚片雞絲芽菜韭菜，湯底比較清淡，突出左芽菜同韭菜味，好岩小小朋友食🦐檳城福建蝦麵$83麵底揀左滲滲，湯底無尖沙咀分店咁濃，可以再濃同厚身小小就very Good，蝦大隻爽彈，豆卜好吸湯，入面仲有豬腩肉、通菜、芽菜魚片同蛋

今晚同我朋友去，雖然平日去食，但係好多人都去攞飛排隊食。今次終於試到，好滿足😋最出名的一字骨估唔到入邊有四條厚肉一字骨，肉質鮮嫩多汁，帶着藥膳湯底，仲有加埋豆腐卜冬菇，食到番尋味！我哋叫埋一碗八飯，湯飯咁食好好味😋福建炒伊麵上菜後已聞到很香的蝦味，好夠鑊氣！啲蝦夠大隻又多， 鮮味十足。微辣伊麵夠爽胃，配料夠新鮮和入味程度都給我驚喜。三色拉茶三色拉茶的奶香和冰凍的口感相結合，令我回味無窮。好重奶茶味帶點甜。椰汁斑蘭冰味道有些似三色冰，但裏面有斑斕的粒子，好香椰香味，喺依度嘅特色，下次會再點。在這個用餐環境中，桌椅整潔舒適，我感受到了舒適和放鬆。服務人員的友善和樂於解答問題更是給了我一種被尊重的感覺。的確是不錯的體驗，有興趣會再光臨🥰

約咗朋友嚟沙田睇展覽，出發前先去新城市廣場食晏。揀咗商場 1 樓呢間主打馬來西亞菜同地道小吃嘅「TOSS 蘇媽.蘇媽」。餐廳裝潢亮麗，每張檯面都鋪上了耀眼繽紛嘅彩色磁磚，環境非常舒服，充滿異國風情。原來「蘇媽蘇媽」係馬拉文，代表「乜都有」嘅意思。朋友想食肉骨茶，所以一坐低就即刻點咗個細雜錦 (1-2人份) - 配油炸鬼 ($168)，而我就揀咗客招牌砂煲老鼠粉 ($128)。肉骨茶湯底味道相當濃郁，藥材味唔會過重，入口順喉香醇，風味地道。啫喱骨有兩大件，炆至骨肉分離、豬手仔軟而不爛、三層肉鬆化帶油脂香、豬肚爽脆彈牙、雞腳稔滑富膠質，另外茶湯入面仲有支竹、豆卜同冬菇等，份量十足，食完好飽肚。老鼠粉以砂煲盛上，熱辣辣，材料非常豐富，除了主角銀針粉外，還伴有魚仔、蝦米、肉碎、乾蔥、炸蒜同特調豉油，吃時將中間嘅生雞蛋與所有配料拌勻，惹味之餘，更帶陣陣豬油渣嘅油香，非常美味。飲品點咗我哋至愛嘅美祿恐龍 ($45) 同 椰汁班蘭冰 ($48)  美祿恐龍夠晒冰凍，加上頂頭厚厚嘅美祿粉同美祿可可球，口感豐富有層次。班蘭冰嘅椰香同班蘭味好夾，比例合宜，入口味道好清甜，內裡還有粒粒西米，嚼感十足👍

次次食蘇媽蘇媽都一定要飲肉骨茶！！❤️花膠拼豬腳彎肉骨茶 大大件豬腳充滿膠質，超多件厚肉軟淋花膠，內骨茶好香藥材味，飲落好香，又有回甘味🧡高佬麵配炸雞球 炒麵非常入味，濃郁惹味調味岩岩好，炸雞球炸得好出色，外皮超香脆，咬開肉質仲好嫩，仲有魚乾仔+花生粒等配料，味道口感都更加豐富💛美祿恐龍 美祿味超濃郁，面層灑上美祿粉同埋美祿波波，超邪惡但又好jengggg💚桔仔薄荷梳打 桔仔勁重酸味，顏色好清新，中意飲酸野既可以一試～

餐廳裝修好有馬來西亞風味，枱面好友懷舊風味，用咗彩色陶瓷鋪切而成👍我地叫咗：❤️檳城炒棵條佢嘅特色係用炒鍋熱炒新鮮嘅粿條同埋豐富嘅配料。粿條係用米粉製成，質地軟綿，入口滑嫩，同時亦有啲微微嘅彈性。喺炒鍋炒熟嘅過程中，加入魚醬同埋各種新鮮嘅蔬菜，例如豆芽菜、蝦仁、魷魚同埋雞蛋等等，令味道更加豐富。炒熟嘅粿條會吸收醬汁同埋配料嘅鮮味，帶出一個濃郁嘅香氣同埋口感。❤️肉骨茶細雜錦以豬肉骨頭為主要材料，配以豐富嘅藥材同埋香料。肉骨茶係用獨特嘅湯底熬煮而成，湯底富有濃郁嘅豬骨味道同埋香氣。加入各種藥材，例如當歸、党参、黨蔘同埋桂圓等，令湯底更加芳香，同時亦有滋補嘅功效。飲咗個人即刻暖咗👍❤️我哋叫咗杯特飲「似水榴槤」真心推介呢杯嘢因為榴槤味超級濃郁。👍

🇭🇰 #一粒波食好西-🍖 乾肉骨茶一字骨 $178第一次吃乾肉骨茶，很驚喜肉很軟嫩入味，一咬就脫骨腐竹冬菇也很香很入味，還有大腸入口即化醬汁很適合拌飯🤤🤤⭐️⭐️⭐️⭐️⭐️-🐟 辣死你嗎 配炸魚柳 $86名字好可愛😂其實就是馬來西亞國民菜nasi lemak 椰漿飯有蝦片/花生/魚仔/青瓜/兩大塊炸魚柳飯很香椰漿味，還有辣醬⭐️⭐️⭐️-🦖 美祿暴龍 $48美祿+雪糕，濃郁香甜，美祿控最愛⭐️⭐️⭐️⭐️-☕️ 恐龍下蛋 $48想不到到白咖啡+美祿也挺配，咖啡味很香⭐️⭐️⭐️⭐️-🍗 TOSS 蘇媽.蘇媽沙田沙田正街18號新城市廣場一期1樓107號舖11:30 - 22:00-#一粒波ARollingBall #一粒波碌去沙田 #hongkongfood #hongkong #香港美食 #沙田美食

係沙田新城市入面既TOSS 蘇媽.蘇媽主打馬來西亞菜~環境乾淨四正, 裝修充滿馬來亞風情食物種類非常豐富!!有多款傳統馬來西亞菜式, 例如叮叻沙, 肉骨荐等...美祿暴龍 $48鍾意美祿既朋友一定不能錯過!! 呢杯係我飲過最濃郁既美祿黎~~美祿香濃清新而不膩口, 加上雪糕既冰涼滑順超解渴呀!!!椰汁斑蘭冰 $48椰汁味道濃郁, 帶有陣陣既斑蘭清香~~味道清甜可口, 冰涼清爽一字骨 $178一字骨肉骨茶入面有豐富嘅配料, 包括一字骨, 枝竹, 豆腐卜, 冬菇等.....湯底濃郁鮮甜, 帶有濃厚藥材同香料嘅香氣, 入口滑溜!!一字骨份量都唔少呀, 大大件, 啖啖肉~~肉質軟腍而且鮮嫩多汁, 仲要入晒肉骨茶味辣死你嗎配烤雞脾 $86烤雞脾好大隻呀!!! 烤得金黃酥脆, 肉質鮮嫩綠色既飯有淡淡既斑蘭香氣~每一啖飯都可以品嚐到斑蘭既香甜, 米飯鬆軟而有嚼勁

🌟今日同朋友來到沙田新城市廣場搵食，決定去「蘇媽蘇媽」食馬拉菜，一定係我最喜愛嘅肉骨茶。***** ***** ***** ***** ***** 🥘皇帝骨肉骨茶$208原個砂煲上，將食物保持原汁原味，藥膳湯底非常濃郁，我哋成碗成碗湯咁飲，非常養生；另外仲有豆腐卜、冬菇、腐竹等材料。🧆檳城炒棵條$118 其實係臘腸、蝦肉炒河粉，似大酒樓咁夠鑊氣，好好食。虎咬獅$42其實係美綠+白咖啡😂三色拉奶$42=椰糖+奶+茶店內環境好光猛，唔錯👍🏻

皇帝骨肉骨茶蘇媽嘅肉骨茶係藥味派而不是胡椒味派。肉骨茶用嘅豬肉全部都已經去骨，加上枝竹、豆腐卜、冬菇和杞子，非常足料，份量足夠兩至三個人食都沒問題。高佬麵配炸雞球炸雞有驚喜！個人認為可以媲美連鎖店嘅炸雞👍🏻外層脆皮，裏面肉質嫩滑。但高佬麵就比較普通有點偏鹹。桔仔話梅水（熱）雖然話係話梅水，但其實柑枯味好濃郁，酸酸甜甜可以解膩。美祿暴龍（凍）食東南亞菜必要嘅飲品！上面再加上一球雲呢拿雪糕！消暑之餘亦可以回味兒時嘅味道。

蘇媽蘇媽多咗幾間分店，間唔中想飲下肉骨茶，而家都可以好方便就飲到啦～ 今次就嚟到沙田呢間分店，可能因為係平日嘅關係，唔使排隊就輕鬆入座🤤椰香咖喱喇沙💰HK$86麵底果到揀咗最有馬拉特色嘅滲滲，可以一次過試哂油麵同米粉嘅唔同口感同味道！個人比較喜歡米粉，掛湯能力高，比較好入味～細雜錦肉骨茶配油炸鬼💰HK$168個湯嘅藥材味好濃郁，飲落去好暖胃，有種好滋補嘅感覺！因為係雜錦，材料非常之豐富，可以一次過試哂都唔同嘅肉骨！湯入面嘅枝竹豆卜都好入味！仲附有一啲調味料可以加落去個湯度，或者用嚟點肉食～燒豬頸肉💰HK$92大大份豬頸肉配上沙嗲汁，豬頸肉超彈牙，同沙嗲醬嘅味道好夾～馬拉沙嗲串燒6串💰HK$98我哋揀咗豬肉同雞肉每樣各三串，雞肉肉質好普通，豬肉就比較Juicy～

週五沙田新城市廣場吃馬來西亞菜，之前已經睇到呢間好多人介紹，於是同阿媽一齊黎試試食得馬來西亞菜當然要試試肉骨茶肉骨茶充满藥材味和甜味，比足五大塊一字骨，肉多有肉香，另外還有豆卜，腐竹，乾花菇，用料不俗很實在湯底甜甜的，適合喜歡藥膳的朋友，另外餐廳還附上生蒜蓉，甜豉油，辣椒點排骨除左肉骨茶，我地還order了辣死你嗎配炸雞比，色彩繽紛的斑蘭椰漿飯同炸雞比，加上辣醬，小魚干，蝦片，飯帶斑斕和椰漿的香味，充滿馬來風味另外我地一人點了一杯野飲:椰汁斑斕冰和桔仔薄荷梳打，前者香兒不甜，後者清爽解膩，都很不錯😊