317
25
4
Telephone
23438666
Opening Hours
Today
12:00 - 14:30
18:00 - 22:15
Mon - Fri
12:00 - 14:30
18:00 - 22:15
Sat - Sun
12:00 - 15:15
17:30 - 22:15
Public Holiday
12:00 - 15:15
17:30 - 22:15
Payment Methods
Visa Master Cash OpenRice Pay 微信支付 (國內)
Number of Seats
120
Other Info
Wi-Fi
Alcoholic Drinks
May Bring Your Own Wine
Cake-cutting
Parking
Phone Reservation
Delivery
10% Service Charge
Review (371)
Level4 2021-04-10
1087 views
呢間位於愉景新城既日本餐廳食物選擇超多,而且唔太貴,間唔時我都會同朋友過黎食飯~牛油果軟殼蟹野菜沙律牛油果完全無發黑既地方,十分香滑軟熟。軟殼蟹新鮮炸起,外層香脆,入面既蟹肉嫩滑。芝麻醬會另上,可以自行調教要加既份量。德島麥粒麵豉青瓜八爪魚朋友揀既佐酒小食,感覺幾得意。麵豉同青瓜,八爪魚粒意外地夾。不過我唔太分得清邊啲係麥粒,邊啲係麵豉既粒粒。厚切牛脷心串燒超厚切!超彈牙!鐘意食牛舌既朋友一定要試下呀~淡淡既鹽味已經好好食。安格斯牛肉火鍋食親鍋物,我都鐘意叫牛肉火鍋~佢地既牛肉都幾好食,肉質唔差之餘亦有幾香既牛味,而且份量絕對唔少。另外值得一提既係,佢入面竟然布皇帝菜!而且豆腐既豆味好濃,亦好滑~我地仲點左兩杯cocktail。朋友點既Jack係青蘋果味,應該係帶比較清新既果香味。我點既白湖純白色好靚😆雖然落左燒酒同牛奶,但蜜糖味超級突出,所以主要都係飲到蜜糖既香甜味道,唔會飲到燒酒既酒精味。呢個價錢絕對係超值! continue reading
(The above review is the personal opinion of a user which does not represent OpenRice's point of view.)
Level4 2021-03-23
1344 views
因為睇醫生,由將軍澳坐到黎荃灣,一頭一尾,幾乎坐曬成條地鐵線,真係晏覺都訓左幾轉。所以要充分利用在荃灣既時光,呢度幾好咩都有,有新商場,小朋友遊樂室,大公園,平街市,咩都有!行到腳累,買野買到荷包乾,梗係要醫下肚。無返鄉下咁耐,又係要探下啲好朋友。叫左個豐盛嘅獨自食晚餐,嗌咗串燒、天婦羅同埋刺身飯,真係大滿足!呢間餐廳叫做鳥山名,上網睇原來鳥山名係名古屋嘅一個漫畫作家,好似IQ博士、七龍珠都係佢作。係星期一再食一餐咁好嘅,為成個星期都作左一個美麗嘅開始!走地雞胸三角軟骨$42絕對唔係普通嘅雞軟骨,超好味!因為根本係唔同嘅部位。三角軟骨係肩胛骨連接雞翅膀既部位,所以特別長同脆。走地雞胸三角軟骨因為呢個係雞隻郁得最多嘅部位,而且肉較多同鮮嫩。配襯埋惹味蜜味魅嘅燒汁,送啤酒一流!野菜天婦羅$75新鮮即炸上枱,已經贏咗三分漿薄脆化,又拎多三分菜式種類多,有冬菇、南瓜、本菇、番薯、秋葵、矮瓜、蘆筍又有三分!最後個一分俾點嘅汁同埋味道,所以加加埋埋係滿分!食刺身飯最緊要賣相,堆到滿滿嘅,未食先興奮!三文魚腩海赤蝦芥辣章魚飯$120三文魚腩入口肥美海赤蝦鮮甜爽口彈牙,又大隻啖啖肉再加上埋刺激辣辣嘅芥辣,攻擊我嘅味蕾,完全被佢哋俘虜了。一啖飯入口,有齊晒唔同嘅海鮮刺身,真係好滿足!食咗一餐高質嘅日本晚餐,我可以繼續努力本星期嘅工作了! continue reading
(The above review is the personal opinion of a user which does not represent OpenRice's point of view.)
Level4 2021-02-07
2644 views
黎到Dpark搵食L1依層比較多日本餐廳鳥山名位置比較唔起眼 唔行入去都見唔到佢睇個樣唔係好靚或者高級 以為會麻麻哋 不過見有75折所以試吓餐牌選擇都唔少 不過如果冇折就少少貴揀咗個牛肉手打烏冬 ($76)係折咗再加一嘅價包沙律 茶蒸碗 甜品 飲品成個套餐好豐富吸引沙律係火箭菜加醋小食係海蜇 個醬酸酸甜甜 超開胃茶蒸碗麻麻哋 質感ok嘅 入面有日式魚蛋🍥同少少肉 不過蛋味唔夠香🐂牛肉烏冬好食! 出乎意料的多牛肉 仲要冇乜根 少少肥膏 牛肉味亦好出 好新鮮👍🏻烏冬係稻亭烏冬 粗身 煙韌又滑身湯底味道濃厚又唔太鹹 所以烏冬好入味比起之前食過咁多間日本餐廳嘅肥牛烏冬黎講叫好好食🍡甜品有抺茶蕨餅 細細舊 咬落少韌又少少軟 起糕同啫喱中間 如果抺茶味濃啲會好食啲 不過算唔錯 起碼抹茶味唔假飲品都多選擇 不過我就叫檸水算晏晝唔飲得茶🙈味道正常 冇落糖都已經甜甜地-估唔到味道質素咁好因為位置好入 又冇乜裝修 感覺比較殘舊 燈光又少少暗坐位都還可以 唔算逼嘅服務ok 一般Cp可以叫高 雖然叫刺身飯或者燒魚會貴啲 但係烏冬餐全部$100以下 75折咗更加抵食 主要係佢超豐富又足料😍好少見牛肉會咁多咁靚高質高質 continue reading
(The above review is the personal opinion of a user which does not represent OpenRice's point of view.)
Level4 2020-12-29
2287 views
前日(27-12-2020 Sat)晏晝,同老公送完膠同衫後食晏,去No Boundary?唔去住lu,因為好似好耐冇食日本嘢,而我記得想食嘅呢間,於是走嚟,我哋去到唔算好多人,等一陣入得,但限時一個鐘.坐低後睇完大大份menu後,決定要兩個假日定食,而定食可配刺身或餐飲,我哋都要生刺身3片.1. 生刺身3片端上嚟時,我哋重以為係wasabi豉油,原來呢3件刺身係好細件,有螺,魷魚同三文魚,口感味道正常,後兩者都薄切.2. $115.00嘅8件壽司定食,配牛肉/蟹柳手打烏冬,沙律,前菜,茶碗蒸蛋同甜品老公揀咗牛肉,牛肉正常嫩滑,我就冇試手打烏冬.8件壽司由呢間嘢自由發版,口感都正常,不過有啲飯好似硬硬地.3. $96.00嘅醬油漬牛舌稻庭烏冬,同樣配沙律,前菜,茶碗蒸蛋同甜品睇見醬油漬牛舌雖然有8片,但薄切,係切到好薄好薄,好似最多得2毫米,但味道仍然好濃郁.稻庭烏冬就唔算好彈牙.湯底只有唔多嘅醬油漬,算OK嘅.沙律好味,係醋嘅功勞.前菜算開胃.茶碗蒸蛋滑,除咗冬菇外,重有魚片,瘦肉同白果.甜品係日式抹茶麻糬,味道口感正常冇驚喜.而由於想要$138.00嘅大滿足甜品係未有,老公就再叫啲,原本想要$42.00嘅串燒鮮鵝腸,但又冇,咁就要:4. $42.00嘅串燒鮮雞腎微鹹彈牙,唔錯.味道: 5分5. $32.00嘅串燒雞皮超邪惡,脆卜卜.6. $58.00嘅蕃薯雪葩好細個好凍同好甜,但唔似雪葩似雪糕.味道: 4分7. $58.00嘅迷你南瓜雪葩呢個味道冇咁甜,好清.味道: 4分味道係3.56分服務:會密密收嘢,但唔會密密斟玄米茶.會問我哋雪葩上得未. continue reading
(The above review is the personal opinion of a user which does not represent OpenRice's point of view.)
今日去左愉景新城覓食,見到有間叫島山名望落都唔錯咁,就入去食下!打開餐牌見到食物的種類都算多,有壽司,有鍋物,有串燒,有沙律,有麵飯!!!🍡壽司定食壽司定食包了7件壽司同埋5件卷物,當然仲有前菜同埋麵豉湯!壽司的質素對我黎講就尚算可以,但無乜太出色!🍡吉列蠔一客吉列蠔有四隻,外表金黃,內裡多汁熱騰騰!一咬落去果刻鬆脆的口感,配上蠔的鮮味,真係好唔錯!!!最重要係吉列蠔竟然食落去無油膩的感覺!!!🍡火灸三文魚脆肉壽司平時常見的都只是三文魚或者係三文魚腩壽司,我第一次見有火灸三文魚脆肉壽司!我好奇心之下就叫左一客!三文魚魚皮被火槍炙燒,火炙過後魚油香好突出,魚肉滑嫩!! 真係好好食!!!🍡泡菜黑豚五花腩辛辣火鍋 + 手打烏冬終於到重頭戲 - 鍋物!!!材料十分豐富,有滿滿的黑豚五花腩,泡菜同豆腐平鋪在大量的娃娃菜,金菇同粉絲上面!另外,微辣的泡菜被辛辣醬醃好後在湯裡融解散開,十分惹味!!!呢道菜真係十分推薦!!! continue reading
(The above review is the personal opinion of a user which does not represent OpenRice's point of view.)