Toppings (Closed)

之前去左隱藏於整車行中既好食hotdog shop....topping....間野有少少SOHO既小店感覺.....有部TV....又provide 左一d magazine...入面唔係太光猛....可能夜晚會搖身一變成為bar 啦...我試左spicy BBQ..朋友就要煙辣肉...再加十幾蚊要個combo (有一個soft drink +薯角)製作需時....有得食啦~..好期待...唔係因為hungry...而係可以任加配料.....我同朋友都好瘋狂咁係咁落....pinapple (係最好食既一個配料....同hotdog 好match 呀!!), mushroom, onion, cabbage, tomato, 酸瓜......又落mustard, tomato sauce, salad sauce....如果有埋itlian salad dressing就好啦~~又見到d crushed pepper...又落埋....可惜朋友落得太多.....搞到好似volcano ash 咁.....真係好好食~~最鍾意自助配料bar.....一定要再去食....下次要試洋蔥圈同漢堡包(都可以任加配料ga~~)…查看更多

熱狗飽身鬆軟，份量十足！腸身選擇亦多，但實話，分別不大，毋須挑貴價的！BBQ汁味道足，配料亦為任擇，得分之舉！吃罷山地人法飽，乾硬！一較之下，大熱狗自以點數勝出！實話實說：扒爐煎腸沒必要多油，索乾上飽亦為易事，港式老廚鬼莫急於買馬而懶散也！…查看更多

係美國住左咁多年，最鐘意食junk food.. burger hot dog pizza 無一不歡，亦吃過一些很好食的burger，而Toppings的食物ok la，不算太正宗，但理個價算唔錯。我同我女朋友叫左chesse burger 同frankfurk hotdog，加左薯條同可樂x2。餐廳頗細而乾淨，坐滿最多有20幾人但會好迫，所以你會見到D人一個人霸四個位，大約十凸個人就叫滿啦。食物準備得好快，5分鐘準備好。Chesseburger，首先，我唔鐘意得蕃茄粒無一塊塊的，洋荵亦是.. 牛肉有D overcooked, 肉味不夠香及骸口，不過肉汁夠滴到成台都係。個包係最正的，夠脆又夠軟又有sesame味，幫個burger拉反高D分，70分。熱狗個包都正，但係條腸唔夠熱，唔夠香，熱狗最好鐵板上煎又鎖肉汁，皮脆肉香多汁燙口，所以里個得65分。薯條炸時油溫太高，好lum，變透明。50分。可樂只得罐裝，我個人喜歡有冰的杯裝..會凍D!…查看更多

見飲食雜誌介紹熱狗店, 這間算是最特色的一間, 便和老公食個lunch. 這間店位於離地鐵不遠的橫街, 很快便到, 不過細細一間不過20左右張枱而已座滿, 還有人在等位.我們心想味道應該不錯吧, 如果不好就不會咁多人食啦!我要了: 辣肉醬熱狗+蒜蓉牛油, 有味薯格, 蜜桃snapple.老公大人要了: 辣肉醬熱狗+溶芝士, 芝士薯條, diet coke(coz 普通coke唔凍) <- 芝士怪我們坐在冷氣壞了的bar位下, 等了都差不多15分鐘終於來了, 很慢呢, 如果是返工 lunch 等到來都唔洗食了. 由於配料可以自己任加, 我便各加了少少, 如生菜絲, 粟米, 磨菇, 蕃茄粒, 煙肉碎, bbq醬, 除了生洋蔥沒加 and 可恨冇哂我最愛的菠蘿. (但老公見到廚房仲有幾箱!)而老公我就見到他加了很多磨菇 (磨菇怪?! 無啦~~~只是好少少.....)同埋d黑椒, 我就"pat" 了一"pat"蒜蓉牛油給他, 熱狗好好食呀, 又大個, 不過食得好困難, 而那裡d人只能夠幫我切開一半……人地想用刀切來食呢(因為唔知點食), 老公就想要手套, 因為大家都食到成手都係哈哈.老公食唔到溶芝士味反而食到好香口的蒜蓉牛油(因為可愛的老婆給了我 1 "pat" 蒜蓉牛油), 溶芝士....無味.....騙人呀~~而芝士薯條d芝士溶左就要用手”滅”開, 也是沒乜味的芝士, 至於有味薯格就唔覺有特別咩味喎, 只是份量好少同埋炸得好脆! 食完極飽!!見到漢堡包d牛肉都幾juicy…..個樣, 下次會再同老婆仔來食!…查看更多

去錯左舊址食左個包之後...當然搵番想食果間Toppings熱狗店試下佢個大熱狗啦^^嘩...個menu除左熱狗之外仲有漢堡包同其他炸物~係一貫gei美國食品~ 正合bb胃口呢=p我們選了香煎辣肉腸~ 果然超長隻熱狗超大隻>o<之後去加toppings咩都試下加先^^加左粟米、生菜、酸青瓜、蘑菇、菠蘿、辣肉燥、紫椰菜 (其他仲有蕃茄... 唔記得lu=P)醬料加左芥末同酸辣醬~~完成!!一隻足二人份量gei熱狗大巧告成!!一句講晒好正!!bb咁中意食熱狗同漢堡包，一定會再黎^^…查看更多

來食 TOPPING 好似SHOPPING見到有咁多好評...又咁近我公司一定要尼試下喇叫左個雙層芝士漢堡 + 薯條 + 汽水呀....好得意播....佢個飽只係俾左 兩塊飽+肉+芝士其他d 配菜係要自己去夾....自己再選的當然啦~~係任夾的....個感覺好似去shopping咁....係咁鍾意乜就要乜不過咁就出現左一個問題喇呢d 配料係我地自己夾落去的...所以 未必會真係咁 同個飽咁arm key此其一....另外因為係分開夾的關係....d 配料根本係同 個飽係分開的....一咬落去....d 配料就會 掉晒出尼....此其二咁點食呀????雖然佢d 芝士幾特別....味道是較為淡的一種芝士.....但係都救唔番 配料的呢個缺憾呀!!另外個薯條都係一般jack啦~~~~就咁炸完.....d 油 炸得唔香....同埋比較淡味....所以...我覺得....呢間野一般啦~~~~食得多麥記都可以尼試一試喇…查看更多

好久沒來這裡吃熱狗，得知這裡終於有位坐，所以也來光顧一下。食物質素依然良好，但價格就暴漲了不少。從前30個大洋就可享用熱狗、薯條及汽水，現在所有都要分開買，熱狗($27)、薯條比以前少($8)及5個大洋的coke，結果現在要40個大洋至可以食到一個set。另外，配料好像沒有了cheese粒，有點失望。是次我吃的是辣熱狗腸，腸肉有一些好像「筋」的東西，咬不斷，但味道不錯。…查看更多

已經唔記得食過d 咩熱狗啦, 淨食記得好好食, 不時都想去食... burger 又食過, hotdog 又食過, chips 同salad 都食過最好食都係hotdog, 又可以自己加配料, 正正正~~…查看更多

I've been a customer with these guys since their old shop to what it is today. And I must say the service the food everything has been good all along. I highly recommend anybody to try them out, it's worth the deal! The prices for the food are also considerate and reasonable. At least way cheaper and better then Shae'em Buns! The 2 bosses are friendly guys and customer service is the best. Of course if they could add more choices of toppings for the burgers and hot dogs in the future, that would be cool. I heard they will be implementing more choice of food into their menus, a definitly a good place to check out!…查看更多

行過才知Toppings 搬了新舖, 地方大了舊店極其量比一個 hot dog stand 大少少), 環境更似美式的小 diner/bar, 有閃閃下的霓虹燈, 有餐枱也有吧位, 這才似吃熱狗和burger 的地方嘛, 不過沒留意有沒有 burger 的朋友啤酒賣) 。要了一隻Spicy BBQ Hot Dog ($27), 包和腸烘的有點點烘烤味, 微暖的, 挺好。香腸比較香口, 可能是我選Spicy 的關係。熱狗配料照樣任加, 有酸瓜、粟米、蕃茄、紅椰菜等等, 各式各樣的醬料自然少不了, 下得挺過癮。有電視, 可看奧運, 但門口的突出位分別令我一次扭到腳跟和一次差點 PK, 已向店方反映, 希望盡快改善啦。…查看更多

叫了辣法蘭克腸熱，他的熱狗有很多種腸的選擇，很多的腸是沒有見過。熱狗SIZE巨大，最特別的是醬料和配菜可以自己加，有很多的配菜和醬料，酸瓜、洋蔥、生菜、蕃茄等等，熱狗很飽肚，麵包是即烘的，新鮮熱辣好味。薯條是典型港式炸薯條，波浪紋的薯條很久沒有見過了，脆口但熱氣。下次要試一試這裏同樣是主打的漢堡包了，全店香港人，應該是香港人開的西式BURGER店了。http://icuteee.mysinablog.com/index.php?op=ViewArticle&articleId=1307901…查看更多

8-8-08 (五)新店鋪比以前寬落得多，又多了座位。牛肉漢堡 ($30): 拍照時已香氣撲鼻，肉汁豐富，味道濃郁，比前更有進步。雞肉蘑菇腸熱狗 ($27) :也不錯，可自助加菠蘿、洋蔥等配料。相比之下，更愛牛肉漢堡。當日仍是新店鋪營業初期，還送了兩客薯條，新鮮熱辣，又香口又有薯味。近日已沒有優惠，不過也只是另加 $8，便有一客薯條。期待這裏有更多出色的食品…查看更多

尋日下午六點去食晚飯新地址環境美觀, 大概有五張枱可惜張枱有少少污糟辣肉腸Hot Dog 連薯條($27)個麵包一流!Beef Burger 連薯條($30)牛肉夠厚又多汁! good!值得留意既係:由於搬左冇耐, 有d野食係未有提供, eg.辣肉醬汁但服務就提升左! 店員好nice…查看更多

2008年8月1號 - Toppings北角炮台山宏安道2至12號地下9號舖今日下午相約左同學係炮台山見面，見大家仲未食lunch，咁當然係去搵下好野食醫下個肚先啦，見toppings係地鐵站附近，決定去一試，唔知呢間係唔係新鋪呢，睇OR既食評形容間鋪無咁大架喎，呢間鋪頭可以坐成10-15人。我叫左pork herbs，而同學叫左chicken mushroom，各自加左12蚊飲snapple。最欣賞都係呢度既自助形式加配料，任加唔嬲，砌到成個包都滿晒，哈哈。Pork Herbs - 真係好耐無食過d好味既熱狗啦，成個包熱辣辣，個包烤得好脆，條腸好香，而且仲好大條，我好似傻左咁狂加配料，又瘋狂咁落醬，本來一個大碼size既包，特然變做一個加加大碼，正，同埋個薯條都ok，不過就炸得比較油。Chicken Mushroom - 同學就斯文得多啦，每樣野只係加少少，哈哈，真是很不過癮。同學都話個包好好味，不過chicken mushroom應該無pork herbs咁好味，而且因為chicken mushroom條腸比較幼身，所以個口感應該無pork herbs咁好，一路傾計一路食，原來咁又一個鐘，時間真係過得快，下次會黎埋試佢d burger。…查看更多

舊鋪地方不大 , 午飯時間人一多其實轉身都有點難度.不過真的好喜歡這裡的辣肉腸熱狗. 還有就是自助式的配料任加.其他很多地方都要另收費, 這兒自由得多.每次也吃的很滿足.…查看更多