Top Blade Steak Lab (新城市廣場一期) (Closed)

✨店員服務態度好好，落單即刻俾薯條我哋，見到少水會自動fill。晚市及假日有任食薯條🍟.🥩香草平鐵牛扒 Herbly Flat Iron Steak HK$150medium，牛扒本身好嫩🤤可以搭烤蒜頭🧄或鹽🧂一齊食，唔同風味。唯一可惜嘅係切嘅時候有少少筋，不過食嗰陣唔覺。👻個人覺得單配鹽食已經好好味，幾腍，雖然唔係入口即溶嘅口感，不過都物有所值💰.🍋檸檬撻 Lemon Tart HK$48好香檸檬味，清新而不甜膩🌱清爽唔會太酸。食完牛扒之後想解膩嘅話🌬可以叫一個試下。👻朋友都好鍾意檸檬撻嘅味道，但口感未必及得上專門店。.🍟黑松露薯條 免費任食薯條本身炸得好好，外脆內軟，送上嚟暖暖地，就咁食有好香黑松露味。每張台都有一大樽番茄醬，鍾意食薯條嘅人唔好放過！

疫情關係，好耐都冇見我啲朋友啦。但係畢竟飯都仲係要食嘅。於是就同朋友食呢間啦。朋友住沙田，我又喺沙田收工。所以新城市就係我哋兩個嘅飯堂咁。其實我都係第一次食呢間。講真佢食物嘅賣相係唔差嘅，而且味道一流，不過因為我哋得兩個人嘅關係。所以就叫唔到太多嘢食。而且而家因為限聚令關係。希望下次叫多啲朋友一齊食飯嘅時候可以食多啲唔同其他款式嘅食物啦。整體來講。我覺得呢一間餐廳係可以令我返轉頭再食多次嘅。但係我覺得餐廳有少少迫。希望呢方面可以改善一下啦。

朋友生日，見下面，順便慶祝！Lunch 時間食，怕多人所以經網上訂枱！之前已經打電話問左可以自行帶蛋糕，唔收切餅費添！Like!Order 左prime 級牛扒，要左7成，因為我唔太鍾意生嘅感覺，不過味道口感都幾好，價錢$268，唔駛自己煮，已經算係咁！西班牙粟飼豬鞍，仲有個藜麥平鐵牛扒沙律（忘記影相）另外，黑松露薯條好好食！如果有得任食就好喇！店員非常主動幫忙換碟，見我哋準備切蛋糕，又會主動提供新嘅碟及叉，非常之貼心！

菜式選擇唔多，都係主打牛扒、漢堡同埋薯條任食🤤一入去坐既時候，佢地比咗張QR code紙我，但查實我地唔係好知點用。😅過咗無耐，有個靚仔哥哥走埋嚟問我地食過未？我地梗係...未食過啦😂😂😂😂咁靚仔哥哥就好比心機去介紹比我地聽餐牌上面既食物係點樣、QR code係有咩用？經過靚仔哥哥介紹後，我地order咗個香草平鐵牛扒、豬鞍扒、蟹餅，同埋加咗個湯同沙律😋🍲湯係ok既，好味，不過佢地係用咖啡杯裝，略嫌細碗咗些少😅🥗藜麥沙律都唔錯，夠健康呀😂🦀蟹餅，呢個我地覺得麻麻地，味道同口感唔係太啱我地😣🐮牛扒，呢個正喎，需然佢地簡簡單單，無咩配菜，但我覺得無咩所謂，最緊要塊扒好食麻😋🐷豬鞍扒，呢個都好好食，又唔會熟到好韌，味道又好ok🤤🍟最後個免費任食薯條，熱辣辣又夠脆，即食係唔錯既，啱哂薯條控，可以食到夠本😂總括嚟講，佢地啲扒、沙律、湯同薯條係唔錯既👍🏻🤩值得再讚既係，除咗靚仔哥哥之外，佢地其他員工服務都好好，有個妹妹員工離遠見到我地啲杯差唔多無水，想去拎水樽幫我地refill，點知個樽又無水喎，佢即刻入去裝過樽水，然後過嚟幫我地refill，其實呢啲細微位未必人人都留意到，仲要我地都有段距離，再

呢間餐廳在沙田新城市都開咗一段時間, 今日終於有機會嚟試吓。 因為怕1點幾多人要等位, 我地12點已經嚟到, 直接入座。用餐時間75分鐘。餐廳要先測量體溫, 雖然中間2人座位之間有膠板格住, 但非常之迫, 而且同側面卡位係無膠板隔住。不過餐廳非常細心, 每張枱都有酒精消毒噴液提供點主餐要叫waiter幫手, 但小食同餐飲就可用電話掃個QR code落單我叫咗一份$150嘅普通herbly flat iron steak (5成熟), 煎得粉紅色啱啱好。原個蒜頭上 + 點鹽黎食, 好夾塊牛👍🏻男朋友就叫咗一份$288嘅普通flat iron steak美國熊本赤和牛flat iron steak (3成熟), 同樣都係煎得粉紅色啱啱好, 牛扒份量比普通$150多, 同埋多幾粒薯仔做配菜。不過雖然話係和牛, 牛肉香味方面就唔太食得出貴咗$138(接近2倍)嘅分別。黑松露薯條就非常非常好食同出色。黑松露味勁香!! 🤤 每張枱都有一支茄汁, 男朋友再問waiter另外攞蛋黃醬, 兩個溝埋食真係好肥但係好好食 😍我另外叫咗杯熱cappuccino, 完全唔值呢個價錢...男朋友就叫咗杯house

由旺角幫襯到銅鑼灣一直到而家沙田 我都好鍾意食佢哋個flat iron steak, medium rare係最perfect cook😋疫情關係下佢哋做埋外賣 平少少 不過真心講煎牛扒都係要即刻食先最好 夠熱 肉汁依然鎖住喺肉入面好juicy 而且配埋新鮮炸起松露薯條🍟 加支可樂就perfect match👍不過幫襯過哂咁多間店 沙田店服務真係有待改善 店員冇乜同你交流(之前兩間店店員都會問你有冇幫襯過 會逐一介紹Menu入面唔同款式有乜分別) 上咗牛扒又唔記得上薯條 到付款時找錢 佢又專登比六個一蚊你好似想要貼士咁

本身見到銅鑼灣嗰間咁多好評都有啲期望。Lunch time時間嚟到都唔需要等位。叫咗一份牛扒同一份豬鞍試試佢🙆🏻‍♀️牛扒其實比我想像中細...反而豬鞍嚟到個感覺好似好大份...但其實佢入邊有好多都係肥膏，肉既部份我覺得有啲鞋...(如果有得再揀，唔會叫呢個🙄）牛扒就普普通通啦，同我預期嘅生熟程度一樣。有牛味嘅反而我覺得佢個薯條其實係幾好食。性價比一般不過下次可以試埋佢Burger嘅,我見好多人都嗌

星期六和幾個親友出街，在新城市廣場找地方吃飯，閒逛中找到這間，時間尚早，還沒到十一點半，餐廳裡只有一桌客人。四人限聚令之下，我們四人被安排坐在餐廳角落的梳化卡位，環境舒適闊落。有店員向我們介紹各款主菜特色，這裏的炸薯條是任叫任食，還沒有點菜就讓我們先上一客炸薯條。炸薯條雖然是免費任食，卻一點也不求其，炸得乾身、色澤剛好、外脆內軟、溫度適中，最令我欣賞的是有淡淡的松露味。是日特別版招牌平鐵牛扒是以洋蔥為主題， 四種不同作法的洋蔥伴碟，每一款都很美味，配搭牛扒一絕。五成熟的牛扒弄得剛剛好，切開顏色鮮豔，也不會血水汪汪，質感嫩滑有牛肉鮮味。穀飼 prime 級平鐵牛扒的肉質真的比較優，當然價錢會貴一點點。五成熟的牛扒同樣做得剛剛好，外面香、內面軟滑，肉汁豐富、味道鮮美。對於不喜歡牛扒的人如我，餐牌上也有一款非牛選擇：西班牙栗飼豬鞍扒。豬扒肉質嫩滑、肉汁豐富、味道香濃，伴碟的醃菜也非常美味。主菜之外，我們點了一客蟹餅，雖然體積比較細小，但十分美味，蟹肉的含量非常高，上桌時仍是熱騰騰的，不用點醬汁也很好味。這間店沒有套餐選擇，飲品需要額外在餐牌上點，飲品是一般，價錢略貴。但最大的優點是食品質素高

讚1.牛扒水準穩定，食左幾次同唔同店，生熟度、肉味、調味都穩定，基本上無邊次失手，入口夠肉香，又唔會過韌，肉汁多；薯條既松露味若隱若現，同埋夠香脆，基本野無令人投訴彈1.啤酒唔知係咪錯款定點，黑啤好少咁淡味

一直想試好耐，而家開新開埋沙田店😍趁除夕有得早放book咗四點半食個early dinner🤪🥩香草平鐵牛扒($150)招牌Flat iron牛扒，叫咗三成熟，煎得剛剛好，牛味好香濃，但食到中間有筋🥺size就唔算好大份，如果想食多啲可以加$50加大50%🍔終極漢堡($160)插住把刀上枱好型🤣Burger有驚喜，漢堡扒好鬆軟好juicy，熱辣辣，黑醋汁配沙律菜好新鮮，好味🤤🍟黑松露薯條(任食)餐廳特色係薯條任食，無限refill，好香脆，無黑色點點，但有黑松露味，幾得意😆侍應好主動詢問要唔要refill，毫不吝嗇👍🏻見到餐廳有個顯示follow人數嘅特色牆，即時更新，吸引我哋玩左陣同follow咗😂😂

新餐廳，開左幾個月見有早餐食，就試一試九點幾來到，我地係第一枱手機下單，但由於無得改煎旦最後都係侍應落單早餐有四款一款是big breakfast其余三款也是炒旦牛角包🥐拼粉面，有出前一丁或通粉三款有沙嗲牛肉，五香肉丁和羅宋湯飲品，多選擇，包了伯爵茶，鮮奶咖啡牛角包🥐可以話係健康板本不油的。 似面包由炒旦改成煎旦焦邊的，新鮮熱辣辣大大碟的粉面羅宋湯是自家製牛肉稔的，不錯五香肉丁，不是港式辣版本還好！伯爵茶鮮奶咖啡☕️沖花的水不夠熱，熱一點更好！不太覺有味精，食後不會想飲水。

經過呢間餐廳好多次，門口貼一張A4紙做餐牌，啲字細到乜咁，好多時幾個人客烘埋去，我想行近啲睇，又要守住社交距離，放棄過幾次，(做個大啲餐牌好難咩)。今日見冇乜人至的起心肝入去試下。第一印象似外國的漢堡包快餐店，好聽叫簡約，難聽叫簡陋，個餐牌好簡單，由於冇乜期望，求其叫咗個最平的打扁漢堡。飲完湯，個包來到，哇個碟真係得個包，因為薯條要另外收$18! 待應畀個紙袋我裝住食，個袋又幾實淨，唔會成手係汁。咬落去咦又幾好喎，個包不會太軟，牛肉多汁，味道調較得啱啱好，正!朋友叫咗個招牌平鐵牛扒五成熟。牛扒來到已經切開，可以見到裏面呈粉紅色，伴碟是焗蒜頭，白色是海鹽，牛扒肉質&味道都無可挑剔，但點講呢？原來個碟咁plain，都幾影響食慾，放幾粒車厘茄生菜會否太難呢？希望多加改進，衷心想再下次再幫襯。

由於有外賣自取嘅優惠，所以就試試呢一間個包都唔錯份量，都算大分，識落漢堡肉味唔錯！薯條份量都算多，都算炸得好食但溫度唔算太熱，再熱返啲會好食啲，分量都好夠飽。 檸檬茶都整得幾好飲。整體都算好食有優惠可以試試！

To Blade Steak Lab以flat iron肉招徠，呢個位置係牛第二嫩滑嘅部份，所以決定試一試佢，不過最好book定位同只可以上網book，可以search “steakwithyou” book位。香草平鐵牛扒 $150 加$50多4安士食落口感比較結實，唔係韌，雖然有少少筋，但都可以一口咬開，用鹽、黑椒等調味，但牛肉味比其他啖，應該係油脂較少嘅關係。是日特別版招牌平鐵牛扒(每日限定) $238牛扒用炸蒜圈、炸蒜片、蒜蓉同蒜油醬4種唔同蒜製件法做配料，所以牛扒好香蒜香，口感嫩滑同又帶點咬口。美國390日穀飼Prime級平鐵牛扒 $268呢款牛扒最嫩滑，牛肉香最香，所以佢肉同脂肪比最平均，用簡單鹽、黑椒、蒜等等簡單調味，已經好好食。西班牙粟飼豬鞍架 $160食豬扒要有一舊肥膏先正，就好似東坡肉同梅菜扣肉咁，要有落肥膏先至惹味，所以食落好香嘅豬肉香，調味唔會中咸，仲要好嫩滑，好有驚喜。終極漢堡 $160漢堡肉炸得比較乾，無乜肉汁，但都好有牛肉味，麵包好軟熟，其他材料都新鮮，但因為漢煲扒太乾影響咗個口感。黑松露薯條 免費任食薯條好香黑松露味，應該用黑松露油嚟炸嘅，所以望落無黑松

噚(7-11-2020 Sun)日同老公送完膠,就去新城市廣場攞口罩,順便食晏.search到呢間黃店,就懲罸佢啦.入去前,侍應講明只有幾個主菜同用餐時間係75分鐘,如果冇人等位就可以繼續坐.入座後,侍應介紹佢哋各主菜係點煮成,有咩配菜,西班牙栗飼豬鞍架係用西班牙白毛豬;終極漢堡用7安士牛肉手打.最後,我哋要咗$150.00嘅香草平鐵牛扒同$160.00嘅終極漢堡.而呢喥嘅薯條係免費任食,食完可以再叫.落完單,侍應即送上兩份熱騰騰嘅薯條.呢個外脆內軟,而我哋食完主菜後繼續食時,我就覺得鹹咗少少.味道:4.8分香草平鐵牛扒7成熟到嚟牛扒冇落任何調味料,夾埋燒蒜同鹽食就好好食.而佢唔大件,但都食到飽.味道:4.7分然後終極漢堡到嚟睇見都幾厚,老公一食就話好好食,因為夠juicy.我食吓先,口感好鬆軟,ok嘅,而蔬菜都新鮮.味道:5分最後我哋都叫一個$48.00嘅紅桑子士多啤梨芝士蛋糕呢個味道唔太酸,面上白色嗰啲就係芝士味類似炒雪糕嘅嘢.味道:4分老公都叫咗一支可樂,盛惠$26.00.抵食係2.7分服務:唔錯嘅,密密斟水同收嘢.