仝堂茶聚

Open Now

Now Closed

推介指數 Recommendation Level : 🔥🔥🔥🔥香港酒樓食肆非常多，做點心的餐廳亦不少，所以要突圍而出亦不容易。這間點心店坐落於商場內，門外經常有一條長長的人龍。原來是提供傳統廣東特色點心，此外還有一些新派的點心設計，由於選擇比較多，而且點心的造型亦非常精緻，可以吸引不少客人光顧。Hong Kong's dining scene boasts a plethora of restaurants, including a significant number specializing in dim sum. Standing out amidst the competition in this crowded market can be challenging. This dim sum eatery, situated within a mall, often garners long queues outside its doors. Known for its traditional Cantonese dim sum offerings, the restaura

仲有幾日母親節，趁今日放假，決定提早慶祝！一行六人，叫左幾個餸，柚子蜜糖蝦球好食😋酸酸甜甜，十分開胃😍😍😍其他餸菜都幾好味，家人都大讚👍👍👍落單果陣叫左半隻燒鵝，話要燒45分鐘，因為係即叫即燒😀等左好耐，都食到飽哂，燒鵝終於來到😀燒鵝皮好脆，呢個很可以！只係等得耐左少少🤏

因為朋友介紹,半年前得知又一城有呢間中菜餐廳，時隔左差唔半年再來一次都無令我失望今次係第二次去到，可能星期五關係，去到勁多人排隊，眼見都有10 幾人排緊隊，但因為好想食，所以選擇繼續留低等啦，排咗約半個鐘就入到去，兩個人叫咗四餸一湯😂😂奶黃小豬包樣子可愛，味道都不錯，必食另外印象最深刻係個經理姐姐,短髮姐姐,佢超好人,見我地叫到成張枱都係野食啦 就主動過黎幫我地 拍好兩張枱比我地 幫我地執好晒 態度超好 ,唔黑口,服務真心正

呢間現代感十足嘅中式餐廳仝堂茶敘給我留下超深刻的印象！不僅菜色好食，服務係一級棒。一入去就感受到熱情友善氛圍，店長立刻迎接我們，馬上安排座位。佢地態度專業又帶住微笑，令我地感覺賓致如歸。店員對菜單非常熟悉，有耐心咁回答我地問題介俾左超好建議。佢地細心咁照顧每個客人，飲料和菜餚送上來速度都啱啱好。而且，佢地服務細節到位。枱上餐具一直保持乾淨，杯杯常滿水，佢地適當時機俾餐巾紙和湯匙。呢啲小小細節令整個用餐體驗好完美。最特別係，佢地態度好好。不僅店員對客人有禮，而且佢地願意聽客人意見同需求。佢地積極處理客人問題，確保每個客人都十分滿意。總而言之，呢間仝堂茶敘喺服務方面好出色。我絕對會毫不猶豫咁推薦俾我frd同屋企人，同等唔切想再次光臨！

特級黑豚叉燒 ＄169陳皮馬蹄牛崧腸粉＄53迷你鵝肝潤腸飯＄59鮑魚燒賣 ＄83千層咖啡糕$39由於我媽咪好鐘意食叉燒，所以一定要黎試吓仝堂茶聚，職員服務都好好念媽咪覺得仝堂既叉燒係目前為止食過最好食叉燒除左肥瘦適中 D叉燒仲好稔，接近入口即溶，佢既口味比較清，唔會太鹹太濃味，所以食多幾嚿都唔會膩念另外陳皮馬蹄牛崧腸粉都好好食，同埋迷你鵝肝潤腸飯，潤腸方面聽講佢地師傅精心自製出來口感真的比起好多地方非常濃厚好味道，其他點心都唔錯，我諗鐘意食粵菜既朋友都知道仝堂茶聚，可以食到高質既點心同粵菜

對上一次黎已經係2年前，今天經過就決定入去品嚐下，今天平日的夜晚去。人流比較少，坐下就奉上熱茶，我記得以前晚上沒有點心的，現在夜晚加了少量點心，所以我點了一份蝦餃，bb乳鴿及一個龍蝦湯銀針粉。每款食物依然有水準，蝦餃皮薄蝦肉彈牙 ，乳鴿外脆內嫩。龍蝦湯鮮味十足。值得一讚😍下次再黎又一城都要再光顧

無意間，打開OpenRice、見到上面兩條食評，替工作人員唔抵。點解我會何出此言？因為星期六我約佐幾個朋友團拜聚餐，我正正就係現場。親耳所聽親目所見！呢檯客，簡直就係獅子大開口，勒索工作人員。就算員工工作疏忽，漏單！都可以理解，因為見到佢哋實在是太忙，唔夠人手。女經理已經講佐四五次對捂住，話請隻雞俾呢檯客，打個折扣俾佢哋。仲叫埋其他夥計過黎道歉。個男人仲咄咄逼人，話我俾唔起錢啊？一句對捂住大曬啊？仲要女經理賠一隻燒鵝俾佢。燒鵝本身都係售罄了，你仲要為難。白髮男人先會出黎幫手講兩句公道說話。所以，有D顧客請你自重。雖然係服務行業，顧客係上帝。但你呢D人唔配俾人尊重。亦唔配有好服務。

首次光顧此餐廳，等候了接近一小時，終於入座了。但完全沒有人招呼，茶都冇問，已安排綠茶在枱面。疑似女主管，態度差劣。在沒有服務下，只好自己捧水出去倒，但又被阻止，要求捧回座位，而不是立刻給桶，把廢水倒掉。茶不熱，水不熱，食物也很快涼。唔知係咪疑似女主管聽到我們討論此餐廳的服務不好，沒有問客人要咩茶就擺左綠茶喺枱面。奇怪地在沒有交流下，在進餐途中，疑似女主管經過，掉下一壺紅茶，什麼都沒說。後尾佢在旁邊提點同事時，又故意單單打打，莫名其妙。真的可一不可再 / 不可一不可再

仝堂是我地食過服務最差的一間店！都不知道現今社會都還有古惑仔存在的！此店鋪裡面有一個白頭髮老翁自稱是這間店鋪的負責人！店鋪人員犯錯不但不道歉一直很我地吵架，並且還要以報警來威脅顧客。試問這種店還有人會敢來嗎？事情緣由：我地排隊攞位的時候跟此店鋪的工作人員預留了乳鴿。但入座後從開始進餐開始催緊四五次都冇人覆我地！此時以經過一個小時的時間！打后來了一個女負責人覆我地乳鴿已賣完並表示歉意。我們講了事情經過後突然出現一個白頭髮老翁自稱是負責人，出來後就同我地講同事已經道歉你們還要怎樣？然後就開始同我地一直吵架爭論已經賣完了道歉了你們能怎麼樣？上次用餐在食物中吃出髒東西都已經冇計較了！今次又出現這樣的事情！簡直是一點可取之處都冇了！我地買左此店鋪的很多餐券才會來第二次又被坑！大家也考慮要不要來此店鋪用餐了！

在攞位的時候已經跟服務員預留四隻乳鴿，當入座用膳時，經過大概30多分鐘還沒有上菜；接着再等20分鐘，期間已經找了三個服務員取單，當找第四個服務員催單的時候，才被告知原來從來沒有為我們下單，但乳鴿已經售罄。跟着向管理人員投訴，卻被惡劣態度回應。他說對不起，我們乳鴿已經賣完了，你叫第二樣嘢啦。完全沒有一些歉意。跟着我們再下單，跟着他又是劉丹沒有回應。最後凶神惡煞的跟我們說話，沒有就沒有，賣完。。。。。最後有沒有告訴原因？

撫麗啲環境，總算揾到位坐低，手快快就揀好咗幾樣特色小吃。一開始，個乳鴿真係搶晒鏡，外皮脆口啫啫聲👂，啖啖肉嗌冧到我，肉汁一咬就四射，正！話你知，好似小時候街口啲賣雞脾嘅feel咁。再點咗個黑松露蝦多士，松露香味嗲到不得了，同埋個多士鬆脆得嚟又唔會覺得油膩🤤。 跟住上場嘅乾炒牛河勁滑，牛肉咬落去嘅口感夠晒彈牙，齋齋地食都唔覺膩。至於個刴椒粉絲生蠔煲，真係叫到我驚喜，生蠔夠哂新鮮，同粉絲配埋啖啖爽口，刴椒帶嚟嗰陣陣辣香，真係啱晒口味🔥。最後餐尾嘅甜品，個咖啡糕同橙卷輪流上陣，一樣保持住高水準，咖啡香濃得黎又唔會太苦，派對必備good choices！員工服務態度都好，見人見事，頭頭是道，令人食得開心！總括嚟講，喺這兒嘅美味，你只需要帶嚟一副好胃口就得㗎喇！

咁嘅價錢，我個人覺得去酒店飲茶好過去一間聽到操口員工的九流食店用膳。成日漏單，又小員工，要叫幾次先有人過㴝，但就有位亞叔企係出餐位成日鬧侍應，中間夾雜操口，個場好多一家大細，唔該要訓話留番落場時間啦，攪到好似去咗大排檔咁，但收費又當自己酒店格局，呢D地方去一次就夠！

今日屋企人生日，帶兩個老人家同寶寶又黎仝堂茶聚食飯。一入座，侍應姐姐就過黎招呼，滾水兒童餐具🍽️樣樣都齊全落地玻璃區環境好舒服，影相出片都好靚。過生日離不開要影相留念。乳鴿豬豬包肯定係必食柚子蜂蜜蝦球分量大，啖啖蝦肉，低食。翠唐豆腐食材豐富，蒸蛋好滑，適合老人家同寶寶金雞獨立的造型外皮香脆，雞肉好嫩，好入味最後肯定有個生日壽包啦！肥嘟嘟姐姐好好笑容，㊗️我哋生日快樂，身體健康。又係一次愉快的用餐體驗。nice

是晚在又一城溜冰完後打算試品嚐一下懷舊各式各樣的招牌菜式，而本人最終選擇了到臨港式中菜館用膳，該餐廳真的供有不少各種懷舊招牌菜選擇，而本人點了神之叉燒飯，厚身叉燒肉質口感爽脆非常好吃😋，人生以來吃過無數間餐廳的叉燒飯，最好吃就是這間仝堂茶聚，希望日後能繼續來臨光顧。

一行三人光顧，服務員只問要紅茶定綠茶，原來這間中菜館沒有給客人選擇茶葉嘅權利，香片、鐵觀音、水仙、普洱……一律簡稱為紅茶、綠茶，老人家想飲紅茶，但其他人想飲綠茶，服務員話不可以開兩款不同嘅茶，難道我沒有給茶錢嗎？太不合理😡食物質素一般，沒有驚喜，即使食物再美味，也不會吸引我再去，服務員態度超級超級差，除了面上沒帶笑容，說話態度亦令人難以接受，完全感覺唔到自己係客人，除了游說你買飲食禮券那一剎，才會賣力hard sell, 絕對絕對不會再光顧！