唐記包點 (太安樓)

Open Now

Now Closed

垃圾服務😤😤😤😤😤😤🤬🤬🤬🤬🤬 嗌金湯比碗充滿皮蛋嘅唔知乜嘢水本身想要蕃茄湯 無曬 咁that's fine然後要咗一碗金湯一打開見到碗餿水咁款心諗呢碗到底係乜鬼垃圾！？？？？？？？？碗湯邊個位置邊度金呢？睇見碗豬餿水唔慌唔“金”！☠️☠️☠️😡😡😡一打開一埋青紅蘿蔔同勁難頂嘅皮蛋$＾$＾$%*＆%大佬兩樣完全唔l夾㗎唔好咁痴線好唔好到底有無人試過味㗎邊個咁有貢獻approve呢碗垃圾

下晝走過唐記，肚裏嗌食！見到套餐畫咗標，打算養養胃。點咗冬菇蒸雞飯同鵪鶉蛋燒賣，吸住口水等喺度。熱辣辣啖啖肉，蒸飯香滑雞肉夠晒嫩，冬菇味道正，齊齊見底。燒賣皮呢，薄薄韌韌，鵪鶉蛋大滾滾，啖啖肉香，吞落肚真滿足。一試難忘嘅好味道，真係勁正！再講吓個布丁狗，就係之前Insta上熱爆嗰隻，烤得啱啱好！😍內裏那個布甸大解放，返屋企蒸嗰陣小心啲，千祈唔好搞到毁容啦。甜味啱啱好，又唔會膩，幾過癮！最後提提鍋貼，皮脆餡飽滿，啲鹹魚肉餅飯鹹香剛好，食完啲鍋貼真係手指舔舔哩😋糯米雞大塊料哂，每啖都得意！雞扎鮮竹卷幾勁，唔油唔膩，牛肉包嗰肉味兒，濃到飄出街，價錢又抵，真係值得一食！Emoji插入:😍 - 描述布丁狗的時候😋 - 在提到食物美味時使用👍 - 提及牛肉包時使用

嚟到「唐記包點」，呢邊啲小食令人真係喜出望外！款款都係驚喜滿分，攞咗幾款嚟試吓，即刻分享下感受。🍚先嚟個土魷肉餅飯，食落粒粒飯粒爽口得嚟又唔會淋，簡直就係入口嘅小確幸😋！肉餅就夠晒味，無一丁點味精腥，香口到不得了。再嚟係鵪鶉蛋燒賣，啱啱好嘅韌性加埋滿滿嘅餡料，係味道同質感上面都得咗一個好彩字👍！個章魚肉餅飯都唔容錯過，飯同肉餅嘅絕妙配合，啖啖肉香，滿足！最後試咗新出嘅牛肉包，包皮軟熟融合蒸氣味，入口即溶，同埋啱啱好嘅牛肉濃香，真係食得出佢地用心良苦。所謂平民美食，就係「唐記包點」呈獻嘅每一口，老實講，係呢度搜刮到好幾樣有質有味嘅美點，真係至慳至抵💸。下次再黎，繼續探尋更多隱藏驚喜！

係布丁狗系列😍😍太可愛啦！味道也不錯！但係個奶皇包係要自己返屋企蒸嘅，而我就用咗6分鐘細火連埋 張紙一齊蒸，剛剛好！就唔會有啲倒汗水流落塊面度，變咗毁容🤪味道不是特別出色，不過ok! 而且樣子搭救👍🏻👍🏻而焦糖布丁燒，我覺得性價比好高，只係$18！上層係蛋糕，下層係濕濕的布甸😋😋😋而且甜到剛剛好！可能我會返去再買來食！😆😆👍🏻👍🏻👍🏻除咗食物外，包裝亦都很用心，裝包的盒子及袋子也是布甸狗的好靚！

疫情以來，我就沒有再回家吃媽媽的飯了，所以要自己解決三餐。不過我仍然經常回媽媽家攞湯飲，今天我就想了一條妙計：媽媽的湯加唐記飯。嘩！原來唐記晚上好多人排隊買㗎。真的，因為性價比好高。我最鍾意食他的章魚肉餅飯，章魚好香口，飯粒有些硬，平日比較好。另外我發現在西灣河分店的粉果好好味，可以媲美太古城潮庭的質素。但係佢只係$10兩個，超平。今日我試了一個好特別嘅包，我亦都從呢個包見到唐記包點好用心突破現有的產品，這個包就是「珍珠奶茶包」。食落又好有奶茶味喎，會再買。

話說呢個阿華田系列其實出咗好耐，不過一直都冇機會試。 經過見到忍唔住，終於的起心肝要試返次先。--🖤 阿華田流心包 HK$5攞到反屋企先食，所以好似已經唔係好熱。一搣開個包中間都仲係有少少流心嘅感覺，好有阿華田味，有啲甜，不過仲係鐘意。.🍶 阿華田奶茶 HK$9老實講買嗰陣好驚好甜，因為多數樽裝嘅呢啲都會特別甜。所以最開心都係佢味道唔算好甜。 整體味道上茶味都幾重，反而阿華田味道唔係特別重。不過好似比想像細支。

每日放工都會經過唐記，今日見到佢放左個牌出黎，有新產品推出，正啊，我最愛嘅阿華田味，兩款新產品緊係要試一試啦，流心阿華田包只係$5，包好鬆軟，一定要趁熱食，係流心嫁，爆哂漿，包皮都係有阿華田，味道好濃但又唔會太甜，恰到好處。阿華田奶茶$9，茶底好濃，甘香，甜到適中，阿華田同奶茶十分配合。我仲叫左鵪春蛋燒賣，以前去茶樓飲茶一定要叫，但而家好多地方都無，好懷念，燒賣好彈牙，有豬肉和蝦口感好豐富無得頂。鮮竹卷$18腐皮吸收哂汁，好juicy，餡料十分多，有豬肉蘿蔔絲冬菇絲，好有咬口。

平日唔知食咩都會叫個外賣就算，唐記係我不嬲覺得性價比高又好食嘅選擇～點心類都幾多款可以揀，今次叫咗山竹牛肉、燒賣、雞扎💕而蒸飯真心好味！蒸飯+點心+烏龍茶 $31～ 見佢係蒸籠拎出嚟，熱騰騰🥳蒸點店嘅排骨一向都出色嘅好滑，啲肉汁撈飯一流㗎雞扎幾嫩同有豬肚，芋頭好豐富見到兩粒肥dudu就知啦菜肉包係我嘅favorite~大過我個拳頭！食哂都唔覺乾~3樣蒸包係套餐嚟嘅~ 牛肉山煎包有啲黑椒嘅味道，個人覺得比鍋貼更出色~燒賣面頭有粒杞子做點綴😆最近重出咗阿華田包同奶茶，好想試但見過幾次都住售罄，一次一定要試到😩

平時夜晚趕時間都會幫襯唐記包點，勝在分店夠多，價錢平又夠快。食物質素來講，菜肉包都尚算合格，只係個皮太厚。今日喺西灣河唐記包點買點心，估唔到店員啲態度可以咁差，店長或者管理層有必要正視！排喺我前邊嘅係一位婆婆婆，攞住$20想買菜肉包，店員話‘冇’。之後婆婆想買芋頭包，店員又話冇。我相信婆婆因為年紀大所以聽唔清楚嗰位廣東話唔正嘅後生女店員講乜嘢。婆婆重複又話要菜肉包，嗰位店員非常唔耐煩咁話除左菜肉包同芋頭包，乜都有。婆婆再一次問有乜包，店員好惡咁鬧個婆婆話冇菜肉包同芋頭包。然後，佢居然唔理婆婆，直接問我要乜嘢。我話「你等婆婆揀左先啦」，然後幫忙指幅圖話俾個婆婆聽冇邊啲，得邊啲。原來婆婆睇唔清楚啲圖，咁我讀完俾佢聽，佢揀左買左。可憐婆婆係客人，買個包俾人鬧要受氣，個樣好委屈想喊咁。我今次買咗個雞扎，味道OK嘅，但相信以後唔會幫襯。價錢係平，但係香港仲有好多選擇。

琴日返屋企之前，俾屋企人叫左去買唐記包點返屋企做晚餐！見到佢新出咗款鍋貼，梗係要試吓啦！10幾蚊有三舊，價錢合理。食落去餡料好足。而佢嘅鹹魚肉餅飯份量非常之大鹹魚嘅鹹度適中，而肉餅有手掌咁大！如果平時好肚餓一定要帶佢啲飯嚟食，因為真係好抵食！以佢嘅糯米雞真係好大隻，入面亦都非常足料，有一隻雞中翼同埋大大舊豬肉，而且味道媲美得上茶樓嗰啲！雞扎同鮮竹卷都同茶樓嘅水平差唔多，而且唔會太油膩！尤其雞扎入面嘅料非常多，會令你覺得好抵食！最後我都見到佢有一款新出嘅牛肉包，就諗住買來做聽日嘅早餐。包入邊嘅牛肉味非常之濃，但食落去又唔會話好咸，以呢個價錢來講都可以試一試！

一向很喜歡在唐記包點買東西吃，因為價錢便宜而且完全不需要等，點完馬上可以拿走。不用像在其他餐廳買外賣，有時還要等很久。排骨香嫩，肥瘦適中。鳳爪軟糯入味，入口即化。排骨與米飯一起蒸熟，排骨香濃的肉汁完全融入在米飯當中，加上一點豉油，更有畫龍點睛的效果。糯米雞份量很大，內裡用料也很足。有雞中翼，叉燒，冬菇等配料。吃完一個，實在是很滿足。豬肉餡拌有竹筍絲和胡蘿蔔絲，外面包著腐竹皮，加上蠔油汁，腐竹浸滿香濃的汁料，十分軟淋，一口咬下去，味道真不錯。這個馬拉糕雖然看起來平凡無奇亦無甚特別，但吃下去卻有一種停不下來的感覺。口感軟綿綿，甜甜的但又不會膩。是一款十分樸實無華的點心。聽說看似普通的馬拉糕的做法十分講究，每一份材料的份量都要很精準。自家出品的奶茶非常香滑幼細，是高質之作。

唐記包點一向都係出名又抵又好食，而且分店又多，好鐘意平時落街買返屋企一家大細食。尤其佢每日嘅精選蒸飯只係$20，非常抵又夠飽！雞札、鮮竹卷兩樣非常足料，尤其係雞札，食落啖啖肉，拍得住茶樓嘅點心嘅質素！杞子燒賣有豬肉同蝦肉，豬肉份量比蝦肉多，味道都幾好！榨菜肉包唐記嘅包又大又多餡，成日早餐買來食，第一次試呢款榨菜肉包，比起普通菜肉包，呢個包比較濃味。北菇滑雞飯個飯拎到返屋企仲熱辣辣，雞肉確係好嫩滑，而且醃得好夠味，飯嘅份量亦都足夠，午餐晚飯嘅平價之選。香滑奶茶茶味好濃，好順滑嘅口感，味道甜甜地，雪凍後飲口感更好！

去唐記外賣買咗個糯米雞做早餐攞上手幾重，大大隻，熱辣辣。返屋企開餐打開裏面，餡料有肥义燒一塊，冬菇雞翼一隻同咸蛋黃，糯米算粒粒分明，加上饀裏面嘅醬汁，整体偏濃味，但係祇賣$18，算幾抵食跟住，食埋個砵仔糕做甜點砵仔糕上面舖满紅豆，味道稍甜，红豆比較有口，整體好似膠質感多啲！上網睇過，唐記包點咁多間分店中，以呢間啲蒸飯、點心同糯米飯價格最平同抵食，而我首選都係蒸飯

由診所抽完血出來，已經十一點，成朝無食嘢，個肚餓到打鼓。咁啱行過唐記，見一班人買外賣，睇個餐牌，有飯有点心，幾平，但係咪抵食就唔知？排隊買飛，揀咗個優惠套餐外賣，冬菇蒸雞飯+鵪鶉蛋燒賣！等咗一輪先攞盒飯，即時到隔離7仔開餐蒸飯熱辣軟熟，份量都幾多，塊冬菇質感味道都好好，雖然係雪雞，但處理得幾好，食落幾嫩滑，好快成盒飯就被我消滅咗啦之後再處置埋三粒鵪鶉蛋燒賣，大件夾抵食第一次喺唐記買外賣，三個字形容:「平、靚、正」有意外驚喜😋

又係要一個返工既早上，落住微微細雨，更加唏噓。日子總係要過既，無輪你幾唔想返工都好。唯有苦中作樂啦。好彩既係，呢個星期已經過左一半，今日已經係星期三。返多兩日就有長週末呢。去唐記包點買個包返office食啦