唐記包點 (港鐵葵芳站)

Open Now

Now Closed

近期食得太油膩，早餐想食清少少，所以今日係依度買左個麥饅頭做早餐饅頭有一隻手咁大個，咬落好實心，入面絕非空氣，食落有陣麥味，味道幾清淡，我食左半個已經飽左，咁大個又平又抵食，好味

晚飯為咗慳錢隨便食一個肉餅飯，個飯都唔錯起碼不會太硬，米味OK嘅評價可以。份量都足夠，夠一個人嘅晚餐食。可惜係個肉餅太鹹，就算送飯都覺得有啲鹹，味精味好濃郁！雖然呢個價錢唔可以批評什麼，不過咁樣嘅肉餅都可以整出嚟，仲要鬆泡泡，就真心冇咩興趣再食第二次。

一朝早上，睡眼惺忪，懶洋洋的我逛到公司附近，沒有什麼打算，突然肚子嗚嗚呼呼，在地鐵站前就有一間「唐記」，我就打它的主意，早上八點都見不少人排隊買早餐，人潮擁擠代表好食程度，我豪不猶豫地排隊買菜肉包，店員動作好快，似訓練有數，不用數分鐘已經解決了數個訂單。“菜肉包”皮軟菜多是我的最愛!更重要的是在早上能吃幾個熱包子，熱燙燙的感覺真幸福! 蒸包不算好大個，包身鬆軟滿水份，餡料頗多，豬肉鮮嫩多汁，麵包吸引豐富的湯汁！菜絲切得幼細，不鹹不油！好味！

OT到9點超累，隨便在地鐵站旁的“唐記” 買個蒸飯回家e肚。 叫了一客北菇蒸雞飯，落單時店員會細心地問你要不要豉油，整個過程不用10分鐘便完成，夠快! 蒸飯的分量不少，蒸雞嫰滑飽滿配有一塊北菇。 整體味道不過不失，蒸飯較乾身，豉油亦較少，以 $24元來說算不錯了。 下次會記得叫多豉油! haha

首推排骨飯，第二鮮竹卷，第三香芋包。先講排骨飯，佢d排骨夠曬嫩，夠曬滑！蒸既時候有兩細節紅辣椒，所以都有輕微既辣味，同埋直接系飯上面蒸，d排骨既油香直接流入去飯去，賣之前落埋醬油比你，真的好香口，凈系飯都有排骨味。鮮竹卷來講，唐記算做得唔錯。我試過去d好d既茶樓飲茶，佢地d鮮竹卷入面放好多靚料，但味道都係唔及唐記。唐記鮮竹卷夠曬平民，可以食到腐皮既鮮味，入面又有肉、蘑菇咁樣，價錢合適，又唔會太飽。可以平時經過口痕買來過口癮。香芋包同番薯包同期出，我兩個都買來食過。番薯包就甜d，落糖至於本身番薯都甜，所以香芋包相對就淡d，但係香芋味又幾重wo！似係落足料，無搵笨，可以食到入面有芋頭。

5點幾放工餓餓地, 就係唐記買個菜肉包食啦。 d員工真係好快手, 俾完錢已經即刻叫到我厲害! 呢個菜肉色拎上手好暖, 咬落口食到好軟既面包皮, 然後就係一聞香味出左黎料既份量配得好好, 大大塊肉餅又多菜, 成個感覺好健康, 食到好滿足! 讚!!

其實也來過好幾次.但每次都買不到蝦餃,不知道是不是限量供應還是什麼的.有沒有人是成功買到的?見不到蝦餃,就買了燒賣.味道一般的.除了這個,還買了一個菜肉包和蒸雞飯.菜肉包的內太硬了.不好吃.至於蒸雞飯.則骨多肉少.而且油份也很多.相比起包點先生,包點先生的飯比這裡出色.

午餐與晚飯之間有點肚餓但又不能吃太多，就在地鐵附近的「唐記包點」買點心吃～可能是位置地鐵站出入口位置，所以每次經過，看到光顧的人也不少呢點心大至分為4類，點心、蒸包、、蒸飯及飲品類，每個類別也有6-7款供選擇～每次必點的蝦餃在當天竟然售罄了，最後唯有改成了鮮竹卷及山竹牛肉每款點心均會以一小紙盒分開擺放鮮竹卷（$14/3條)一客3條的鮮竹卷不算太大，外層腐皮包得比較鬆散，內裏包裹著西芹、蘿蔔絲、木耳及豬肉餡，西芹味較為突出，入口尚算香滑，餡料帶少許嚼感，配上濃稠的醬汁，整體味道不錯，但油份相對較高山竹牛肉($14/3個)一客3個，個子比一般的小巧，賣相不算太吸引，底下有一小片腐竹，牛肉球肉質鮮嫩香滑並帶牛肉香，但不算太有口感，缺乏了彈性，然而莞茜的份量不算太多，所以比較適合我的口味

史上最快的點心鋪頭, 唔洗講一定係唐記永遠有好多人排但又好快就有點心到手今次黎叫左2個包做午餐, 菜脯同豆沙菜脯個D肉依然juicy, 同埋D菜都多, 肉汁OK好味尤其D汁痴住個包咁食真係正!豆沙包個餡都算豐富, 但係感覺上豆味不太濃..可能溝多左水...但係今次有點失望, D包擺左五分鐘就涷左好多咁, 唔知點解食包最好味係面頭都熱..睇黎下次要快D食先

今天又曬又熱。不想留在戶外，連午飯都留待公司才吃，於是決買外賣回公司。唐記包點供應點心和蒸飯，一於買個飯和點心最好不過。糯米雞。已經很久沒吃過了，通常都是以早餐為主，今次轉個午餐。糯米雞正常份量，亦較乾身，沒有黐黏感覺，糯糯米都幾煙靭，內裡材料有雞件，鵪鶉蛋，叉燒和肉碎，也是很乾身吧。鮮竹卷。是一個傳統的點心，沒有肥膩的芡汁在內，不過吃下時都會有肥膩感覺，內裡的豬肉都算新鮮，沒有雪味，有咬口咀嚼感覺。一個糯米雞加一個點心已經很飽肚了，毋需再吃其他點心了。

在唐記買了些點心，回家吃。或許太夜，好多款式都售罄，最後，只有豉椒排骨飯，同埋雞扎。豉椒排骨飯，米飯都算可以，當然以這個價錢，不能期望太高，而至少，排骨也沒有陣陣雪味。至於雞扎，是以豬肚和豬皮，取代了火腿及炸肚。這個組合，一定沒原有的好，雞肉也有欠嫩滑，不是我杯茶。阿妹選的芋頭包，我沒試，但評語一般。

朝早去親唐記買包都係有條龍，不過通常排兩分鐘到都可以買到包，每次去買包時聽得最多都係買菜肉包，今次我都係一樣，麵粉好鬆軟，有塊小肉餅係中間，肉餅唔韌又多肉汁，好好食！

黎個包外形似塊樹葉，原來係香菇雞包，究竟點解會做成樹葉既形狀？唔通係用黎識別唔同款既包？黎個包既餡有冬菇，菜，木耳絲，雞肉，木耳絲好爽，但就無咩肉既香味，唔夠菜肉包多肉汁。

早兩日因為唔夠時間買，被迫係公司樓下買貴格豬肉包後，今日提前5分鐘出門口，終於係唐記買到蒸包～價錢真係抵好多，1個香菇雞包加個奶黃包都只係11蚊公司樓下14蚊先得一個！排長龍～好彩員工做野夠快，大約等咗5分鐘就買到～香菇雞包雖然餡料唔算多，但比想像中少油，雞肉餡入面唔會夾雜大量雞皮混合咗木耳絲，帶點爽口，令食落質感比較好～奶皇包奶皇份量同甜度適中，口感香滑，但較為黏口兩個包既包身都鬆軟，而且食完好夠飽～下次會買佢個菜肉包試下～

今朝想食中式包，落左地鐵就有間唐記非常方便，八早上八點都有唔少人排隊買黎做早餐，我就買左糯米卷同菜肉包，。糯米卷($5.5)，只係有糯米同花生，糯米煙煙韌韌，甜甜地，其實食半個已經就夠，糯米好滯，食完好口乾！菜肉包($5.5)，好鬆軟，有肉香，椰菜爽，好食！朝早食兩個熱辣辣既菜肉包都應該夠飽！