唐記包點 (粉嶺名都商場)

Open Now

Now Closed

今日早咗放工，但又唔想煮飯，經過唐記發覺佢嘅蒸包好抵！ 諗起今晚屋企人都唔同時間返嚟食飯，就決定咗用包包去完成今晚嘅晚餐！揀咗四款包，一鹹三甜！蒸完之後發覺佢皮光肉滑，仲要脹卜卜❤️想個個口味都試下，所以切開一半嚟大家share ，發覺佢餡料非常充足，絕對唔似得西式嘅包咁空氣感極重！黃～ 番薯包餡料極具番薯味，真材實料，有creamy嘅感覺！紅～ 紅豆包餡料，好似紅豆冰底下嘅紅豆料，好沙同時亦有原粒紅豆咬到！紫～ 紫芋包一樣好creamy，紫芋本身係非常飽肚嘅嘢，加埋個包包，真係十級飽！但咁好食，當然食得哂！😂肉～ 香菇雞肉包，雞肉好夠味，雖然餡料唔會好似以上三個包咁爆，但係都好夠，反而咁多個包當中我最喜歡就係呢個！另外，買咗大排長龍嘅蒸飯款式算多 ，價錢實惠！自己屋企好少整鹹魚，見咁耐冇食，就買咗個咸魚蒸肉餅飯，見到其實有好多菜配埋，啱曬一定要食菜嘅人， 食物balance其實好重要，而咸魚竟然係超級咸香，絕對係優質食材！讚呀！

星期六唔想郁但一家幾口都要食，媽媽就話不如食唐記啦，又唔洗去酒樓同人迫，又有得食點心，一舉兩得。點了兩個最愛排骨飯和鳳爪排骨飯，唐記嘅排骨其實真係好入味，而且係肉連骨位，係最好味又唔肥嘅部位。今次仲點左個金錢肚，店員姐姐拎出黎時仲賣花讚花香話好靚，的確同茶樓相比，唐記嘅金錢肚，份量大d，而且無咁油膩，連佢嘅伴碟東瓜都食得無罪惡感！抵讚。另一個點心雞扎大大件，芋頭，魚肚，雞件，裏著嘅腐皮都好好味！另外點的馬拉糕（唔係間間有）同糯米卷都好飽肚，簡簡單單又一餐。

次次經過呢間舖頭都見到大排長龍 ，一直都未有機會去幫襯 ，今日咁啱得自己一個食晚飯， 就去幫襯下啦！見到佢而家有一個優惠， 包包只需要15蚊就有兩個， 可以買定埋聽朝做早餐， 又慳唔少錢😂其實店內有分熱包還是凍包 ，方便唔同嘅時候去食， 而且種類非常多，已經唔係單單傳統嘅餡料！新鮮滾熱辣嘅蒸飯， 一盅盅喺面前自己可以選擇要咩飯， 豉油多少、 菜多少， 見到店員都好快手，有極好嘅默契！今晚叫咗個北菇雞飯，索價27蚊， 以一個有菜、 有肉、份量夠、雞夠滑、菇夠味，一個這樣的飯盒，真係超值！終於都知道佢長期排隊嘅原因，絕對值得排！

經過唐記包點店見到優惠套餐 $15兩個蒸包。 二話不說就買兩個回到家中慢慢享用。中式包點，最愛菜肉包，因包皮吸收肉汁特別覺得美味！除了有各款包賣(有已蒸及未蒸任選)，還有盅頭飯及點心賣， 因價錢大眾化，飯每盅HK$27，至於點心$18，店舖面積不大，每次經過都見大排長龍。I

今日無時間食野 趕住買左個飽 琴日係尖沙咀買飽果陣 店員態度麻麻地 飽都唔係好熱 今日見到粉嶺店同樣多人 不過服務員態度好唔一樣 因為我會用環保袋買野食 其實好多人都厭煩 但呢間店既姐姐態度好好 仲會問多幾句點方便你多點 。 所以真係值得推介佢既叉燒飽同麥皮饅頭都好正

唐記算係一個傳奇佢將中國傳統民間美食發揚光大有系統規範化 把 蒸飯 饅頭 蓮蓉包 菜肉包 變成唐記嘅 重要食物再 加埋 點心簡直 將一間大酒樓迷你化令到普通市民都可以享受到 傳統酒樓美食之餘 又方便又舒適 價錢清晰

超級喜歡唐記！特別是蒸飯！好吃又便宜！ 現在中午基本都會帶唐記作為午飯吃！章魚肉餅飯，排骨飯係最愛！！！！！其他點心都好好味！香芋包，蕃薯包，牛肉包，蝦餃，燒賣，雞扎都係推薦！

年初四，仲有好多餐廳未開，早餐地方唔多，呢間連鎖包點店開咗！蒸緊包好香！裝修企理！店員著晒制服！門口賣蒸飯，我買蒸包要入內，不過唔係每款包都有！店內無枱櫈！要外賣走！ 最後叫了 菜肉包（$6.5），店員爽手袋好比我，蒸包唔係好大個，包身鬆軟，充滿水份，餡料多，豬肉有肉汁，麵包索晒啲湯汁！菜碎幾大塊，唔太鹹！好味！店員有禮爽手！中式包點熱辣辣好暖和！

以前跟老爸每天喝早茶，總是喜歡一盅飯，一碟雞紮，多年下來，自己都隱約成了壞習慣。香港人的步伐實在太急速，就連應該慢慢享受的早茶都變得奢侈。而近年有不少點心店的出現，的確對夜歸一族幫助不少，至少自己每次上夜班後，都有機會買到熱辣辣的盅頭飯。其實以$23的鳳爪排骨飯，訂價真的不貴，所以每當黃昏時分，門前總是有人龍出現。只可惜外賣是用上發泡膠盒，未免不環保，飯粒似乎多了水份，少了粒顆分明的口感，鳳爪及排骨沒太多醬汁，醃得肉味稍差，份量亦不算多，要求不高，馬馬虎虎還是可以的。

每一次經過唐記 都忍唔住停低腳步 然後乖乖走去排隊 牆上既圖畫文字 已經係一個餐牌 今次買左鳳爪 , 雞扎 , 燒賣 , 豆漿鳳爪唔會太咸 不過多左少少汁, 雞扎 入面有雞翼 火腿 冬菇 魚肚 , 夠味燒賣 不過不失  呢度d豆漿真係好好飲 唔會過甜 岩岩好！！

次次行過唐記都想食下其他野，但唔知點解最後都係會揀雞飯。今次個飯唔錯，軟身得黎又唔會爛，而且豉油充足，不過個雞唔知咩事「鞋鞋地」，平時食都好少會咁，可能係呢隻雞質地問題啦。

早餐最好食咩？ 香芋包黎啦，我早餐最愛食佢，佢個包好重芋頭味，食落好似食緊一個好粉既芋頭咁，顏色係淺淺紫，唔會好似有d公司狂加色素搞到好深色，另外甜味適中，唔會太甜，咬落好好鬆軟，口感非常好，因為餡料多，所以食完會好飽，早餐首選！

唐記包點的鳳爪排骨飯頗受歡迎，想吃的時候，有時會售罄。是日到唐記，人龍約有15人，排了十多分鐘，點了一個鳳爪排骨飯外賣($23)。約15分鐘回到家，打開飯盒，排骨飯香撲鼻而來，排骨份量不少，排骨新鮮肉質嫩滑，白飯入口熱騰騰的，軟硬度適中，店員加了一點豉油，味道剛好。份量不少，又飽又滿足的一餐。喜愛鳳爪排骨飯的，唐記是不錯的選擇。

原本想試蕃薯包同芝麻包🙆🙆 奈何都賣曬了😢 只好退而求其次👄香芋包包身冇很深會誘人既紫色 甚至係幾乎接近白色lol 不過也正表示商戶冇加人造色素(或者小小😂) 感覺健康些 食落淡淡芋香 以中間軟綿的芋泥最為吸引 麵包帶有小小麥味中式麵包沒有過於賣弄花巧既外貌 但我卻喜歡那平凡樸實既味道

好鍾意食唐記ge包包, 每逄星期六返工都會當佢做早餐!雖然每次都見到好多人排隊, 不過佢地個flow都好快! 唔洗等好耐同埋勝在夠平XD今次買左個蕃薯包同叉燒包!蕃薯包個內ham好多! 同埋D蕃薯甜甜地好好味! 食完都幾有飽ge感覺haha叉燒包就個ham小D, 但係都多肉, 同埋唔知點解個味係有小小甜, 感覺上好食過茶樓個d!可能因為咁貴五毛子啦XDXD