唐包點 (Closed)

經過深水埗站準備坐地鐵返屋企，俾我發現佢啱啱開咗間新嘅唐記包點，成日都覺得唐記嘅包幾好食但係我經過親都係食飽咗，難得今日未食嘢又唔想煮飯，決定去睇吓有啲乜嘢食。原來依一間新開店做緊優惠全部蒸飯都係$18 ，仲平過特惠快餐店，我見好多深水埗居民亦都過嚟買個蒸飯食，所以夜晚我去到就好多嘢都售罄啦。佢仲做緊個優惠加多$14就可以要多個點心，冇咁悶。打電話問完屋企人，買咗章魚肉餅飯，口口嘅肉餅有啲章魚粒喺裏面，小小咸個肉都幾鬆軟同埋北菇雞飯，雞肉都幾多北菇就剩係得一件，$18就真係好抵啦見佢有優惠就額外加咗兩個點心，山竹牛肉球，佢另外跟左一包夾汁，個牛肉球仲有啲馬蹄大大粒同埋燒賣，叫做每樣平左$3咁多啦，竟然仲有四粒蝦仁起燒賣上面，$14都幾大粒唔係街邊魚肉燒賣完美嘅一餐又點少得甜品呢，本來想食腐竹糖水點知賣晒唯有食番薯糖水啦，估唔到有拍得住出邊啲糖水舖好多料個番薯仲好林添重點左兩隻包做聽日早餐食，叮一叮就食得返到屋企打開好豐富呀，你咁多嘢$100都唔使，非常優惠

今日路經深水埗地鐵站見到有唐包點, 晚飯又未有著落所以過去望下有咩岩食啦, 原來平時食開唐記包點同唐包點賣D款式都有分別架喎~ 多左飯類又有糖水, 幾吸引咁今次買左秘製豬軟骨飯比老公, 份量公道, $29黎講味道唔錯非常好送飯糯米雞足料好大隻, 燒賣上面有蝦架咬落都煙煙韌韌, 我食完都夠哂飽, 其實隨時買到點心以後真係唔使去飲茶都得 🤗 最後試埋個蕃薯糖水, $15 同糖水店買都差唔多價, 好足料蕃薯都滿一碗唔係得一兩舊, 老公話好好飲可能我食得辣覺得薑可以再辣D仲滋味 😋 一如既往買多兩個包留返公司叮熱做早餐~

唐包點連地鐵站都愈開愈多，愈來愈方便，想食就能吃到，經濟實惠，而且十分適合宅男宅女，外賣回家吃最方便自在。今晚我就在深水埗地鐵站買唐包點外賣到朋友家一起邊吃邊看電視。店舖晚上9時關門，我8:45才趕到已經有8成食物售罄，十分受歡迎！所以我的選擇不多，梗加適合我這種三心兩意的人。《鳳爪排骨飯 $18》和《梅菜肉餅飯 $18》都用足料，滿滿的在蒸飯上，而飯都蒸得剛好沒有蒸乾，水準比早前去的中環結志街分店好得多。《鮮竹卷 $17》兩大件夠熱。終於嘗到唐包點新出得糖水，今晚只賣剩《番薯糖水 $15》，那我不客氣搶要最後一碗了。番薯多又甜，$15很合理。飲品方面職員推介我這款《樽裝奶茶 $12》很香滑又很茶香，奶味亦濃。

琴日放工屋企冇煮飯，所以就決定去買啲唐包點返屋企做晚餐啦鳳爪排骨飯呢個飯份量超級多，而且排骨同鳳爪好入味，加埋蒸飯豉油，味道好夾，平時麻麻哋鍾意食飯嘅我都好快食晒燒賣一份燒賣共有四粒，每粒上面都有隻鮮蝦，所以食落口感更加豐富，而且每粒燒賣都大大粒，同樣都好抵食鮮竹卷鮮竹卷嘅份量同樣都唔細，而且佢配既汁，係同鮮竹卷好夾，雖然好飽，但同樣清得曬黑豆漿飲品方面我就揀左一支黑豆漿，豆味好濃郁，而且聽講黑豆嘅營養價值好高，所以我就揀咗飲黑豆漿啦

我間唔中都鐘意買唐記食，因為夠晒方便😆😆而家深水埗地鐵站開左間唐記，我買左佢地嘅鳳爪排骨飯加燒賣都係三十二蚊咋🤩咁岩細佬喺我準備埋單嘅時候打俾我話一齊食lunch...所以再加多幾個點心😋有 支竹牛肉球、雞札、鮮竹卷再加多個曼頭😍埋單都係$99咋😂細佬表示：咁又可以慳返餐...；而我就表示：$99兩個人食個lunch 都唔貴嘅😌😌😌到最後叫左咁多野當然係食唔晒啦😂😂😂唯有留返做宵夜🤭

有時屋企人唔返嚟食飯, 得返我同哥哥兩個人, 唔想煮飯, 唐包點嘅蒸飯就係我哋晚餐嘅最佳選擇🙈唔單止價錢平, 而且選擇種類又多👍🏻最緊要分店唔多, 梗有一間喺附近👍🏻今晚我哋就叫咗鳳爪排骨飯同北菇雞飯, 我最欣賞嘅係佢嘅飯底, 好少快餐店會蒸得咁爽身, 最怕蒸到d飯太爛, 佢嘅蒸飯好乾身, 米粒粒粒分明👍🏻個人就最鍾意鳳爪排骨飯, 鳳爪好入味, 配上椒絲好惹味😋至於排骨肉質好稔滑, 兩者嘅味道滲哂落個飯底到👍🏻係我每次必叫當然唔少得我至愛嘅奶茶, 香滑味濃😌

我一趕時間要食快飯，就會去唐包點，因為真係夠快同埋實惠我次次必買糯米雞，因為個女鍾意食，今次仲買左個豬軟骨飯，夠晒入味，都有成功舊，飯同餸分開上，配兩舊蘿蔔，我女食完一啖，就追住食今次我仲要左籠燒賣，同平時在茶樓食有少少唔同，豬肉比較多，我女平時唔食茶樓燒賣，但佢今次居然食唐記燒賣，佢仲食左我2粒……我另外仲買多4個包做下午茶同宵夜我老公平時成日買佢既紅豆包食，話好食，所以我要左個試下，堅掂，好香紅豆味架，十級推薦大家買香竽包，我就一般，但個女食，最緊要佢鍾意蕃薯包，都幾好味，岩婆婆口味講真d包好有水準，個個都軟身飽肚，唔會好似在西式包鋪包空氣包咁