正品蕃茄湯麵店 (Closed)

鍾意飲蕃茄湯🥣食蕃茄嘅朋友仔 真係唔好錯過呢間🤩📋小妺就叫咗一個 ［ 腐皮墨魚卷-酸菜湯］+［脆炸雞扒-香芹湯］💁🏻 上菜速度好快 可以揀自己鍾意嘅小食再加湯底。佢湯底就有五款可以揀，小妺就選左酸菜蕃茄 湯同香芹蕃茄湯。🔸酸菜蕃茄湯：加上佢醃製嘅鹹酸菜，味道獨特，令蕃茄湯底鮮味更加突出😋 鍾意食酸嘢嘅朋友仔可以揀呢個湯底🔸香芹蕃茄湯：個湯會加有少少香脆嘅芹菜，令湯底更加鮮甜醒胃，口感清新。飲落去有少少似羅宋湯嘅味道。💘炸過嘅腐皮包住墨魚卷，再浸落啲湯度，吸晒啲湯汁，咬落去啖啖蕃茄湯味🤤外脆內軟 強烈推介！ （建議大家快啲食，如果唔係腐皮冧咗就冇咁出色啦）🍗脆炸雞扒外裹金黃酥脆嘅外衣，外脆內軟。肉質鮮嫩。🙌🏻佢哋自家製嘅蕃茄麵 顏色係蕃茄紅。食落去有少少似拉麵，口感軟滑。食落去有淡淡的蕃茄味。⚠️店舖茶餐廳格局 環境比較陳舊 💰 腐皮墨魚卷蕃茄麵($54)+脆炸雞扒蕃茄麵($51)+凍西洋菜蜜+紅豆冰 合共116元 人均消費大約55元❗雙拼就64元 凍飲加$2 特飲加$9📍荃灣大壩街29號安康大廈地下📞 2433 3251

大壩街有兩間蕃茄專門店呢家lunch食既人唔多好似一個正常心態入去食其實又唔差用嘅係新鮮蕃茄磨成蕃茄蓉可能菜式嘅選擇或者配搭方面可以改善下佢用得正品呢個名或多或少相信佢都想自己既食物係有期望同埋希望做到有保證Add oil

今日去咗荃灣區，行完街之後見到呢一間精品番茄湯麵店，就真係忍唔住走咗入去食嘢！對於一個鍾意蕃茄湯麵嘅人來講，真係非常吸引，買咗一個隊長肉餅蕃茄濃湯麵，呢度嘅肉餅好好食，煎得好香，而且味道啱啱好！蕃茄湯嘅味道都算適中，但係有少少酸酸地，但係都係可以接受嘅！價錢方面性價比都算好高，呢個套餐都係$60！真係好抵食！

今日經過荃灣大壩街附近搵嘢食，見到這間正品蕃茄湯麵店，標明主打蕃茄菜式覺得比較特別，於是入去睇下。既然主打係番茄當然要食蕃茄啦。 餐廳內面積不大，今天亦不算太多食客。因為上午剛吃了麵作早餐，所以就叫了一個蕃茄牛肉湯通粉。通粉到了，吸引目光的是那滿碗紅紅的蕃茄湯，色澤非常奪目。 先試喝一口蕃茄湯，湯味很鮮甜，而且有著濃濃的蕃茄味。 而牛肉都尚不算老，不過份量就少了一些。跟餐的還有一片火腿、炒滑蛋，蛋是炒得很細滑， 多士雖已凍了但還有少許脆口、加一杯柚子蜜熱飲，都是46元找數，非常的抵食。如果喜歡食番茄的朋友，有機會一定要來這裡試食一下，我下次都會再來試吓其他蕃茄菜式。

脆炸雞扒湯麵外賣湯另上係基本🤷🏻‍♂️炸雞扒賣相好吸引，夠大塊又夠脆，但食落冇味。黑胡椒蕃茄湯底味道香濃又夠辣，麵底橙色都係用蕃茄所製成，但係完全食唔到蕃茄味。整體來講還可以

今日叫咗碗碎肉蕃茄麪加凍檸茶。食到一半有個阿嬸突然換走我張單仲加咗份餃子。我同過兩個人講佢哋無乜反應不了了之就走咗去。令我覺得佢哋好唔老實肉碎味道無咩特別。麪用蘿蔔色幾彈。 無咩留戀。而單憑佢哋古惑嘅行徑已經唔使再幫襯。

呢間舖頭其實好耐之前已經嚟過，但之後因為太多更好食嘅嘢所以都冇嚟一排啦，唔嚟一排質素係差咗少少嘅，不過都係平民好食之選。呢間舖頭最重點嘅係佢嗰個蕃茄麵，首先有蕃茄蓉、蛋花、肉碎湯底，入邊個面底都係淡淡粉紅色，係由蕃茄所製成。你話好唔好食，又未去到超級好食，但係如果你鍾意蕃茄嘅，咁呢間舖頭呢就一定要嚟試吓。整體來講都得過且過啦，蕃茄湯底仍然係重點。蠔油生菜幾好食，可能因為有啲蠔油嘅關係。炸雞扒冇乜味，不過都揸得幾酥幾香口。炸雲吞呢都係推介，因為佢入邊呢應該係魚滑定係蝦滑嘅物體，有啲新鮮感嘅。

平日中午都會同同事過來食中午，飯類墨魚餅同肉餅飯。今次試食麵，知道份量少說就加小食。叫左 蕃茄湯麵2餐，個麵幾 彈牙食落去又唔會好粉，個湯都夠咪仲有少少肉醬。但小食一到， 令我懷疑人生。。一份11蚊餃子點解可以同相，相差咁大？重點係職員服務勁差，食物到左無講掉低就走問多句就黑面。環境就睇下面圖片在場影唔會有下次。

爆多蕃茄汁嘅蕃茄麵！蕃茄控必到！戲院終於開返，買咗飛睇戲，喺戲院對面嘅呢間餐廳叫咗個湯麵，諗住快食完就入去睇戲。個麵黎到好有驚喜，個麵本身已係蕃茄麵加蕃茄湯底，加$6可以要埋個肉碎蛋濃湯，而蕃茄控就真係一定一定要加呢$6！因為個蕃茄濃湯係大大地加深咗成個麵嘅味道！呢度個🦑墨魚餅都好食，個墨魚餅煙韌彈牙，而且吹晒啲蕃茄汁，好正！下次再黎要食個墨魚餅😋食埋個麵，仲飲埋個湯先叫完滿！🍜田園樂園湯麵 ($49)

先講食物質素炸雞扒大大塊 可以再熟啲有塊生菜感覺冇咁油膩 湯底大大碗 食唔到味精 蕃茄味都好濃 個稠度幾正 熱柚子蜜拎凍飲杯裝 量係夠不過覺得杯野甜左啲食物溫度方面 呢個好緊要無論雞扒定麵都有過熱嘅問題 一上左枱熱到放唔到落口係燙口 好似90度滾水個種個種過左10mins有多碗麵先正常啲 嚴重影響進食心情及質素 請三思

聖誕假期最後一日, 起身有D 唔舒服又唔想出街食野, 老公提議叫蕃茄麵外賣, 於是用APP 落單。呢間食店絕對係我之前好經常食既食店, 不論返工LUNCH 定放工買返屋企食。就算星期六返奶奶度食飯, 都會提議叫正品返去食。不過而家因為疫情關係少左出街食飯同多左自己煮飯, 所以有一段時間冇食了。我通常都會去大壩街分店, 之前有試過去街市街分店食, 發現果間食店好細, 座位較少, 同埋味道不如大壩街呢間分店, 食過一次後就冇再幫襯了。大壩街分店比較大座位寬敞, 不過用具比較污糟除左出名既蕃茄麵, 仲有飯食的。而且蕃茄湯底都有幾種選擇, 有酸菜, 有黑椒, 都好好食。外賣送到, 分湯的, 好好!我今次揀左墨魚餅蕃茄湯麵湯底: 酸菜蕃茄湯一打開個湯, 一聞已經聞到酸菜味, 垂涎三尺! 墨魚餅我覺得比起以前細塊左, 不過食到粒粒墨魚, 同埋唔會成口粉蕃茄麵放一陣湯已經鬆晒, 加埋酸菜湯底, 真係停唔到口, 連個湯都KO 埋腐皮墨魚卷蕃茄湯麵湯底: 黑胡椒蕃茄湯黑胡椒蕃茄湯底酸酸辣辣咁, 又有胡椒香, 正正! 腐皮墨魚卷有4 條, 腐皮好脆, 夾左入面有墨魚肉, 又脆又淋, 好食又好飽肚! 

正品蕃茄湯麵店(3/5) 🌕🌕🌕🌑🌑推薦程度：🔥🔥🔥🔥 (5🔥為最高)荃灣有好多不同的餐廳選擇，今次帶大家黎到比較少人認識的正品蕃茄🍅湯麵店。正品蕃茄湯麵店主打蕃茄湯麵，不單止用上蕃茄湯底，連麵條都係用蕃茄整。依一年大家都開始注重於健康方面，蕃茄湯麵會唔會係其中一個選擇呢，一於睇吓呢間蕃茄湯麵有幾健康。由於疫情關係，政府要求餐廳暫停🚫晚市堂食，我唯有趁下午茶時間🕠少人的時段去食。一如既往，入去餐廳食嘢之前要量體溫。但係呢間餐廳我一入去，餐廳又無提供紅外線體溫器，店員也沒有主動幫我量體溫，直至我提出才幫我量體溫，似乎呢間餐廳的防疫意識不足夠。下午茶時間店內只有數位客人，一看餐牌封面見到「推介」二字吸引我眼球，於是我叫了8號隊長肉餅湯麵餐。1至8號蕃茄湯麵餐的蕃茄湯底都有4️⃣款比你揀，分別有香芹蕃茄湯、酸菜蕃茄湯、黑胡椒蕃茄湯、同埋風味辣蕃茄湯。下午茶餐牌的蕃茄湯麵餐會平好多，不過下午茶餐牌無隊長肉餅湯麵餐依款揀。大家唔想食蕃茄湯麵，呢度都有提供特式飯餐、常餐、同埋特色小食比大家選擇。隊長肉餅湯麵餐(2塊)配熱菜蜜(3/5)🌕🌕🌕🌑🌑講翻我叫個餐先，8號隊長肉餅湯麵餐(2塊)，配熱菜蜜，$5

睇完醫生都無諗過咁夜，過左夜晚6點禁晚市，無得揀，只可以外賣返屋企食，諗起呢間番茄返好耐無食過，就外賣呢間喇.我本身唔係茄迷，呢間店好就好在佢都有非茄迷嘅食物，我就揀左燒雞扒配肉餅返；.老公係茄迷，佢就揀左燒雞扒番茄蛋湯飯；.餐大概由48蚊到50幾蚊；包埋飲品，.由荃灣揸車返屯門，打開個飯，仲係熱嘅👍🏻雞扒大大塊，肉餅仲要有2塊，好抵食👍🏻味道亦都唔錯，仲有少少蔥油，撈飯一流😆.試食左少少湯飯，番茄蛋湯都唔錯，好似番茄炒蛋但變左做湯，但味道無因為水多左變左做湯而淡左，撈飯食幾開胃

好耐之前行開街無意中發現左呢間蕃茄麵店試過一次之後幾難忘係真係幾特別佢既蕃茄湯底有好幾種可以揀我就通常都揀黑椒蕃茄湯有茄香得黎仲有黑椒味辣辣地咁係好特別架今次點左墨魚餅蕃茄麵(黑椒蕃茄湯)個墨魚餅係新鮮炸起熱辣辣好有墨魚味唔似剩係得粉咁個湯底係好推介只係少少辣而蕃茄麵都係特別既幼幼地望落係淡紅色雖然食落無咩蕃茄味但個湯底搭夠鍾意食蕃茄湯既要去試下呀

不清潔既意識的服務員!第二次早餐經驗!一入去沒有人理會。之後有個計數既慢慢行來放下早餐牌之後沒人理，5分鐘行好在有計數個望到我。下了單之後有三台客入來。全部等了没有食物，可惜另三台客也有，我一樣也没有。到我了，更可惜，錯了，送錯餐，我的麵在另一客桌上用叉玩弄中，她拿我的麵加了啲對的餸就送給我。這兩個服務員太差了，慢不經心！在附近返工，明台為什麼紅茶排隊排到十多人！而妳的店一直坐不多人，我現在明白了！第一次外賣已經企在外等好耐，堂食原來更驚喜人。