80
9
2
9-min walk from Exit A1, Tsuen Wan MTR Station
continue reading
Opening Hours
Mon - Sun
08:00 - 22:00
Above information is for reference only. Please check details with the restaurant.
Recommended Dishes
住喺荃灣，好多時都會想搵一啲靜靜地嘅咖啡廳去做下功課溫下書。自從呢一間Tom and Toms韓式Cafe開咗之後，我就好少再去其他大型連鎖店。呢度嘅裝修同韓國嘅咖啡店好相似，始終佢都係一個韓國嘅品牌。牆上面係一啲卡通吐司嘅圖案，因為呢一間Cafe其實主打係食佢嘅特色吐司，不過今日我哋兩個都唔肚餓所以就冇食到。今日同朋友坐喺度一齊做下野，我哋一人叫咗一杯嘢飲同埋叫咗兩件蛋糕一齊share。我飲嘅係水蜜桃冰茶，而朋友飲嘅就係草莓乳酪沙冰。另外叫咗兩件蛋糕，一件係咖啡芝士蛋糕，令一件係紅絲絨蛋糕。喺度特別想讚下呢件紅絲絨蛋糕，因為香港有好多地方都有做呢件蛋糕，但係呢一度做嘅係最貼近我喺外國食過嘅口味。主要係佢蛋糕嘅質地，我唔係太鍾意太濕潤嘅蛋糕，而呢一度嘅蛋糕係食得出有一粒粒嘅質感，但係又唔會太乾。所以，大家其實平時去咖啡廳都唔一定要成日去大型連鎖店。好多鋪頭其實都有咖啡飲又坐得舒服，依如呢度
continue reading
朋友就嚟生日，約佢食個便飯順便慶祝，揀咗韓國人氣咖啡店TOM N TOMS COFFEE, 有一流飲品又有即焗小食可以當lunch，坐得又舒服🤗飲品首先到,甘薯鮮奶$39 泡沫打得超幼細，充滿紫薯味道，冬天飲真係好match;熱朱古力$39 直到靚到唔捨得飲，一幅畫❤️好浪漫💕味道香濃，難忘。蜂蜜芝士吐司$57 ，睇相就知有幾芝士啦😆加埋蜜糖鹹鹹甜甜好好味👍 蒜香忌廉煙肉意粉$49 蒜味香濃，唔太鹹，份量ok;芝士焗韓式餃子$32 菜餡料好味，皮厚薄適中，如果芝士可以再多d更好；今餐朋友仔食得好開心👏下次經過會再嚟飲杯嘢。
continue reading
類似starxxxxx 既一間coffee shop，應該都冇人會對佢陌生，都係好多學生係到溫書，仲有得usb叉電🤣-1️⃣焦糖忌廉吐司🍞 $57⭐️⭐️⭐️⭐️一向我都對吐司冇乜抵抗力🤣，所以一見到就叫忍唔住叫，焦糖唔算好甜，有小小燶燶地香味，忌廉都打得好滑，配上吐司都不同，不過如果有埋雪糕凍凍地，有入口即溶既感覺，就更加好食😋/2️⃣墨西哥雞肉薄餅 $53⭐️⭐️⭐️水牛芝士好多好滿，一淡薄餅都滿口芝士，餅底真係做得好薄，配料多到重到個餅底就黎承托唔住🤣/3️⃣ 芝士蕃茄牛肉意粉 $49［滿星］⭐️⭐️⭐️⭐️⭐️‼️估唔到比普通茶餐廳叫既好食，意粉唔係好粗個種又唔乾身，芝士同蕃茄都好重料，食落好惹味，份量小小地真係會唔夠喉！/4️⃣凍朱古力 ($39/大）［滿星］⭐️⭐️⭐️⭐️⭐️‼️朱古力面加左層忌廉，仲加左小小朱古力醬，朱古力味道剛好，濃郁既朱古力味，但又唔會過濃再加上cream，成個味道再升華左！-環境：8/10服務：8/10好味指數：8/10回頭率：8/10
continue reading
同朋友如果想飲杯咖啡可以嚟到荃新天地呢間Tom and Toms，之前佢開第一間分店喺沙田新城市廣場，我都有去朝聖過，佢嘅厚多士真係好正架，一直令我回味無窮。朋友好肚餓未食飯，叫咗個蒜香忌廉煙肉意粉，上碟嘅時候好熱，忌廉好白滑，食落去好Creamy，蒜香嘅味道唔會過濃，啱啱好，而且煙肉嘅數量亦都好多。另外蜂蜜芝士吐司係我自愛，大啖大啖拉絲嘅感覺配埋自然清甜的蜂蜜，令我一試不能忘懷。叫咗杯榛子鮮奶咖啡，用白色杯裝住熱辣辣的咖啡零舍Grand，個拉花效果做得好靚呢！
continue reading
原來好多學生哥鍾意聽住韓文歌嚟溫書，都幾多人嚟做功課溫書，但又出奇地寧靜，好有學習氣氛!! 可以感受下青春嘅氣息!! 呢度主打飲品咖啡但都有啲輕食熟食!! 飲品叫咗甘薯鮮奶同埋蜂蜜美式有氣咖啡，甘薯鮮奶有紫薯嘅甜味加埋奶香，啱晒咁凍嘅天氣飲，朋友嗰杯其實就係Americano加左sparkling效果，佢覺得有啲怪，之前就咁飲呢度嘅Americano係好味㗎， sparkling都係外國人會比較鍾意!! 意式牛肉蕃茄薄餅，個皮係薄脆嘅，個汁酸酸地配牛肉蕃茄芝士都幾好味!! 芝士焗韓式餃子，餃子熱辣辣芝士有拉絲效果!! 朋友order嘅韓式熱狗，分量夠晒大，味道正正常常!! 坐喺呢個望窗位發下呆都唔錯!!
continue reading