100
10
12
7-min walk from Exit A1, Fanling MTR Station
continue reading
Telephone
21554488
Opening Hours
Today
11:30 - 21:30
Mon - Sun
11:30 - 21:30
Public Holiday
11:30 - 21:30
Public Holiday Eve
11:30 - 21:30
Above information is for reference only. Please check details with the restaurant.
About
About Reward Scheme
Offers
Recommended Dishes
呢間Together (粉嶺)嘅西餐廳係一個非常受歡迎嘅餐廳，店鋪內歐陸式高雅裝修，餐廳座位寬敞坐得非常舒服！餐廳每個月推出新嘅午餐餐牌，呢個係今個月新餐牌黎👍🏻👍🏻好貼心🇰🇷Oppa牛肉飯 $83-其中一款推薦嘅菜式係「Oppa牛肉飯」入面有蟹子溫泉蛋泡菜牛肉紫菜，牛肉份量非常多，泡菜既份量岩岩好唔會太鹹，微辣帶甜👍🏻配埋溫泉蛋同白飯好美味😋仲有豆苗亦好青翠新鮮。特飲-盛下戀人 $29如果你想試下特別嘅飲品，可以選擇「盛下戀人」，跟餐半價加配。呢杯飲品賣相精美，有柚子、西柚、蜂蜜、椰果同薄荷梳打，消暑解渴，好啱夏天飲！甜品🍧 白熔岩菠蘿拿破倫崙棒棒Movepick雪糕 $68-鐘意食甜品既我，揀左「白熔岩菠蘿拿破倫崙棒棒Movepick雪糕」。拿破崙酥皮鬆脆，配上白熔岩醬，味道絕佳。呢個甜品用芝士同白朱古力製作，movepick雪糕係瑞士雪糕，雲呢拿味，雲呢拿籽好香😆絕對值得一試。Together (粉嶺)係一間人氣西餐廳，提供高質素嘅菜式同舒適嘅用餐環境。如果你鐘意歐陸風味嘅西餐，呢間餐廳絕對值得你去試。👍🏻人氣西餐廳·Together (粉嶺)📍粉嶺新運路33號粉嶺中心地下159-160號舖
continue reading
約咗人喺粉嶺交收，難得嚟開呢頭，梗係要食埋晏先走。喺粉嶺中心搵到間環境好 Chill 嘅西餐廳，睇咗門口餐牌，原來 Weekend 有早午餐供應，一於試下。餐廳裝潢高檔又有空間感，近大門處有棵高至天花嘅大樹做裝飾，配上落地大玻璃，讓自然光透入，感覺開揚光猛，令人心情愉快。點咗一客特色牛油果蓉配金槍魚海鮮紅菜頭橘子沙律 ($98) 同 一份週末早午餐。碟沙律嘅造型好吸引，以新鮮爽甜嘅生菜包裹，並用上紅菜頭作裝飾，入面有金槍魚、八爪魚、橙肉及牛油果蓉等，入口味道極清新，週末早午餐選了慢煮龍脷柳，+$20 升級，可以配埋沙律、是日餐湯及蓋奶茶。橘子及青瓜沙律、香橙薑欖油汁：青瓜沙律新鲜爽口，天然又健康。意式免治雜菜湯：雜菜湯用料十足，內有甘筍同粒粒茄蓉，入口酸香醒胃。百香果蓋奶茶水準亦唔錯，口感夠厚夠 Fluffy，果味好香濃，消暑一流！慢煮龍脷柳伴荷蘭汁 / 大啡菇 / 橙汁甘筍 / 炸薯角 / 夏威夷香蕉汁 ($98)魚柳用料上乘，肉質柔軟，同面頭滑順濃稠嘅荷蘭汁好夾。大啡菇肉厚多汁、甘筍清甜不澀，帶陣陣天然橘香；點埋個夏威夷香蕉汁食，口感一流！天氣熱辣辣，再嚟兩杯飲品降下溫，左邊嗰杯「盛夏戀人」係西柚蜂蜜椰果梳打，味道好 fresh，酸甜解渴。右邊嗰杯「熱帶雨林」係菠蘿椰汁梳打，飲落好 light，帶陣陣香濃椰香。甜品點咗個一口雲霧拼盤 ($138)，放上檯時真係好有驚喜，冷煙瀰漫，有種撲朔迷離嘅感覺！分別有：肉桂焦糖香蕉班戟、意式草莓雲呢拿奶凍、白熔岩菠蘿拿破崙 同 牛油金寶 Mövenpick 雪糕。Pancake 軟棉棉、入口即溶；拿破崙酥脆鬆化，甜而不膩，美味。
continue reading
朋友生日，自然會選擇一間好啲嘅餐廳同佢食！喺北區要搵間靚嘅餐廳，的確唔容易！經過朋友推薦選擇咗呢間近粉嶺站嘅西餐廳😁坐得舒服環境、寬敞，絕對有私人空間！而且開始有聖誕佈置，非常賞心悅目！睇返餐牌，價錢一啲都唔貴，呢個餐已經有咁多嘢食！而且各具特色，真係樣樣都想要😆餐包、餐湯、雞絲凱撒沙律~沙律菜非常新鮮，脆度一流！配上手撕雞絲同香脆嘅麵包粒，呈現出經典嘅美味！香煎阿根廷紅蝦番茄醬意大利粉~蝦非常鮮味！而且尺寸非常大，口感亦非常順喉，意大利粉軟硬恰到好處，微酸嘅蕃茄口味，令人非常開胃！10安士美國肉眼（+$80）~牛扒兩邊香煎到微焦狀態，焦香四溢，點咗五成熟絕對冇overcooked，肉質一啲都唔韌，粉嫩嘅顏色，令人食肉大增！香煎寶雲蘇羊西冷配香草蒜蓉汁~通常羊肉都有一陣騷味，但呢個烹調方法，絕對可以中和！配埋醬汁簡直係畫龍點睛！鳥籠雙層雲霧甜品~呢個甜品絕對有驚喜，仙氣滿滿，打卡一流！抹茶奶凍（上層）~抹茶味嘅甜品唔會太甜，茶香滿滿，非常香滑！oreo味雪糕（下層）~冰涼嘅雪配襯餅乾碎增添口感，酥皮條配吉士醬及生果，可中和甜味，配搭得恰到好處！
continue reading
星期六中午,帶媽咪去食lunch🤍近近地就揀左去粉嶺食啦💕呢間位於粉嶺中心嘅餐廳,入面環境超好打卡😳加上店內已經有濃厚嘅聖誕氣氛,帶港媽去真係無錯😝🌿西班牙海鮮飯(半份)雖然係半份,但係份量都唔少😍飯嘅質感軟硬適中,味道帶點微辣,入面配有帶子､蝦、青口等海鮮,味道十分惹味且開胃🤍🌿香煎肉眼扒配炒椰菜,脆炸薯角配白飯呢款係午市精選套餐,CP值不錯👍🏻肉眼扒肉質軟腍,份量亦相當足料,除咗配有薯角之外,更可配白飯或意粉,就算係男士都一定夠飽💕🌿金桃白玉(香桃汁,鮮橙汁,白玉珠珠,椰果,梳打)一上枱已經俾佢嘅顏色吸引😍飲品內更配有發光燈,用黎打卡真係一流😊味道飲落去酸酸地,配以白玉珠珠及椰果,令口感層次更豐富☺️🌿伯爵軟綿綿(火炙棉花糖,芝霧奶蓋,黑鑽波波,伯爵茶,鮮牛乳,黑糖)賣相非常吸引,除左有伯爵奶茶之外,上層仲有一層芝霧奶蓋,頂層配以棉花糖作裝飾,雖然望落去好邪惡,但味道沒有想像中甜👍🏻黑糖及伯爵茶嘅味道平衡得非常好🤎🌿一口雲霧拼盤(自家製酒店法式檸檬撻,法式酥皮拿破崙,宇治抹茶小丸子牛角奶凍,香滑雪糕)打卡首選!如果係慶祝嘅話就更加要點,因為係可以加生日牌架😝首先一上枱已經仙氣十足😍除左視覺效果滿分外,拼盤內嘅甜品亦非常有水準,酥皮類甜品都非常香脆,檸檬撻味道酸甜適中,宇治抹茶奶凍味道非常清新且香滑!一個拼盤就可品嚐多種款式,甜品控一定唔可以錯過🫶🏻餐廳午市套餐價錢大眾化加上環境舒適及寬敞座位,假日同屋企人一齊黎都非常推薦呢!
continue reading
Together（粉嶺）今日早放工下午茶,睇落去裝修非常浪漫有格調，而且下午茶時段價錢非常優惠，所以即刻入去試吓酒店式雲霧甜點下午茶($78)呢個甜點拼盤一上嚟乾冰煙霧令到呢一道菜非常有夢幻嘅感覺，食落去亦一啲都唔差，朱古力蛋糕香濃軟滑，綠茶布丁食落去甘甘甜甜真係非常唔錯脆炸生蠔海鮮野菌意大利飯($62)炸生蠔炸到表皮非常酥脆同時亦突顯到蠔嘅鮮味意大利飯煮到啱啱好而且配合醬汁開胃，而且非常有層次柳丁白玉（$15）柚香白玉（$15）用柚子同埋鮮橙汁沖出泥非常新鮮清爽而且價錢平
continue reading