天恩健康素食 (Closed)

⚠️最後營業日: 6/5🥺天恩健康素食💛🌱素叉燒煎蛋飯 $46四寶飯 $46黑椒素豬扒飯 $46所有飯可以配湯/嘢飲人均消費: $46 (3人)-素叉燒煎蛋飯 (少飯)個煎蛋煎到好脆卜卜😋但又唔會太燶個叉燒甜甜地 好香口🤤·四寶飯佢有鹹蛋 叉燒 火腿 雞不過鹹蛋因為佢連埋殼上可能小心有啲殼碎🥺d料都好足夠👻不過我覺得四寶飯係最推介嘅🤤！·黑椒素豬扒飯 (少飯)因為我自己本身屋企都食開素嘅關係我就覺得呢個就冇咁特別🤣·佢所有飯都係同餸分開上所以有一種一家人 一齊食唔同餸嘅感覺每碟餸都會有生菜🥬·飯可以選擇白飯 或者薑飯仲可以添飯👻🤤如果食量唔多嘅 記住可以講少飯！啲飯唔會話太淋 或者太硬都會食到粒粒分明．是日靚湯: 菜乾霸王瓜湯exactly嘅名 我唔記得啦🤣好甜 好足料🤤完全係有種屋企人煲湯嘅味道🥰完全冇味精-3/5/2022 ate好有人情味🫶🏽老闆娘好熱心咁推介有咩好食👻同埋點樣可以係最抵食仲成日提醒我哋可以添飯 擔心我哋食唔飽🤣無奈疫情下 好多小店都支持唔住🥲佢哋最後營業日子: 6/5/2022⚠️想支持嘅 就快啦！！！香港人撐香港小店🇭🇰(其實我都擔心呢篇食評出咗街之後都可能已經

係fb群組見到天恩將會係5月7日結業，晴天霹靂下，立即約老公去食返餐。見到餐牌上，選擇唔算好多，最後決定同老公叫唔同的食物試下。店員姐姐好好人， 不斷提醒我哋可以添飯，怕我哋唔夠飽。餐湯-節瓜湯湯好清甜，除左節瓜，重有d素肉係內面。四餸套餐配白飯($46)一眼望入去，8成客人都係食緊佢。菠蘿生根-酸酸甜甜好送飯。勝瓜豆卜-勝瓜帶有小許瓜的甜味。木耳雞絲拌粉絲-正正常常。新鮮蔬菜-菜心煮到有d淋，送飯食剛好。飯可以任添，餸太下飯，老公添左半碗。四寶飯配薑飯($46)見可以選薑飯，8掛如我，當然要試下，一送上來就有淡淡薑的香味，食落去除左飯外重有小許粒粒的口感。好好味。咸蛋-比想像中咸，同老公一人一半送飯剛剛好。火腿同雞-味道口感都相似，感覺有d似食 緊扎肉。 叉燒-係我覺得所有之中最好味，唔似出面買嘅素叉燒，醬汁有少許甜。食完一次，我就愛上了薑飯，點解佢咁快結業？我要係結業前再來先得！

10-12-2021(Fri)晚,老公公司有犯罪(唔係係飯聚),唔返屋企食飯,咁我都出街食喇,食咩好呢?齋菜,漢堡包,西餐?最後諗起呢間,就決定嚟多次.時間仍好早,但已經有有3枱客,我坐低後睇$46.00嘅是日三-四餸飯餐,我揀咗2-4號嘅菜,好快所有嘢都到齊,而我要白飯.糖醋天貝(由大豆發酵而成嘅印尼傳統食品),糖醋汁味道正常,天貝嘅大豆口感粉嫩,唔錯.味道:4分南乳藕片,好深色同碎濕濕唔係一片片,食落,好鹹,鹹到離晒譜.之後我見到其他客人嘅係好完整嘅一片片同淺色好多,即係我呢啲係餸尾?味道:0.5分冬瓜魚腐呢,睇見有好多冬瓜,但魚腐得兩件,之後我見到其他客人食呢個餸都有幾件魚腐.味道:3分白飯略為乾硬,麻麻.味道:2.5分是日例湯係金銀菜湯,咩金銀菜呢?見到嘅係有紅蘿蔔同菜乾,呢個完全冇油,味道清淡.味道:3分我一路食一路望,呢喥有其他素食製品賣,同埋我又錯過咗嘅特色飯類=.=”.最後我要多個$26.00嘅煎腐皮卷,呢個係即叫即煎,所以等咗一陣,老闆都放低一樽醋俾我.由於啱啱煎起,所以好熱好脆,內裡卷住呢啲菜絲,味道正常冇問題.味道:4分

腸胃唔太好想食粥，諗起依間有粥揀，試下。我始終都係鐘意食肉，叫了$44四寶飯。有湯送上，個湯好足料，有好多豆係底，仲有兩舊齋肉，好甜。薑飯，豆飯，粥任揀，粥係比較稀水既，有白果味，今日好岩我胃口。食左幾舒服。之後再試左少少薑飯，比想像中少薑味，略硬。四寶飯竟然有成隻漏油咸蛋送上，所以配左少少飯食。佢話唔夠肉，比左舊魚我，勁開心，因為我見食評有人食魚，望左幾次另一個餐日日都唔係魚，質地又真係似似地魚，一絲絲，魚皮邊都造埋，少少脆，好似。其他肉都好味，紅色齋唔係平時酸齋味，全部都特別。今日腸胃唔好，食晒感覺個胃都唔大負擔，比想像中少油。食完感覺幾好，依間店可以再試下。

已經光顧很多次，全因他們的薑飯真的很好吃。店面坐位不多，可以坐十多人左右，坐位與坐位之間較擠擁，幸好牆上有小勾可掛上輕便的袋子，增加了坐位空間。店面衞生乾淨，進去有一種街坊小店的舒適感。每日套餐食物都不同，所以每日都很清晰地寫在白板上，套餐簡言之就是四餸一湯，米飯任裝菜色味道不過不失，重點是可以任添的薑飯相當出色！薑粒很香，再融入飯粒大炒，吃時非常暖胃可口，咬到薑粒時還有些許辣勁餘韻，再伴上多款時令菜和足料湯水，吃下兩碗飯沒有難度！絕對是本人的冬天暖胃首選！

噚日(26-9-2020 Sat)晏晝,同老公去沛公攞月餅前食晏,我哋行到嚟呢頭,記得有間叫留白https://www.openrice.com/zh/hongkong/r-%E7%95%99%E7%99%BD-%E8%8D%83%E7%81%A3-%E8%A5%BF%E5%BC%8F-all-day-breakfast-r559396),嘅黃店,我哋行咗一圈,搵極都搵唔到,唯有放棄上上層,又記得有間素食係黃店,於是又搵,搵到喇,就呢間.冇乜人,睇完menu,老公要$44.00嘅四餸飯,有雙色蒸蛋,通菜,蘿蔔同唔記得咩汁茄子,配南瓜湯,白飯,薑飯同白粥都任食(只限一人堂食,不可共享),老公就自己舀碗薑飯,我就要$39.00嘅自選三餸麵餐,要素雞扒,素雪魚扒同素丸,上海麵.亦有一碗南瓜湯.南瓜湯味道清淡,黃豆亦煲到好腍.味道:5分我試咗一啖老公嘅雙色蒸蛋,幾滑同有少少鹹蛋黃香味.而我嘅素雞扒,素雪魚扒,素丸上海麵呢?睇見成碗都好清,亦都有一撮通菜.兩件細件嘅係素雞扒,豆味好濃,口感實.味道:3分一件過嘅係素雪魚扒,口感同質感極肉魚肉,味道都有啲似.味道:3分素丸就更加似,好彈牙. 味道:

天恩健康素食-一收工超肚餓，想食清啲又有湯飲就諗起天恩！-天恩有素四寶飯同每日唔同既四餸飯連湯。糙米飯、薑飯同白粥任食。大食都一定夠飽。-今日四餸飯有薯仔牛肉、素鵝、翠玉瓜豬肉同時菜。如果你有一款餸唔鍾意，可以叫佢走四多一（即係走第4款餸，多啲第一款餸）呢啲傳統細齋鋪其實味道一定唔會令人驚歎。呢間天恩都好住家餸feel，唔油膩。得閒可以健康下。

今次又黎左食素啦,第一次食天恩素食荃昌中心商場細細,但入面都幾多餐廳同舖頭最後揀左天恩,夜晚八點左右黎到,全場座滿,雖然話舖頭細細,但全場坐滿真係唔係間間餐廳都可以係閒日做到係門口等左十分鐘左右,可以入座啦叫左個每日唔同ge套餐黎食今日ge餸係素鰻魚,豆蛋餅同埋兩款菜糙米飯,薑飯,粥任食初頭見到三個煲有少少猶豫,店員好忙但都耐心提我邊個係飯邊個係粥真係難忘ge係糙米飯口感好好,好香,好順口,忍唔住添多半碗,之後試埋薑飯,炒得好香,唔鐘意食薑ge我最後都食左半碗薑飯仲有例湯送呢日個湯係南瓜湯,南瓜同埋豆都好粉好好食,食食下途中已經聽到例湯送曬啦,好彩我仲有機會試

價錢正常 質素合理。 四寶飯好好食 ！每次都係食哩個 隻漏油咸蛋黃好好送飯 食肉獸男友都鍾意食😋仲有白飯&紅米薑飯任筆，好彩薑味唔會太重，少少薑味我會食雖然加咗價，但都會繼續幫襯☺️

素來喜歡吃素，也訪食荃灣多家素食店，唯造訪此家兩次，均食到心中味如嚼蠟。 此家素食品質不俗，但侍應生態度惡劣非常。 一次叫老人家不可與小朋友分享白飯，即使小朋友只吃一口，也要收取一碗飯錢, 老人家並非想省下一份錢，而是想省下白飯不要浪費，而且那裡堂食標明「白飯任裝」，不多吃不多裝，何來與白飯任裝有抵觸？另一回，老人家和小朋友又再到訪，老人家先吃完，小朋友還在吃，侍應生竟然為了應付飯市的客流，叫老人家在店外等，讓小朋獨自一人在店內用膳，小朋友年紀尚小，老人家都背負重物，同一份飯錢，為何禮遇可以如此不同，何時堂食要限時？ 何時小朋友可以不需大人陪伴要由一位侍應來決定？如斯待客之道，枉以素食結善緣！！

「素食新一代」算是荃豐四度空間經典食肆之一，經常爆場。「天恩」在同一商場前幾個鋪位，以極度相似的四餸飯，期望能吸到些漏網之魚。$38四餸飯套餐，每日有四款餸，分成編號1~4，可自由加加減減，例如唔要4號，1號double等等。套餐有湯/汽水，白飯或羗飯自助任裝。魚香茄子有啲素肉末，好送飯，完全唔似食緊一般素菜好寡嘅感覺。其他餸都係有汁，味道豐富。羗飯好特別，唔會辣，羗切成碎粒增強了白飯的口感和味道，寒底食最啱，有溫暖的感覺。可惜飯有點硬，結成一嚿嚿。另外主打燒味四寶飯，同樣$38，有原隻漏油靚咸蛋。

一到齋期就好鐘意同老公一齊去食晚飯，佢地個羅漢齋係我至愛，齋期先有架！自己得閒就會去食午飯，不喜歡諗食咩嘅我，里到就係最好嘅選擇，天天不同，共有4款菜式，仲有例湯送，不過如果太夜去例湯有時會沽清。味道不會太濃，啱晒我口味，間中我會食四寶飯，有素叉燒、餐肉、仲有一樣唔記得係咩、鹹蛋仲可以轉煎蛋，有鼓油汁，都是一個不錯的選擇！係地方就真係麻麻地，好逼夾，條路只可一個人行，其他都不錯！

平時外出食飯多，好少煮食，外食就要特別搵菜來食，否則隨意食，可能一星期也食不到菜，毒素就積在身體，很不健康。蔬果有好多好處，除了吸收纖維幫助排毒，也有多種維他命礦物質。今日本來想去食餃子屋，不幸又遇上休息日星期二，是自己忘了，午飯時間周圍都多人，但見天恩有位給我一個人坐，又有我喜歡的菜食，份量不少，就食呢間啦。叫四餸餐可以任食飯、薑飯、粥，我不愛飯就食粥啦，個粥有腐皮一齊煲，有少少香味無咁dry。湯就係青紅蘿蔔湯，雖然無肉煲都好夠味，好清甜，都幾大碗，滿足。餸方面有椒鹽雞丁，應該炸左好耐放到好淋，但裡面的素肉幾香，都有d 似肉feel。油麥菜好青綠，西芹黃椒好爽，喜歡這兩個菜不油膩，南瓜煮淋了好香甜，仲有豆卜吸晒d南瓜汁，好正。 整體黎講，我喜歡它少油少煎炸，但若果口味再清少少，減少少鹽，咁就更健康啦。（野食不算咸，只是個人較愛清淡）

今日想清下腸胃,所以想食下素。這裏是間小店,坐位不算多,亦不算濶落,人客總是落驛不絕。這裏除了套餐,還有些素的小食今日bike 揀了個晚餐,包括4款餸,一個湯,羗飯,白飯,腐竹粥任食都是39元。今日bike 叫了全餐,意思是4款餸都要今日是雪耳木瓜湯油麥菜椰菜朱柳南瓜百頁豆腐糖醋雞丁木瓜湯好清甜,一飲就知好足料,最衰無得再添糖醋雞丁,有點辣和微酸,雞的口感幾似真的雞一樣,配了大量青瓜南瓜煮很好林,好甜,份量不少。油麥菜用了好多蒜蓉一起炒,好香,還很清綠,椰菜朱柳,椰菜很爽,但朱柳好似少了點,不知是什麼味。今晚我食了羗米糙米飯,食到粒粒羗米,雖然是糙米但唔覺硬身,可能餐廳是浸了米才煮。

今日同友人在荃灣逛街,因友人是吃素的。所以選了這間天恩健康素食,因店鋪有些細,所以,有些擠迫的感覺,因時間尚早,所以有位,我們便坐低了.每日有4款餸可選擇,要晒4款的話,叫全餐,服務員就知道了是日係羗汁芥蘭,素豬扒,茄子及青荳炒蛋。羗汁芥蘭,份量很多,羗汁味很濃,但不是很辣。素豬扒,好像手掌那麼大,一咬落去,真的好像在食梗豬扒,口感一啲也不像在吃素,至於茄子,咬落去沒有油膩的感覺，青豆炒蛋,蛋很嫩滑,每啖都夾雜著青豆。飯的份量、足有兩細飯碗,足夠一個男人吃飽,餐廳內還有其他小食供選擇。每種餸的份量很足夠,以33元的價錢,真是很抵.雖然買相不吸引,但沒有落味精。味道很有住家的感覺。