72
17
9
4-min walk from Exit A2, Sheung Wan MTR Station continue reading
Telephone
25435919
Introduction
Tim's Kitchen is a Guangdong style restaurant that serves a wide variety of traditional dishes like crab claw with winter melon, shrimp dumplings and almond tea. continue reading
Awards and Titles
Michelin 2 Starred Restaurant (2010-11)
Payment Methods
Visa Master Cash AE UnionPay JCB
Number of Seats
130
Other Info
Alcoholic Drinks
May Bring Your Own Wine Details
Phone Reservation
Delivery
10% Service Charge
Review (103)
桃花源小廚 Tim’s Kitchen ,Tim是創辦人及廚藝總監 黎有甜先生的名字,看到他的歷練 多次被邀請到海外作客席廚師及得獎無數 便可感受到餐廳為客人準備誠意的食物。朋友生日又是聚一聚的時候,我們到上環店晚餐是喜歡那兒比幽靜,大家可以𣈱談一番。晚市四人套餐是超值之選,例湯是陳腎西洋菜,朋友見到送上的湯渣已急不及待嘗試一下,那些煲過的腩肉仍是甘香有口感的,肥肉部份雖然唔肥膩感,但我都是少吃為妙,湯當然是好飲啦!瑤柱貴妃雞(半隻) 肉質鮮嫩、雞肉彈牙有雞味,不錯。豉汁蝦球 汁醬非常濃郁,蝦肉爽口,送飯佳品。除了以上3款指定食物外 還有很多選擇可以配搭,我們揀了三款小菜,冰鎮鵝肉卷是非常惹味,燒鵝肉煙鴨肉及配料填得滿滿的,煙煄味濃厚,口感豐富,下次一定要再吃。菠蘿咕嚕肉及上湯浸時蔬也有水準。另外我們加叫甜品,陳皮紅豆沙 香及起沙。杏仁茶香滑,可以再濃一些。芒果布甸充滿果肉,香甜滑。重點推介是香軟麻𥔵酥,外皮是香脆酥皮,熱熱的很有層次,裏面包裹着一個香甜的芝麻糯米糍,那種感覺是難以形容,一口咬下有酥脆軟糯的感覺,一定要試一試。 continue reading
(The above review is the personal opinion of a user which does not represent OpenRice's point of view.)
Level3 2019-02-23
1212 views
這次和爸媽去試新餐館其實食物味道唔差,但溫度控制真係唔得先試咗個蛇羹,其實應該叫蛇湯,因為因為太稀,同埋有d鹹。加上溫度不夠,只係luke warm, 所以覺得進步空間很大。咕嚕肉不夠熱,肉也不夠鬆化,炸漿太厚,但咕嚕醬汁還是ok 的。桂花炒瑶柱 都係同樣問題,唔夠熱,但味道ok ,夠乾身鮮蟹黃扒竹笙 雖然不夠熱 但好夠料 好多蟹肉 味道剛好鮮蟹肉蛋白炒飯 最失望的一道菜,唔夠熱就預咗啦~但d飯水氣太重,一舊舊,唔夠鬆身雖然唔油 但無鑊氣(其實以上所有菜都無鑊氣)紅豆沙,唯一夠熱的餸,不錯服務態度也不錯,至少我哋同佢建議d嘢唔夠熱,都無搵藉口推搪,有講唔好意思,仲送甜品,仲會主動唔洗叫就加熱水,算係驚喜😀 continue reading
(The above review is the personal opinion of a user which does not represent OpenRice's point of view.)
Level3 2018-11-29
2889 views
適逄腦細中午冇約人食飯,就帶住我地D小薯一齊出去覓食。行經呢間腦細話D野幾好食,於是入去就坐低左啦。佢地既點心價錢都算正常,款式唔算好多,但都夠做。個叉燒份量都幾多,因為都成$118,但偏瘦同埋好窄身,唔係好食到蜜餞果種甜味。雞包仔已經好少地方可以食到,入面有粒爽口大蝦同菜肉絲,味道唔錯。XO醬煎腸粉係好食既,鑊氣夠,又入到XO醬既味,係多油左少少,不過食得炒咩粉麵之類都係多油架啦,一於少理~鮮蝦菜苗餃: 價錢偏貴,平均$15/粒,不過餡料十足,有幾粒大蝦同菜苗,個皮彈牙得黎夠薄又唔會穿戲肉黎啦...食到一半,腦細突然話呢度最出名既係佢既大蝦球同蛋白蒸蟹鉗,於是就叫左一人一份。原本我以為係$170一碟咁,點知原來係$170/隻!!Um..佢上面有塊金華火腿,隻蝦係好大隻好彈牙既,下面都係菜苗黎..係好食既但我覺得唔值$170...另外果隻蛋白蒸蟹鉗,$370/隻。其實呢個係好味既,個蛋白好嫩好滑,帶少少酒香,應該好考功夫。個蟹鉗都好味,拆晒殼直接食,啖啖肉。但個蟹鉗唔算大隻,連平時闊佬既腦細都話佢隻蟹鉗細隻左好多,唔抵食。最尾3個人埋單成接近$2000,真係好貴呀...其實唔嗌果個蝦同蟹鉗既話價錢都合理,但最後腦細果一擊實在太豪,作為小薯既我地都無謂反抗,唯有「多謝腦細!!」啦~~~ continue reading
(The above review is the personal opinion of a user which does not represent OpenRice's point of view.)
Level1 2018-06-03
3612 views
香港🇭🇰で美味しくて、静かに広東料理がいただけるお店としてお友達にご紹介いただいた桃花源。2フロアーに比較的余裕ある席の配置。スタッフもテキパキとしていて、英語もOK。生姜と金華ハムの炒飯が美味しい。 continue reading
(The above review is the personal opinion of a user which does not represent OpenRice's point of view.)
週日來到上環街頭, 本想去什麼xx魚翅海鮮酒家, 但實在又覺得有點冒險,因為在OR實在是"好評如潮" ! 俾咗錢但要博50/50的話, 我寧願去名氣沒那麼大的另一同街選擇:桃花源這裡只在13年來過食晚飯, 行到門口望下玻璃見有張紙貼喺度, 寫住:"由5月XX日起兩點後全單八折", 張紙都頗舊了, 睇嚟唔係預告而係已經實行中, 打個電話入內問下先, 果然係一至七都係咁, 呢日有D Luck喎! 其實等於做下午茶只不過老闆可能覺得叫下午茶時段有點降格, 於是出全單八折, 不過我又寧願佢全單八折重來得實際, 因為叫其他小食呀,小炒都變成八折, 好多酒樓依家將午市點心價同下午茶點心價縮到好近有時甚至只係一蚊嘅差異, 咁重有乜意思呀! 入內見裝飾同5年前大致相同,  客有7成滿, 點心價位同一般大集團,新酒樓的差不多但八折的話就完全兩碼事變得較為親民, 同時這裡週日人比較少, 我們這天在同一時間用某大集團apps訂那位於大會堂的"皇宮", 那裡起碼要到兩點半之後才到我們嘅籌, 但我們在這裡已經開始食第一轉了, 這裡茶位$24那天點心如下:價錢以正價顯示頂級蝦餃皇$45  餡料是纯蝦, 質量是鮮味足及彈牙, 每隻size剛好一口一粒, 魚肚雞扎$45 收呢個價錢果真是貨真價實, 沒有放芋頭, 火腿, 取而代之的是一件好嫩口彈牙嘅豬肉,應該是什麼稀有部位啩因為口感似火腿但這井並非合成肉, 而另一樣係好少見現今雞扎內還放的冬菇了, 雖然是小冬菇但也是冬菇!豬肝腸粉$45 豬肝只是一般但腸粉皮調漿的效果調得非常之好, 所以下次可試其他餡料冰鎮鵝肉卷$58 一碟六件的手工菜, 鵝肉醃得相當入味(醬油味), 吃多件的話可能有人會覺得稍咸, 除咗鵝肉內裡還有點蔬菜類,但因為切得很細同時又被鵝肉的醬油間接醃埋,分不出是什麼菜類了, 雖說是涼菜本應味覺會遲鈍一點的,但這醃味相當突出, 以中式醃肉來講這是理應如此!山竹牛肉球$35 一般吧,唔太特出香脆义燒酥$35 呢個麻麻地啦!主要他係酥皮出太多油,酥皮嘅濕度高而且重要係油嘅濕,懷舊雞包仔$32 呢個好忠於原注,用料新鮮,薑味又出,服務方面一般啦! continue reading
(The above review is the personal opinion of a user which does not represent OpenRice's point of view.)