時代冰室 (公主大廈) (Closed)

放工約了屋企人在砲台山晚飯， 地點揀咗『時代冰室』 貪佢食物選擇多，中式小炒套餐，西式鐵板，焗飯 ，  常餐，泡飯， 日式拉麵， 仲有蕭生推介嘅台式手工伴麵等等～  樣樣都想試叫人點揀，個廚房真係萬能！😀來到餐廳門口以為內籠好細， 直行轉入去 原來都有許多座位。 檯面整齊放上餐具，調味料， 方便客人 👍店員服務快速醒目， 一坐低便送上老火例湯（ 送完即止）， 湯料好足， 蘿蔔，豬骨，雞腳，超正！王牌3式焗飯幫我綜合咗三款焗飯口味～ 分別有白汁，肉醬，和咖哩雞扒口味 👍😍 一次過試勻。以銻煲小平鑊盛載， 熱辣辣上檯， 三款口味都經典而且味道不錯， 咖哩部分竟然辣度十足。 欣賞佢嘅飯唔係炒底， 白飯與經典醬汁才是完美配合！豉汁蒸倉魚倉魚肉質嫩滑 ， 夠新鮮，蒸得啱啱好。 豆鼓蒜蓉醬汁相當惹味。啫嘟通菜牛肉熱辣辣，香噴噴， 蝦醬香味好突出， 非常惹味!牛肉唔會“拿”到好腍， 好夠鑊氣而且份量足， 媲美酒樓嘅小菜。😍奶茶紅豆冰（跟套餐＋$8）奶茶茶味香濃， 甜度，紅豆份量啱啱好。咸濕大話七 （跟套餐＋$8）好厲害成 jar 上，  咸檸檬之外仲有幾粒話梅， 普通size 杯應該裝唔落。 因為勁

平日在港島區食飯, 來來去去都係中環上環食,  今日HONEY 想去炮台山附近食, 就去下, 睇下有咩好食炮台山地鐵站一出, 對面見到時代冰室 Honey 見個懷舊環境又乾淨價錢不貴就試下.睇下好5好味就叫左薑蔥魚腩煲及,脆炸雞髀伴薯皇XO 蔥油豬扒鐵板少烏冬龍鳳大檸樂坐低先來兩碗例湯先讚第一個餸,薑蔥魚腩煲超正,第一. 夠熱,令香味四散第二, 魚身煎香及透身, 加上有隔油, 令魚肉不會太乾身或太油.第三, 切件不會太大或太細, 入口啖啖肉唯一缺點, 5夠枝竹同白蔥段再多少少就仲正.因為爆香後加少少生抽更入味.佐飯一流.脆炸雞髀伴薯皇呢款餐好多食店都有,唯一抵讚就係炸得出色皮脆, 加上第2次炸時,再用高溫油, 令髀肉內炸得透, 肉嫩之餘,   油膩感減少, 重點, 一定要拎住食, 不要切開食, 更加滋味。食好多高熱度食物, 一家要飲番杯龍鳳大檸樂一啖熱食, 一啖涷飲,味覺不斷反覆,見食左兩款食物, 比想像中好.不要停,最後,叫個XO 蔥油豬扒鐵板少烏冬冇諗過..肉多過烏冬.好多餐廳, 烏冬多過肉,豬扒大大件,沒有太"鞋"口,同樣夠熱, 味道真係不錯,如果烏冬加多少少椰菜同甘筍.就更正。

第一次幫襯燒生既時代冰室，人流都幾多，一個人食好快搵到位餐牌選擇非常多，完全唔知點揀好，午餐時間有正常既茶餐廳茶式之餘，又有啲台式風味既拌麵，望落去都幾吸引！最後因為想食清淡啲就揀咗個「傷風感冒餐」😹即係蕃茄湯通粉既常餐特濃蕃茄意式滑雞通粉/配3.6牛乳炒蛋+牛角包。 7/10蕃茄雜菜湯唔係特濃！開頭仲唔記得加蕃茄湯落去🤣後尾同店員講先換俾我，不過睇得出係後加啲蕃茄湯落碗清湯度😓味道都ok既，滑雞件幾多，面頭加啲蔥油，令個麵幾香口👌炒蛋幾滑，配牛角包幾有新鮮感

近期開番晚市就周圍搵食，見呢間晚市都多人，就入去試一試。環境比普通茶記舒適，好多卡位，叫咗韓式泡菜豆腐粉絲豚肉石鍋 $59有飯/烏冬配、黑蒜油濃豬骨湯拉麵伴厚切豬扒王$58。個韓式泡菜湯底嫌少少淡，菜同粉絲都超多，個烏冬同飯都略嫌太淋，都係煮耐左咁。另外個拉麵份量又係超大份，其實我哋3個可以叫2份餐都得，不過當然唔好意思，所以大家都係頂住個肚皮咁走。

難得攞咗日假，就約咗朋友喺佢公司附近岀嚟食飯，佢話有間冰室想去試吓，喺佢公司大概十分鐘路程，喺地鐵站對面，於是就約咗12:30喺門口等。去到先知原來約咗喺「時代冰室」，唔怪得朋友咁想嚟食，因為佢係蕭若元嘅超級粉絲，聽咗佢電台好多年，最近又喺股票贏到錢，而啊蕭生好似有收購時代冰室大概20%權益，呢餐就當係多謝蕭生啦。坐底嗌嘢食，我叫咗個L10「蔥油自家叉燒伴三眼仔煎蛋飯」而朋友就好似叫咗個肉燥飯，餐飲例牌都係杯走甜嘅凍檸茶。另外提一提就係見到餐牌上面寫住12月至1月，所以可能下次嚟食嗰陣會有好多嘢唔同咗。叉蛋飯等咗幾分鐘就到，叉燒似係自家制作，同岀面燒味買嘅叉燒有明顯嘅分別，蔥油亦唔會太油膩，加埋三隻荷包蛋撈埋一齊食好滿足。可能遲啲等佢餐牌轉一轉之後再嚟試埋其他嘢食。

放假又係食下午茶嘅好日子，瞓到晏一晏就可以去嘆番個靚靚下午茶，今日又來到時代冰室，食返啲港式嘅食物，我呢度嘅下午茶選擇好多，起碼有幾十款，有小食類別，亦都有飽肚啲嘅飯粉麵類別👍🏻👍🏻👍🏻一定揀到啱你心水嘅嘢食🔥是今日試佢嘅生炸雞髀，本身想食滷水雞髀，但見到炸髀你個樣都好吸引，而且下午茶有優惠就揀呢個😍😍炸得香脆之餘肉質仍然鮮嫩，好滿足。朋友食嘅牛肉飯同同胡椒lunch嗰個嘅賣相好相似，食落亦都調味唔錯。

噚日(13-2-2021 Sat)年初二,同老公返東區拜年,同姑媽拜完就食個tea,我喺地鐵鰂魚站出嚟後,見到呢間,查一查,佢係YEAH店,就同老公嚟,等咗一陣就有位.睇吓menu呢喥2:00pm就有下午茶,正,O衣O家好多茶餐廳,最早都要2:30pm至有.佢嘅下午茶都幾有特色,而我哋決定要 $36.00嘅巨人漢堡~板煎千島雞扒包,加$5.00要薯條同$25.00嘅鴛鴦多士,要花生醬同煉奶,兩個都飲熱奶茶.1. 薯條竟然最先嚟到嘅係佢,與其叫薯條,不如叫薯角,食落,凍嘅,係預先炸起好耐,調味已經好夠,有少少辣,但始終唔熱,所以都係差啲.味道: 1分2. 花生醬同煉奶多士烘得唔多但脆口,呢啲正常冇問.味道: 3分3. 熱奶茶口感滑,味道都正常濃.味道: 3分4. 板煎千島雞扒包都見到有蛋,芝士同蔬菜,幾豐富.食落千島醬份量啱啱好,成個都正常冇問題.味道: 4分價錢:睇睇張單,$76.00,因為加咗$9.90,係咩嚟?原來係新年附加費.抵食係2.7分其他:其實開頭我唔係要鴛鴦多士而係$34.00嘅黑魚子牛乳炒蛋多士,但呢日冇.而佢哋就有少飯減$1.00嘅惜食安排.

去時代冰室食下午茶，真係份量多又抵食。今次叫左下午茶必叫嘅炸雞脾同蛋治，加5蚊可以叫薯角，抵到爛，一定要加，佢除左可以5蚊加薯角外，仲可以加火腿通粉，真係平過出面茶記好多！厚切滑蛋治配炸雞脾（$37）平時食開炸雞脾，但係呢次就有d肚餓，所以叫埋個多士。炸雞脾不過不失，其實只要佢夠熱辣辣，雞肉夠滑，炸粉唔太多，咁已經好好食。但係對於個厚蛋治就有少少失望，因為期待蛋會多d，睇返餐牌幅相，個蛋有一隻手掌咁大同埋好厚，但係現實係薄到... 白麵包稍微烘過，但係都唔太脆，不過我都覺得可以接受，係健康之選。薯角（+$5） 加5蚊就有嘅薯角，份量以5蚊黎講我覺得都ok多。薯角好食，熱辣辣，有薯味，每塊都大大舊。蔥油厚切豬扒伴三眼煎蛋飯（$46）呢個真係超級抵！佢有三隻蛋，豬扒都好大塊，霸左半隻碟，想食得飽肚d嘅人必選！啱曬返工返到攰嘅人食！

比個reference大家，幫襯過兩次外賣。一次食焗豬扒飯，味道其實幾好，好食過連鎖嗰啲，但入面有張螢光粉紅色嘅紙😖😖令我質疑呢間嘢嘅衛生。。。第二次食紅棗雲耳蒸雞飯，成半盒都係油，以為係雞油，點知食落去係冇味，仲要成盒嘢除咗粒紅棗之外，全部都係冇乜味。。勝在啲雞幾滑，但係唔建議嗌🙏🏻例湯飲過兩次，紅蘿蔔湯有陣怪味，冬瓜湯反而幾好飲～而且入面通常都會見到四粒料，唔會太齋。飲品就冇乜問題，只不過奶茶唔知點解次次都會漏出嚟😂服務態度幾好👍🏻希望店做好啲，加油😭😭💪🏻💪🏻

同朋友去北角匯睇展覽，相約了先食個下午茶再出發～～我倆都不是港島人，隨意的search北角附近有什麼好食，最後就來了時代冰室！平日的下午茶時間，不用等位就能入座！下午茶餐牌選擇都多，而且好多包類選項XDDDD 我選了脆香雞翼拼西多士，朋友就要巨人漢堡厚切沙律豬扒包，加$5配薯條！飲品分別是凍鴛鴦及熱奶茶～～脆香雞翼拼西多士，西多炸得金黃，厚身又鬆軟，帶點淡淡蛋香，中間搽了層花生醬，增添香氣及滋味程度！！雞翼炸得夠脆，肉質亦夠嫩，不會乾身，沾點蜜糖來吃，微甜的更好吃～～凍鴛鴦的味道都OK，不會太重奶味，也不會太甜，惟咖啡味不夠香！薯條原來是粗薯，熱辣辣的炸起，份量又多！！薯仔味香，好食！！巨人漢堡厚切沙律豬扒包，賣相幾靚仔，又夠份量～～豬扒厚身，反蛋帶有蛋汁，朋友說這份漢堡幾好食！整體而言，下午茶餐都幾好食！價錢都算合理～～

5個人拎咗16號飛，期間不斷叫其他飛入，叫到24號，原本以為想比近啲嘅位，結果等成20-30分鐘都係分好遠坐，咁點解不斷比遲過我哋嘅人入，都唔分開5位先入？ 完全是不合理的安排

今日放工時間啱啱好，就去咗試北角嘅時代冰室，久仰大名但一直冇機會試，經大J介紹後已經好想試佢個熱狗啦！而我同男友各叫左一個下午茶餐，價錢都好平，同埋都算多選題，+5蚊仲可以要沙律/薯角添！我就試左個愛爾蘭瘋狂辣肉醬熱狗，個包都幾好食，同埋啲辣肉醬真係好惹味啊~而男友就食左個奶醬多，味道正常！係飲品方面，第一次聽兒童鴛鴦，原來係好立克溝阿華田，都幾特別同幾好飲。最美中不足既係水果茶係有啲唔夠茶味🥺係呢個咁艱難嘅時候，大家要多多支持黃店啊！💛

十分差，得一舊係腩，其他配料全部溶哂（馬啼，冬荀）,自己整仲好食過佢好多😢唔明白點解佢夠膽拎出黎賣，啲汁水汪汪，無生粉打獻？個飯燶底硬掘掘照比客？個湯衰過飲滾水，無味你都落啲如未精啦。。無下次之餘仲要話比大家聽唔好幫襯。

今次係第二次食，因為上次叫左個叉燒意粉跟炒蛋餐包👍👍👍，食到超飽，所以今次叫個輕食早餐，蛋治加細通，好貼心，份量剛剛好，加埋柸即磨咖啡，超正👍👍👍佢地仲可以自選牛角包，小餐包，多士。。。。👍👍👍有機會經過開會再食！！！質數同價錢都👍👍👍

接近六時路過北角區揾食，因仍未食晏，只打算胡亂吃個快餐，誤打誤撞入了這間冰室，侍應姨姨招呼坐下後還通知下午茶快結束，要order便要快，飛快的看了下午茶餐牌，其實選擇不小。點了個鐵板牛肉炒意粉配熱奶茶，約十分鐘熱辣辣的鐵板意粉端上，粉量不小，足以作為一個晚餐，急不及待吃了兩大口才想起要拍照😂(故相片中的份量已經被吃掉1/4🤭)，認真的，意粉除了夠熱辣辣外沒有甚麼味道牛肉份量算多但偏乾，落了四大包辣椒油稍微改善了味道奶茶冇乜茶味。比較窩心位是吃着意粉時侍應姨姨送上例湯一碗 (也是冇乜味道)，但只$46元的消費連飲品及例湯，也不能有太多挑剔了吧！