添好運點心專門店

Open Now

Now Closed

老婆約咗兄弟姊妹飲茶，一大班人都話想試下呢間米芝蓮級數嘅點心專門店，店舖位於商埸地下近戲院位置，地鐵一出就係商埸，唔怕日曬雨淋，超方便。去到12點鐘之前，所以都即刻有位，點心紙得一大張，一眼睇哂，人多嘅好處就係可以試多幾款點心，茶位就要每位5元， 都幾化算！酥皮焗叉燒包就必試，包面係一層脆脆嘅墨西哥包皮，叉燒餡料多汁飽滿，一試難忘！豉油皇炒麵夠乾身，唔油膩，味道剛剛好、炸兩，腸粉皮嫩滑，入面嘅油炸鬼仲好脆身，正！至於碟韭王鮮蝦腸，蝦肉爽及鮮，蝦嘅份量都算多，唔錯！陳皮牛肉球唔算大粒，冇乜陳皮香味，個人覺得較普通、潮州粉果冇試到不作評論、鮑汁鳳爪，鮑汁都夠，有鮑汁味，鳳爪軟淋度啱啱好，個人覺得大過淋反而冇咁好，要有啲咬口先至正！家鄉咸水角就外皮唔夠脆，只係一般水準！晶瑩鮮蝦餃（唔記得影相），蝦餃皮真係做到晶瑩剔透，入面嘅蝦好爽口，夠鮮味，一啖一隻夠哂爽！

For cheap eating, service is the friendly neighborhood kind rather than the usually crudeness you get and I find it difficult for this to be bested. Food is quick, is given sufficient care in plating, and just tastes surprisingly good. Nothing is excessively flavored or lacking in that regard. The texture of everything follows suit. The whole dining experience in terms of the decor and cleanliness sits in this pleasantly uncanny area between Michelin and streetside in the best kind of way.A uniq

之前去將軍澳都會去Popcorn添好運點心專門店食吓點心，原來現在已搬到新都城中心二期繼續營業。今日吃了必吃的「酥皮焗叉燒包」叉燒包外皮鋪上一層鬆化的酥皮，咬落去香脆，叉燒餡料味道濃郁，皮薄餡靚。「晶瑩鮮蝦餃」呈半透明狀的蝦餃皮包着滿滿爽口彈牙的蝦肉，鮮爽脆。「鮑汁鳳爪」伴有花生米，鳳爪稔身完整，鳳爪充滿著鮑汁但味道不會太濃。「黃沙豬潤腸」好讚，豬潤剛剛熟，好香的豬潤有著少少酒香，腸粉皮薄軟滑。「杏汁大白菜燉豬肺」湯汁濃香，一盅一人份量。「南乳炆粗齋」這個太多雪耳，少了些支竹類東西。

添好運點心專門店港人週末嘅早上點少得嚟飲茶？添好運好似都幾出名，有好幾間分店，就嚟試一試。-------------------------晶瑩鮮蝦餃 $32講到一盅兩件，點可以唔提蝦餃。哩度嘅蝦餃都幾飽滿，入面蝦肉唔算細，蝦肉彈牙。餃皮薄得嚟夠煙韌 👍土魷馬蹄肉餅飯 $29土魷好香，土魷味滲透曬米飯。可惜馬蹄唔係好多，內餅可以再厚實啲鮑汁鳳爪 $34鮑汁鳳爪唔單止煮得超入味，仲煮到夠濃稠，起曬膠咁，好似好多骨膠原 ☺️杏汁大白菜燉豬肺 $37最近疫情越嚟越嚴重，要好好潤下肺，就叫咗盅豬肺湯。湯水呈奶白色，飲落去杏味好濃，仲有幾舊豬肺tim，好足料！蛋白蝦春卷 $26春卷好脆好熱辣辣，春卷餡仲有蛋白，令餡料更加滑，好食脆皮班蘭鮮奶 $22炸得好脆，奶味重，仲有陣陣班蘭味，又滑又香陳皮牛肉球 $20陳皮芫茜好香，加埋喼汁，絕配！-------------------------食物選擇唔太多，得1張點心紙。整體嚟講價錢唔貴，都算抵食嘅！添好運點心專門店地址🎈將軍澳貿業路8號新都城中心二期地下G03號舖

放假同屋企人去樓下「添好運」飲茶！☕️❤️我地點咗七個點心，最鍾意係佢地好熱辣辣咁上，仲上得好快！🔥🥟鮮肉香茜餃$24濃濃芫荽香味，皮薄餡靚，芫荽迷必點，一試難忘😌💕🦐鮮蝦燒賣皇$31鮮蝦肉質彈牙😋💛潮洲蒸粉果$18晶瑩剔透，餡料豐富☺️🐔鮑汁雞腳$34炆得好淋好入味👍🏻🥯酥皮焗叉燒包$24外脆內軟，裡面滿滿嘅叉燒餡🐷👍🏻🦐🥚蛋白蝦春卷$26外皮尚算香脆，裡面只有蛋白，唔係好食到有蝦，有啲可惜😅韭黃鮮蝦腸$29腸粉順滑，🦐蝦肉彈牙👍🏻呢餐承惠$201！🤓

有日同🧑🏻媽媽去樓下「添好運」飲下午茶🫖！兩個人點咗七個點心，連茶位$172！🤓1️⃣酥皮焗叉燒包$23酥脆外皮，裡面係滿滿嘅叉燒餡❤️2️⃣晶瑩鮮蝦餃$31外皮晶瑩剔透，蝦肉彈牙🧡3️⃣韭黃鮮蝦腸$28腸粉順滑，蝦肉新鮮💛4️⃣脆皮班蘭鮮奶$22香脆可口，班蘭味偏淡，奶味香濃💚5️⃣豉汁蒸鳳爪$21炆得好入味好腍💙6️⃣家鄉咸水角$19外脆內軟，饀料充足💜7️⃣陳皮牛肉球$20牛肉新鮮彈牙，帶有一啲陳皮香味🤎值得欣賞嘅係所有點心都係熱辣辣🔥，好好味😋

本身諗住新年流流梗係要去飲茶食一盅兩件，但係發現酒樓好多都爆滿，而新都城啱啱新開左添好運，咁就去食點心專門店啦！酥皮焗叉燒包 $23即叫即焗熱辣辣，出面酥皮勁好食！懷舊鳳尾蝦多士 $24新鮮炸起，唔會油淋淋！蜜味叉燒腸 $26晶瑩鮮蝦餃 $31鮮蝦燒賣皇 $31陳皮牛肉球 $20蠔皇鮮竹卷 $20鮮蝦腐皮卷 $29其他嘅點心一般水準，唔算特別好食！整體嚟講，不過價錢合理，不過選擇唔算好多，都係啲基本點心，如果想簡單食點心嘅話都可以去試吓！

呢間我係1月1號同屋企人去食嘅，好快等到位，不過當日呢度忙到連碗筷都洗唔切，店員都係俾咗啲外賣餐具我哋用🤣好耐無食過添好運，亦都無諗過仲係咁好食同抵食，茶位$4，人均消費$76👏🏻👏🏻香滑馬拉糕 $21 必食！好鬆軟😋黃沙豬膶腸 $26 必食！好少地方食到好味嘅豬潤腸👍🏻酥皮焗叉燒包 $23 必食！個酥皮好香脆😍懷舊鳳尾蝦多士 $24 超鬆化唔會好油膩😚鮑汁鳳爪 $33 無咩鮑汁味潮州蒸粉果 $18 條皮唔會好厚土魷肉餅馬蹄飯 $28 麻甩之選櫻花蝦真菌醬撈麵 $30 足料 仲有埋碗湯送杞子桂花糕 $13 非常清香

😊有日起身想飲茶，醒起樓下開咗添好運，就去試下。⛄️點咗四個點心：❤️懷舊鳳尾蝦多士$24炸得香脆可口，蝦肉彈牙😋🧡潮洲蒸粉果$18外皮煙韌，好飽滿😋💛豉汁蒸鳳爪$21炆得好入味👍🏻💚酥皮焗叉燒包$23外皮外脆，叉燒饀好味😋最後埋單$90！🤓

一間餐廳一出名，開得越多質素每況越下添好運自出名以來，越開越多，又得到米芝蓮加持，誰想到越做越差，質素下降到連屋邨酒樓都不如。由於人多，等位是必然，由於受防疫限制，每張枱只分2人同4人，自自然然排左兩條隊出黎。結果，成間舖2人枱多過4人枱好多，想3-4人食添好運，人家是不歡迎你。排隊叫飛仲會按熟悉啲分先後，例如你張飛10號，會叫左12號入座先，理由話兩張枱併埋入先，但全場9成都係2人枱，是否生客、人多唔做你生意？財大氣粗有米芝蓮加持是否就可以咁做？都唔緊要，定係評審面前扮晒嘢就可以瞞天過海？點心質素就唔需要多講，比深水埗、油麻地質素更差，同普通酒樓根本零分別，是否值得用心機同時間幫襯，大家真係要諗清諗楚。

聽說將軍澳開了添好運，趁星期日下午茶時間去試食，可能是疫情關係，所以不多人，不用等位就可入座我們4個人order了8個點心，雖然份量精緻，但都夠飽懷舊鳳尾蝦多士，啲蝦炸得剛剛好蠔皇鮮竹卷，味道不過不失香滑馬拉糕，好軟，好味炸兩，我至愛杞子桂花糕酥皮焗叉燒飽，聽說是必食，果然好食金銀滿屋，剛炸起，好脆櫻花蝦臘味糯米飯，這個飯太濕和多油，有點失望整體質素幾好，只是啲水唔熱，加了新水都係一樣，不過員工服務係唔錯的

今日，12:30落單七樣嘢，13:00攞到，返到屋企打開得6樣嘢，少佐嘢都算了你地忙，燒賣全部唔熟就真係冇可能接受，本來打算給小朋友吃的，若生病進醫院請全權負責。

都預咗新開張服務可能差啲, 但係估唔到差成咁。1. 啲水唔熱, 而且啲水有陣怪味, 懷疑 新熱水爐清潔得唔乾淨。2. 樓面人手充足, 但係廚房出賽極慢, 等咗成一個鐘一碟點心都冇出過😡3. 一入坐， 等咗好耐都未有侍應畀點心紙， 要叫先有。4. 落漏單(幫隔離枱講埋) ~~~~~~~~😋味道: - /10📸賣相: - /10💁‍♂️服務: 3/10💎性價比: 3/10💲人均：$50/位⏪回頭率：0%~~~~~開開心心諗住帶老人家嘆下點心, 結果要去樓上大家樂食快餐😪

話說將軍澳的《添好運點心專門店》最近開幕，於是趁熱鬧在新年時排隊。午餐時段都尚算等得快，大概15分鐘便可入座👍🏻小弟一家食完之後，都覺得可以食過返尋味🤪鮑汁鳳爪$33 🥱鳳爪熱度不夠，略嫌醬汁不香濃，較淡味黃沙豬膶腸$26👍🏻經典重現，豬潤份量都頗多，腸粉皮略厚鳳尾蝦多士$24👍🏻多士真香脆，隻蝦都爽口彈牙，值得一試潮州蒸粉果$18👍🏻新鮮出籠，花生特別香脆櫻花蝦珍菌醬撈麵$30😌醬料十分惹味，撈麵都爽口，但略嫌太油膩酥皮焗叉燒包$23👍🏻這是小弟吃過最好食的雪山叉燒包，使用半肥瘦叉燒，兼且酥皮一咬即脆彈開土魷馬蹄肉餅飯$28👍🏻肉餅與材料層次分明，很久沒有食過這樣懷舊的蒸飯馬拉糕$21👍🏻蒸馬拉糕十分彈牙，甜度剛剛好杞子桂花糕$13👍🏻桂花清香味是獨一無二的，是食過最好味的桂花糕

趁住將軍澳新都城新店新開張，又趁墟試吓先專登揀28/12假期完結上班日第一天去食少啲人，最後都要等5張枱由深水埗，食到廣華街，奧海城，香港站⋯⋯永遠最出色就一定係雪山菠蘿包外脆內軟。相都未影得切我仔就拎咗一個黎食得返兩個除咗菠蘿包，其他食物都係正常味道，冇乜大驚喜叉燒腸粉燒賣個蝦多士都好脆，唔油，幾好味喎可能因為新店關係，太多客流轉得太快，啲水煲唔切，好多枱客都投訴啲水唔熱希望做耐啲可以越嚟越好喇