添福小食 (Closed)

深水埗小店 小小心意 小小心思 誠懇的服務親切的招呼 即使立食都有搵佢既原因街角的過路處 傳來陣陣香牛肉味同咖啡味街坊小店就是一手一腳堆砌出黎 就來一客牛肉漢堡吧?!望住佢整 一小一小咁砌出黎 細心問我要唔要切一半 唔洗食得咁狼狽 黑椒牛肉配搭實無問題 加上茄汁 甜酸味令我更開胃牛肉手打自家制 無味精無不良添加 很有家的感覺牛肉味濃 黑椒味只作點綴 包身夠軟 又有烘底 脆底包軟就係最好既口感 邊走邊食 洋洋得意 滿足!!走遠少少 黃昏日霞 雖然景緻有煙霞 但知足常樂!! 回家吃飯囉 

我認為一間不起眼的食店，可以稱得上為「隱世」。這間小店在火路邊，以為只賣魚蛋燒賣既小食，點知主打竟然係賣漢堡包。黑椒牛肉漢堡 $16即叫即做，要等！熱辣辣咁係手上出曬煙，漢堡扒似紅磡時X，d肉有d散，好有肉味，有筋，有口感，個包好香。食到我成手汁！差d食埋自己d手指。

今曰，我自己好肚餓搵嘢食。黃竹街附近得一間有漢堡包食。就叫左黑椒牛肉漢堡包。等左個幾字，就整到個包俾我。我好欣賞個牛肉，成吋厚。成落去啖啖肉。啲肉又juicy.用蕃茄汁做調味，令到個包有少少酸酸甜甜的感覺。

世侄女介紹，話上網睇到深水土埗有嘢好食，叫uncle做下白老鼠行開可以試下。第一次行過裝修緊，餓住個肚無奈咁走左。第二次終於有開，雖然未裝修好，不過都有嘢賣。一眼睇到牛肉就忍唔住要試下~等左陣，就有一個新鮮熱辣嘅黑堡：麵包：外脆內軟? 應該是小煎或烘過，外面少少脆，內裡仲好軟綿綿，真心驚喜！牛肉：免治牛，雖然食唔出佢有冇加豬肉，但都真係煎得幾香，仲要咬落有啲肉汁，正! 不過有少許改進空間，最好將啲筋挑干淨，以免影響口感，有少扣分。醬汁：普通蕃茄醬，沒什麼特別整體：一個有小驚喜的漢堡，值門票價。個人偏好漢堡要多汁啲，唔知下次有冇得加鮮蕃茄片或生菜呢~ps. 而家應該裝修好，不過招牌未上，行過留意下就會搵到，响轉角位。

手打黑椒牛肉漢堡 💲16 @ 添福小食聽聞佢地d包好受歡迎，黎到深水埗就當然要會一會佢啦😆結果無失望到。塊牛肉漢堡唔會話好薄，裏面既黑椒可以幫佢提味。👍雖然只係簡單咁加上茄醬，但都食到好滿足。千島醬雞扒包 💲16 @ 添福小食接落黎既係雞扒包佳麗！😄就咁睇相都見到塊雞扒有一定厚度，味道有點微辣，雞扒煎後外皮較脆身。重點係老闆落左好多千島醬落去，成個包🍔味道好夾。

每次經過此小食店，總會聞到好香嘅味道，亦知道好多人話佢d漢堡包好味，但奈何每次都趕住做野，未能一試！今日終於得閒行下街，專程行過去買個黑椒漢堡包試試.漢堡包即叫即造，睇住佢烘包煎扒，大約等左五分鐘.個包餡料好簡單，就只有牛肉加茄汁，但聞落好香，塊漢堡扒都幾厚！大啖咬落去，漢堡扒帶有濃濃香辣黑椒味，又有肉汁，肉帶有筋，有咬口（但可以有人覺得un）不過啱我！ 好味～簡單又好味嘅一個港式漢堡包現在已經買少見少，實在令人懷念又滿足！

第一次去添福，基於口痕，想食串燒賣，見有即製漢堡包，即時見異思遷。不用三分鐘，漢堡包🍔已弄好，弄熱的包，加上濃濃的黑椒及洋蔥粒，一口咬落去，整個口腔充滿肉汁，頓時亦充滿幸福感。第二次試個雞扒包🍔，發覺雞扒相當juice，配合千島醬的雞扒包，好吃程度跟漢堡包不遑多讓。政府與其保護歷史建築，倒不如考慮保護這些歷史食店。

即製漢堡不知從何時開始突然變成一股熱潮，甚麼「手工漢堡」開到成巷成市，其實這些東西早在快餐店初開就有了。經過長沙灣道，一種撲鼻的煎肉香味吸引許多路人，由於製作需時，所以總是有一條人龍等待着。他們有熱狗、自製的牛肉餅漢堡、雞扒漢堡等小食，也有晚市飯餐。店舖很小，走見去會見到整個製作過程，非常地道。點了雞扒漢堡，裡面是千島醬汁，師傅煎得剛好，所以肉汁鮮嫩，鬆軟彈口，不像外面炸得乾乾的。建議放一塊生菜，令油份吸起來，口感就會不會過黏。下次會再去吃牛肉餅漢堡，因爲很厚的一塊肉餅，相當吸引。

屋企附近有添褔小食,鋪頭細細但成日都好香食物味,我每日返工放工都會行過,每次都好多人排隊所以好少幫襯。今日放工見到人5係好多只有2-3個人所以就入左去買野食,佢地主打的雞扒包(千島醬),豬扒包同黑椒漢堡,仲有雞脾大大隻可以邊行邊食,但以女仔來說會好冇儀態,而一般中式點心,燒賣,魚旦都有賣。因為樣樣都好似好好食禁,我諗左陣...最後係揀左豬扒包加沙律醬。(醬係自選的,有沙律醬,茄汁,芥末醬可揀,但我個人喜歡沙律醬)豬扒即叫即煎份量十足,面包有烘底。拎上手係熱騰騰,肉應該有醃過好入味而且好大塊咬落啖啖肉,面包更是脆脆的。唯一不足是醬5夠多,下次可叫多醬。佢個包比起m記同kfc個d新鮮,好食得多,如果你5介意比多5-8蚊食,佢絕對是個好選擇。

經過呢到幾次都會有好香的味道好吸引，但每次都係好快甘經過，但今次終於的起心肝去試！首先未到已經好香，跟住前面好多學生排隊，就知有好野食，到入面見到有個伯伯人手整緊牛肉球，這裡的東西都係即叫即整，一路等一路都係香味，見到前面果個人個雞扒漢堡都好吸引，終於到我店主推介的黑椒牛肉漢堡，真的俾M字頭好食多，雖然簡單的茄汁+但加上即煎黑椒牛肉，咬一口好多肉汁，黑椒味好濃，真係好味道！下次要試千島雞扒漢堡先！又一間令人動心既小店

今晚點了兩個王牌《 牛肉漢堡》及《 蟲草百合燉鴨湯》《 牛肉漢堡》牛肉是免治牛肉，但絕對比麥當當好一百倍！ 麵包可以按喜好烤多一點《 蟲草百合燉鴨湯》是每日新鮮燉的湯，一連六日，每日都不同。但要晚上7點半才有……

走進深水埗 突然聞到香噴噴 原來係由添福傳出黎嘅 立即行動😂 外面嘅裝修完全係老店嘅味道叫左千島醬雞扒飽 即叫即炸嘅雞扒配埋芝士同千島醬 未食已經流口水😁估唔到雞扒大過包 熱辣辣 外層炸得金黃香脆雞扒咬落肉質嫩滑又juicy👍🏼👍🏼👍🏼 店主一啲都唔hea 特登切一舊填補空位👍🏼 厚切架 一啲都唔係講笑架😂

香港開了越來越多的西式漢堡包店，每一間都各有特式，這些食店大多能吸引到很多的食客品嚐，因為漢堡包多數能吸引到大部份的人，某間大型連鎖的快餐店能維持這樣多年都是這種食物，但其實「港式」的漢堡包都有一定的吸引力，只是近年這些的快餐店少了，令這種港式美食也越來越少，今次就是介紹其中一間的港式快餐店「添福小食」。「添福小食」是在深水埗長沙灣道80-82號地下，就在黃竹街和長沙灣道的交界，就在楓樹街球場的對面，地點上就在太子和深水埗的中間，地點上有少許的不便。食店是以外賣型式來經營，店不是太大間，一望入面已經是廚房了，工作的人數都是三至四人，看來都是處理一些快餐類的食物，旁邊都是放了一些的飲品，去到時剛剛十二時多一些，店子剛剛開了門，但已經有了一些的人客在等待中，看來這店都有一定的客路。餐牌寫在牆上都是招牌包類食物，三種的包類和雞脾雞翼就是這店的主力，當然還有一些的小食例如燒賣、魚蛋和一些的中式點心，也一般的港式小食差不多，但店外還有一個燉湯供應，這個就有一些的特別，因為很少快餐店會有這種湯類供應的。去這店當然是叫它們的招牌食物，就叫了黑椒牛肉漢堡、雞扒包、雞脾和雞全翼。黑椒牛肉漢堡($15)

有時間特登行過去, 買番兩個包食下其實之前黎過一次, 不過星期日冇開門, 今次睇清楚先黎到訪其實呢度唔難揾, 不過對我黎講真係幾遠下, 坐順路嘅巴士, 落車都要行5分鐘黎得呢度當然係試其他舖頭比較少有嘅漢堡啦, 不過買返去同細佬一齊試所以冇新鮮即食咁靚咁熱辣辣睇住店員烘好麵包, 底落一層醬, 放塊即整嘅涵, 夾埋頂果層, 細心咁包好張紙入袋, 即叫即整雞扒包 ($15)雞扒係普通出面食到嘅雞扒, 個邊有小小燶, 不過食落去口感唔錯, 雞扒有小小汁鎖住係入面(even放左係度一陣), 加埋千島醬簡直一流黑椒牛肉漢堡 ($15)睇落好似扁晒係因為運輸問題, 即食應該唔會咁😂手打牛肉食落口感唔差, 易咬口, 加上有茄汁, 唔會話韌到食唔到呢類漢堡包簡簡單單, 又可以醫下肚, 絕對可以返轉頭

小店一間 係深水埗小菜王附近手打黑椒漢堡 手打肉帶筋 有咬口 感覺比"牡丹樓"有誠意炸雞脾 中等size 皮脆帶鹹香 肉貿鮮嫩轉角位 多人幫襯 質素唔錯 值得一試小弟傾向支持小店對佢地既評價亦比較寬容留意