365
26
69
Opening Hours
Today
11:30 - 21:30
Mon - Sun
11:30 - 21:30
Public Holiday
11:30 - 21:30
Public Holiday Eve
11:30 - 21:30
Above information is for reference only. Please check details with the restaurant.
Signature Dishes
Recommended Dishes
平時夜收工好多時候都會去附近新城市廣場食飯，而設於三期嘅新加坡嘅天天海南雞我都幾鍾意去，一般揀個套餐都係大約$500/2位，商場黎講又無話特別貴。未食過嘅朋友都不妨試試。餐廳與四季芬芳（即中環蛇王芬）合作推出蛇羮套餐，雖然天氣轉熱，但商場冷氣夠大，食完個身都唔會太熱。套餐包括招牌花膠太史蛇羮(2份)、天天海南雞(中份)、雞油飯(1-2人)、海南雜菜煲，及四季養生飲品(2支)：花膠太史蛇羮: 蛇肉份量偏多，採用數款不同蛇肉，除粗幼不一外，蛇嘅肉質都唔一樣，因此食落口感非常豐富，有啲蛇肉軟嫩，亦有結實爽滑，但就真係每一啖都食到蛇肉，湯羮質感夠稠密，幾好食。天天海南雞(中份): 採用新加坡文昌雞，雞肉一個字：「滑」，肉質非常絲滑，加埋秘製雞油嘅濃郁雞香，原味食都覺得正。另外仲有配三色醬：薑蓉、酸辣醬及黑醬油，各有特色，幾惹味。雞油飯(1-2人): 招牌雞油飯亦唔係普通嘅黃薑飯，而係加入雞油製嘅飯，飯粒充滿雞油香，油而不膩，飯粒顆顆分明，非常好食，戒澱粉都要食嘅必點食品。海南雜菜煲: 湯底清甜，雜菜包括娃娃菜、菜芯、雞髀菇、粉絲、紅蘿蔔片等等。除養生飲品外叫左支天天啤酒，甜口，果香味較重。
continue reading
一直都好想食正宗海南雞飯，當知道天天係沙田區開分店，一直都心癢癢，終於有機會試到啦。餐廳空間大，感覺開揚，裝修以藍色為主調，增加了安穩平和的氛圍。今日揀左新加坡米芝蓮2人餐，有齊前菜，主菜，湯同飲品，都好豐富㗎。蝦皮素肉鬆涷豆腐涷豆腐豆味唔錯，入口已經即刻滑入喉嚨，加埋調左味嘅蝦皮，整體配搭幾好。最欣賞係個碟都係雪過，可keep住豆腐清涼嘅温度。黑松露墨魚蝦多士炸得金黃香脆嘅多士夾住彈牙嘅墨魚滑，仲有爽口蝦肉係多士表面，進食時不斷發出“咔嚓”嘅聲音，真係好滿足呀，超推薦鳳梨涼瓜乾貝燉龍骨我以為涼瓜會苦澀，但原來唔會，可能有鳳梨同豬肉中和其中，甘甘甜甜。正宗海南雞配油飯黎到主菜啦。擺盤好似一幅畫，精緻美觀，海南雞雞皮爽口，雞肉嫰滑，雞嘅脂肪唔多，但雞肉唔會因為無左油脂而嚡口，非常美味。至於油飯，米飯粒粒分明，油味又香，但又唔會好重油膩感，適合注重健康嘅香港人。餐廳呢句“雞好食，飯仲好食”正正就係咁解。海南雜菜煲材料豐富，菌類好多，正合我意。話就話係2人餐，但兩人都飽到上心口，米芝蓮果然不同凡響。
continue reading
天天海南雞，是新加坡米芝蓮過江龍， 由新加坡天天總廚親自主理，正宗口味， 坐落於沙田新城市廣場， 佈置很特色， 座位舒適， 招牌天天海南雞， 更是讓人百吃不厭。新加坡米芝蓮二人餐/優惠價 $499蝦皮素肉鬆凍豆腐凍豆腐入口比想像中更嫩滑， 豆香誘人，加上鮮味的蝦皮提鮮味， 配上酸酸帶微辣的醬汁， 十分開胃的餐前涼拌菜。班腩汁椰香鱈魚即叫即炸起的鱈魚， 炸到金黃酥脆， 香氣十足， 入口脆卜卜之餘， 鱈魚鮮味滑溜， 再沾上濃稠 班蘭醬汁， 惹味過癮， 別有一番風味。鳳梨涼瓜乾貝燉龍骨打開燉湯蓋時，鮮香撲鼻而來，先嚐一口湯，清徹鮮甜， 涼瓜、鳳梨切成薄片，軟綿柔順， 加上鮮味的干貝、 龍骨， 夠曬清潤温補， 好適合冬天清潤湯水。天天海南雞配雞油飯招牌的海南雞， 已經去骨， 啖啖肉口感，讓人喜歡， 皮薄肉嫩，冇肥膏， 十分健康，雞皮彈牙，雞肉軟嫩滑溜， 沾上甜甜的黑醬油及惹味的薑蓉， 滋味的配搭， 跟配的雞油飯，足夠兩人份量， 粒粒分明 ，每一口油柔潤的米飯，帶淡淡雞油香味， 十分喜歡。參巴辣椒炒通菜翠綠的通菜， 入口爽甜帶微辣，充滿鑊氣， 十分惹味， 拌飯一流。豆腐花滑捋捋的豆腐花， 甜度適中， 淡淡豆香。恐龍美祿 、滋潤薏米水/50年代飲品恐龍美祿，杯面鋪滿我喜歡的美祿粉， 每口散發著美祿粉的甜香， 香甜吸引， 濃郁細膩。自家製的洋薏米水， 甜度適中， 正好滋潤冬天乾澀的喉嚨。
continue reading
成日經過沙田呢間 天天海南雞飯 都好想試下 今日終於入去試下啦😗 入去睇完餐牌 有好多野食都好吸引🤤 最後我哋揀左呢個新加坡米芝蓮二人套餐 入面有既野食都係我哋本身散叫想食既 叫二人餐仲要有7.6折 正呀😬 先黎既係兩杯五十年代嘅飲品酸柑桔蜜- 呢杯叫左少甜 酸酸甜甜幾開胃😌金牌咖啡- 正常凍咖啡 幾香濃咖啡味 鳳利涼瓜乾貝燉龍骨熱辣辣拎上枱 好香又好足料嘅燉湯👍🏻 飲得出唔係落味精嘅湯 感覺好補好滋潤😌 海南雜菜煲呢個煲有粉絲 菜心 小棠菜 娃娃菜 菇類 仲有幾粒蝦米仔調味令到成個煲都好香 好豐富又好健康添呀👍🏻 海南沙律呢個沙律好靚呀🤩 係有無花果 粉紅色蕃石榴 同埋士多啤梨 上面仲有啲類似梅粉既調味 酸酸甜甜好開胃😌 黑松露墨魚蝦多士呢個係必食推薦👍🏻🤩超香黑松露味呀 墨魚彈牙 多士炸得好香脆又唔會好油膩 必食🤤 天天海南雞主角出場啦😬 海南雞冇骨嫩滑多汁 就連雞胸都係好滑 點埋佢嘅醬汁 難怪係米芝蓮推介啦👍🏻🤤 雞油飯食海南雞唔可以缺少嘅雞油飯 飯係粒粒分明 每粒都有油香味 食完一啖又一啖 停唔到口😌 新加坡原味豆腐花最後食埋個甜品 豆腐花好滑好似水咁可以吸入口 又唔會好甜 整體來講 呢間天天海南雞飯 環境舒適 服務態度良好 海南雞同油雞飯都好出色👍🏻 一定會再嚟試埋其他🤤
continue reading
今日同朋友喺新城市行街行到肚餓又見到想試好耐嘅天天海南雞飯唔洗等位就二話不說入左去啦！因為乜都想試但胃部空間有限所以我地就嗌左個新加坡米芝蓮二人餐share 個餐包括蝦皮素肉鬆凍豆腐/海南沙律(2選1)、斑斕汁椰香鱈魚/黑松露墨魚蝦多士(2選1)、鳳梨涼瓜干貝燉龍骨兩盅、天天海南雞/正宗海南雞(2選1)、參巴辣椒炒通菜/海南雜菜煲(2選1)、雞油飯一煲、50年代系列飲品兩杯，特價$499!蝦皮素肉鬆凍豆腐呢道餸真係可以喺呢個大熱天時解暑！凍豆腐好滑加上面頭嘅蝦皮同肉鬆呢兩總口感令佢更有層次味道都唔錯balance得好好，絕對唔係只靠醬汁帶起個味道黑松露墨魚蝦多士呢道頭盤有4大件，黑松露醬上面仲有啲椰菜絲同木魚絲，令佢食落口感豐富得黎一啲都唔油膩好fresh 最驚喜係真係有隻蝦喺墨魚滑上面，口感彈牙，多士好酥脆！鳳梨涼瓜干貝燉龍骨呢個湯飲落都算足料同清，飲完冇口渴嘅感覺，整體而言都唔錯天天海南雞店員講解話天天海南雞係無骨嘅食落滑啲嘅，而正宗海南雞就係有骨但雞味重啲嘅。我地最後揀左天天海南雞，的確雞味真係差啲，但勝在真係滑、雞皮爽彈、本身嘅醬汁同好成功地補足翻雞本身差嘅味道海南雜菜煲上菜嘅時候我同朋友見到咁大煲都嚇親左一下，二人份黎講份量真係多、入面有唔同嘅菜、菇、粉絲同埋蝦乾。雖然上湯都有啲油但好在都唔算好鹹，不過不失啦雞油飯呢煲雞油飯真係出色！粒粒分明，好香，口感好好，除左雞本身嘅油香香料嘅味道令成件事更加有層次，最最最緊要係食落一啲油膩感都冇，我都朋友都一啖接一啖咁食曬食煲！Overall 真係大推呢間餐廳呢個套餐，份量足就唔講啦 最重要係可以試曬咁多樣特色野價錢仲要咁抵！
continue reading