34
17
4
2-min walk from Exit A, Jordan MTR Station continue reading
All Branches (2)
Telephone
3622 1888
Opening Hours
Mon.-Sun. 10:30-23:00
Payment Method
Visa Master Cash
Review (57)
Level3 2017-01-07
1239 views
係尖沙咀覆完診,想食下素食,清腸胃,最後決定去三德。其實一直都聽聞三德的素食點心係素食界好出名,但係好少咁早出市區,未有食過。今次試下晚飯小菜先,如果OK,一定會再試下佢的點心。叫左四個菜,先來砂窩津白素翅雲吞,個湯底好味,唔似有味精,飲完無口渴。一直都喜歡食雲吞,三德的雲吞較散,個人覺得素雲吞都係大力素食的好味D。素海參豆腐味道不錯,尤其個豆腐,炸完後仍然好女嫰滑,素海參個造形好似真的,但就無乜味。串燒,坦白講真係麻麻地,因為之前係妙法齋食過一次類似的串燒,印象好深刻,好味過真串燒,三德呢個真係麻麻地,可以不試。干炒河粉,都係一般般,個味較淡,亦比較油。反而最後送的紅豆西米糖水,好好味,不太甜又足料。可能佢的點心會出色D,如果晚飯小菜,我覺得一般。 continue reading
(The above review is the personal opinion of an user which does not represent OpenRice's point of view.)
Level1 2016-09-07
3259 views
晚上要遲吃飯,見到網上寫十一點才關,去到時還是9:50, 諗住坐大半個鐘就走,咁應該沒問題。沒想到服務奇劣,似乎是經理級的一個大媽,一坐低完全唔畀時間我地睇menu, 餸一上就要埋單,這些都算了,我也明白不要阻人收工。但明明仲食緊,佢都係要三番四次不斷明示暗示要我地快D 食快D走!大佬,我去快餐店都唔會咁既服務態度啦!我地兩個人夾埋要畀二百幾蚊,你畀個仲差過大家樂的服務態度我? (何況那時10:30 都未夠)咁趕收工就唔好做啦。自問已算好脾氣,最後都被佢煩到我要罵返佢轉頭。今時今日咁既服務態度唔得架!奉勸大家,唔想受埋D無謂氣的,就不要去這間餐廳, 今次真係完全中伏。 continue reading
(The above review is the personal opinion of an user which does not represent OpenRice's point of view.)
Level4 2016-07-23
3236 views
食肉獸久不久都要清下腸胃,初嚐三德琥珀露筍百合吉品鮑角 - 露筍算鮮嫩,食味幾清剛好,但百合太細小沙汁伴鮮淮山 - 哩個餸係食刀工,睇相都見倒喺超薄嘅淮山片外包住超厚粉,當然唔係塊塊淮山都咁薄但都唔差得遠,會咗沙律汁後炸粉林晒,全程食粉團砵仔五香梅菜扣元玉 - 賣相唔錯,但見倒墊底椰菜令人反感,以為只有連鎖快餐店先會用哩啲椰菜,本來味道唔錯,梅菜咸淡適中,但印象分大打節扣紅豆沙 - 送嘅,算真材實料又唔太甜後記:只怪自己唔識點菜,完 continue reading
(The above review is the personal opinion of an user which does not represent OpenRice's point of view.)
Level2 2016-04-28
3404 views
之前嘗過朋友在這兒外賣的甜點,但覺清新味美,這次中午時段來到佐敦,正好可以來這裡飲茶。外賣部在佐敦薈樓下當眼處, 堂食則要上四樓。兩個人來,等細枱很快就有位了。中午客多,招呼仍很殷勤,沖茶落order都很快有人招呼。點心很快上,咸水角皮酥而黏, 口感豐富, 很不錯; 煎蘿蔔糕沒有臘味更能吃出蘿蔔的清甜; 南瓜煎餅皮薄而富南瓜味, 餡料清甜, 推介之選。 齋鹵味份量不少,酸齋和咖喱齋最惹味。鴛鴦飯賣相很好, 份量也大, 白汁素蝦口感幾可亂真,可惜白汁偏淡,茄汁做得很醒胃, 但素雞絲偏淡, 也稍嫌汁太多飯太濕了。埋單每位一百元, 在佐敦飲茶而言不算貴了。就中式素食而言, 感覺上這裡的東西是較為偏淡和少油, 味道或許會寡一點, 但較健康, 也更能食出食材本來的味道。而這裡的環境也頗舒適, 沒一般酒樓的吵鬧, 也不似一般中式素食店的局促。 continue reading
(The above review is the personal opinion of an user which does not represent OpenRice's point of view.)
Level3 2016-04-25
3923 views
今晚我跟朋友到了三德吃素菜,之前試過在大食會訂此店的小食,非常美味(包括蘿蔔糕,咸水角,沙爹串燒等),亦試過午餐來吃點心,味道亦不錯,所以這次是試晚餐~因等待朋友已很久,店員主動問我們會不會先點齋鹵味拼盆來填肚~ 伙記的服務態度真的好好呢~ 而這齋鹵味跟其他店的種類及味道也大致相同;我一直最喜愛吃酸齋的,原本也抱著幾大的期望,然而味道只是合格~ 而腐皮的味道反而有些脆,不錯,而我一直不太吃的咖哩齋比酸齋較為好吃~而沙爹素雞串的汁好像比之前我在大食會中點的遜色了~ 味道比較一般太極鴛鴦炒飯的味道也跟其他店的味道相近,若比較來說,我會比較喜歡吃忌廉味多過蕃茄味,因後者比較甜~砵仔客家涼瓜炆釀豆卜:涼瓜抄得很香,一點也不覺得苦,不過我的朋友覺得若果可以炒得再林些口感則更加好~ 而釀豆卜方面則不錯的,因豆匙味很濃,而我覺得若果多些素肉則效果更佳~砵仔五香梅菜扣元玉:這個是我男朋友旨明要點的餸菜,很香,味道及質感都很似扣肉,但比真的肉淸甜得多,亦不會吃到漏~ 而且嗰汁調較得很鮮美,很吊味~我們一邊吃也一邊大讚~ 這是我極力推介的餸菜我們是在星期六,日晚來吃這餐的;整晚坐得好舒服,唯一是冷氣太大~而服務員態度好好,不時為我們添水,而且我們坐了整晚也不用擔心要換枱或被追買單~ 而且也不算很貴 continue reading
(The above review is the personal opinion of an user which does not represent OpenRice's point of view.)