209
2
3
| Restaurant: | The Wall Street Bar & Lounge |
|---|---|
| Info: |
To promote a new salt and sugar reduction (RSS) dietary culture and living style to the people of Hong Kong, the Food and Health Bureau, the Committee on Reduction of Salt and Sugar in Food and the Centre for Food Safety of the Food and Environmental Hygiene Department has launched the "League of RSS-friendly Restaurants" ("League"). Restaurants participated in the League will offer less-salt-and-sugar options to the consumer or even tailor-make less salt or sugar dishes in designated restaurants. Participating restaurants will be granted with the League Labels for displaying in the premises for public identification. For details, please click here, https://www.fhb.gov.hk/en/our_work/feh/rssf.html
5-min walk from Exit B1, Tsim Sha Tsui / East Tsim Sha Tsui MTR Station
continue reading
Telephone
23896018
53046471 (WhatsApp)
Introduction
An upstairs bar in Tsim Sha Tsui offers various Western cuisines, including champagne, sparkling wine, red wine, white wine, and mixed cocktails. The bar has a VIP room reservation service with a karaoke machine.
continue reading
Additional Information
可預訂VIP房,內有卡拉OK配置, 設有最低消費, 有提供生酮飲食(折扣不適用)，需一天前預訂並先註明（keto requested)
本餐廳奉政府籲需客人跟從指示完成快測，敬請見諒。
Opening Hours
Today
12:00 - 00:00
Mon - Sun
12:00 - 00:00
Above information is for reference only. Please check details with the restaurant.
About Reward Scheme
Signature Dishes
Recommended Dishes
📍#The Wall Street Bar & Lounge (尖沙咀)尖沙咀金巴利道40號MW Plaza1樓♡推薦程度: 🌕🌕🌕🌕🌗🔺🔺🔺🔺🔺🔺🔺🔺🔺🔺🔺🔺🔺近來發掘到位於尖沙咀美麗華廣場附近有間樓上酒吧❤️環境乾淨舒適 裝修有格調 樓底高 仲有打卡位一入去比又高又華麗嘅酒櫃吸引住～七點前仲可以happy hour嘅價錢飲酒添👏🏻😍而且酒吧食物質素夠高質👍🏻 嚟食過兩次都覺得唔錯 ～員工嘅服務亦好好 非常貼心❣️#伊比利亞火腿配無花果 💰 $108火腿唔算太咸 夾埋火箭菜一齊食 更有口感係個幾唔錯嘅前菜😋❣#芝士莧菜焗廣島蠔 💰 $98超級推薦‼️ 上枱熱辣辣(≧∀≦)芝士mix忌廉汁超好食‼️好汁好好J，莧菜亦都吸晒啲芝士汁 夠淋身廣島蠔亦好Juicy 好加分❣#傳統意式卡邦尼意粉 💰 $148意粉屬正常發揮 軟硬適中卡邦尼醬汁係足夠既 ～滿有蛋香 但味道略嫌偏淡 煙肉片為厚切條形 好有咬口 亦充滿鹹香😋❣#燒加拿大有骨豬架配青辣椒醬及沙律 💰 $188我同朋友都好欣賞個青辣椒醬😝酸酸地辣辣地幾開胃～慢煮保留左豬扒內嘅肉汁豬肉頗嫩滑 煮得啱啱好旁邊亦有西蘭花等等嘅配菜 味道不錯❣#意大利芝士蛋糕 💰 $58呢度嘅Tiramisu同傳統嘅有少少唔同佢唔係嗰種比較 creamy嘅口感 質地比較硬身，但係好欣賞佢個Tiramisu底層食到咖啡嘅香味而上面亦有兩粒馬卡龍同食用花作為點綴😗 ~一粒橙味、一粒朱古力味，賣相都幾吸引😝🔺🔺🔺🔺🔺🔺🔺🔺🔺🔺🔺🔺🔺
continue reading
之前中午幫襯過呢幢大廈地下間燒肉店，仲發現樓上有唔少餐廳。我𥄫過吓位於一樓嘅「The Wall Street Bar & Lounge 」嘅餐牌，望落好似唔錯，就決定搵晚放工嚟試吓😛。餐廳環境好舒服同乾淨，樓底高、裝修靚，無一般酒吧咁嘈吵同污煙漳氣，其中仲有唔少打卡位添📸，不過就適合齋飲嘢多啲。大家留意返，由於呢度採用酒吧經營模式，所以入場係要持有快測結果㗎，但如果無，餐廳會以成本價發售，好貼心。每一位店員都好有禮貌，抵讚👍。四式芝士薄餅($128)，🍕Pizza呈長條形，感覺有啲似彼得包，並非好薄好脆嗰種，反而幾有咬口。芝士雖無拉絲效果，但鹹香十足，唔會過膩，四種芝士融為一體，包括Mozzarella、Mascarpone、Gran Moravia Hard同埋Blue Cheese。芝士莧菜焗大蝦($98)，呢道菜式比起4 Cheese Pizza有更多芝士🧀，更邪惡！佢有些少似芝士火鍋，有一大兜熱溶咗嘅芝士汁，如果配麵包蘸嚟食一流。芝士入面放咗BB菠菜同五隻大蝦🦐，蝦肉新鮮彈牙，菠菜多啲就完美喇。傳統意式卡邦尼意粉($148)，🍝意粉屬正常發揮，相對其他食物無咁驚艷。卡邦尼醬汁口味正宗，唔會借啲意用白汁魚目混珠，同時亦落咗黑椒粒吊味。麵條質感富嚼勁，而煙肉則選用更為惹味嘅厚切粒粒🥓。極品鹿兒島香蒜一口牛($118)，🥩一口牛係小食，但份量激多。牛柳粒超好味道，牛味濃郁。外層燒至微微脆，但肉質就保持嫩滑，食落好軟。再者，用蒜油同乾蒜片搭伴好香口🧄，但食到尾段就避免唔到有少少油。意大利芝士蛋糕($58)，佢係變種版嘅提拉米蘇Tiramisu，質感同傳統款式相反。佢無又濕又軟嘅芝士層，反而係類似冰糕咁硬邦邦，好鬼得意🧊。不過味道上分別唔大，富有咖啡酒香☕️。我唔敢講佢係最好食，但就一定係最有特色之一，而且造型勁靚，有馬卡龍同食用花花點綴。焗蘋果批配雲呢拿雪糕($58)，🍎熱辣辣嘅蘋果批好大個，酥皮焗得好掂，口感鬆化，無油臆味；中間嘅蘋果蓉酸度恰到好處，配冰凍甜甜嘅雲呢拿雪糕食相映成趣🍨。題外話，甜品要預早嗌定啊，隔離枱過咗Last Order無得食，用羡慕嘅眼神望住我哋，哈哈🤣。總括嚟講，Wall Street係一間不平凡嘅酒吧餐廳🍸🍽，佢各方面都令人好滿意。另一邊廂，佢仲推廣生酮飲食，以切合唔同人士嘅需要。不過同時就有部份食物要早一日預訂，例如芝士蛋糕。如果朋友想去尖沙咀食飯飲嘢，我會推介嚟呢度啊~🌟！
continue reading
進入一個神秘地帶 上到黎一間幾高級西餐廳🫢一出lift已經有staff招待 服務可以話係非常周到👍🏼同樣有一大座放滿唔同酒既bar枱🤩成為咗全場焦點餐廳偏向用上暗黃燈光 播住輕快既音樂🎶放工後黎呢度chill下飲下酒 成個感覺都幾舒服😆環境充滿英倫復古風格 滲透住一陣古典味😌野食選擇未算好豐富 不過值得一提既係估唔到佢都有keto既野食 呢個位讚得一讚👍🏼➷❐ 秘製生酮炸薯條配黑松露蛋黃醬呢個薯條口感好特別🫢好似由好飽滿既薯蓉製成咁🥔外面好脆 同平時個隻脆有啲唔同🤏🏼唔係死脆唔知點解佢好香 係有輕輕調味 唔會太重手最主要係靠個黑松露蛋黃醬去食 個醬係食唔停😂➷❐ 辣肉腸長薄餅唔好睇小呢個薄餅 雖然佢係snack 但食起上黎都幾飽😆香味黎得好勁 帶有些少辣香😶🌫️ 辣肉腸份量可以多啲餅底厚度同烤既時間做得幾好 亦都夠脆口🤤不過覺得佢既味道可以再重多少少會惹味啲😌➷❐ 燒紐西蘭羊架配香炒菠菜上枱既時候真係覺得佢好靚😍羊架幾厚身 每舊大細都切得好均勻👍🏼岩岩好既火喉同時間燒出粉紅色肉既嫩肉🤤而肉質都幾軟腍 無乜羶味 肉味就幾香個碟既花紋同間餐廳好襯 充斥住一種高貴感配菜菠菜沾佢既醬汁會變得好食 不過菠菜就有少少苦🫢➷❐ 巴斯克焦香芝士蛋糕蛋糕又唔算係甜 用上咗keto做法😲相對上會少好多負擔😂焦香位味道比較濃厚 一齊食 芝士味會唔夠突出🧀不過食到個焦香位有陣檸檬/橙味 濃厚得黎帶一點清新👍🏼➷❐ 𝙎𝙖𝙣𝙩𝙖 𝙈𝙤𝙣𝙞𝙘𝙖呢杯cocktail味道比較清新 由熱帶水果組成🍍🍊微微既酸味配上冧酒 因為本身水果味比較輕身所以酒味可以發揮得好好🍹配搭上都幾有驚喜👍🏼➷論格調呢度係有既 野食質素都唔差👍🏼冷氣有啲大 所以野食襯熱食會比較好樓底高既設計令到人身處得好舒服 飲杯酒都好enjoy🤪➷🧸🌞C.ookingbear推介指數 👉🏼👉🏼8️⃣🌟
continue reading
呢間餐廳裝修得幾有情調，又型格，仲好適合打卡添😆而食物方面質素都唔錯！一入去就見到個靚靚嘅酒櫃，嚟到唔飲酒都可以叫返杯靚靚嘅mocktail🍹飲吓🤪🍹ℛ𝑜𝓈𝑒 ℒ𝑜𝓋𝑒𝓇 $78粉粉的，好少女，飲落酸酸甜甜，好fresh!🍹𝒮𝓊𝓂𝓂𝑒𝓇 𝒮𝓃𝑜𝓌𝓂𝒶𝓃 $78白雪雪，入面有火龍果同香蕉，味道唔太甜，幾好飲🍴鹽燒牛舌ʳᵒᵃˢᵗᵉᵈ ᵒˣ ᵗᵒⁿᵍᵘᵉ ʷⁱᵗʰ ˢᵃˡᵗ $98睇個賣相以為係午餐肉😝仲以為自己叫錯😂原來唔係，牛舌厚身軟腍有牛味，幾香口🍴伊比利亞火腿配密瓜24 ᵐᵒⁿᵗʰˢ ⁱᵇᵉʳⁱᶜᵒ ʰᵃᵐ ʷⁱᵗʰ ᵐᵉˡᵒⁿ $108因為密瓜冇晒，所以用咗無花果代替Ham 幾出色，香氣濃郁、鹹度又適中，入口仲好柔軟细膩配無花果食都唔錯！伴碟仲有好多新鮮嘅火箭菜👍🏻🍴香蒜蜆肉意粉ᵖᵃˢᵗᵃ ᵛᵒⁿᵍᵒˡᵉ $158蒜香味香噴噴，意粉較硬身，好有咬口，蜆肉大大粒又鮮甜🍴焗蘋果批配雲喱拿霅糕ᵃᵖᵖˡᵉ ᵖⁱᵉ ʷⁱᵗʰ ⁱᶜᵉ ᶜʳᵉᵃᵐ $68即叫即焗，所以要等耐少少時間🤏🏻蘋果批好大件，酥皮熱辣辣又酥脆，連埋雪糕食，一冷一熱，爽呀😊
continue reading
限聚令放寬一定係覓食好時機🎶今日可以同一班朋友嚟到呢間餐廳👍🏼第一個感覺就係好有格調，好氣氛，食嘢飲嘢打卡絕對係一流嘅選擇，以食物質素真心釋出誠意，飲品都係一個非常之高水準嘅餐廳，忍唔住要分享呢位調教飲品同事，服務都做得好好嘅Lemon哥哥俾大家認識一下，第一次嚟呢間餐廳認識到呢位咁特別嘅高手真係太開心！龍蝦🦞湯冇得輸唔係死咸嘅龍蝦湯， Creamy順滑亦有好多蝦喺裏面上盛嘅龍蝦湯❤️❤️😍😍❤️❤️❤️加拿大豬架呢段時間好多西餐廳都會用，而且佢唔使100%熟晒可以七成熟，令到個豬扒好Juicy唔會好靭，兼且食到好似有黑毛豬箇中感覺，而呢種質地嘅豬食落口會有少少爽口，所以係好特別，再加上個沙律菜同埋薯仔係令到你口感好豐富😍呢一個青口首先好大隻，而且平時都係白酒啦蒜蓉味呀，今次佢特登話加埋辣椒個汁，係超好味，蒜蓉、辣椒、白酒三樣嘢彼此冇話邊個搶邊個，係平均嘅口味而且加上超新鮮嘅青口材料，所以佢嘅鮮甜味同埋呢幾個三個配料真係做得非常之上盛，最重要你估唔到，旁邊嘅薯條都係好值得推介俾大家，因為嗰個薯條唔單只就係淨係咁炸，佢有少少一層薄薄嘅脆槳，令到個薯條更加脆口，後來都忍唔住嗌多份，加$10仲有黑松露醬添一定要食㗎 ！💪🏼💪🏼👏🏻👏🏻☺️☺️呢一個鹽燒牛脷簡直係必食推介！👍🏼👍🏼👍🏼佢嘅厚度非常之夠，當擺上台嘅時候已經聞到呢個燒牛脷嗰種嘅牛香味，有少少好似煎午餐肉嗰種嘅味道，最重要當佢擺落口嘅時候，你會覺得自己好似食緊一舊牛味嘅午餐肉，煎得好香而且佢嘅淋度係非常之夠，所以大家都話到呢太好食喇！☺️☺️👍🏼👍🏼❤️❤️👏🏻👏🏻接著為你介紹兩個廚師發辦，第一個係廚師發辦鱸魚意大利飯，鱸魚煎得好香而且嗰塊魚皮仲可以好脆口，意大利飯係真係正宗做法好Creamy但係都好煙靭啱晒我口味！然後我個先茄辣汁意粉都係有廚師幫我哋安排，味道係帶有香草同埋先茄再加上有少少辣汁配合起上嚟好開胃，以為日本有「Omakase」，而呢間西餐廳都可以有廚師發辦，真係嘅驚且喜嘅兩款菜式。👏🏻👏🏻👏🏻👏🏻☺️☺️Free style cocktail @ Signature cocktail Edelweiss 雪絨花💐花語～「重要的回憶」🍹 Milk Vodka ,biscotti ,餅乾味 Liguror,milk caramel sauce .此乃甜品類的CocktailFreestyle Mocktail- S’ate Tonic🥃 西柚汁 Cranberry Juice 薰衣草糖水Top up tonic water 稍有漸層 乾西柚、Rosemary作裝飾口感酸甜開胃清新🥰🥰🎶🎶🍍🥥Virgin colada 新鮮菠蘿、椰子奶、牛奶、椰子糖水？菠蘿汁打成混合物加上Whip cream乾菠蘿及車厘子做裝飾，簡單清新嘅一杯無酒精雞尾酒。🌹🌹Virgin Mojito🍋白方糖，青檸， Soda用榨汁器擠壓水冰成半球作裝，清新一杯飲品簡單好味！💦💦💦Tiramisu 呢個Tiramisu好食之處唔係單單嗰個睇嚟Tiramisu，而係廚師好細心將一啲唔係好甜嘅馬卡龍,加埋好新鮮嘅士多啤梨藍莓砌成一個咁靚嘅甜品，招呼我哋性價比超高，用心製作到最後甜品都係咁出色太開心啦！🍓🍓😍😍呢個蘋果批配雲呢拿雪糕真係冇得輸，個雪糕係由比利時運過來,好香雲呢拿味，而蘋果批亦都唔係好甜，廚師好用心咁蒐集食物入口嘅來源，試到最好口味先至安排出品，最後真係冇辦法,叫廚師出嚟表揚下佢，佢叫做Dennis一位非常之有心有力有誠意嘅廚師，亦都好開心今晚一路食一路同調酒師及餐廳經理Lemon 哥哥傾偈，以上我地飲既Cocktail 都係佢好用心同我哋安排，而且毫不吝嗇將佢嘅配方同我哋分享，有時食飯唔係真係淨係食飯，而係可以同食店嘅廚師、經理傾偈、確實係一件賞心樂事，我真係覺得我哋響呢一間餐廳享受左一個好開心嘅晚上❤️❤️😍😍👏🏻👏🏻👍🏼👍🏼
continue reading