Video
3-min walk from Exit B2, Kwun Tong MTR Station
continue reading
Telephone
95610270
Opening Hours
Today
12:00 - 21:30
Mon - Sun
12:00 - 21:30
Above information is for reference only. Please check details with the restaurant.
觀塘雞飯 個相片。漏咗。無得edit 唯有另加一個。不過主打外賣 大部份熟既都係叫雞飯😂推介觀塘雞飯，辣雞飯，藥膳湯飯最重點係胡椒鹽，啲雞唔係好林，少鞋，但點胡椒鹽勁好食。（相片係雞飯）識咗好幾年，雞飯加嗰啲汁同埋啲薑蔥蓉係幾好味。只能食得勁少辣嘅就唔好叫辣雞飯。食到譚仔至少三小辣 平時我食野會叫小辣至中辣既 （但我又唔算好食得辣…）其實佢辣椒加上面 或者可以叫佢加少啲。但佢無汁 一定要配辣椒 太少個飯會好悶 得雞肉同飯。而佢雞肉唔似外面手撕雞撈晒麻油芝麻 佢似白切雞果類feel既手撕雞。但無汁 乾啲既 單靠辣椒配飯。但好夠味。條脷都…唔會太感覺到其他味😂。
continue reading
無味精而且性價比高既湯飯店50元都唔洗就可以食到無味精既藥膳雞肶湯飯應該係觀塘都好難揾到家庭式工作細舖仔，姨姨同哥仔都好好人佢地通常以外賣為主，所以唔多地方坐買左返屋企係可以入微波爐加熱個湯好飲，飲完真係好暖身。成日覺得凍飲湯就啱曬。雞肶肉易拆，唔嚡。飯剛剛好，可以減飯既。買比阿媽老豆食都LIKE。
continue reading
喺觀塘想食下啲高質少少嘅中式嘢，唔想次次都食碗仔翅，車仔麵，勁唔健康。木谷嘅菜式，就算又有酸菜魚，又有醉雞卷，但係都食得出少鹽少油，食完唔會有罪疚感，而且又好惹味順帶一提上次食過個酸菜魚，雖然係魚柳，但係份量勁足！而且魚柳就最啱我呢啲連魚骨都懶得挑嘅人😛今次試埋個花雕藥膳雞湯，成隻雞髀都真係好足料，不過真係略嫌燉得老咗，係有少少食湯渣嘅感覺。好彩佢有配個胡椒鹽，可以掩蓋一下。個湯底超級香，可能加咗花雕，啲味更加之散。飲得出藥材味，但又唔會好苦，係清清甜甜嘅好味😋未食過嘅朋友我會推介食醉雞卷先👍🏻
continue reading
上次行過見到人哋食嗰碗麵🍜好似幾吸引，所以今日就坐低試下。其實我曾經試過叫外賣，嗰個好似叫做觀塘雞脾湯飯。由於嗰時冇得堂食，所以係外賣拎走，印象中係冇落味精嘅，亦有啲家的味道。花雕藥膳雞髀湯麵連飲品 $43今次就試下佢嗰個花雕藥膳雞髀湯麵，佢好似原本係米線嘅，但係我要求轉咗做上海幼麵，麵質爽唔會好淋，不錯。店員一遞上湯麵🍜，濃濃嘅藥材🌱味就飄埋，感覺佢都應該用咗好多藥材去淆製呢個湯底。至於隻雞脾已經係煲到淋晒，一夾就開，雞髀亦充滿咗濃濃嘅藥膳香味。店員另外畀咗一啲胡椒鹽我，用嚟點雞，非常好食。這個湯麵仲有一杯嘢飲跟，我就點咗黃金羅漢果水，係凍嘅，都係好清香甜美又解渴，$43嚟講又冇乜味精，呢一餐非常超值。不過座位有限，都係一間速食嘅店舖。
continue reading
叫左酸菜魚麵外賣 返到去打開先發現唔係魚片 係炸魚柳？！？！咩事啊 fusion菜啊？（係嘅唔該寫明啦）食落係炸魚柳還炸魚柳 酸菜還酸菜 麵還麵 好似屋企雪櫃有咩隊落去一齊淥咁比五蚊加隻滷蛋 鹹到要即刻灌水呢碗嘢盛惠$50 仲貴過譚x三x單餸魚片酸辣米線！我覺得$30都唔值啊！疫情之下諗住小店生意難做 特登兜遠啲去東廣場幫襯小店買外賣 點知食到成肚氣冇心做唔好開舖啦 好多小店小本經營都可以做得好新鮮好好食 收得客人錢 可唔可以比啲心機誠意？冇 - 下 - 次。
continue reading