31
7
19
銅鑼灣港鐵站C出口
continue reading
Opening Hours
Mon - Sun
12:00 - 00:00
Above information is for reference only. Please check details with the restaurant.
Signature Dishes
今次玩大飽口福 facebook 舉辦的「食評達人」, 有免費試食機會當然要食餐飽。首先試左 冷盤, 壽司同沙律。壽司 飯粒軟硬適中, 口感唔錯, 如果加多小小醋就更好。 喜靈魚刺身放在冰上, 但仍然略嫌不夠凍。最推薦帶子同赤貝, 依家每個食客入去都會派一粒玩具紅寶石, 拎住紅寶石可以去換一份 新鮮即開的帶子同赤貝, 帶子非常鮮甜, 全場最好味的食物, 赤具都新鮮好味, 值得推薦!! 沙律亦不錯, 很多醬汁選擇, 青瓜, 蕃茄亦算新鮮!另外, 試食左d 熱薰, 呢條蒸魚蒸得非常唔錯, 時間岩岩好, 肉質很滑, 大廚話係每日新鮮運黎既, 大家要試試!! 士多啤梨鴨胸都ok, 肉質都算嫩; 香芒龍利柳就中規中矩。 值得一提的還有幾款食物, 就是燒蠔 同 燩湯, 燒蠔係現場即燒的, 每人每次限拎二隻, 岩岩燒完既蠔連汁仲滾下滾下, 上面燒香左既蒜蓉連成隻蠔一齊入口, 真係好味!! 燩湯很足料, 一盎唔大, 但入面塞滿湯料, 入口很濃郁, 忍不住飲左二盅。還有要排隊拎既龍蝦, 肉質煮得太熟了點, 但膏很多, yummy!另外, 甜品對我而言就比較一般, 因為偏好比較淡的甜品, 而呢到的甜品都比較偏甜, 但味道還是不錯的, 賣相討好, 而且款式繁多, 我試了下面這幾款也ok, 右上角那款超濃朱古力味!! 右下的雜果撻是我的favorite總括黎講, 整體質素屬於中上, 食物量供應足, 想食的食物都拎得到, 而且空間寬敞, 環境舒適亦乾淨! 以這個價位來說, 是很值得一試的。
continue reading
遊行完之後，都已經好晏lu，就去左呢間buffet到食宵夜。到左之後，O左，因為都成9點半，呢到仲有甘多人，認真估唔到 最估唔到ge係竟然有鮮活赤貝送，仲要唔係每張枱一份，係每個人一份，計人頭ga，O哂 而且味道不錯，確實係即開貨色，很新鮮a!!跟著，又去左掃天婦羅同豆腐，豆腐剛上台，「新鮮滾熱辣」，又滑又脆口，好正！而天婦羅就無豆腐咁熱辣辣啦，但味道都唔差，係多左少少油！仲有個辣蝦，川味好重，唔駛排隊隨便拎！（Ｄ人去晒排蠔！呵！）食左好多，惹味！太多O，和朋友遊行後，完美既結束！
continue reading
大飽口福的食物種類齊全,有海鮮,剌身.串燒,中菜,甜品等等。我較喜歡甜品,這朱古力甜品上的藍莓很甜,下層朱古力慕絲與藍莓味道很夾,入口即溶。另一個甜品是朱古力噴泉,可配搭棉花糖,哈密瓜,菠蘿,雖然很多酒店都有這款式,不過我都很喜歡,因為朱古力很快凝固,形成薄的朱古力片,配合新鮮水果,不會太甜,十分可口。水果撻的水果很多,很甜,一小口便食掉,是很好的飯後甜品。刺身很厚身新鮮,但款式不太多,而壽司較多元化,芒果壽司外表較吸引,事實上都幾好吃,厚身的芒果肉同粒粒蟹子,為壽司生色不少。星期六送帶子,赤貝,鮮味十足.帶子很滑,令人食完一件想再吃多件。由於是次為試食活動,因此有火焰龍蝦提供,正!未食前見到伴碟都食慾大增, 龍蝦同樣很新鮮,肉質豐厚, 配以龍蝦汁調味,十分滋味呀!飲品選擇很多,有各類生果汁,紅酒也有,選了青檸汁,清清甜甜。那兒環境很大,很舒服,很適合一家大小。
continue reading
呢個「蠔」並唔係指使錢個方面，而係話我地要係最短時間內掃得最多既「蠔」 !!!所以，「蠔」就成為左我地今次食野既目標!!有左呢個共識，大家就不斷係甘出去拎蠔黎食，唔同既整法都俾我地掃哂返黎 !!!好開心，因為啲蠔大大隻，又夠新鮮，過哂癮!!!所以一掃就掃左多隻，有啲就已經俾waiter收左，所以影唔到，話時話，佢地啲手腳好快，見到啲碟空左陣時就已經即時幫我地收左!!所以要影，就要趁手 !!不過，呢間餐廳有樣野可以改善下，就係斟野飲個到，因為啲野飲都幾有份量下，一唔留神我地就好容易會斟瀉，整到周圍都係。如果可以既話，可以搵一、兩個專門企係個到做門神，幫人斟，可以令到個流程更快!!!
continue reading
起初在此店還未「成名」, 剛坐落於銅鑼灣區之時，已經試過一次，當時是屬於逢週末398元，任食龍蝦、鮑魚、鵝肝、燒蠔，(雖然要排隊)，甜品係日式甜品，仲有心太軟，食品質素高，值得一吃再吃今日再吃，大大的退步了，價錢平了，但賣點全部沒有了整cheap自己招牌為咩呢，香港人俾唔起錢咩？變更點如下：正價再無任何龍蝦、鮑魚、鵝肝！日式甜品消失得無影無蹤刺身部一開始會放一堆刺身在小碟上供客人拿取，拿晒，唔refill, 問先至求其hea拎俾你點心變得不堪入目，燒賣連街邊買既都無佢咁走樣！燒蠔區依舊多人，由年初開幕到依家，明明可以加速製作，從沒想方法改善，分明係控制出貨量，引人鼓燥焗蠔，未熟、稍腥，食一隻已不想再拿飲品，有六款果汁、有汽水、有水吧可供點咖啡/茶，但係六種果汁全部溝得勁浠，除左石榴汁同火龍果汁好小小之外，西瓜、檸檬、橙、菠蘿四種汁皆達不堪入目級另外，場內的預設膠杯細到我懷疑有冇200ml !!!，反而佢地洗唔切杯refill出黎既用完即棄杯就明顯達正常水平. . . . 雪糕，非常有guts地提供疑似雀巢公司雪糕，任挖，但有d極硬，另外一d極軟以前有四條隊食龍蝦，現在都沒有了，所以清蒸那條隊變了放生果蒸魚亦小了變化，只有一種魚串燒成為主力，但整體偏咸燒味：退步了燉湯：OK胡椒豬肚湯: OK其他熟食，普通，沒特別，亦不能成為新賣點，其他同區放題/自助餐質素遠比此店好。至於價錢轉為218後，到底龍蝦, 鮑魚去了哪裏呢？就是實行「寶石制度」 ！紅寶石，一人一粒，去刺身部換帶子、甜蝦刺身，一次過拎五六粒去會好d，會有埋蟹腳、翡翠螺，唔見呢隻寶石有得refill呢堆極限量配給既刺身，質素尚且能保持黃寶石，預設是沒有的，要另外購買，50元港幣一粒，不限購買量，憑黃寶石可以換取：芝士焗半邊龍蝦 或 燒大蝦一隻 或 蠔汁鮑魚 兩隻今晚一行四人全叫龍蝦，龍蝦質素幸好尚能保持。COME ON!!，簡直係大縮水之前398我一晚可以食五份龍蝦兩份鮑魚仲有塊鵝肝仔，而且新鮮蝦、花甲、螺任灼依家花甲放凍盤，但係隻隻都有泥，洗都唔洗青口又俾次貨而且就算我由218買黃寶石買到398我都食唔番佢d蒜蓉/鐵板/清蒸龍蝦！坦白說，當初以此作招徠，成名後就收起殺手鐧，實在予人不快的感覺所以承開文所說，價錢是平了，但賣點，都沒有了。而且今次再臨，衛生亦大大下降，地下濕晒唔拖，食完野d碟耐一耐都無人清
continue reading