The Stadium

175
5
0
2-min walk from Exit B, Causeway Bay MTR Station continue reading
All Branches (2)
Telephone
91317779
Opening Hours
Today
12:00 - 02:00
Mon - Wed
12:00 - 00:00
Thu - Sat
12:00 - 02:00
Sun
12:00 - 01:00
Public Holiday
12:00 - 02:00
Payment Method
Visa Master AE Cash
Other Info
Wi-Fi
Open Till Late
Alcoholic Drinks
May Bring Your Own Wine
VIP Room
Phone Reservation
Delivery
10% Service Charge
TV Broadcast
Live Sports Broadcast
About
The Stadium:運動主題x吃喝玩樂傾計無限有Fun
以美式運動主題出發,打造潮人必到的玩味西餐廳The Stadium,讓你一次過享受吃喝玩樂的新生體驗。

店主們的宗旨:想大家至緊要坐得舒服,食得開心,傾得盡興,在這裡玩得過癮!承襲美式餐廳的大無畏玩樂主義,最緊要有fun!

由場內設計開始,糅合多種美式玩樂元素。甫進入口處,便遇見康樂手動足球機,適合大人與小朋友在餐廳用餐前後,互相格鬥比拼。同場設置桌球枱及飛標機、有以舖滿簽名棒球的主題牆、運動場跑道地板、棒球場燈光特效牆、籃球球衣掛飾等,散發無與倫比的運動氣息。多部LED巨型平面電視置於場內不同位置,多角度全方位無障礙放送體壇盛事。

美食方面,餐牌不常轉,務求令食客可以keep住吃到招牌名物,豪食各款美式佳餚。推介有意式香菇手搓粉、愛國者漢堡、特色球迷沙律、火辣水牛雞翼、特色炸物拼盤、美國極黑毛豬及自家出品Deadman本地手工啤酒。

歡迎大家預約租場,舉辦不同主題活動或聚餐。欲知更多,可致電本餐廳查詢。

Review (184)
Level4 2018-12-11
19 views
我一向都非常熱愛體育,最鍾意就係打籃球,而其他嘅運動我都好鍾意睇呀!係朋友口中得知有間餐廳係以運動為主題嘅,裝修好正嘅!咁就當然要試下啦!為左食,我專登揸車泊去香港其中一個地獄車場禮頓中心停車場,好彩無事!咁上到去啦,門口嘅裝修已經感覺左我啦,餐廳嘅燈光偏暗,但係氣氛良好,而門口就有部足球機同埋有張美式桌球枱,令我唸起細細個成日輸波鐘嘅日子。好啦!咁就坐低啦,店員安排我地兩個人坐窗口位,好啦,望一望menu 先。餐廳係以西餐為主,有漢堡包,有意粉,有扒同pizza等等,另外就重有甜品同埋酒類產品。咁我就點左以下產品啦!首先係1號餐,鵝肝安格斯牛肉漢堡餐,首先就係餐湯,南瓜忌廉湯,湯就好香南瓜味,而且湯嘅濃度適中,好有口感。咁跟住就到主角啦!鵝肝安格斯牛肉漢堡,賣相非常ok, 一個好高嘅漢堡包,店員見到我地兩個人黎好細心咁安排左個漢堡包開2,漢堡包配埋沙律菜,再加上薯條,首先我係食薯條呀!薯條係即叫即炸,好香口好脆,再點上他他醬或者茄汁,真係好正,我個人就較為喜歡點他他醬啦!沙律菜就新鮮啦,跟住就到我個主角漢堡包啦!攞上手果陣你係會完全感覺到鵝肝果d油係咁滴出嚟,鵝肝同麵包真係一個最佳配搭,包裡面重有兩層芝士安格斯牛肉,蕃茄同生菜,一d基本嘅漢堡配料,漢堡包放左上扒爐上面煎一煎,塊牛肉我就叫左6成熟,好有口感,同埋好香牛味,由於我個朋友唔食牛關係,我就一個人食晒啦!真係好好味。跟住就係到我朋友order嘅半份美式烤豬肋骨啦!半份都已經係好大份啦,相信一份應該係一大班人嘅時候叫啦!豬肋骨配上燒粟米及蕃茄,燒粟米再加上牛油,真係好香口。到豬肋骨啦,我地首先將佢切左先,肉質都好鬆軟,同埋好有豬味,當你用手攞起舊豬肋骨,食埋係舊骨上面嘅豬肉就更加嫩口,更加香豬肉味,最後我地都係成舊食晒。最後就到甜品出場啦,蘋果撻!賣相非常好,相信好多人都會忍唔住,會影下相留念啦!蘋果撻上面就重有個香草味雪糕,個撻裡面好多蘋果肉,同埋好香口,又係食晒。跟住我地就飲埋杯餐飲檸檬茶就走啦!真係好完美,會再幫襯呀。 continue reading
(The above review is the personal opinion of an user which does not represent OpenRice's point of view.)
Level4 2018-12-10
9 views
臨近聖誕又係時候四周圍去欣賞下聖誕燈飾,今晚就去左銅鑼灣行街街影靚相,之後就緊係要搵返間坐得舒服既餐廳食飯啦餐廳超大,我地因爲早去所以有窗口位,望下銅鑼灣街景都好唔錯有飛鏢機、足球機、桌球俾你玩!自問無乜運動細胞,都係過下手癮督幾下影下相呃like 但見到有啲小朋友真係玩得好興奮 而且足球機都係童年回憶,而家買少見少The stadium wings火辣水牛城雞翼,都真係幾辣 不過配左少少沙律可以解下辣鵝肝安格斯牛肉漢堡一心見到就即點,牛肉好好好juicy 而且會幫我地一分為二,唔會食到好論盡 薯條好脆炸得夠乾身,好正意式香菇手搓粉好濃好香既黑松露味,超多汁 手搓粉質感好讚,同個汁好夾 continue reading
(The above review is the personal opinion of an user which does not represent OpenRice's point of view.)
Level4 2018-12-01
894 views
友人識飲識食,而且非常好動,自學生時期已熱愛各種運動,跑步、籃球、足球、排球樣樣皆精。這天相約我一聚,就選了銅鑼灣這間以運動為主題的美式餐廳「The Stadium」。餐廳位於銅鑼灣波斯富街軒尼詩大廈 2 樓,店內地方頗大,佔地甚廣,裝潢極富特色,四周都是仿運動場的設計,由地板兩旁的藍色賽跑道、門口正中央放置的足球機、桌球檯,以至飛鏢機等,全都跟體育有關聯,就算爆場,都可以邊等邊玩。餐廳內設有吧檯,十分適合一大班朋友一起來觀看球賽。另外用餐區入面每個地方都用咗不同運動主題作裝飾,例如牆身上嘅籃球球衣、座位後面模仿球場更衣室的儲物櫃、桌上別緻的足球外形玻璃杯等等,與餐廳主題互相呼應。先看看餐牌,午市以套餐為主,共有 10 款選擇,定價由 $88 - $138 不等,包青菜沙律或是日餐湯及飲品。如果唔想食套餐,當然也可以散點,價錢亦非常大眾化。青菜沙律:沙律菜非常新鮮,入面配有黑豆、粟米粒同車厘茄,用料豐富。是日餐湯係南瓜湯,湯品細細碗,分量不多,湯身不算很濃稠,但喝起來挺有南瓜味,而且入面還藏有不少南瓜粒,味道香甜。主菜揀咗夏威夷特色薄餅 ($138)  同烤原隻春雞。先吃 Pizza,批底非常薄,上面鋪咗菠蘿、火腿、芝士、千島醬,食材簡單不複雜,用料分明。餅底邊位呈微焦,咬下非常香脆。菠蘿入口不過甜,帶天然酸香,與火腿及芝士嘅味道超夾,吃起來不會太滯太飽。 烤原隻春雞 ($128),春雞比預期大隻,外皮烤得色澤金黃,食落雞皮薄香,而且肉質嫩滑又唔會過鞋,有肉汁,好味到停唔到口。配菜有沙律、焗薯同燒粟米。薯仔紮實綿密有薯香;而粟米則帶有烘烤感,食落很彈牙很 fresh,用來做配菜一流。跟餐飲品點了 Rosemary Lemonade 同 Iced Coffee,Lemonade 材料自家製作,入口清爽。總括來說,餐廳食物以美式為主,每款分量不小,建議與人分享,加上價錢夠貼地,絕對是與朋友喝酒玩樂的好去處。 continue reading
(The above review is the personal opinion of an user which does not represent OpenRice's point of view.)
Level4 2018-11-07
2074 views
今次同朋友黎食呢間銅鑼灣嘅the stadium 🏟 !大約7:10分到,都幾多人排隊等入坐架,其中仲聽到有人開生日Party! 呢到都適合開party 架!一入去係桌球枱好想去玩幾下😂😂佢地嘅table setting!坐窗邊,覺得幾正!幾好feel !如果多人都可以坐呢d枱,睇落幾舒服有梳化又有電視!有自己嘅private Area咁!是日餐湯係蘑菇忌廉湯,蘑菇雜菌味道都好濃!唔錯,如果有片小法包/蒜蓉包仲正,點住黎食!上菜啦!睇落就係正嘅!呢個係鵝肝安格斯牛肉漢堡!淨係聽到鵝肝同安格斯牛已經覺得正啦,係咪先?我叫咗個牛係5成熟!burger 入面有2種芝士仲有d甜甜地嘅洋蔥,食落令鵝肝同牛都冇咁肥膩 個鵝肝外皮煎得好脆,食落成個Burger 超香另外薯條🍟做得好好,夠哂脆正!呢個係美國特級肉眼扒!我朋友叫咗7成熟,我覺得下次叫5成會再好食d!7成太熟啦!老咗d,但味道都唔錯,而且都算「林」!而薯格都唔錯,但都係上面嘅薯條最正ps 呢個係叫凍檸水嘅糖!覺得好得意好似魔法整藥水嘅樽所以影咗😂😂😂 continue reading
(The above review is the personal opinion of an user which does not represent OpenRice's point of view.)
Level4 2018-11-05
1666 views
好姊妹生日,選了這家以運動主題的西餐廳。之前去過觀塘那家吃過午餐,今天來吃晚餐!環鏡跟觀塘的差不多大,非常有空間感!他們的水杯也印有The Stadium 餐廳的名字很特別!Floris Passion fruit $68一人一杯手工啤酒,但這杯比較像Cider,有點甜!因我們晚飯還是在Happy Hour 時段,所以是比較平宜的。Pacific Ale $68這才算是啤酒的口味,是澳洲的,不過比較淡,因為只有4.4%酒,但都幾特別!黑松露炸薯條 $68想不到這一個份量很多,薯條炸得很脆,他們用了黑松露製成的油去炸,在表面上還灑了Parmesan cheese,而醬汁是黑松露蛋黃醬,所以整個菜式都非常黑松露!The Stadium Wings $88簡單說這算是招牌菜,即是Buffalo Wings,酸酸辣辣,醬汁是他們獨家自製的,一共有6隻,十分滋味!The Stadium Salad $98這個沙律十分豐富,有混合蔬菜,還有無花果、蕃茄仔、溫泉蛋、黑橄欖、粟米粒、黑豆,而醬汁是他們獨有的醬汁!整個感覺很滿足!Roast Whole Chicken $148原隻燒春雞,製作需時15分鐘,配了大大件的薯角。雞比較滑身,但有一點油,不過4個人分剛剛好。The Stadium 4 Cheese $178店員一拿上檯,味道真的不感想像!哈哈哈,不吃芝士的人一定撐不住,要離檯三尺遠!連我們會叮芝士的人也覺得有一點點臭!但真心好吃,芝士當你未吃的時侯可以用臭來形容,但當你放進了口,你會覺得十分十分滋味!他們的Pizza 做得很好,不會太厚又不會太薄,未吃過的真的要試一試!Mac & Cheese $98美式芝士通心粉,一聽名字就會覺得很漏很飽肚!因為這個是充滿芝士的通心粉,每一啖都是很豐富,他們還加了少少南瓜,蕃茄令整碟通心粉增加了不少色彩。 continue reading
(The above review is the personal opinion of an user which does not represent OpenRice's point of view.)