126
42
36
Exit A3 , Sha Tin MTR Station continue reading
All Branches (10)
Telephone
26979009
Introduction
"自1979年起,意粉屋以款式繁多味美的意粉成功建立了「意粉專家」的地位。憑藉大廚的精湛廚藝、挑選最上等的材料,如來自意大利的意粉、新鮮蔬菜、優質橄欖油及芝士等等,多年來為客人帶來無限美味驚喜。\r\n意粉屋在香港及南中國擁有超過25間分店,店舖設計時尚舒適,裝修更會定期作出提升,而所有員工均致力為客人提供無微不至的服務。\r\n我們的使命,是慇懃款待每一位顧客,端上營養豐富的美食,讓您在最舒適的環境裡細意品嚐。顧客的欣悅和滿足,就是我們的動力。"\r\n continue reading
Additional Information
Meatless Menu Details: Wide selection of vegetarian dishes available daily.
Opening Hours
Today
11:00-00:00
Mon-Sun
11:00-00:00
Payment Method
Visa Master AE Cash UnionPay JCB
Number of Seats
158
Other Info
Alcoholic Drinks
Cake-cutting Details
Parking
Delivery
10% Service Charge
Review (219)
會員抵食 Featured Review
Level4 2017-01-22
3861 views
放假約好友去美容,落返香港順路在沙田睇openrice送嘅戲!在戲院劃完票之後只剩一個小時,唔行太遠就近在戲院搵食,好友有呢間餐廳會員(第二份午餐半價)又唔使點等!攞飛5分鐘入座,歐式餐廳格局,座位好迫,啲二人枱基本聽晒大家講嘢兼睇晒大家啲餸!好快落單!食物陸續到!餐湯--酥皮龍蝦湯($15)會員第二個湯半價!酥皮焗得香脆,浸落湯好味,湯橙紅色,好滑,入面仲有海鮮粒,但超超超鹹,鹹到咀唇都乾埋,頂唔住叫店員換咗!餐湯--焗酥皮森林蘑菇湯:等多15分鐘先到(即焗)賣相靚,酥皮香脆,湯非常熱,忌廉滑溜,仲有好多蘑菇粒在內,好味!超級雜錦板板pizza($59)木板上,薄批底香脆,芝士可以拉出絲,蔬菜絲(青椒、洋蔥)香脆,肉腸片煙韌,足料好味!鮮忌廉芝士焗菠菜香煎魚柳扁意大利麵($59)幾大份,忌廉芝士香夾滑,菠菜多又幾香,魚柳嫩滑無骨,無腥味!意粉有咬口!好味!跟餐熱鮮檸蜜:會員免費升級,幾濃味,蜜糖味唔假!加咗檸檬清新!好味!店員有禮,知道知龍蝦湯太鹹,即刻問我想取消定換食物,係比我揀唔係幫我決定!有禮又有效率解決問題!比個讚!有會員幾抵食!兩個人只要$125.8不過廁所行好遠! continue reading
(The above review is the personal opinion of an user which does not represent OpenRice's point of view.)
Level2 2017-11-07
222 views
參加咗意粉屋會員制,最近多咗去幫襯,下午茶第二份半價最優惠,另外入會送嘅優惠券都好抵。今日家庭日,同老公帶埋BB去沙田玩,夜晚肚餓就去咗附近意粉屋食飯。我哋 order 咗一個西西里海鮮意粉,帶子好大隻,又鮮甜。老公好怕酸,但係意粉個汁佢接收到,仲話幾好食。另外叫咗個牛油果蝦沙律,沙律醬味道調校適中,而且不會太少沙律醬,加上蔬菜及水果新鮮,味道相當好,而且冇諗過份量咁大份。意粉屋一向服務好,沙田這間分店服務更令我深刻。攞位時,服務員已經好細心問我地需唔需要BB凳,更經常主動查詢我們有冇特別需要,例如熱水給BB、嬰兒餐具等等。另外服務員更安排一個比較安靜又合適嘅位置給我們,可以減少我們對其他食客,或者其他食客對我們嘅騷擾。這份細心,值得讚許。 continue reading
(The above review is the personal opinion of an user which does not represent OpenRice's point of view.)
Level3 2017-10-26
242 views
路經沙田,想搵午餐食,見好耐冇去意粉屋, 就揀呢間喇!可能時間尚早,餐廳都冇乜人,侍應介紹食呢個超值優惠海鮮套餐,嘩……好似幾好喎,咁就試下啦 !龍蝦湯蝦味好濃,仲有兩粒小帶子,但件意大利包就麻麻地, 唔夠熱。個人覺得最唔好嘅係,餐湯剛剛到,帶子意粉隨即送到,為免意粉攤凍哂,我唯有好趕咁飲咗個湯,之後才慢慢食個意粉。帶子意粉有兩隻大帶子,好彈牙,意粉軟硬度剛好,煙肉忌廉汁味道亦都唔錯。餐茶要咗咖啡, 睇得出係即磨嘅,好香濃。呢個餐$108,另外收加一,喺新城市廣場嚟講都ok嘅,不過如果照原價$264, 我就唔會食喇。 continue reading
(The above review is the personal opinion of an user which does not represent OpenRice's point of view.)
Level3 2017-09-26
449 views
由細到大意粉屋都係我嘅飯堂,最鍾意食佢嘅肉醬意粉,心中排名同最愛嘅7-11叮叮肉醬意粉不分高下。另一最愛係芝士焗火腿煙斗粉,可惜佢平時啲餐好少兩樣都有,今次誤打誤撞俾我撞到!有個二人餐,有兩客湯,意粉選擇有我兩個最愛,即點!跟餐嘅帶子露荀湯,不錯,味道幾鮮,兩粒帶子亦冇雪味。肉醬意粉一如以往嘅好食!佢唔係蕃茄味嗰種肉醬,偏咸同重味,意粉亦偏硬身,我鍾意!另一心中王牌,芝士焗火腿煙斗粉,好重芝士味!以前佢嘅火腿係切絲,而家變左粒,個人鍾意切絲多啲,不過點都好無減佢嘅美味。另我成日食呢個粉都覺得佢有少少芥辣味,唔知大家有冇同樣感覺? continue reading
(The above review is the personal opinion of an user which does not represent OpenRice's point of view.)
Level2 2017-09-25
409 views
今天周一放假,朋友送了張100元現金劵給我,非常感謝友人的同時,也借了coupon敬母后,做下孝子。意粉屋,由自己小時候的中級餐廳,變成今天在價錢上的中高級餐廳,但服務普通,只是局部「升級」。餐牌的設計簡潔,9個選擇,母后點了意式海鮮炒飯、凍檸茶,而喜歡試特別菜的我,則點了蟹肉牛油果,黑松露碎蛋貢多拉三文治、酥皮龍蝦湯、咖啡。用餐的次序很重要,試過不少餐廳在餐前湯未到先上主菜,幸好這次這間意粉屋沒有出錯,而服務員一句小心熱,似乎也別有用心,除了保障餐廳外,也令客人未嚐湯已覺得很熱、物有所值。不過,弄破酥皮後沒有煙,湯內只有些少蘑菇,有意無意幫你提升的期望卻令你多了失望。嚐了數口,覺得龍蝦湯的龍蝦味充夠,也有少量蝦粒肉,這份龍蝦湯,似是想以味道行先,不過無他的,如果湯太多料,怎令客人好好欣賞酥皮呢?這種配搭令客人更尊注在酥皮上,但餐廳的自信卻是過多的,皆因酥皮不夠牛油,也不夠香脆,令到湯的缺點表露無遺。之後到我的貢拉多三文治來了,未食,只看賣食已很有排場。三文治看似很硬的包皮,吃落意外地鬆軟,黑松露的味道也是一貫地搶味,和碎蛋的奶味很夾,不過,如果我不是因打食評的緣故,也不會望多次餐牌,才發現原來這份三文治是有蟹肉的,可見蟹味少得可憐!然後母后的檸茶和炒飯也來了,檸茶自己無試,不能評論,但看來茶色晶瑩剔透、檸檬看似也很新鮮和足夠。至於炒飯不是大排檔充滿鑊氣那種,是傳統西餐的飯,不過意外地海鮮很鮮,蝦、帶子、魷魚、魚柳都很肉厚、彈牙,難怪母后留意到店內很多人點,實在比預期好。最後我的咖啡也來了,母后說很容易已聞到咖啡的濃香。確實,咖啡是夠濃香的,向來愛咖啡的我也很滿足,可惜的是不冷不熱。扣回100元現金劵,此餐連加一服務費需補回65元,用餐環境很舒適很好,能於假期嘆個高級下午茶算是物有所值! continue reading
(The above review is the personal opinion of an user which does not represent OpenRice's point of view.)