六十年華

Open Now

Now Closed

最近，我光顧了六十年華。這是一家以懷舊美食為主題的餐廳，專注於提供經典的港式美食，讓人一走進去就能感受到濃厚的懷舊氛圍。而我今次就叫左炸雞髀和炸薯角。炸雞髀的外皮金黃酥脆，咬下去時發出清脆的聲音，裡面的肉質則非常鮮嫩，帶有微微的香料味。這道菜的調味恰到好處，既不油膩又能夠讓人回味無窮。炸薯角則是金黃酥脆，外焦內軟，搭配上茄汁，帶有微酸，絕對能讓人一口接一口，配搭炸雞髀一齊食係最幸福。

晏晝想去食個快午餐，12點走去呢間餐廳嘅收銀點餐，收銀處的混亂程度令人咋舌。首次開口點黑椒牛扒飯未說完，收銀員突然轉身招呼新入座客人；第二次重複點餐中途，她又跑去為鄰桌遞餐具；直至第三次才勉強完成落單流程。整個過程耗費近十分鐘，期間目睹收銀員在帶位、傳菜、接外賣電話間不斷切換角色。本以為簡單的碟頭飯應快速完成，豈料枯等半小時仍未見蹤影。最終端上桌的牛扒飯令人心寒——黑椒汁凝固成塊狀，牛扒邊緣焦黑而中心冰涼，白飯更透著雪櫃的冷氣。餐飲最離譜的並非難吃，而是連基本溫度都無法把控。

今日又尼到將軍澳寶林欣景路新都城中心二期地下的一間茶餐廳下午茶。這間茶餐廳的名字頗特別，名叫“六十年華”，很有懷舊feel。 入座時侍應都很有熱誠地講“歡迎光臨”，但可惜茶水欠奉。這裏地方寬敞，光線充足，坐得頗為舒服。 這裏的下午茶套餐選擇煩多，無論是燒味餐、西式餐和中式餐都有，適合不同口味的人士。 脆皮燒腩仔瀨粉，可轉粉粉或河粉，我揀了米粉 + 熱檸蜜 $43燒腩仔外皮很脆，可能肉身比較瘦了一點，感覺有點鞋口，一般尼講燒肉的尾部位置比較咸，但這碟燒肉一點也不覺咸，味道恰到好處。米粉不會太淋，加上吸收了清甜的湯底，提升了米粉的味道。 迷你星洲炒米 + 熱檸蜜 $46米粉混入了义燒、洋蔥、紫洋蔥、蝦、火腿、紅椒和牙菜仔，材料十分豐富。食落微微辣的咖哩香味滿佈口腔裏，但洋葱比較生了一點，蝦爽口但沒有海鮮味。

2025年2月23日10:25am一早同屋企人去食早餐因為見到好多吉枱直接問2位要唔要㩒飛收銀果個膚色較黑嘅啊姐話要屋企人已經拎咗飛 018佢叫019入座我地都覺得好奇怪叫咗019先問人搭唔搭枱019願意搭枱就入咗座(明明好多吉枱)啊姐再叫020入座開咗1張新枱俾佢我問收銀啊姐點解佢好大聲咁話 “人地搭枱, 你係咪搭枱丫”態度非常惡劣你做生意做到咁無問題，我喺無得罪你嘅情況，你要咁整我同屋企人我唯有以後唔幫襯你反正你d嘢食大不如前附近咁多餐廳你繼續咁玩d客啦！

一入到間餐廳，服務非常親切，環境乾淨，坐下後掃碼點餐，餐點迅速送上，爆炒小菜香氣撲鼻，分量十足，下午茶餐價格親民，客人可慢慢用餐，不會又俾人趕嘅感覺，10分推薦。

經外賣平台叫左兩盒飯 平均一盒54蚊 一盒係鹹魚雞粒炒飯 揾唔到鹹魚 雞肉得三四小粒 同咁細份量 另一盒係焗豬扒飯 我第一次見到咁薄切嘅豬扒講真我好失望 幾個月前我黎過堂食下午茶 我係好滿意 食得好開心54蚊一盒仲要求啲咩 有半盒飯俾你都執到 不過我比較大食 真係唔夠 而且味道唔好 今日以後我唔會再幫襯🥲

今晚在六十年華吃晚餐，選了兩個最大眾的菜，啫啫雞煲和海鮮雜菜煲。本想著應該美味可口，但結果卻大失所望。1. 啫啫雞煲這道雞煲的表現讓人頗感失望。雞肉的數量相當少，並且與腩肉一同煮製。腩肉過於鹹重，與雞肉完全不搭。個人認為雞煲應該搭配豬肝，現在這個組合讓人摸不著頭腦。以如此昂貴的價錢——88元，期待值自然提高，但結果卻令人失望。2.海鮮雜菜煲極度失望，是我對這道菜唯一的感受。首先，這道菜完全不符合「煲」的定義，它放在碗裡上菜的。海鮮僅有幾條魷魚，蔬菜卻多得讓人懷疑自己點了道菜煲。湯汁更是淡如清水，彷彿在吃清水煮白菜。65元的價位，實際價值卻遠不及20元的成本。這樣的失望，實在難以言喻。

我係隔離既住戶係佢地常客 里次申請個號黎比個食評。近排食d粉面 發覺咩都偏甜！點個三絲炒面竟然甜既 豬排出前一丁又係甜！請問出品師傅可吾可試下味呀！比以前差左勁多水準。星米又係有時濕到散晒 有時仲食到一搞搞硬既沒鬆開甘。雖然近我隔離 但都要考慮下仲去吾去食好。點左餐等候時間又比以往更加長 半個鐘都沒出得一碟野。夜晚有時屋企懶得做飯又去隔離食，都吾知佢地係味臨近就收工，出品差爆夜晚既牛河通常和早上倆個樣 夜晚既牛河濕又多油

已經有一段時間冇去寶琳，開左好多新餐廳都想試，不過今日想食茶餐廳所以揀左呢間餐廳🫢🍲精選二人餐$168（兩個主菜+兩碗飯+兩碗湯，飲品熱飲額外加+$3、凍飲+$6、特飲+$12）♦️招牌鮮鳳梨咕嚕肉- 見佢係招牌菜所以特登叫左…賣相相比起其他菜餐廳真係算幾靚，而且可以睇得出佢真係用新鮮鳳梨唔係罐頭菠蘿，但食落去鳳梨反而冇乜味但唔酸，呢個係令我有少少失望😢但啲洋蔥幾香，咕嚕肉去晒骨熱辣辣食果陣都好味，但耐左就變左好硬有啲難咬，同埋有幾舊炸粉比較厚身🤔二人餐已包每人一碗湯同一碗飯，湯係南瓜紅蘿蔔豬骨湯夠晒味都好飲😋♦️馬拉盞通菜炒牛肉- 食落好香，少少辣，牛肉都算薄身但有一兩舊連住啲筋韌到有啲咬唔開，牛肉都幾入味而且唔算好油膩最後叫左杯凍檸茶同熱檸蜜，兩杯飲品味道正常～

之前食過佢D小菜,覺得都幾好食今日突然好想食燒鵝,又諗起哩間店有,所以就去左食啦~燒鵝飯 $68好似好多燒鵝咁,但只有幾舊有肉,其他全部都係骨連皮,完全無肉~腰果椒鹽鮮魷 $108熱辣辣新鮮炸起,鮮魷滑溜溜,不過咸左D

今日夜左收工,於是有籍口比自己食好D去左一間有小菜食既店1516緊食咕嚕肉定薯仔牛柳粒既時候突然聽到有把聲音同我講,叫晒2樣啦,食唔晒聽日可以帶飯就係咁,我就一個食2個小菜啦~蜜餞脆薯牛柳粒好好食!甜甜地,牛柳粒夠淋~金牌鮮鳳梨咕嚕肉唔會太甜太酸，味道OK

放工之後同朋友下樓食飯，因為有雙人套餐就想來試試。🌟燒腩+貴妃雞 ｜豬扒四季豆 168燒腩好正，喜歡脆脆那部分，配芥末沾醬貴妃雞一般，做得爽滑，但肉少骨頭大，配蔥豬扒四季豆，豬扒滿分，四季豆比較小、細，加上了一點避風塘碎碎，很下飯送了兩碗大米飯和例湯，例湯先上的，蘿蔔排骨，讚🌟玄米茶 3挺大一杯，解膩服務態度很好，店員幹活麻利，環境也不錯，味道是家常味道，雖然比一般茶餐廳要貴，但是晚上懶得做飯下樓吃一餐蠻好的

之前食過呢間d鵝幾好味，見屋企人生日，一於外賣半隻鵝加餸啦！見師傅切嘅時候拎起聞一聞，已經打個突，見師傅又照交貨，都係唔好多疑啦～返到屋企，一打開個盒臭嘅食評就無喇，食都無食就丟咗，街坊生意，咁唔老實，無下次喇

跟家人找一間茶餐廳吃個下午茶，看到六十年華，很多選擇，價錢實惠，就進去了。茶餐廳卡位，坐得舒適！我叫了一個下午茶套餐，迷你白切雞飯、炸蝦、奶油多士，連飲品都只是大概$50！🍗白切雞飯🍚很香，雞也不少，醬汁撈飯很夠味，薑蓉也不會很鹹。份量和比例剛好，整個飯都被我吃光！🤣🍤炸蝦蝦肉雖然比炸粉較細小，但味道還可以，也很香脆。🧈奶油多士🍞也很香。🍹檸檬茶🍋就不過不失，但也算很大一杯！服務也不過不失

每次巴士落車，都會見到這間非常吸引人目光的茶餐廳，想不到吃什麼，便進去吃一餐家常小菜。我們選擇了一個寬敞的座位，拿起菜單，開始挑選美食。小菜加$10餸可轉套餐，有例湯及白飯。例湯材料十足，十分鮮味。五柳黃花魚黃花魚很大條，肉質厚身有彈性，表皮煎成金黃香脆非常美味，配搭酸酸甜甜的醬汁能令整條煎魚更上一層樓。六十年華小炒皇色彩鮮豔，滿滿的韮菜，蝦乾，腰果，菜脯，每一口都散發著濃濃的咸香味，韮菜保持了脆嫩的口感，而且夠鑊氣，配白飯，十分惹味。柚子蜜汁雞翼雞翼外脆內軟，非常入味，吃起來香嫩多汁，柚子和蜜糖的甜味完美融合，甜甜的，又帶有的柚香味，非常開胃。金銀蛋蒜子肉鬆浸菜芯粒粒鹹蛋和皮蛋，還有肉碎粒，湯頭鹹鹹的，十分鮮甜，主角菜芯保持翠綠色，很嫩口。黑牛今次改了要雲尼拿雪糕，冰凍的可樂味加上人見人愛的雪糕球，先嚐到冰爽的可樂味外層，然後細味綿綿香滑的雪糕，與可樂味外層一起慢慢在口中溶化，每一啖都有衝擊。