Opening Hours
Today
12:00 - 21:00
Mon - Fri
12:00 - 21:00
Sat - Sun
07:30 - 22:00
Public Holiday
07:30 - 22:00
*星期一至五(平日):半自助餐
12:00 - 14:30;
18:00 - 21:00
星期六、日及公眾假期:全自助餐
12:00 - 14:30;
18:00 - 21:00
Above information is for reference only. Please check details with the restaurant.
About Reward Scheme
Offers
在屯門工業區的Hotel Cozi,其實就在西鐵屯門站旁邊,二樓餐廳The Platter以火車為設計靈感,全日供應半自助餐,口碑不錯,還有露台花園靚景拍照,很適合朋友和家庭聚會。南歐風味的半自助晚餐的主菜,各種肉類、意粉和飯都有,餐湯餐飲甜品都在自助區任取。先點主菜,然後去自助區取食物和飲品吧!這個南歐風味半自助晚餐,賣點有巴馬火腿,現場有廚師即席切片,看到都垂涎欲滴了。巴馬火腿剛好室溫,口感柔軟香甜,細嚼下海鹽鹹香慢慢滲出,配襯哈密瓜、麵包或芝士都很好吃。這裏自助區有芝士供應,最愛吃藍芝士的鹹香,配巴馬火腿吃令香氣在口腔停留更長時間,很享受哦!餐湯有中式青紅蘿蔔豬骨湯,香甜湯清不油膩,很好喝;西湯有蕃茄忌廉湯,蕃茄味道稍淡,忌廉香較突出。主菜有我最喜歡的烤草飼羊架,擺碟漂亮,份量也多,五成熟保留肉汁,入口嫩滑,灑上香草烤過,配埋迷迭香濃汁,又甜又清新,不會有騷味。海鹽烤美國安格斯肉眼,家人要吃全熟的牛扒,新鮮的肉,就是用最簡單的海鹽調味最好,口感仍然爽口,黑松露汁濃香也不會掩蓋牛肉味。雖然主菜也很夠飽,但這裏的冷盤海鮮也要留胃口試一試。凍蝦最新鮮,每隻都爽口鮮甜,即使吃飽了仍然吃得下。蜆肉估不到非常好吃,最簡單的白灼仍能保留海水味,超鮮甜。沙律味道也不錯啊!韓式蘿蔔泡菜,酸辣味道很開胃;沙律螺絲粉,白汁夠香;藜麥是super food,味道淡淡的,吃幾口幫助清腸胃。最後還要吃甜品。這裏的一口蛋糕都是mousse cake,熱食甜品有窩夫,和中式冰糖紅棗雪梨糖水。吃甜品有第二個胃,超喜歡窩夫,外面烤得脆脆的,裏面軟綿綿口感,很治癒!加楓糖漿又得,取雪糕加在窩夫上吃又得,必吃甜品之一。吃完大滿足,還可到外面花園拍照,有月亮和繁星燈飾佈置,見到人家一家大小拍照也玩得很高興,我們也來照一個吧!感覺這次半自助餐吃得舒適,食物選擇適中,不會過量,下次有其他主題的半自助餐,一定再來!
continue reading
位於屯門西鐵站附近,行過去幾分鐘就到既『The Platter』,係一間親子自助餐廳,小朋友生日就帶佢黎試下,一黎到就比火車造型座位吸引住,每位只需$258起,生日重有特別折扣,真係好抵,先叫主菜,之後就可以出去黎野食啦,有冷盤, 沙律菜,小朋友最愛既朱古力噴泉,好岩一家大細黎慶祝生日
continue reading
呢間洒店以火車為主題,餐廳內有豪華火車包箱坐位,今次朋友預早來到有幸坐到呢d位,好開心呀!呢度 Weekday Night 是半自助餐,先點 Main Course , 然後出去自助區任拎野食。✨️扒波士頓龍蝦 配香檳忌廉汁及芝士龍蝦肉質Q彈,忌廉汁很滋味,邪惡芝士十分惹味。✨️海鹽烤美國安格斯肉眼配黑松露汁肉眼扒煮到啱啱熟,少少焦邊,超級香口,點埋濃郁黑松露汁,真是出色!而今期半自助餐主題係「南歐風味火腿」,呢d火腿肉薰味香,一出好快比人拎哂,好彩厨師會不斷 Refill。海鮮有四款,包括有蝦、螺、青口 和 蜆,樣樣都好新鮮、Q彈。甜品有雪糕、芝士蛋糕、慕斯蛋糕 和我好鐘意嘅桂花糕,因微甜和陣陣花香味.飲品方面,有茶啡、果汁任飲,都算幾多選擇。
continue reading
今次要試吓佢哋嘅半自助晚餐🍽😎估唔到質素都真係唔錯!Semi Buffet嘅好處就係會有個main course,唔使我哋出去自助區同人搶食,食飽飽再出去自助餐區域食唔同嘅甜品或者前菜😋真係包羅萬有,閒日仲有折!🍽️ 波士頓龍蝦配香檳忌廉汁及芝士自助餐好多肉食,所以想試吓海鮮今次叫做呢個波士頓龍蝦,好有驚喜,開邊龍蝦見到滿滿嘅蟹籽,配埋creamy嘅忌廉汁味道一流,芝士薯蓉同埋脆炸薯仔夠特別🤤將成個主菜味道升級晒!🍽️ 海鹽烤安格斯肉眼配黑松露汁安格斯肉眼叫咗三成,靚牛三成就可以食到佢嘅牛味,簡單用海鹽燒一燒,外脆內軟,牛味濃🥩又有黑松露汁調出牛味,值得一試!其實兩份主菜都大大份,食完都有啲飽肚,但係自助餐區仲有大量野食😋Pasta🍝同雞🐥揀~魚生冷麵等前菜、冷凍海鮮、蝦、野飲同甜品等都可以任拎任食😝最特別係有即切火腿同埋哈密瓜,好多選擇🥳最正係甜品時間,有海鹽同埋豆腐雪糕,仲有好多味道🍨同埋不同類型嘅甜品,為食嘅我當然咩都食少少啦!呢間親子度假酒店以火車站🚂為主題~我哋就係喺一個火車造型嘅餐枱入面食自助餐,酒店有吾少打卡位同親子玩樂室俾大人小朋友玩,啱曬親子時間!
continue reading
呢日過去屯門玩,特登book咗屯門Hotel Cozi食自助午餐,半年前食過自助晚餐覺得唔錯,今次已經係二訪。Cozi係一間非常親子嘅酒店自助餐,無論入邊嘅火車造型座位,定係自助區位置嘅火車,都非常吸引小朋友,室外仲有好靚嘅COZi Starry 星悦打卡,好大粒星星打卡超靚。一出餐廳就係酒店大堂,都好大,好多唔同嘅主題公仔小朋友捉住周圍影相。而家做緊海之誘惑海鮮自助午餐,所以海鮮份量同種類都比較多,冷盤熱盤份量都充足平均。雪糕選擇非常之多,仲有小朋友最愛嘅朱古力噴泉,大家見到都心心眼😍
continue reading