The Platter (悦品度假酒店‧屯門)

搭屯馬線去屯門遊玩，最嘆就係食自助午餐，再去Vcity shopping，西鐵站行2分鐘就去到 Hotel COZi‧Resort 悦品度假酒店。悅品酒店門口以火車頭為主題，連餐廳內都以車箱做裝飾，真係多打卡位。嘆完自助午餐，同小朋友到酒店5樓Play Room 遊樂區玩，駕駛遙控動電車同玩煮飯仔。最愛係食海鮮，今次自助餐主題以海鮮做主題，有麵包蟹、翡翠螺、紅蝦、藍青口、魚生。熟食有日式天婦羅、串燒、大蝦等等。飲品：罐裝汽水、檸茶、咖啡。甜品有朱古力噴泉，迷你窩夫、蛋糕、Häagen-Dazs雪糕，真係大滿足。…Read More

第一次晏晝食酒店自助餐，仲要係嚟屯門食早兩日約咗屋企人慶祝生日，我哋去咗屯門呢間酒店食自助餐，佢哋嘅午市自助餐價錢唔算貴，食物選擇都好豐富，環境火車為主題，坐得好舒服同埋唔會好多人，食嘢好似都幾輕鬆佢哋有壽司熟食，有湯同埋有甜品，午市自助餐黎講算抵食最鍾意食佢哋嘅牛柳，同埋刺身，刺身好新鮮，牛柳都好有肉味另外佢哋仲有黑Drone Dazs雪糕可以無限任食，淨係食呢個都絕對值得回本食完之後仲可以同小朋友上去上面兒童樂園玩，地方都幾大呀，下次會再嚟…Read More

屯門悅品酒店逢星期一至四晚有半自助晚餐。唔想食自助餐咁飽，半自助晚餐就係一個好嘅選擇，悅品酒店 The Platter推出幾款主食套餐，豐富的冷盤、沙律吧、甜品、小食和雪糕等😁😁😁焗原隻新鮮波士頓龍蝦米多大大隻龍蝦!!咬落啖啖肉好多膏，上面加咗芝士、菇菌焗得金黃香脆。龍蝦鉗本身職員已經幫手整碎左啲殼，龍蝦肉彈牙鮮甜烤美國安格斯牛肉眼扒配黑松露燒汁 扒好大塊😊肉眼扒肥瘦均勻，肉質嫩滑，選了5成熟，切開肉嫩，唔錯唔錯，建議配出面嘅蘑菇湯，好夾好好食！自助吧好豐富有冷盤，入面有青口、螺、蜆等等。沙律🥗超多選擇，有羽衣甘藍沙律超健康，意粉沙律係我嘅最愛，入邊有鮮蝦蕃茄，入邊嘅通粉蘸上了少許沙律醬，勁好食！餐包好鬆軟，過一過焗爐更香脆，餐湯好好飲，特別係蘑菇湯，天婦羅好豐富有蟹棒、茄子、南瓜等等，非常好食！自製窩夫真係超好食，本身諗住純粹湊熱鬧整一個玩吓，點知任何調味糖漿都唔需要，直接食已經超級鬆軟，而且香濃雞蛋味！好食推薦推薦😘另外仲有多種甜品水果同雪糕任飲任食😊…Read More

鍾意食海鮮，去屯門悅品酒店有海王盛宴自助晚餐，餐廳有個露天花園，順便打卡留念。食自助餐前，我地去咗5樓嘅兒童遊樂區，比小朋友去放電，玩電動汽車。自助晚餐有多款食物，精選主題喺龍蝦、海蝦帶子意粉、黃金炒蝦、海魚、蒜蓉焗生蠔，海鮮肉質滑嫩，好多蝦膏。羊架、西冷牛扒，燒烤剛好，即場切片，味道濃郁又鮮味。海鮮冷盤，鱈場蟹腳、麵包蟹、青口、白蝦、翡翠螺；日式刺身。雪糕有Häagen Dazs雪糕、雪條、沙律、啫喱、甜品等等。…Read More

[ The Platter ]屯門呢間酒店提供週末自助午餐，仲可以帶埋小朋友嚟體驗兒童遊戲場，可以放鬆吓👧🏻🧒🏻。✿ 品味獅城 周未自助午餐 成人$348 小童$238供應時間：星期六、日及公眾假期12nn-2:30pm自助供應✿ 沙律吧🥗✿ 期間限定 帆立貝海鮮叻沙🦐✿ 雜錦沙嗲（豬牛雞）、星洲胡椒蝦、燒紐西蘭肉眼、燒羊鞍、海南雞、巴東牛肉、馬拉盞炒芥蘭、煮花螺、肉骨茶。自助餐以新加坡菜式為主題，味道夠晒濃郁，推介必食帆立貝海鮮叻沙，大大碗好滿足。甜品 ✿ 雪耳紅棗糖水、雲石芝士餅、椰汁大菜糕、紅桑子慕絲餅、脆皮泡芙、雜果啫喱、椰汁西米布甸、桂花糕、Häagen-Dazs雪糕。甜品種類選擇多，連雪糕都有多款任食，性價比高🍦🍦。飲品✿ 檸檬茶、橙汁總結🫦除咗自助午餐，屯門店設有兒童遊戲場及餐廳外的Cozi Starry星悅供小朋友玩樂，帶埋小朋友嚟用餐啱哂‼️前往悅品度假酒店．屯門酒店，距離港鐵屯門3分鐘步程，一求大細或三五知己飲飽食醉後可以到鄰近大型商湯編續享受到購物的樂趣，當然記得到達屯門站或 V-City 時候回望一下酒店，就會發現酒店平台，有隻6米高巨型小企鵝，記得到時打卡做個留念啦。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿The Platter地址：屯門建豐街4號悦品度假酒店‧屯門2樓電話：3899 9222✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…Read More

📍屯門品悅渡假酒店 Lunch Buffet｜親子打卡＋美食放電一站式推介✨今期主題：品味獅城，感受星加坡熱情風味！週末帶小朋友去屯門品悅渡假酒店嘆Lunch Buffet，真係意外驚喜！酒店近屯門西鐵站，交通超方便，一落車就見到門口隻巨型企鵝公仔，小朋友即刻衝前抱住影相，笑到停唔到～成功氹佢開心！🍽️自助餐亮點食物選擇超豐富，環球美食＋星洲特色菜式齊齊登場，海鮮控、肉食獸、甜品迷都會滿足！🦐 海鮮區：- 冰鎮蝦爽口彈牙- 青口、翡翠螺鮮味十足- 星洲胡椒蝦香辣惹味，超有南洋風情- 配上檸檬汁或雞尾酒醬，開胃一流！🍣 刺身壽司：- 三文魚、吞拿魚刺身厚切足料- 壽司拼盤色彩繽紛，打卡一流🥩 熱食精選：- 香草烤羊架外脆內嫩，肉香濃郁- 避風塘炒東風螺香口惹味- 星洲肉骨茶滷香入味，暖胃又滋補- 海南雞滑嫩多汁，配油飯一絕- 星洲咖喱三文魚香濃微辣，超開胃- 帆立貝海鮮叻沙湯底濃郁，海鮮足料- 雜錦串燒香氣十足，小朋友最愛自製窩夫🧇，玩味十足！🍰 甜品天堂：- 杯子蛋糕造型可愛，味道唔會太甜- 芒果布甸、朱古力慕絲入口即化- 雪糕櫃任揀，最愛士多啤梨味！☕ 飲品方面：果汁、汽水、咖啡、茶任飲，仲有韓式特飲，清新解膩！📸打卡位滿分- 酒店設計走度假風，光線自然，影相超出片- 餐廳外有特色牆、綠意花園，影到唔願走！🚗兒童遊樂室加分食完仲有兒童專區，職業體驗區可以扮演唔同角色，瑤豬著住警察制服揸住電動車，扮晒巡邏～玩到唔捨得走！✨品悅渡假酒店Lunch Buffet唔止食得開心，仲有打卡位＋兒童遊樂室，啱晒一家大細週末放電！親子活動＋美食享受一次過搞掂，誠意推介比有小朋友的家庭…Read More

今天一行五人到這裏食自助晚餐慶祝家人的生日，由於早前看了YouTube的介紹及OpenRice食評，因此選擇這裏方便住屯門的老人家，食物種類少之如，味道也比想像中差，食物看上去就像到會的食物，飲品款式只有五款，橙汁、檸檬茶淡而無味。主題是龍蝦，但龍蝦一點味道也沒有，而且肉質10分嚡，熱葷食物根本沒有想食的，其他也是食了一轉就不想再食，以這個價錢個人覺得十分不值。…Read More

適逢周末午餐要對自己好一點來到朋友介紹的hotel cozi品味獅城自助餐看著海報已有多款星州美食可享用餐廳外有小企鵝打卡位非常可愛外面更有兒童遊樂場可以任玩任影萬大事開頭先吃式刺身冷盤有三文魚吞拿魚鯛魚赤貝凍蟹等溫度控制非常好刺身也相當新鮮美味餐湯有蘑菇湯和胡椒豬肚湯配餐包一流肉類方面有即切牛西冷和燒羊架燒牛肉是最理想的五成熟肉質細嫩串燒有燒雞燒牛肉燒蔬菜特配上有特色果香的沙爹醬很美味其他美食有巴東牛肉骨茶胡椒蝦海南雞等味道出色讓我一秒回到新加坡的烏節路即叫即煮叻沙足料有滿滿的海鮮甜品款式多樣化更有哈根大師雪糕放題未能親身到新加坡又想念星州美食可以來嘗鮮…Read More

最近我哋去咗屯門的 Hotel COZi 食 The Platter 海王盛宴自助晚餐,真係好正！呢度特別適合帶小朋友嚟👶✨。餐廳氣氛友好,仲有兒童遊戲場,孩子們可以玩得開心🎈,家長就可以悠閒享用美食,真係好正！海王盛宴食物推薦：- 冰鎮海鮮 🦀：蟹腳&白蝦，超新鮮！- 雜錦刺身 🍣：三文魚&赤貝都好好食。- 黃金大蝦 🍤：外脆內嫩,停唔到口！仲有好多熱菜&拼盤,波士頓龍蝦 🦞,味道好濃郁！甜品方面,朱古力噴泉 🍫&各式蛋糕 🍰 都係小朋友超開心,仲有 Häagen Dazs 雪糕 🍦,讓人心情更好。呢度自助晚餐美味又適合家庭聚餐 👨‍👩‍👧‍👦,孩子們都能玩得開心。🎉…Read More

我小朋友好鍾意呢度既火車頭🚂座位！對於火車迷來講真係超興奮。今次慶祝姐姐生日又來啦！幸運地坐到火車位晚餐主題係「海王盛宴自助晚餐」。來呢度一定要食芝士龍蝦.冰鎮海鮮區有鱈場蟹腳、麵包蟹、白蝦、藍青口、翡翠螺。三文魚質素都不錯。自製窩夫岩小朋友食，雪糕有多款口味Häagen-Dazs、Movenpick，小朋友最愛。甜品推薦紅豆果子同藍莓芝士蛋糕。戶外區仲有cozi starry 可以打卡影相同放電！🥢The Platter (悦品度假酒店‧屯門)🌏屯門建豐街4號悦品度假酒店‧屯門2樓…Read More

難得小朋友開左學接近一個月👩🏻‍🏫，為左鼓勵佢哋💪🏻，今次帶左佢哋去屯門站隔離間酒店食buffet，佢哋未出發先興奮🤩🤩🤩今次新主題係品味獅城，用心打造新加坡熱情風味，必食推介：🐮巴東牛肉：牛肉炆得軟腍入味，辣辣地又香！🍛🍢雜錦沙嗲：雞肉、牛肉、羊肉串串香，炭燒味濃，仲有花生醬汁點綴！🥜🦐星洲胡椒蝦：蝦肉爽彈，胡椒味好惹味！🌶️🐔海南雞：雞肉嫩滑，配上香濃嘅辣椒醬同薑蓉，簡直係經典！🐟星洲咖喱三文魚頭：咖喱濃郁，魚頭新鮮，啖啖肉！🍜帆立貝海鮮叻沙：湯底香濃得黎唔會太膩，帆立貝肥美！🦀🦐🐚凍海鮮+什錦刺身：新鮮嘅麵包蟹超多膏，蝦同三文魚等刺身，都好新鮮🍰🍨🥞甜品：椰汁西米布甸同斑蘭蛋糕好有南洋風情；仲有必食Häagen-Dazs雪糕同自製窩夫，小朋友超滿足！🚗⚡️小朋友放電天堂，玩到唔捨得走！食飽飽之後，點少得帶小朋友去出去打卡同樓上有兒童樂園放電！💼小朋友可以扮消防員👨‍🚒、護士、同醫生👩‍⚕️等，着上制服發掘佢哋嘅興趣，寓玩於學！🎭🕹️互動遊樂場：有滑梯、攀爬城堡、搖搖板，仲有玩具廚房🍴同各款玩具，小朋友玩到唔想走！⚽️🏎️迷你電動賽車場：小朋友化身小賽車手，揀心水電動車，喺賽道上飛馳，刺激到尖叫！大人可以坐低，望住小朋友玩到癲，絕對係一家大細嘅天堂！🥰 情侶朋友嚟都一樣開心，影下靚相打下卡！📸👍…Read More

今晚同屋企人去咗屯門嘅悦品酒店（Hotel COZi）食佢哋嘅「海王盛宴自助晚餐」，慶祝佢地生日。「The Platter」係以火車做主題，感覺幾有趣，有啲似喺火車車廂入面食飯，有現代感同時又有趣味，小朋友都好鐘意呢個小企鵝同火車卡嘅主題裝飾，話好得意。至於食物，真係無得輸，海鮮夠新鮮，又多種類！有冰鎮海鮮區，包括鱈場蟹腳、麵包蟹、白蝦、藍青口、翡翠螺等。刺身拼盤亦有唔少款式，包括三文魚、鯛魚、阿根廷赤蝦、魷魚、北寄貝、赤貝、吞拿魚，質素高，口感好滑嫩同鮮味，好符合海鮮主題。主菜方面推介有幾款必食嘅招牌菜，例如蒜蓉陳皮蒸龍躉頭腩，龍躉魚肉鮮甜而且韌度適中；仲有避風塘炒蜆，花酒煮螺，香辣惹味；蝦肉肥美嘅黃金大蝦，黑胡椒肉蟹味道濃郁兼帶少少辛香，非常開胃。仲有即煮忌廉牛油白酒煮波士頓龍蝦，味道超級香滑。另外，爐端燒區亦非常吸引，有鮑魚、扇貝、蝦、七味雞翼等多款燒物，即叫即燒，熱騰騰上枱，味道一流。熱食區有燒原條穀飼肉眼扒、燒羊鞍，肉質嫩滑，火候掌握得好好。又有天婦羅炸物，炸蝦，炸番薯等等，邪惡又滋味。甜品方面亦唔馬虎，有朱古力噴泉、多款西餅蛋糕、新鮮生果，仲有知名品牌雪糕如Häagen Dazs同Mövenpick，啱晒甜品胃。天婦羅炸得脆卜卜，鬆化唔油膩，窩夫配料豐富，令整餐飯完美。服務方面態度友善，員工隨時留意客人需要，即使自助餐咁多款菜式，補貨速度都算快，保持食物新鮮同充足。食完仲可以比小朋友同屋企人去戶外位置影相同上去室內遊樂室玩，真係大人小朋友都好岩嘅地方！…Read More

襯妹妹生日,近近地一家人去左屯門食自助午餐🍽️食2個半鐘都足夠💕呢度最大特色係,餐廳入面有火車卡座座位,小朋友見到都好想坐🚂而且成間酒店入面都佈滿住咗企鵝,真係好得意😍🍣刺身有章魚、吞拿魚、鯛魚、赤貝、三文魚等等刺身.....而刺身側邊仲會有蕎麥麵、中華沙律同螺肉.🧊海鮮冷凍類有:有凍蝦🦐青口、螺、凍蟹🦀熱食:有蒜蓉蒸扇貝、辣酒煮花螺....花螺真係辣到入晒味👍🏻我都忍唔住再拎多次食😋黎到呢度真係要試下佢地既肉眼扒,即叫即切✨配上黑淑汁,已經好夠味,而且牛肉味濃郁😋呢度仲有不定時提供既熱盤✨甜品類:小朋友黎度呢度真係雙眼發光✨大大個朱古力噴泉已經吸引左佢地既目光😂仲可以自製窩夫😍選擇自己鐘意既配料💕當然唔小得有Häagen-Dazs、Movenpick雪榚🍨啫喱、企鵝款大菜糕、木糠布甸等等甜品.....餐廳出面仲有個小平台,可以比小朋友出面放下電,夜晚開埋燈影相仲靚添😍食完野仲帶埋小朋友去兒童遊戲場玩,呢度仲有電動車坐🏎小朋友都玩到唔願出返黎😂…Read More

每次去屯門其中一個好想去緊地方就係Hotel COZi食自助餐🙆🏻‍♀️ 呢度嘅自助餐雖然唔係話超多食物選擇, 但絕對夠食同啱食👍🏻 晚餐仲要有龍蝦🦞 麵包蟹/ 鱈場蟹腳等等, 啱晒海鮮控❣️呢度嘅甜品超多選擇, 重點係有好多唔同嘅雪糕比你揀, 私心推介香港本地雪糕品牌😍鍾意去Hotel COZi嘅另一個原因係… 因為呢度有兒童遊戲場同埋可以去Cozi Starry星悅行下打下卡📸 次次都玩到唔想走😆 係屯門Hotel COZi玩足一日冇難度, 勝價比高之選, 下次約埋朋友仔一齊去兒童遊戲場一齊玩先🚗🛝…Read More

屯門悅品酒店星期一至四晚提供嘅半自助晚餐包自助海鮮沙律吧同特色主菜$258起，難怪廣受街坊歡迎。性價比高，加上適逢暑假尾聲，都見到好多大枱家庭客。餐廳仲有戶外空間可以俾小朋友放電，有霓虹燈打卡裝置幾靚。焗原隻新鮮波士頓龍蝦米多 $408大大隻龍蝦啖啖肉仲好多膏，少少芝士焗得金黃香脆，龍蝦肉彈牙鮮甜烤美國安格斯牛肉眼扒配黑松露燒汁 $318肉眼扒肥瘦均勻，肉質嫩滑，兩款主菜都冇包主食，令客人可以更多空間享用自助美食自助吧餐包好鬆軟，過一過焗爐更香脆；餐湯有蘑菇湯同豬骨湯，兩款都真材實料；cold cut 都非常唔錯，juicy又唔會太重味；即炸天婦羅好多種類！當然唔少得自製窩夫，跟足步驟DIY冇難度，外脆內軟，加埋任食嘅杯裝雪糕連第二個胃都餵飽埋，大推港式奶茶味雪糕！紅棗桂圓雪耳糖水都好滋潤…Read More