賞島咖啡屋

Open Now

Now Closed

#賞島咖啡屋 位於太子，由地鐵站過去都要少少時間，位置唔算好明顯，但勝在旺中帶靜💡餐廳食物方面以西式為主，都有唔同選擇!店員推薦點左二人套餐。二人套餐☕雞胸沙律沙律組合都好有誠意，擺盤好用心!份量亦絕不欺場。雞胸以慢煮方法處理，肉質鮮嫩，加埋健康系青醬調味，仲有好多火箭菜、蕃茄、車厘茄、好fresh 係一個好好既開胃菜！。足夠兩個人share。☕龍蝦湯x2飲得出好足料，湯味濃郁，龍蝦味十分突出，每啖都有點龍蝦肉。☕西京燒比目魚擺盤精緻，燒得剛好，輕易把肉分開，除左肉質雪白，口感嫩滑，入口即化。西京燒醬汁甜味突出，鹹甜平衡。配菜有烤菇、薯容，甚有日式風情。☕蒜油花椒蜆肉意粉呢碟意粉嘅擺盤有驚喜！意粉嘅軟硬啱啱好， 意粉彈牙爽口，口感很好。蜆肉超級多，全部都新鮮肥美。掛汁蒜味夠出微辣，成個意粉食得晒之餘又唔會好膩，個擺盤吸睛之餘又好食。☕Cheese Cake用草莓醬點綴，芝士味濃仲有餅底，整體無咁heavy 口感好豐富。☕Yuzu soda&☕Passion fruit soda除左環境靚外，食物既CP值高，每碟都足料，係值得回頭既小店~!!

⭐️二人套餐 $488/2pp-是日精選餐湯-味噌烤牛舌和風沙律（+$38)-咖啡燒汁烤豬仔髀 -海膽味噌蟹肉意大利麵 （+$38)-Daily Dewssert-Tiramisu✨是日精選餐湯係比較少見嘅蔬菜凍湯😍飲落去有少少奶香，幾Creamy仲有少少青（但我幾鍾意）炎炎夏日相當消暑～✨味噌烤牛舌和風沙律（+$38)烤牛舌肉味重，有嚼勁沙律正常發揮✨咖啡燒汁烤豬仔髀啖啖肉嘅豬仔髀外層蘸上濃濃咖啡粉會有咖啡獨有嘅苦澀味✨海膽味噌蟹肉意大利麵MVP！一向都好鍾意海膽配意粉！賣相精美，醬汁濃而不膩意粉彈牙，配蟹籽增加鹹鮮味忍唔住食完一啖又一啖～

賞島咖啡屋以食物質素和味道作為餐廳賣點，難怪餐廳如此多人入座。位於花墟附近，人流不多的花園街之上，地方不算大，座位都算足夠。餐廳裝潢滿佈了不少攞設，氣氛都不錯。餐廳食物方面，晚上有2人餐，也有散點，以小食、意粉和肉扒為主食。飲品以咖啡和酒品為主，都有花茶梳打供應，是日精選餐湯，凍豆蓉湯，豆蓉滿滿又香，好飲。慢煮雞胸柚子汁沙律，雞胸肉嫩滑，沙律菜拌上柚子醋挺開胃。明太子櫻花蝦意粉，將所有食材拌勻後把櫻花蝦和明太子鮮味融入意粉之中，所以每一口意粉滿滿鮮味，意粉口感滑溜，讓人吃得滿足。美國安格斯牛板鍵配自家製薯蓉，咖啡菇，沙律菜，HKD68加配，牛板鍵切成薄片，又有點牛肉味，Medium Rare 牛板鍵煮得剛剛好，吃出嫩嫩肉質。咖啡姑姑味不錯，還有薯蓉和黑醋沙律，十分豐富。Apple Crumble，看以厚實金寶蘋果蛋糕，面層脆脆口感很鬆化，沒想到蛋糕口感軟綿中吃到葡萄乾和蘋果肉，又帶點杏仁香，完全和平常吃到Apple Crumble與別不同。Espresso，口感香滑之外，咖啡味香濃，滿足。Passion Fruit Soda，陣陣香味又清甜，好飲。

人氣文青cafe🌾 餐廳主打cafe多國菜 近酒吧街 環境日系文青 野食擺盤精緻 約會一流～ ====$488 for two最多人嗌嘅二人餐～ 唔洗煩🤣==᪥ 是日精選餐湯 今日係菠菜青豆凍湯 幾特別😶‍🌫️᪥ 慢煮雞胸柚子汁沙律擺盤精緻～ 雞胸更擺成花花🌹 沙律新鮮 調咪開胃美味 份量都唔錯😋᪥ 明太子櫻花蝦意粉又係擺得靚靚的🥰 旁邊係大量明太子醬及櫻花蝦 更有紫菜碎及蟹籽 撈埋之後口感豐富 意粉creamy煙韌～ 唔錯᪥ 慢煮西班牙豬鞍 +$68豬鞍微微粉紅色 肉質細膩具口感 配上泰式醬汁酸酸地幾好食🤤 ᪥ Banana Cheese Cake᪥ Honey Yuzu with lemon᪥ Yuzu Soda

跟好同事食farewell飯佢揀咗呢間起太子嘅咖啡屋如果無卜枱真係無位食同事揀咗招牌海膽味噌蟹肉意大利麵見到賣相好靚亦都幾多蟹肉汁creamy 同事話好味呀小編自己就點了咖啡燒汁烤豬仔髀一嚟已經見到有咖啡粉拌住啖啖咖啡香嘅豬仔髀三件厚肉地嘅豬仔髀烤得到位咬落去好Juicy得嚟啲肉剛剛粉嫩嘅熟一啲都唔嚡伴碟嘅薯蓉唔係打到爛晒嗰種有啲細細粒mix埋令口感較豐富仲有烤菇都好Juicy 配上沙律菜成功未唔會太過濃烈同埋鹹配有咖啡香味嘅豬仔髀一齊食件事一啲都唔膩果然唔錯另外點咗個Espresso cucumber tonic 呢個好清新好飲真係幾好飲下次會再叫正！ #tpicafebar #hk #hkfoodies #princeedward #yummy #cafe #espressocucumbertonic #ribs #chuzzztastyjourney #gracechuma #香港 #香港美食 #eateateat #fattygirl #iloveeating #太子 #賞島咖啡屋 #farewell #lunchtime #thebestisyettocome #friend

距離太子站數分鐘的路程，交通方便。餐廳行文青風格，裝修簡約，坐位舒服。今次選了2人餐。蕃茄湯蕃茄味香，每啖清甜，仲有蕃茄蓉，提升口感！味噌烤牛舌和風沙律牛舌切薄片，入味又夠腍。沙律菜新鮮，配上醬汁，開胃非常。西京燒比目魚比目魚好大塊，外皮爽脆，魚肉嫩滑，肉香多汁。配菜仲有烤大啡菇、沙律菜和薯蓉，十分豐富。蒜油花椒蜆肉意大利面豐富的蜆肉伴碟，蜆肉大只，只只新鮮。意大利面口感彈牙，仲帶著香濃的蒜香及花椒味。Banana cheese cake香蕉味重，芝士味濃，層次分明，仲帶點香蕉肉，甜而不膩。Passion fruit soda梳打水冰凍，熱情果味濃，是清新之選。Butterfly pea lemonade soda吸引的紫色蝶豆花特飲，配上檸檬片，賣相一流。餐廳好有氣紛，服務員態度有禮。唯地方唔算好大，或需要多點時間等待入座。

✨咖啡燒汁烤豬仔髀✨購自: 賞島咖啡屋(太子花園街233-235號偉雄大廈地下A號舖)價錢:$138推薦度:7.5/10-豬仔髀口感嫩滑 食落Juicy✅ 幾厚身 所以食落啖啖肉 沾埋咖啡粉 入口帶點苦味 後帶燒汁微微嘅甜味 鍾意飲咖啡嘅我 就覺得幾特別🔆 配菜仲有焗薯蓉 大啡菇同埋沙律🥗 份量好充足😛-💚✨香橙煙三文魚沙律🥗✨價錢:$88推薦度:7.5/10-大大片煙三文魚油脂豐富 橙粒香甜唔酸 沙律菜新鮮爽口✅淋埋柚子黑醋汁 酸酸甜甜幾開胃🧡🧡✨Cajun薯條☕️✨價錢:$68推薦度:7.5/10-薯條炸得香脆唔油 灑上Cajun粉 食落係幾香辣 旁邊仲跟咗蕃茄醬🥫食到2種唔同嘅味道👅 我同朋友都幾鍾意✅ 而且份量好充足 就算攤凍咗都仲係脆卜卜😚🤎✨Apple crumble✨價錢:$52推薦度:7.5/10-蛋糕上面係果仁同蘋果金寶 食落酥脆 有淡淡嘅肉桂香🤎中間蛋糕口感鬆軟 我鍾意佢烤到焦脆嘅餅底 整體都唔錯👍🏻整體偏甜💛✨Banana cheese cake✨價錢:$52推薦度:7/10-香蕉芝士蛋糕上面有一層薄薄嘅焦糖脆皮 食落脆卜卜 但偏甜😋 蛋糕中間係芝士同埋香蕉粒 食落

昨晚同fd 去買水晶，買完水晶就去附近食飯吹水呢間小店細細間，但坐位尚算舒服由於我哋比訂左時間早左成個幾鐘，所以都係膽粗粗問下可唔可以俾我哋早啲食。6點幾到，冇咩人,就俾我哋坐低食。話就話有限時，不過人唔係好多，基本上冇趕我地走。我地叫左個488/2人餐，咁有啲dish 係要另外加錢，例如海鮮湯，海膽龍蝦意粉等。我地仲另外叫左個黑松露薯條🍟（佢一炸起熱辣辣上台好好食😋脆！香口，黑松露配個酸忌廉，正！）個海膽意粉係非常一般，個海膽唔新鮮，苦！而且得一舊仔，好孤寒囉，個豬鞍就非常出色，好嫩口，好食特別推介係個rose latte,玫瑰味出，唔太甜🤭🤭

青醬帶子螺絲粉 $138好！出！色！非常美味😋帶子煎到外面白、內裏半透明，口感極佳！青醬嘅比列恰到好處～下次去會再encore✨咖啡燒汁烤豬仔髀 $128其中一樣招牌菜，見個名咁得意就試下啦，點知…就唔係好啱我口味啦。豬仔髀算juicy嘅，不過外面黐住一層咖啡粉/渣？食落苦苦地，變相有啲似燶咗咁飲品方面，叫咗Rose Lattle ($42)同 Dirty ($42)。飲落不過不失啦，咖啡有陣酒香味，適合鍾意飲有酒味咖啡豆嘅朋友。🙂‍↕️Cafe位於太子，太子站行過去3分鐘左右就到。座位唔多，去到都算full，最好book定先。整體環境都chill嘅，食完都唔會趕客。適合2-3個朋友聚會或者自己嚟嘆杯咖啡，享受靜謐嘅時光。總結！性價比：7/10，平日有lunch set會再抵食啲。推介指數：🐾🐾🐾🐾（最多5個🐾）

本身想情人節去食，但冇book位就食唔到，最近終於去補留數，見到大部分人都係叫二人餐就當然係跟喇😂😂😂（10分為滿分：🌕）味道：🌕🌕🌕🌕🌕🌕🌕🌖🌑🌑二人套餐($488)前菜：精選餐湯慢煮雞胸柚子汁沙律餐湯同沙律都絕對唔係hea嫁，特別係個沙律，慢煮雞胸超好食，好嫩滑但又好juicy，加埋個柚子汁酸酸甜甜即好開胃🥰主菜：蒜蓉花椒蜆肉意大利麵呢個意粉係佢既推介之一，上枱擺盤好靚，蜆肉好大粒啖啖肉😋😋食落個味其實有啲似譚仔個種麻辣味，幾特別，有種crossover既感覺😂😂不過辣味都好出，食唔到辣就可能唔好叫呢個喇🙈慢煮西班牙豬鞍(+$68)雖然呢個要加錢，但都覺得係值得既，佢仲會連埋成條豬鞍既骨上枱，好似好勁咁🤣🤣豬鞍啲肉都好嫩滑，不過有啲位未係煮到最熟，仲有少少紅色🙈但加埋啲配菜就覺得好抵食同埋男仔都會夠飽肚😄甜品：Apple Crumble甜品佢亦都好出色，apple crumble好足料，食落一啖好香口，口感都好好，如果甜品係一人一舊就仲開心🙈😂飲品：Honey Yuzu With LemonFlat White飲品黎講就不過不失，本身想要柚子梳打，點知佢就無曬柚子就整唔到，梳打望落

平時去開太子酒吧街都係飲酒多，但係原來附近有一間Cafe環境都幾舒服～店裏便有好多周杰倫嘅相，而且播嘅歌都係香港同台灣為主，全部都係我鍾意嘅歌🤣今次就叫咗個二人餐嚟食！-精選餐湯（南瓜湯）🎃南瓜湯濃郁滑順，口感細膩，甜甜地不錯-慢煮雞胸柚子汁沙律🥗沙律清新可口，雞胸肉慢煮至嫩滑，搭配柚子汁的清香，增添了酸甜的層次感。-西京燒比目魚🐟比目魚有兩塊都幾大嚿！魚肉鮮味，如果魚皮烤得更焦香就更加正！欣賞佢個薯蓉，好好味，而且入邊仲有薯粒，好小有！-青醬帶子螺絲粉🍝螺絲粉彈牙，加埋青醬啱啱好！帶子有五大嚿-香脆雞翼🍗外皮金黃酥脆，肉質鮮嫩多汁，好少見雞翼咁大隻！-開心果提拉米蘇 🍰提拉米蘇幾綿密～雖然開心果味太重，但係唔會掩蓋咗本身tiramisu嘅味道-熱情果梳打/士多啤梨益力多🍓前者清新爽口，酸甜平衡得恰到好處～後者影相好靚，口感酸甜可口，讓人感覺既健康又美味

今晚去的餐廳位於太子，餐廳不算很大，但設計雅致，風格復古，選擇了二人餐，食物亦令人有驚喜。蕃茄忌廉湯 🥣蕃茄酸甜，忌廉濃郁，味道相互交融，口感豐富。雞胸沙律🥗雞胸肉嫩滑，配新鮮沙律菜、青瓜、蕃茄仔和特製醬汁，沙律清爽開胃，雞胸肉健康之選。慢煮西班牙豬鞍🐷慢煮西班牙豬鞍烹製得恰到好處。豬鞍肉質鮮嫩，口感細膩，慢煮令肉質更加入味，而且保持肉質的原汁原味。配芥末醬、烤菇、薯蓉及沙律菜，味道層次豐富，令人回味無窮。蒜油花椒蜆肉意粉🍝意粉烹煮到恰到好處，口感彈牙。蜆肉擺設得美輪美奐，鮮美多汁，配上蒜油和花椒的香氣，味道濃郁，帶微微的麻辣感。飲品🍸有多款咖啡及飲品選擇，簡單選擇了檸檬柚子茶和橙汁，口感清甜。蘋果金寶蛋糕🍰蛋糕鬆軟，上面的果仁和蘋果金寶酥脆，口感層次豐富，甜度適中。

家裏的寶寶把糧食都吃光光了，這天放工後專程到雀仔街買雀糧，再與bff開餐。賞島咖啡屋門外以淺綠色為主調，配上花卉小植物，予人小清新的感覺。這裏的二人套餐價錢合理，價錢已包餐湯、主菜、意粉、甜品及飲品，當然，部份食物可加錢upgrade。是日精選餐湯南瓜湯口感綿密，帶有一股既清新又香甜的味道。雞胸沙律雞胸份量挺多，口感嫩而不柴，配上新鮮沙律菜，酸甜開胃。咖啡燒汁烤豬仔牌豬仔脾肉質爽彈，入口除了帶點焦香，還有咖啡香，細嚼時有點回甘味，非常惹味。海膽味噌蟹肉意粉意粉賣相滿分，蟹肉份量極多，而海膽有提鮮作用，配合蟹籽及紫菜一同享用，口感層次大大提升，香甜鮮味，讚。Cream brulee兩款法式焦糖燉蛋分別是開心果味及黑芝麻味，個人私心推介法式開心果焦糖燉蛋，除了因為口感幼滑，最重要是開心果醬味道香濃，絕對不能錯過。Latte ＆ Flat white吃一口甜品，再喝一口咖啡，可以說是一生一大享受，這裏的咖啡味道非常濃醇，口感香滑順喉，推介。

今日下班，跟朋友聚會，朋友介紹了這間西餐廳，位置方便，而且環境舒適非常恬靜～啱晒跟朋友聚會和談心。看過餐牌，看到多款食物都相當出色。看到一款二人套餐，又有餐湯、沙律、主食、意粉、甜品、飲品，非常豐富，所以我們決定點選這客二人套餐。首先，介紹一下是日餐湯，蕃茄湯，非常香濃，濃郁的蕃茄香味，而且飲起來還有一些蕃茄蓉，這款湯充滿口感，而且味道很好，酸酸甜甜的相當開胃。熱柚子蜜檸檬～相當滋潤，柚子味清香，檸檬酸甜甜。凍柚子梳打，柚子材料充足，甜甜的配上梳打相當清新開胃。另外慢煮雞胸柚子沙律，賣相豐盛，啖啖肉的雞胸切成一片片，可能經過慢煮烹調，所以雞胸肉較為嫩身，肉質美味，不會太韌！相當出色的雞胸肉。沙律菜相當清新爽脆，而且又多款不同種類的沙律菜。慢煮西班牙豬鞍，豬鞍經過慢煮烹調，肉質又嫩又多汁，非常美味！配埋特別的醬汁來吃，更加惹味！除此之外，我十分欣賞這個薯蓉，又香又細滑，出色！仲有一些沙律菜，清新美味。我們超級喜歡這明太子櫻花蝦意粉～賣相相當精緻美麗，看到意粉卷得相當精緻放到碟中央，然後有蟹籽和明太子灑在意粉面上，相當美麗。另外櫻花蝦和汁醬放到一邊，整個構圖相當美麗，而且香噴噴的非常吸引。

今次我哋兩個人去咗太子一間Cafe，試咗佢哋嘅 Dinner Set for 2 $488，有齊沙律 湯 主菜 甜品 飲品。整體來講，餐廳嘅環境好舒服，服務員都好有禮貌，而且食物質素真係唔錯。餐湯海鮮龍蝦湯+$28，呢個湯味道濃郁，海鮮味十足，裏面仲有一隻蜆肉同埋少少龍蝦肉。另外如果唔想加錢嘅話，是日餐湯係蕃茄湯，飲到粒粒蕃茄蓉。慢煮雞胸柚子沙律沙律用咗新鮮嘅食材，雞胸肉慢煮得好嫩滑，柚子嘅清新味道同啲沙律菜夾埋一齊食落去好清爽。咖啡燒汁烤豬仔髀呢道主菜幾特別，因為用咗咖啡粉嚟烹調。上枱嘅時候見到豬仔髀顏色偏黑以為會煮過龍，但食落豬仔髀係好嫩有肉汁，咖啡燒汁帶有淡淡嘅苦味，正好提升咗肉質嘅風味。海膽味噌蟹肉意大利粉 +$38意大利粉煮得剛好，口感彈牙，面頭仲有一大舊原片海膽，加埋Creamy料配蟹肉蟹子嘅搭配，味道豐富濃鬱，食得好滿足。Tiramisu甜品方面，Tiramisu 中間有麻薯幾特別，不過整個甜品味道偏甜。另外其實仲有四五款甜品選擇，所以都仲有一款啱自己心水。飲品我哋選咗柚子梳打同熱情果梳打，兩款飲品都清新可口。