The Oyster House

走進餐廳，由頭到尾每一款食物都係過癮的！我地嘗嘗12款蠔其中三款，先講下日本Tomo，佢那海水的香氣直沖鼻孔，新鮮得滑溜溜的；南非Rollex入口即化，鹹鮮得剛剛好；而西班牙Rock XL嘅引人入勝，在加咗少少檸檬之後，鮮味愈加突出，大大隻蠔肉，滿口香。話說回來，鮮吞拿魚配上牛油果同脆脆嘅芝士片，真係巧妙配搭，令人欲罷不能！接著，個黑松露磨菌湯既濃厚又順滑，滋味一流；而焗磨菇同火腿都做得好有層次，磨菇多汁嫩滑，火腿嘅鹹香恰到好處。再講下和牛尾意大利飯，係紅酒燴得入味嘅和牛尾，肉質腍滑，狂放滋味，真係食得出主廚嘅心思。至於香蕉拖肥批，啱啱好嘅甜度，令人一啖接一啖，底部嘅餅皮又係酥脆可口，完美收尾！如果講心得嘅話，呢度嘅食物質素同新鮮度都係一流，員工對每道菜嘅介紹又詳細，真心推介畀鍾意食蠔同搵食樂趣嘅你！👍🏼🍽🥂…Read More

夜晚食到9點想再order野，餐廳員工突然態度好差咁同我地講收晒爐，佢地要搬野去新地址，冇野食㗎啦。🤷🏻‍♀️但係由我前一日訂枱到落order，冇人通知過我地9點就cut單。因為餐廳第二日就搬去新地址，我已經提早打去confirm係咪最後一日仲正常營業，仲幾欣賞佢地做到最後一日。結果佢地完全冇諗過食客感受。🤷🏻‍♀️我地淨係嗌左前菜同海鮮拼盤，本身好期待食牛同其他主食，最後都係要轉場食其他野。野食方面冇咩特，性價比低。講真灣仔大把好野食，冇必要搵間餐廳食嚟受氣。When we were about to order more food at 9pm, the staff suddenly told us the kitchen is closed because they are moving to a new address in a rude and reckless way. We were not informed in advance that the kitchen will be closed earlier than expected. It was the restaurant's fault and it shows that they clearly don't care about the customers. We only ordered appetisers and seafood platter and would like to order the mains. Due to this incident we had to find other restaurants to continue our dinner. There was not special about the food and it was not worth the price. There are way more restaurants that are worth going in Wanchai.…Read More

這間位於灣仔的The Oyster House，周末午市有brunch供應，包了多款的前菜、主菜及甜品。另外可以加錢升級2小時紅白酒、汽酒及啤酒任飲。生蠔愛爾蘭生蠔肥美，海水味較重，鮮味十足，而且很爽口。挪威三文魚薄片三文魚配上胡椒及西柚，酸甜微辣配鮮味三文魚。海鮮刺身塔中東米略有咬口，帶點泡菜酸辣味，海鮮彈牙。西班牙八爪魚八爪魚彈牙，薯肉及黃豆煮至腍身，還有點羅勒油香。蟹餅蟹餅炸至金黃香脆，中間充滿蟹肉絲，鮮味十足。鴛鴦紅酒燴豬臉肉豬臉肉炆至肉質鬆化，還有點黑松露清香。香煎盲鰽魚柳配墨魚汁及風乾番茄魚柳煎至魚皮帶焦香，魚肉雪白嫩滑。烤牛骨髓伴和牛肉眼粒牛骨髓及和牛肉味道濃郁，牛油脂香十足，配上香脆麵包可減輕油膩感。甜品拼盤檸檬撻、白酒煮梨、香蕉拖肥甜品份量十足，檸檬撻酸甜開胃又清新；白酒煮梨保留梨的香甜清爽，酒香則較淡；香蕉拖肥味道最濃郁，而且較甜。…Read More

今日係星期六放假，當然要約好姊妹返個brunch，打吓卡影吓相依間蠔吧星期六推出嘅brunch真係好抵食，$399就已經有六個前菜，一個主食，加三款甜品，其中一款前菜仲係英國生蠔真係好抵食✨愛爾蘭生蠔🦪肉色偏牛奶白色，非常肥美，入口帶清新的海水味，口感細膩，連帶子位也極鮮甜✨娜威三文魚簿片，粉紅胡椒及鮮果三文魚有4片，三文魚屬於三文魚腩口感，非常肥美，油脂感爆，粉紅胡椒帶點甜甜地辣辣地，味道特別，同三文魚都幾夾✨海鮮刺身塔，芝麻味中東米，泡菜醬汁中東米嘅口感有少少似白藜麥，有少少煙韌嘅口感，面頭嘅三文魚醬非常creamy，泡菜辣辣地非常開胃✨西班牙八爪魚🐙伴白豆薯仔沙律八爪魚非常新鮮爽口彈牙，配白豆薯仔沙律，口感清新✨自家製蟹餅每一啖都食到一絲絲嘅蟹肉，超足料，蟹肉仲好鮮味，外脆內軟嘅感覺，表面焗到金黃色✨鴛鴦紅酒燴豬臉肉豬臉肉炆得非常淋，同紅酒🍷汁好夾，薯蓉非常香黑松露味，口感細滑✨烤牛骨髓伴和牛肉眼粒牛骨髓係牛嘅精華，一啖咬落去嘅口感有少少似啫喱，非常軟綿，和牛粒油脂豐富，牛味都濃，配搭埋脆身嘅法包一齊食，可以話係絕配✨香煎盲曹魚柳配墨魚汁及風乾蕃茄盲曹魚肉白皙有彈性，外皮煎到非常香脆，墨魚汁非常鮮味，點埋一齊食，更帶出魚香✨甜品✨檸檬🍋撻檸檬撻酸酸甜甜，店員介紹要食咗先，食完呢個甜品可以加強食慾✨白酒燉梨梨超級大個，已經去除雪梨🍐芯，所以唔會食到雪梨嘅酸味，只有清淡嘅白酒香，同淡淡的雪梨清香✨拖肥香蕉批拖肥唔會太甜，批底用咗大量牛油🧈，超級酥香，香蕉剛剛好熟，整體感覺好creamy…Read More

環境service 都好好，食物款式唔算多。雖然menu上拼盤只可以揀2人或4人， 但原來3個人佢都可以叫3人份量既order, 實在太好！ 拼盤有幾款貝殼類食物，感覺十分抵食， 值得推介medium rid eye 牛扒, 味道唔錯，但頭部及尾部偏熟，中段部分五成熟。薯蓉幾好食，夠香偏重牛油味。八爪魚腳夠淋，幾新鮮，但只有一隻腳份量太少$179蜆意粉味道唔錯，好入味， 但食到低部感覺太油整體感覺都幾好，冷凍拼盤最正…Read More

之前食過一次，覺得d生蠔好新鮮，價錢又實惠，於是今次約多2個朋友一齊黎食團圓飯。我地先揀支白酒啦，跟住叫既蠔都有6折先黎一打各4款法國蠔，樣樣試下。相信時間配合，d蠔好大隻又肥美新鮮，試完再集中食鐘意既蠔，再黎多一打。勁滿足啦！食完蠔再黎食頭盤，有佢最出名既自家制蟹餅（有蟹味有蟹絲），海膽阿根廷紅蝦刺身（鮮甜），蟹肉牛油果醬塔配黑魚子（味淡，下次應該要先食，我地次序錯了） 再黎蒜片辣椒炒蝦，好野味呀，唔算辣，鐘意食蒜既人一定要試。主菜黎喇，黑毛豬（菜單名唔記得喇）偏咸，牛尾骨配意大利飯，牛同飯都好入味。最後甜品時段tiramisu，原來星期六日既甜品係不一樣，要去幫襯brunch 先可order特別款式。不過，呢餐已經令我大滿足，期待下次再去食。…Read More

週末最啱悠悠閒食個Brunch chill下～呢間勝在性價比不錯多款食又有蠔食🤣.🌟Brunch $399-Appetizer-▪️新鮮空運生蠔2隻▪️西班牙八爪魚伴白豆薯肉沙律▪️挪威三文魚薄片 粉紅胡椒及鮮果▪️自家製蟹餅▪️海鮮刺身塔芝麻味中東米 泡菜醬汁▪️鴛鴦紅酒燴豬臉肉伴黑松露薯蓉 原本以為要選一款 原來係6款都有小朋友先做選擇 一次過食曬所有招牌款式😋份量真係好良心 尤其係生蠔每人都有2隻新鮮肥美淡淡海水味食得好滿足！.-Main-▪️油封鴨腿伴黑松露薯蓉▪️香煎盲鱈魚柳配墨魚汁及風乾番茄呢兩款主食都高質 鴨腿比較少見好juicy魚柳好嫩滑少骨🤤 可以大啖食～.-Dessert-▪️精選甜品拼盤總共有3款 各有特色！…Read More

忙到好耐冇試過星期六一齊出街，今日難得兩個得閒，就去搵餐廳食brunch ，俾我搵到這一間餐廳有生蠔食，而且有幾多款前菜，最重要的是價錢合理，所以決定一試。Brunch 有好多嘢食，只是每人$399單單是前菜，已經有六款食物。新鮮空運生蠔西班牙八爪魚伴白豆薯肉沙律挪威三文魚薄片自家製蟹餅海鮮刺身塔，芝麻味中東米，泡菜醬汁鴛鴦紅酒燴豬面肉伴黑松露薯蓉生蠔即叫即開，雖然不是很大隻，但勝在夠新鮮。自家製蟹餅，蟹肉超級足料，一切開已經見到蟹肉絲，炸粉不算厚，外皮香脆，咬落啖啖蟹肉。燴豬面肉入味得來，夠淋身，伴上黑松露薯蓉，中和味蕾，不會過於濃味。六款前菜各有特色，除了有豐富的海鮮，還有肉類，而且醬汁的配搭也很特別。即使係brunch, 一啲都不求其，擺盤好精美，單單只係前菜，已經可以好好打卡！主菜同樣有六款，每人選一款。烤牛骨髓伴和牛肉眼粒六款主菜中看見有牛骨髓，馬上令我眼前一亮！自己本身真的很喜歡吃牛骨髓，但是一般餐廳確實不常見，今次看到有，唔使諗一定要試下！這個牛骨髓都幾大條，而且夠深，烤完後牛骨髓的油脂被迫出，未食都已經聞到陣陣的香味，一食落口已經充滿濃郁的油香，牛骨髓的特別口感再加上和牛肉眼粒的咬口，食落更多層次！而多士焗得夠脆，連同牛骨髓和和牛肉粒食，可以中和油膩感！經典和牛肉醬意大利千層麵千層麵十分cheesy ，佈滿整個意大利千層麵，還有拉絲的效果。和牛肉醬調味啱啱好，喜歡這一個的蕃茄味夠濃。甜品拼盤甜品還有三款，食完主菜和前菜，其實已經十分滿足，不過看到精緻的甜品，又忍不住要食。最深刻印象是中間的梨，濃濃的酒香，食落好特別！香蕉拖肥批都好味！雖然餐廳不算大，但是感覺舒適，而呢個brunch 價錢相當合理，食物款式都好多！…Read More

今日去咗灣仔Oyster House食Brunch set，399一位，淨係前菜都有6道，食到飽飽好滿足。先嚟四隻法國生蠔，真係好鮮甜，肉身飽滿而且夠creamy，有種鹹鹹地海水味道，蠔味濃郁又美味。西班牙八爪魚配白豆薯肉沙律，薯蓉甜甜地，加咗白豆同埋八爪魚，比平日有啲咬口，仲帶橄欖油香。挪威三文魚薄片，上面撒咗粉紅胡椒同鮮果，色彩繽紛，好靚好激發少女心！粉紅胡椒有少少麻感，食落感覺好新鮮。海鮮刺身塔，用咗芝麻味嘅中東米同辣辣地嘅泡菜醬汁，加埋彈牙嘅八爪魚，好好口感，整個前菜感覺fresh。鴛鴦紅酒燴豬臉肉伴黑松露薯蓉，豬臉肉燴得好腍，同埋黑松露薯蓉一齊食，味道濃郁香氣四溢。自家製蟹餅，上次都有食過，好重蟹味，仲食到一絲絲蟹肉，外層炸到好香脆，令人回味無窮。主菜有油封鴨腿伴黑松露薯蓉，鴨腿肉肥美，皮煎到好香脆，帶有一種令人垂涎欲滴嘅口感。烤牛骨髓拌和牛肉眼粒，骨髓份量好大條，牛肉眼粒煮到好入味，配埋煮到甜甜地嘅洋蔥同烘到脆口嘅多士，味道一流。我會推薦食完之後刮埋骨髓伴多士，增添多一重享受。最後係精選甜品拼盤！白酒煮梨，甜甜地，清新嘅口感可以中和返主菜嘅味道，梨去咗皮，吸收哂白酒香。香蕉拖肥批，曲奇餅底上面鋪咗焦糖、忌廉同香蕉，味道濃郁而且非常夾，極之邪惡。檸檬撻，上面有層蛋白，甜中帶酸嘅味道，非常適合作為今餐嘅終結。…Read More

假期就睡到自然醒，然後去嘆個豐富brunch~今次去食 The Oyster House brunch，每人$399 有6個前菜、1個主菜及精選甜品拼盤。第一次品嚐韓國生蠔生蠔相當大隻，屬於薄身，質感帶點脆口，新鮮有海水味，而且有after taste 的鮮味，很不錯。挪威三文魚片有粉紅胡椒增加香味，另有西柚肉、橙肉好清新夏日西班牙八爪魚伴白豆薯肉沙律，薯仔香味濃郁，八爪魚又彈牙海鮮刺身塔，芝麻味中東米，泡菜醬汁上面是泡菜膏，濃郁惹味，中間是鮮味的魚籽、八爪魚等，中東米味道幾香。自家製蟹餅中間有惹味的拉絲芝士，與蟹肉餅味道很夾，夠香口。鴛鴦紅酒燴豬臉肉伴黑松露薯蓉豬臉肉入口即溶，紅酒汁好香油封鴨腿伴黑松露薯蓉鴨腿煎得外皮相當脆卜卜，仍鎖住肉汁在鴨肉當中，黑松露薯蓉香味濃郁又綿滑。燒美國春雞伴雞脾菇醬汁春雞也是煎得外皮香脆，雞肉嫩滑，配菇汁味道幾夾。甜品拼盤有檸檬撻、白酒啤梨、香蕉拖肥批由酸到甜品嚐，檸檬撻帶點酸味，十分清新。白酒啤梨質感仍爽脆，淡淡酒香味。香蕉拖肥批，原條香蕉肉，好足料，奶油、香蕉肉、拖肥餅底各方面比例剛好，美味的甜品為這頓午餐劃上完美的句號。…Read More

放假的週末就是要懶洋洋，不用在意時間，不用在意做甚麼，睡飽就吃，吃飽就睡才算得上是假期。今天睡飽就跟朋友出去食brunch，朋友搵到呢間係灣仔性價比超高的brunch，果然是不錯的推介，weekend brunch set(399/人)，已包括6款前菜、主菜及甜品，前菜款式多，適合喜歡多樣化的香港人，另外加$168 仲有2小時free flow 紅白啤酒或汽泡酒，啱晒愛喝２杯的朋友～🥢Starter: 🔸生蠔2隻 生蠔大隻厚用，口感清爽鮮甜，淡淡的海水味，適合夏天享用的。🔸挪威三文魚薄片, 粉紅胡椒及鮮果 配上鮮果的三文魚，有別於平時的肥美，酸酸甜甜，作為前菜好開胃🔸海鮮刺身塔, 芝麻味中東米, 泡菜醬汁 這個辣辣地好惹味，下層是中東米，一粒粒的不會黏口，不像平常吃的米飯，🔸西班牙八爪魚伴白豆薯肉沙律 八爪魚混入白豆薯肉，薯蓉綿密，加入爪魚更加有口感😋🔸自家制蟹餅 炸得香脆，一口蟹餅，㔋月滿的蟹肉，正😋🔸鴛鴦紅酒豬臉肉伴黑松蓉 呢個好好食，煮得軟腍的豬臉肉，醬汁濃厚，一口食落好滋味，亦因為一口，所以不會太漏。餐單設計得非常的好。🥢Main: 🔸油封鴨腿伴黑松露薯蓉 鴨腿皮煎得香脆，而鴨腿肉則軟腍入味，而黑松露薯蓉則比平常牛油薯蓉清淡，無咁漏，反而食更多。🔸經典和牛肉醬意大利千層麵 用上和牛去作肉醬，味道更濃郁，而且軟腍，配上有新鮮蕃茄的醬，有蕃茄的香甜及酸味，惹味但不會漏，好食😋🧁Dessert: 香蕉拖肥批/白酒煮啤梨/檸檬撻 原本諗住甜品會簡簡單，但原來甜品都好豐富好吸引，甜品拼盤3款都好味，而且全部是自家制，所以唔會太甜。檸檬撻清香，酸酸地幾醒胃，而中間的白酒煮梨清甜，而最最最最最好食係英式的香蕉拖肥批，食落一啲都唔漏，個批好輕軟，底層是拖肥批，有拖肥的香，但甜度不會太over，而中間是新鮮香蕉，進一步中和拖肥的甜膩，而香蕉的甜味亦很出，上層是輕軟的鮮忌廉，加埋一齊食真係絕配，好飽之下的我應該都食咗一半🤤…Read More

前菜方面已經非常豪華，有：生蠔、海鮮刺身塔、八爪魚伴白豆薯肉沙律、蟹餅、挪威三文魚薄片、紅酒燴豬臉肉。最有特色嘅一定係佢嘅海鮮刺身塔，食落鮮味四溢，口感豐富。餐廳嘅蟹餅係自家製造，所以用上真材實料，鹹鹹地幾香口。紅酒燴豬臉肉反而幾有驚喜，紅酒嘅味道唔係好濃烈，肉質唔柴口，食完呢幾款前菜其實都已經有啲啲飽肚感主菜方面六揀一，最後揀咗盲曹，平時都係用清蒸嘅方法，而用香煎嘅方法同樣帶出魚嘅鮮味，邊邊位嘅魚油非常豐富，食完無好油膩嘅感覺。最後嘅甜品更加係豐富之中嘅豐富，居然有三款！！！可以先由檸檬批食起，味道酸酸甜甜，中間嘅李子亦好清甜，最後品嚐甜到最高嘅香蕉拖肥…Read More

趁着週末，天氣好返啲，即刻揸車過海周圍覓食一下。今日就俾我哋喺灣仔嘅謝斐道搵到呢一間The Oyster House，喺門口睇咗一陣Menu，發現佢個brunch set好豐富，就決定入去試吓佢。 🐒Weekend Brunch(1200pm-1600pm)💰$399👇🏼Appetisers for sharing ✨新鮮空運生蠔(2隻)✨挪威三文魚薄片，粉紅胡椒及鮮果✨海鮮刺身塔，芝麻味中東米，泡菜醬汁✨西班牙八爪魚伴白豆薯肉沙律✨自家製蟹餅✨鴛鴦紅酒燴豬臉肉伴黑松露薯蓉。👇🏼Main Course🍗油封鴨腿伴黑松露薯蓉🐟香煎盲鰽魚柳配墨魚汁及風乾蕃茄。👇🏼Dessert Platter for sharing ✨白酒煮雪梨✨蛋白檸檬撻✨拖肥慕絲蛋糕成個Brunch set分三part， Appetiser, Main Course, DessertAppetiser 係唔使揀嘅，Menu上面六款都會俾晒你，每樣大概一啖左右，唔會太過多，作為開胃前菜，係幾舒服嘅。特別想提一下，佢打頭陣嘅新鮮生蠔，真係好厚肉，但係有少少海水味同礦物味，食落好滿足。至於Main Course我就揀咗盲鰽魚柳同埋鴨腿伴黑松露。先講下個盲鰽魚柳，肉質好嫩滑，魚肉會有少少甜味，唔會太乾身。有啲地方可能會食盲鰽會食到一啲鹼水味，而今次呢度就相對無，所以我都幾鍾意。而佢個油封鴨腿就有啲surprise到我，佢嘅肉質兩樣嘢：「嫩」、「鮮」。用刀切開嘅時候已經感受到佢肉質嘅軟，睇住把刀切落去肉汁一路滲出來，一啖咬落去真係好香。再整一啖隔離嘅黑松露薯蓉，呢個Main Course我俾100分，的確係幾滿足嘅。你最後就係個甜品啦，想講一下呢間餐廳嘅甜品都幾新穎，唔係單純一件芝士蛋糕就打發你嗰種。上碟果下， 一碟三件，係會感受到誠意。…Read More

🥰The dining experience this time was absolutely fantastic! 💕I had the opportunity to taste some stunning culinary delights. The fresh oysters were juicy and tender, with a taste that instantly transported me to the ocean - so fresh and sweet. 💕💕The thin slices of Norwegian salmon were incredibly delicate, almost melting in the mouth, and paired with a tangy and sweet sauce, it was a perfect combination of flavors. 🐟😋The homemade crab cakes were crispy on the outside and tender on the inside, showcasing the delightful sweetness and aroma of the crab meat. 🦀🦀🫠The roasted bone marrow and beef cubes were a match made in heaven, with the beef being tender and juicy, while the richness of the bone marrow added even more depth to the dish. 🤓💕🥰The spiced duck leg with black truffle mashed potatoes exuded luxury, with its crispy skin and tender meat, perfectly complemented by the decadent black truffle mashed potatoes.♥️🫶🏻…Read More

🤭放假瞓到自然醒絕對係一件幸福事輕輕鬆鬆鄧梓峰😙咁諗住行到邊食到邊見到餐廳裝修幾別緻 座位闊落而且暗暗地幾有情調🤪眼見定價都有啲嚇親但當你見到食物種類咁多元化美食大份又有質素 食足兩個鐘又咁梳乎寫意😌👍🏻😍你就明白呢個價⋯⋯係值架！Brunch Set ❙ $399/pp已包6款Appetizer1款 Main2人開心share Dessert Patter꙳ ꙳ ꙳ Appetizer ꙳ ꙳ ꙳⍥ 新鮮空運生蠔（2隻）新鮮生蠔喎 最理想緊係食返原味道我冇落任何調味 反而更食到鹹鹹鮮鮮海水味輕盈無負擔 難怪朋友足足食左三隻😌⍥ 挪威三文魚薄片·粉紅胡椒及鮮果呢個我好鍾意 唔會勁鹹而且有鮮味最欣賞係唔會好凍🤣！！連埋沙律菜同胡椒食真心唔錯⍥ 海鮮刺身塔·芝麻味中東米·泡菜醬汁🥹一啖啪晒好過癮 口感最出既係中東米咬到一粒粒米幾得意 同時又有少少辣惹味又開胃😋幾有驚喜⍥ 西班牙八爪魚伴白豆薯肉沙律咬到一粒粒八爪魚粒 一啲都唔韌薯仔綿密細緻😗兩個質地雖然差天共地但出奇地夾到喎😚⍥ 自家製蟹餅🤩好有溫度！炸到又香又脆唔油膩 蟹肉比較實淨又足料而且驚喜位係竟然有微微拉絲～～芝士😆仲要自家製 夠晒誠意🫶🏻🫶🏻⍥ 鴛鴦紅酒燴豬臉肉伴黑松露薯蓉又係比我一啖啪落口🤭🤭豬臉肉軟稔 醬汁濃郁偏重口味不過無遮蓋到黑松露既獨特香氣꙳ ꙳ ꙳ Main ꙳ ꙳ ꙳⍥ 香煎盲曹魚柳配墨魚汁及風乾番茄擺盤好吸睛！魚肉鮮嫩無比 肉汁油脂不斷皮唔係煎得激脆 感覺無咁熱氣😳👍🏻簡單調味已經好足 墨魚汁唔會太突出🥰反而食到魚既本人仲正！⍥ 炭燒360日穀飼美國頂級牛肉眼 ❙ +$80朋友係愛牛人士🤣加錢都阻佢唔到咁話Order七成熟 封煎外層 內裡保持粉嫩肉眼帶有少少筋位 需要啲牙力 唔係一味得個稔字架😆꙳ ꙳ ꙳ Dessert Patter꙳ ꙳ ꙳⍥ 檸檬撻酸酸咪咪既檸檬撻 岩晒炎炎夏日撻皮雖然偏軟稔 但牛油香好出甜度控制得好好😌所以食落好輕盈⍥ 白酒煮梨成個梨即刻養生左🤭甜味來自本人 清清喉嚨幾岩我！⍥ 香蕉拖肥批邪惡但吸引既甜品🤩忍唔住一啖又一啖忌廉打得輕盈軟滑下面係香蕉最底係薄薄一層餅底三種唔同口感加埋係好好食🥰🥰比想像中低甜好多我自己一個食左八成✌🏻…Read More