印度餐廳 (Closed)

很久沒有吃過印度菜,在這裡看過食評,評語不錯,決定訂位試,即日book,有位,我們準時去到,侍應沒有問我們有沒有訂位,已帶我們入座,可能沒有其他人訂位,因為入到去包括我們全場只有4台客,有些冷清.侍應很有禮,先送上餐前印度胡椒蝦片,很香很脆,我們點菜後,也先送上每人一小杯湯,像平時飲茶的杯高身一點,味道有些辣,有點怪,我們二人只試一小口,沒有再飲,入正題:芝士烤餅: 新鮮好味,但芝士味很輕.牛油烤餅: 這烤餅較香,我較喜歡這個牛油烤餅.咖哩雜菜: 小小辣,不錯招牌烤雞: 這烤雞較辣,肉質很好,不乾身,越食越想食.咖哩魚: 咖哩魚反而一般,沒什麼特別.份量不多,但我們二人也很飽及只剩下很少雜菜.整體不錯,還有live band 演奏及唱歌,(只唱印度歌),但場面冷清,可能因為星期一晚吧.

奉勸各位人士 沒必要選擇太貴的菜 反正汁是主， 菜是副(同小)。芝士烤餅也不錯，幾款餅都很好吃。味度還是不俗。奶油蝦送飯或其他東西不錯，很多CURRY都不是太SPICY。桌上有3支汁(MINT, BERRY AND UNKNOWN=.=")，也很開胃。不少印度人都黎。不過記住唔用得左手拿食物!!!!!!!不要笑壞人!!!!!!!

媽生日 , 我同佢周圍搵好野食 , 就比我搵到d間野食!入面全部都係印度人招呼 , 所以唔係講eng 真係雞同鴨講環境就比較黑 , 好難睇餐牌!我本身就唔多食辣野 , d到既送就辣左d , 除左咖哩雞 , 雞好滑 , 好好味!叫左個黃飯 , 好特別 , 唔同平時食開既米!

星期五晚,全個尖沙咀好坐少少既餐廳都好多人排隊...所以行左去尖東,因為少D人行到去呢間餐廳樓下既時候有個印度人遞左張傳單俾我地,見唔係太貴而OPEN RICE又全部好評喎,所以就上左去試喇上到去既時候發現真係好少客,全場燈光好暗,仲有蠟燭添,好似幾好坐全埸既人都係外國人,而且侍應都唔識講廣東話(英文都唔係好流利),好似去左旅行咁呀我地一行五個人,叫左一隻燒雞,一個咖哩魚(唔辣),一個印度特色炒飯,一個炸芝士,一個椰菜薯仔,再加兩塊牛油烤餅落左單之後,佢地俾左個湯我地,用茶杯裝,但飲落去好似合味道湯底咁,好咸首先上菜既係炸芝士,唔算好特別,而且佢真係"一舊芝士",唔溶既,不過都唔算難食跟住到隻燒雞上檯既時候,我地都覺得好靚呀~~~同埋已經切好左細細件,侍應仲夾埋落每個人隻碟度添隻雞好香口,有少少辣,但越食越想食而且唔算鞋其餘食品評價如下:咖哩魚(唔辣)好香椰子味,送烤餅一流! 魚塊軟綿綿,幾得意印度特色炒飯其實得好少,我諗係因為佢地食烤餅多掛? 不過呢個都係冇特別,似住家炒飯,唔試都得;椰菜薯仔都係好香椰子味~味道都係好味啦~但冇乜特別牛油烤餅烤餅真係好好味~~~雖然只係叫左兩塊,但係

聖誕日, 新加坡來過節的朋友約尖咀食飯.要好食, 要便宜, 要人少, R到頭都爆, 竟然俾我諗到呢度.$78的自助餐, 包一個standard drink, 連加一, 一百蚊唔使, 啱哂我地過完節, 荷包乾塘的窮人.因為要趕下場, 所以訂了十一點半, 餐廳話自助餐要十二點至開始, 所以我地叫了嘢飲, 慢慢傾下計.Mango Lassi 好好味.成間餐廳得我地四個人十二點, 聞到香味, 對腳自動行去攞嘢食.Samosa,Salad,咖哩魚,Chicken Tandoori免治羊肉,串燒羊,炒豆⻆,待應送來新鮮做起的naan,好飽呀.

同朋友行行下尖東, 忽然就有個人走出黎比左張宣傳我地, 見平平地就上左去試下餐廳裝修都幾好, 靜靜地, 好岩傾計, 我同朋友一人叫左一個set lunch, waiter超友善, 仲幫我地切埋雞同加檸檬汁雞好滑, d汁好好味, 羊都唔錯, 唔中意食羶既就岩岩好睇過正常meun, 唔算平, 不過食得過, 應該會再返去!!

Mango Lassi 好好飲 ~ Chicken Tikka雞肉極之嫩滑, 而且十分入味! 好香口! 落埋d檸檬汁 ~ 正Samosa 素咖喱角,香口但不會覺得油膩, 好味無local食客只有印度和尼泊爾的食客起初在擔心會不會不飽肚但原來吃到一半已經覺得很飽肚最後.......超飽！呢度整體環境比重慶貴, 又靜d 友善的態度舒適的環境和好正宗的lassi確是喜出望外的

某天在尖東廣場 (即是巴西燒烤那商場) 借用洗手間，完事後順便看看附近的商舖，發現這新開的印度餐廳，看其午市的自助餐款式不少，而食客主要也是南亞裔人仕，原本想相約食友在佛誔日一同前往，最後自己那天也分身不遐，決議在週六作「獨家試菜」，明白要過到自己的關口，才有信心介紹給他人。其英文名字是 "The New Sangeet Indian Restaurant"，中文則喚作「新桑吉音樂餐廳」，看侍應或經理的樣子，似是尼泊爾人居多，後來查知「桑吉」這名詞，是尼泊爾人一個名人的姓氏，半桶水的歷史知識，也知多年以前，印度、巴基斯坦與尼泊爾，本屬城邦一家。入到去後奉上蒸餾水一枝，這可夠衛生，出去看看食物，款式可有十餘款以上，近門口放有一個小形的沙律吧，內有蕃茄伴紫洋蔥、西式的雜菜沙律、一大盤鷹咀豆與羅望子等，並有印式乳酪做成的沙律醬或常見的綠色醬汁，名稱及成份倒考起我。拿了首輪食物後，侍者奉上一份白烤餅給我，知道純用麵粉弄的叫做Roti，而加上酥油弄的則是nann這兩大類，無論是何種弄法，南亞裔人士弄烤餅，等同我家母親洗米煮飯般駕輕就熟，今次吃的白烤餅，質地鬆軟並嚐出麵香，雖然較為薄身 ，無礙當天

o係尖咀行黎行去,見到個set dinner $188/2位 好似好多野食就入左去.可能時間早, 無咩客, 全部都係印度人, 有啲擔心唔o岩胃口不過又幾好食..set dinner for 2 有薄餅, 湯(唔知咩湯,麻麻地,好淡),鐵板烤雞(拎到黎已經好香) , 雜菜拼盤(炸的),咖喱羊肉+芝士菠菜+仲有個薯仔唔記得咩名, (羊肉羶羶地, 另外2個醜樣d, 不過味道唔錯)黃薑飯(麻麻), 烤餅,檸檬茶/汽水(我地叫左2杯檸茶,1杯好淡1杯好甜....)(請參巧樓上nigelaren, 係同一個餐..)service幾好... 雖然要用有限度的英文溝通 (反而偷聽到waiter同吧台講"洞拎茶")約人去的話要留意,因為入到去都幾驚, 一台local都無! 夜左仲會有live 印度歌聽... 同行朋友唔多適應坐得好唔安樂...

兩個人係星光行睇左一陣東亞運煙花之後, 誤打誤撞咁行左去尖東見到有間印度餐廳, 就入去試下一入到去, 裏面燈光非常昏暗, 侍應同經理都係印度人, 而且仲有live show唱印度歌坐係窗口旁邊既圓台度, 一望差唔多包場咁滯@@ 少人到呢=,=""唔通印度菜唔多歡迎?餐牌上有個188二人套餐, 見幾抵就叫左~同新德里一樣, 都會有碟薄餅送既拼盤入面配料係薯仔, 幾有特色之後係鐵板, 雞槌+洋蔥+雜菜, 仲有檸檬半個可以自己調味再有薄餅上台, 不過搵布包住好似有d唔衞生咁印度黃薑飯配咖喱牛腩, 芝士菠菜撈埋咁食好味dps: 我隔離果個一坐低就頂唔順d印度歌係度笑, 建議入去前要有心理準備印度歌由8點一直唱, 中途歌手休息播下印度歌, 成晚都會俾d印度音樂濃罩住入座後冇耐開始多人了, 可能d人岩岩睇完東亞運表演至食飯, 不過食既都係印度人全場都係得我地兩個中國人, 係呢度食飯好有異國風情~因為你又聽唔明人地唱乜, 人地又聽唔明我地講乜, 份鐵板未食完, 有幾次侍應都以為我地唔食想收起佢@@而且落單同埋單都要利用有限既英文同動作去溝通, 好有旅行feel